Termos e Condicións do programa Vueling Club

Con efecto a partir de setembro de 2017, estes Termos e Condicións do programa Vueling Club (xunto con, cando sexan aplicables, as Condicións de uso de AGL) establecidos a continuación son importantes e é posible que afecten aos seus dereitos como membro do devandito programa.

Lea atentamente estes Termos e Condicións, e vueling.com antes de dar o seu número de afiliación a Vueling ou a un socio da compañía aérea ou a un socio de servizos. Os Termos e Condicións do programa Punto inclúen algunhas excepcións e limitacións de responsabilidade coas que lle recomendamos que se familiarice.

Se ten algunha pregunta, pregámoslle que se poña en contacto connosco.

1. Contrato de afiliación

Estes Termos e Condicións Vueling Club establecen a relación contractual entre Vueling, AGL e cada membro individual do programa Vueling Club.

AGL é membro do International Airlines Group e a súa función neste contrato está relacionada fundamentalmente coa asignación de puntos Avios, o troco deses puntos, así como clarificar que, de acordo coas Cláusulas 11.1, 12.1 e 14.1, AGL é o titular dos puntos Avios. En consecuencia, AGL tamén recibirá, almacenará e, polo demais, procesará e gardará datos específicos dos membros exclusivamente relacionados con aspectos administrativos do programa Vueling Club, tal como se establece nestes Termos e Condicións. A este respecto, AGL é responsable do tratamento dos datos baixo a Lei de Protección de Datos británica de 1998 e Vueling é responsable do tratamento de datos baixo a lexislación orgánica española. Debe terse en conta que aínda que AGL e Vueling son ambos os dous responsables do tratamento dos datos dos membros, trátase de entidades independentes, cada unha coas súas responsabilidades individuais relativas a aspectos particulares do procesamento dos datos necesarios para a administración do programa Vueling Club.

AGL tamén é parte integrante das condicións establecidas neste acordo en todas as instancias nas que se faga referencia específica a esta.

Definicións

Nestes Termos e Condicións, a non ser que o contexto determine o contrario:

“Condicións de uso de AGL” significa as condicións de uso de AGL que se poden consultar en https://www.avios.com/es/es/terms-and-conditions;

"AGL" significa Avios Group (AGL) Limited;

"Socios da compañía aérea" significa compañías aéreas (que non sexan Vueling) cuxos voos poidan, ocasionalmente, optar a recibir puntos Avios ou gratificacións para os seus socios;

"Avios" significa os créditos denominados como Avios ou puntos Avios obtidos por un membro de AGL e aboados na conta do programa Vueling Club do membro;

"Tarxeta" significa, nos casos nos que se expedise, unha tarxeta de socio do programa Vueling Club, expedida para outorgar a categoría de membro Premium, segundo corresponda;

"Datos" son os datos particulares dun membro;

"Acontecemento fóra do seu control" significa circunstancias extraordinarias e impredicibles que vostede non pode controlar e as consecuencias que vostede non podería evitar, mesmo se adoptase todas as precaucións posibles;

"Fraude" inclúe fraude, deshonestidade e engano e, en particular:

“IAG” significa calquera compañía do International Airlines Group;

"Perda" significa perdas, custos, danos, lesións, accidentes ou reclamacións (tanto directas coma indirectas) sufridas polos membros, relativas á provisión de servizos ou gratificacións;

"Socios de marketing" significa socios de servizo, titulares de franquías, filiais de Vueling e calquera compañía seleccionada por Vueling para ofrecer servizos, produtos ou prestacións aos membros;

"Membro" significa a persoa que é membro do programa Vueling Club;

"Afiliación" significa a afiliación ao programa Vueling Club;

"Número de afiliación" significa o número de afiliación asignado, consonte o punto 2.5. dos Termos e Condicións do programa Vueling Club;

"Mala conduta" inclúe:

"Gratificacións non relativas aos voos" significa calquera gratificación que inclúa, na súa totalidade ou en parte, bens ou servizos, que non sexan voos, proporcionados por ou en nome de Vueling como resultado do troco por parte dun membro dunha cantidade adecuada dos puntos Avios dese membro;

"Voos dos socios" significa calquera voo operado por ou en nome dun dos socios da compañía aérea integrantes do programa Vueling Club;

“Categoría Premium” son os clientes susceptibles de recibir esa cualificación consonte os criterios establecidos por Vueling nun momento determinado ou, a discreción de Vueling, baseándose nas circunstancias aplicables, cando Vueling outorgue notificación (que pode incluír medios electrónicos) de que se acadou a devandita condición e que non está en contradición cos termos establecidos nestas condicións. Os membros coa categoría Premium gozarán da serie de vantaxes que Vueling estableza en cada momento determinado.

“Vantaxes da categoría Premium” significa os privilexios que Vueling ofrece aos clientes coa devandita categoría, que poderá establecer en cada momento determinado e que aparecerán publicadas en http://www.vueling.com/gl/vueling-club/premium

"Procesamento" e "Procesado" inclúe a obtención, utilización, gravación e posesión en formato electrónico ou de calquera outro tipo;

"Gratificacións" significa calquera billete de voo expedido ou calquera outro ben ou servizo proporcionado por ou en nome de Vueling como resultado do troco por parte dun membro dunha cantidade apropiada dos puntos Avios dese membro;

"Sector" significa un sector de voo simple válido entre dous destinos;

"Socio de servizo" significa os socios (incluídos os socios da compañía aérea) e empresas como institucións financeiras e de seguros, hoteis e empresas de alugueiro de vehículos que proporcionan servizos aos membros por mor da súa afiliación;

"Servizos" significa as vantaxes, servizos, gratificacións e prestacións dos que ocasionalmente dispoñan os membros mediante a súa obtención ou como gratificacións, tanto proporcionados por Vueling coma polos seus socios de servizo;

"Programa Vueling Club" significa o programa de fidelización co devandito nome operado por Vueling;

"Vueling" significa Vueling Airlines S.A;

"vueling.com" significa a páxina web de Vueling en www.vueling.com;

2. Afiliación

2.1. Vueling resérvase o dereito de non afiliar a individuos co seu enderezo de residencia rexistrado en determinados países e/ou rexións. Estes países e/ou rexións están suxeitos a cambio; non obstante, notificarase con antelación razoable naqueles casos nos que a eliminación dun país e/ou rexión afecte a afiliación dos membros existentes.

2.2. A afiliación non está aberta a empresas, sociedades, asociacións non constituídas ou entidades similares.

2.3. Para obter a súa afiliación, un individuo debe presentar a súa solicitude en liña en vueling.com e proporcionar a información solicitada.

2.4. A afiliación ofrécese a discreción de Vueling, que poderá rexeitar a afiliación de calquera solicitante.

2.5. Os solicitantes aceptados como membros recibirán un número de afiliación e é posible que se lles entregue unha tarxeta virtual. Non está permitida a afiliación múltiple e cada membro debe manter unha soa conta. En caso de duplicación da afiliación, Vueling resérvase o dereito de cancelar todas as afiliacións existentes (coa excepción da primeira afiliación aprobada por Vueling) e eliminará todos os puntos Avios duplicados existentes.

2.6. A afiliación dos solicitantes farase efectiva na mesma data en que activen a súa conta en liña a través de vueling.com ou na primeira ocasión en que faciliten o seu número de afiliación a Vueling ou a algún dos seus socios de servizo (a que se produza primeiro). Mediante a activación da súa conta en vueling.com, ao usar a tarxeta e/ou proporcionar o seu número de afiliación e/ou participar no programa Vueling Club, os membros aceptan a obrigatoriedade do cumprimento destes Termos e Condicións (coas modificacións que se efectúen ocasionalmente) e da información de vueling.com.

2.7. Cando un membro acepta a migración de Punto a Vueling Club ou un cliente novo se rexistra en Vueling Club, acepta formar parte de ATRP (Avios Travel Reward Programme ou Programa de Fidelización Avios Travel) indistintamente, o que significa que crearemos unha conta para el en Vueling Club e AGL.

2.8. Enviarase a correspondencia ao último enderezo de contacto preferente coñecido do membro e/ou ao enderezo electrónico facilitado na solicitude ou consonte o establecido na Cláusula 3.7. Vueling e AGL resérvanse o dereito de proporcionar información, incluídos cambios no programa Vueling Club, exclusivamente aos membros activos. Un membro activo é un membro que obtivo ou trocou puntos Avios no período comprendido nos últimos 12 meses.

2.9. Nin Vueling nin AGL serán responsables das notificacións recibidas fóra de prazo, perdidas ou enviadas a un enderezo incorrecto.

2.10. A correspondencia enviada polos membros a Vueling ou a AGL deberá remitirse ao centro de servizo do programa Vueling Club.

2.11. A afiliación quedará automaticamente cancelada:

2.11.1. en caso de que caduquen todos os puntos Avios, consonte a Cláusula 9.6, cando un membro non obteña nin troque os puntos Avios ou os puntos mercados, consonte as Condicións de Uso de AGL, durante 36 meses consecutivos; e

2.11.2. tralo falecemento dun membro, caso no que quedarán cancelados todos os puntos Avios non usados no momento do falecemento.

2.12. O programa Vueling Club non é un club de membros nin de socios.

3. Protección dos datos dos membros

3.1. Os datos Procesados por Vueling e/ou AGL relativos aos membros poden incluír:

3.1.1. Datos de afiliación (como puntos Avios acumulados ou trocados) e datos relativos á afiliación a outros programas de pasaxeiros frecuentes;

3.1.2. Datos relativos a viaxes reservadas ou realizadas polo membro, incluídos datos que identifiquen a calquera empresa ou organización que realice a reserva de viaxes para o membro;

3.1.3. Datos facilitados polo membro;

3.1.4. Datos obtidos cando se faciliten servizos ao membro; e

3.1.5. Datos obtidos cando o membro se poña en contacto con Vueling, AGL ou un socio de servizos (como, por exemplo, datos relativos ao uso de vueling.com).

3.2. A orixe dos datos procesados por Vueling relativos aos membros poden incluír a: Vueling, AGL, socios de servizo, socios de marketing, os responsables da reserva ou adquisición de viaxes en nome do membro, axencias de viaxes, sistemas informáticos de reserva, procesadores de datos, axentes e contratistas, así como outras compañías aéreas. Vueling e/ou AGL poderán vincular os datos obtidos de diferentes orixes ou combinalos con outros datos almacenados noutras bases de datos de Vueling ou de AGL, co fin de diferenciar entre categorías de membros e membros doutros programas de fidelización para calquera dos fins listados na sección 3.4 a continuación.

3.3. Os membros dan o seu consentimento:

3.3.1. ao rexistro e procesamento dos seus datos persoais en ficheiros automatizados baixo a responsabilidade de Vueling e AGL, ambas a dúas propiedade de IAG.

3.3.2. a que se faciliten os seus datos a Vueling e AGL, outras empresas de IAG, socios de servizo, socios de marketing, outras compañías aéreas, procesadores de datos, axentes e contratistas, autoridades de inmigración ou aduanas, e axencias gobernamentais ou de seguridade do Estado, algunhas das cales poderían estar localizadas fóra da Área Económica Europea;

3.3.3. a que os seus datos sexan transferidos a outros países, algúns dos cales poderían estar localizados fóra da Área Económica Europea; e

3.3.4. ao procesamento de información de carácter persoal e privada, incluída nos seus datos (como a revelación de información relativa a enfermidades ou crenzas relixiosas).

3.4. As finalidades para as que os datos poden ser procesados por Vueling, AGL ou por outro receptor dos datos baixo a sección 3.3.1, inclúen:

3.4.1. proporcionar servizos aos membros, incluída calquera actividade relacionada cos obxectivos do programa Vueling Club e a relación contractual que mantén con eles, incluída a análise e formación de perfís e, en xeral, o desenvolvemento de actividades de promoción, marketing e análise por parte de Vueling, das Empresas participantes e dos sistemas de reserva;

3.4.2. realizar cambios nos servizos e desenvolver novos servizos;

3.4.3. proporcionar atención ao cliente nos voos de Vueling e nos dos socios da compañía aérea;

3.4.4. contabilidade e auditoría, seguridade e protección, prevención e investigación de fraude, e comprobación, desenvolvemento e mantemento dos sistemas;

3.4.5. a xestión e administración do programa Vueling Club;

3.4.6. relacións cos clientes, recuperación de servizos e asistencia a Vueling e aos seus socios de servizo en futuras xestións cos membros;

3.4.7. verificación e cualificación do crédito, cando sexa posible;

3.4.8. control de inmigración e aduanas;

3.4.9. creación de perfís de clientes e outras análises de marketing e estudos de mercado;

3.4.10. (por ou en nome de Vueling e/ou AGL) comunicar aos membros información sobre o programa Vueling Club, incluída información sobre as vantaxes dese programa, empregando calquera dos datos de contacto facilitados;

3.4.11. (por ou en nome de Vueling ou os seus socios de marketing) comunicar aos membros información sobre outros produtos, servizos ou prestacións ofrecidas por Vueling, AGL, polos socios de marketing ou por outras empresas coidadosamente seleccionadas, empregando calquera dos datos de contacto facilitados;

3.4.12. realización de estudos de mercado; e

3.4.13. calquera outro fin que non resulte evidente ou sexa comunicado ao membro.

3.5. O consentimento para recibir comunicacións de marketing ou de estudos de marketing (baixo as seccións 3.4.11 e 3.4.12) solicítase mediante un cadro de selección no momento do rexistro e o membro pode outorgalo ou retiralo posteriormente accedendo á súa conta e modificando as súas preferencias. O consentimento do membro é aplicable a Vueling e AGL.

3.6. Os membros poden exercer, libre de cargos, os seus dereitos de oposición, acceso, rectificación e cancelación dos seus datos e revogar a súa autorización sen efectos retroactivos, consonte os termos especificados na Ley Orgánica Española 15/1999 sobre Protección de Datos Persoais, segundo o procedemento legal establecido.

3.7. Estes dereitos poden exercitarse por escrito perante os departamentos responsables do ficheiro informático: para Vueling Airlines, S.A. o enderezo é Departamento Legal, Plaza Pla de L’Estany, 5, 08820, El Prat de Llobregat (Barcelona). Tamén se pode enviar un correo electrónico a lopd@vueling.com. Para AGL, o enderezo é PO Box 90, Birchwood, Warrington WA3 7XA (Reino Unido) ou enviar un correo electrónico a customeraccounts@avios.com

3.8. Previamente á facilitación de datos relativos a un membro a outro membro por parte de Vueling e/ou AGL, é posible que se lle solicite ao membro que responda a unha serie de preguntas de seguridade para confirmar a súa identidade e proporcione información en poder de Vueling e/ou AGL sobre ese membro.

3.9. Os membros son responsables da seguridade dos seus nomes de usuario e contrasinais en liña e nin Vueling nin AGL asumen ningún tipo de responsabilidade en caso de que os datos de acceso e/ou contrasinal do membro sexan revelados polo membro, de xeito intencional ou non, de maneira que se permita a unha terceira persoa acceso en liña aos datos, así como para a realización de calquera tipo de transacción. Vueling e AGL resérvanse o dereito de bloquear o acceso en liña aos datos mediante a páxina web dun terceiro non autorizado por Vueling ou AGL.

4. Utilización da tarxeta Vueling Club

4.1. Os membros de Vueling Club terán dereito a recibir unha tarxeta virtual despois de realizar o seu rexistro en Vueling Club. Os clientes poden atopar a tarxeta Vueling Club no seu perfil privado e poden imprimila e descargala directamente desde alí. Do mesmo xeito, os membros poden descargar a tarxeta mediante a aplicación de Vueling dispoñible nas tendas de aplicacións.

4.2. A tarxeta Vueling Club será válida durante o período de tempo establecido por Vueling no momento da súa expedición. Unha vez caducada, o membro deberá volver cumprir as condicións requiridas ou ser seleccionado por Vueling.

4.3. A tarxeta Vueling Club é persoal e intransferible. Calquera transmisión ou uso por outra persoa diferente do titular da mesma considerarase un uso fraudulento ou incorrecto.

5. Categoría Premium

5.1. Os clientes que comprasen 40 voos comercializados por Vueling (cun itinerario de orixe e destino, incluídas paradas intermedias) nun período de 12 meses e que teñan rexistrada unha conta Vueling Club terán dereito a optar á categoría Premium. Vueling tamén poderá determinar, baixo a súa exclusiva discreción, os clientes que poden ser considerados coa categoría Premium e beneficiarse dos privilexios desa categoría, baseándose no seu perfil e nivel de fidelidade.

5.2. Vueling ten normas específicas relativas aos segmentos con dereito a recibir esta categoría: valórase segundo a data de reserva, o cliente titular da conta Vueling Club debe ser tamén o pasaxeiro e o voo de conexión contabilízase como un só voo.

5.3. Vueling resérvase o dereito de multiplicar determinados segmentos segundo diferentes tipos de tarifas ao contabilizar os segmentos co fin de obter a categoría Premium. Por exemplo, na actualidade cada segmento voado coas tarifas Excellence multiplícase por tres.

5.4. Notificarase por medios electrónicos aos clientes seleccionados por Vueling ou que cumpran determinados requisitos determinados a discreción de Vueling que acadaron esa categoría. Esta comunicación pode conter unha ligazón exclusiva e non transferible, con validez mensual, que permita: i) o rexistro coa súa conta Vueling Club se aínda non están rexistrados; ii) se xa son membros, a introdución dunha serie de datos adicionais (enderezo postal para enviarlles a tarxeta física que os identifique como clientes con categoría Premium, data de nacemento e aeroportos preferidos).

5.5. Se o cliente seleccionado non se rexistra coa súa conta Vueling Club antes de rematar o mes no que recibiu a notificación, perderá a oportunidade de gozar da categoría Premium ata que Vueling lle ofreza, en caso de ser aplicable, outra oportunidade para obter esa cualificación mediante unha nova notificación. Os clientes que xa se rexistrasen para obter unha conta Vueling Club e sexan seleccionados/cumpran cos requisitos, só precisarán introducir unha serie de información adicional para recibir a tarxeta Premium.

5.6. Os membros que xa estean rexistrados con Vueling Club pero non comuniquen que non desexan obter a categoría Premium nun prazo de 10 días trala recepción da notificación, a través das canles facilitadas para ese fin, obterana automaticamente xa que se entenderá que a aceptaron de xeito tácito.

5.7. As vantaxes outorgadas aos clientes Premium serán as que ofreza Vueling en cada momento determinado baixo a súa discreción exclusiva, as cales se notificarán aos clientes a través da páxina web http://www.vueling.com/gl/vueling-club/premium

5.8. Para poder gozar das vantaxes Premium, os membros deben identificarse como tal e proporcionar os seus datos de identificación como clientes ao persoal de Vueling ou terceiros, ou rexistrar a súa conta Vueling Club para usar eses servizos Premium. Do mesmo xeito, pediráselle aos membros que verifiquen a súa identidade para poder gozar das vantaxes que ofrece.

5.9. Os membros Premium benefícianse da obtención dobre de Avios unicamente nos voos comercializados e operados por Vueling; os Avios deberán acumularse na súa conta Vueling Club. Mentres que os puntos Avios se ingresan na conta dos membros con posterioridade á data de voo, a acumulación de Avios dobres só se producirá se o cliente xa tiña a categoría Premium no momento de realizar o voo.

5.10. Vueling resérvase o dereito de cancelar a categoría Premium de calquera membro (coa conseguinte retirada da tarxeta, entre outras implicacións) que faga uso das vantaxes outorgadas por Vueling ou calquera empresa asociada dun xeito fraudulento ou inadecuado, ou se incumpre estes Termos e Condicións. Vueling declara de maneira expresa que todos os custos derivados do uso inadecuado ou fraudulento se lle facturarán e deberán ser aboados polos responsables en cuestión.

5.11. Non obstante, Vueling resérvase o dereito a anular a categoría Premium en calquera momento, proporcionando 3 meses de aviso antes de que o programa se considere cancelado.

5.12. Utilización da tarxeta Premium:

5.12.1. Os membros coa categoría Premium terán dereito a recibir a tarxeta física unha vez lles sexa outorgada a categoría Premium e se completen todos os pasos indicados na Cláusula [5].

5.12.2. Vueling enviará a tarxeta Premium física a aqueles clientes con dereito a estatus Premium que a soliciten. A devandita solicitude deberá realizarse a través da súa conta de Vueling Club e o envío realizarase ao enderezo que alí conste.

5.12.3. Do mesmo xeito, os membros poden descargar unha tarxeta Premium virtual a través da aplicación de Vueling (que os membros poden atopar dispoñible nas tendas en liña de aplicacións de software). Os membros tan só terán que descargar a aplicación móbil de Vueling e iniciar unha sesión empregando os seus datos de afiliación.

5.12.4. A tarxeta Premium será válida durante o período de tempo establecido por Vueling no momento da súa expedición. Unha vez caducada, o membro deberá volver cumprir as condicións requiridas ou ser seleccionado por Vueling para obter a categoría Premium.

5.12.5. Tanto a tarxeta física coma a virtual son persoais e intransferibles. Calquera transmisión ou uso por outra persoa diferente do titular da mesma considerarase un uso fraudulento ou incorrecto.

5.12.6. A tarxeta non é unha tarxeta de crédito. Continúa sendo propiedade de Vueling e deberá devolverse, se así se solicita.

5.12.7. O membro deberá presentar a tarxeta Premium ou o número de afiliación, se así llo solicita Vueling, cando utilice os servizos asociados á categoría Premium (mostrador, fast track e embarque prioritario). Os membros deberían engadir o seu número de afiliación a todas as súas reservas no momento de facelas.

6. Servizos proporcionados polos socios de servizo

6.1. Algúns servizos serán proporcionados por Vueling, mentres que outros (como o alugueiro de vehículos) polos socios de servizo. Vueling fará todo o que estea da súa man para garantir a dispoñibilidade dos servizos proporcionados polos socios de servizo, pero non asumirá ningunha responsabilidade por perdas derivadas do incumprimento na provisión deses servizos por parte dos socios de servizo, agás cando ese incumprimento estea causado por Vueling.

6.2. A provisión dos servizos por parte dos socios de servizo está condicionada a que os membros indiquen o seu nome completo e número de afiliación no momento de reservar o servizo e, cando corresponda, amosen a tarxeta e proporcionen información adicional, se así se llo solicita o socio de servizo.

6.3. Cando un membro use servizos non proporcionados por Vueling, os termos e condicións dese socio de servizo relativos a eses servizos serán aplicables, incluídos os termos e condicións relativos a reservas, tíckets, pasaportes e outras cuestións, e Vueling non asumirá ningún tipo de responsabilidade polas perdas acontecidas.

6.4. Vueling poderá suspender as relacións cos seus socios de servizo en calquera momento e avisará aos membros da cancelación na medida en que resulte práctico dadas as circunstancias específicas.

7. Membros susceptibles de recibir puntos Avios

7.1. Só os membros particulares son susceptibles de gañar puntos Avios e cada membro debe indicar o seu correo electrónico e número de afiliación (que deberá coincidir exactamente) no momento da reserva cando use Vueling, os socios da compañía aérea ou socios de servizo.

7.2. Os membros non terán dereito a recibir puntos Avios, se o nome facilitado no momento de realizar a reserva non coincide exactamente co nome rexistrado na afiliación ou se proporcionou información incompleta no momento de realizar a reserva.

7.3. Cada membro é responsable de comprobar que os puntos Avios foron debidamente asignados. Esta comprobación pode facerse en liña en vueling.com

8. Voos e servizos complementarios que poden recibir puntos Avios

8.1. Os puntos Avios poden obterse polos voos comercializados e operados por Vueling en calquera categoría de reserva. Os detalles das categorías de reserva aptas e aplicables na actualidade poden atoparse en https://www.vueling.com/gl/vueling-club/que-e-vueling-club, aínda que estas poden variar ocasionalmente.

8.2. Se un membro troca Avios nun voo empregando Pay With Avios, só poderá acumular Avios na parte correspondente ao pagamento en efectivo do tícket (no modelo de gasto).

8.3. Os puntos Avios poden obterse segundo a distancia nos voos comercializados por Vueling pero non operados por Vueling en calquera categoría de reserva. Os detalles das categorías de reserva aptas e aplicables na actualidade poden atoparse en https://www.vueling.com/gl/vueling-club/que-e-vueling-club, aínda que estas poden variar ocasionalmente.

8.4. Os puntos Avios poden obterse cos programas de fidelidade dos socios seleccionados da compañía aérea (Vueling Club, Iberia Plus, Aer Club ou outros programas de viaxe Avios). Se o cliente acumulou Avios nun programa de fidelización distinto de Vueling Club: os termos e condicións para a obtención e utilización deses Avios estarán suxeitos exclusiva e unicamente aos termos e condicións operativas do socio da liña aérea do programa de fidelización relevante. O cliente poderá elixir en que programa acumular os Avios cando se lle solicite o número de filiación do programa en cuestión.

8.5. En caso de producirse unha reclamación ou algún problema, o cliente deberá contactar co programa de fidelización de viaxeiro habitual no que engadiu os Avios.

8.6. Poden acumularse Avios en todos os produtos relacionados engadidos durante a reserva en liña ata a data da realización do voo, agás no caso de taxas de cancelación de seguros e tarxetas de crédito. Isto só é aplicable no caso dos voos vendidos e operados por Vueling. Debe acumular os Avios na súa conta Vueling Club. Vueling poderá, ocasionalmente, comunicar os criterios para a obtención de puntos Avios nos voos.

9. Obtención de puntos Avios

9.1. Os membros poden obter puntos Avios de AGL a cambio das actividades realizadas con Vueling e os seus socios de servizo. Os métodos para a obtención dos puntos Avios defínense no resto desta Cláusula 9 e en http://www.vueling.com/gl/vueling-club/que-e-vueling-club

9.2. Os puntos Avios obteranse nos voos comercializados e operados por Vueling, unha vez que o membro realice a viaxe, e asignaranse consonte o custo total da compra realizada. Se un cliente desexa acumular puntos nun programa de pasaxeiro frecuente diferente de Vueling Club, deberán estar rexistrados con ese programa de fidelización.

9.3. O membro deberá, coa excepción que se indica a continuación, realizar a viaxe para ese sector para poder recibir os puntos Avios.

9.4. Os puntos Avios só se poderán acumular unha vez por cada voo por membro individual, independentemente do número de asentos mercados. Os puntos Avios aboaranse unicamente ao membro que realizase a viaxe no voo no sector relevante e nunca a terceiras partes.

9.5. Se un membro non obtivo ou non trocou os puntos Avios ou os puntos mercados ou transferidos nun período de 36 meses consecutivos, todos os puntos Avios que puidera ter acumulados ata esa data caducarán e a afiliación quedará automaticamente cancelada consonte a sección 2.11.1.

9.6. Cando un membro é redirixido involuntariamente por Vueling a outro transportista e o voo orixinal reservado polo membro tería dereito a obter puntos Avios, este poderá reclamalos en liña en vueling.com. Vueling fará todo o que estea da súa man para garantir que se aboen na conta do membro todos os puntos Avios adecuados; con todo, é posible que resulte necesario facilitar os datos do itinerario do membro, incluído o resgardo da tarxeta de embarque e as facturas dos pasaxeiros para envialos ao centro de servizo do programa Vueling Club co fin de reclamar o aboamento dos puntos Avios correspondentes.

9.7. Coa excepción de promocións especiais, Vueling non permite o aboamento de puntos Avios cando un membro obteña créditos con outro programa de fidelización en relación cos mesmos servizos e ese tipo de Créditos ou puntos Avios están suxeitos a devolución.

9.8. Vueling contabilizará os puntos Avios na conta persoal do membro. Os puntos Avios non se poden trocar ata que Vueling os contabilice na conta persoal do membro.

9.9. Os puntos Avios que non sexan rexistrados automaticamente no momento de realizar a viaxe poderán ser aboados posteriormente a discreción de Vueling. Os membros poderán reclamar puntos Avios para os voos comercializados e operados por Vueling unicamente no programa Vueling Club (os membros non poderán reclamar os Avios noutros programas de viaxeiro frecuente para os seus voos comercializados e operados por Vueling) despois de realizada a viaxe, tanto en liña en vueling.com coma se se solicita mediante o envío do resgardo da tarxeta de embarque e recibos dos pasaxeiros, sempre e cando a reclamación se faga nun prazo de 3 meses desde a data de viaxe ou a transacción relevante.

9.10. En caso de producirse unha disputa sobre o dereito a recibir os puntos Avios, Vueling poderá solicitar proba da realización da viaxe no sector relevante, incluído o resgardo da tarxeta de embarque e os recibos dos pasaxeiros para o sector que se reclama como voado. As reclamacións deberán presentarse nun prazo de 3 meses desde a data de viaxe.

9.11. Cando os membros realicen unha transacción cun socio de servizo, é posible que teñan dereito a recibir vantaxes e obter puntos Avios, sempre que indiquen o seu número de afiliación no momento de realizar a transacción e, en caso de serlles requirido, presenten a súa tarxeta ou número de afiliación. Nalgúns casos, é posible que se lle solicite ao membro que se rexistre no programa de fidelización dun socio de servizo e que converta os créditos de fidelización do socio de servizo a puntos Avios, se así o desexa. Despois de que o membro elixa entre obter puntos Avios ou créditos de fidelización do socio de servizo, non poderá modificar a súa elección posteriormente.

9.12. Os socios de servizo que ofrezan vantaxes de servizo e a posibilidade de obter puntos Avios aos membros aparecen listados en vueling.com.

9.13. O membro deberá facilitar o seu número do programa Vueling Club ao axente de reserva/viaxe no momento de realizar a reserva da viaxe en Vueling ou cando utilice outros servizos. O membro tamén deberá presentar a súa tarxeta do programa Vueling Club no momento de realizar a facturación. Non facilitar información exacta pode ter como resultado que non se aboen os puntos Avios na conta do membro e que este non reciba determinados servizos.

9.14. Os puntos Avios amósanse na conta do membro do programa Vueling Club ata 35 días despois da data de saída da reserva. Se a súa reserva se cancela ou se reintegra o prezo do billete, non se aboarán puntos Avios.

Vostede debe ser membro do Vueling Club para poder beneficiarse das promocións especiais realizadas por Vueling relativas á obtención de puntos Avios. Os Avios promocionais non se poden acumular noutros programas de pasaxeiro frecuente.

10. Troco de puntos Avios

10.1. Os membros poden trocar os puntos Avios de AGL por gratificacións proporcionadas por Vueling e os seus socios de servizo. Os métodos para realizar o troco dos puntos Avios e o acceso ás gratificacións establécense nas Condicións de uso de AGL - Como usar as gratificacións, que se pode consultar en https://www.avios.com/es/es/terms-and-conditions

10.2. As reservas que conteñan dous ou máis pasaxeiros e fosen pagadas totalmente ou en parte con Avios non poderán dividirse en varias reservas separadas. Se un cliente desexa realizar un cambio na súa reserva, o devandito cambio deberá afectar a todos os pasaxeiros da reserva.

11. Xeral

11.1. Ocasionalmente, Vueling e AGL poden ofrecer tarifas promocionais especiais para as reservas con puntos Avios e/ou gratificacións e esas asignacións e/ou reservas estarán suxeitas aos termos e condicións tal como apareza publicado para cada oferta correspondente, as cales prevalecerán sobre estes Termos e Condicións. A non ser que Vueling permita o contrario, as gratificacións (incluídas as gratificacións procedentes de promocións especiais) non poderán usarse conxuntamente con outras asignacións, promocións, cupóns, descontos e ofertas especiais.

11.2. Coa excepción do aquí exposto, as gratificacións non se poderán trocar por efectivo, nin reintegrar ni cambiar por outros tíckets nin ningunha outra cousa e, nesas circunstancias, poderán quedar anuladas. En ningún caso será posible comprar, vender, intercambiar nin transferir as gratificacións a outras persoas.

11.3. É responsabilidade exclusiva do membro garantir que tanto el coma os demais pasaxeiros cos que viaxa ou calquera terceiro a nome dos cales se expediron as gratificacións:

11.3.1. comprobaron os requisitos de entrada relevantes do país que van visitar; e

11.3.2. dispoñen dos pasaportes correctos, visados, certificados sanitarios e demais documentación de viaxe necesaria.

11.4. Poderase denegar o embarque aos membros, aos seus compañeiros de viaxe e a terceiros a nome dos cales se expediron as gratificacións, se a súa documentación non está en regra. Vueling non asumirá ningún tipo de responsabilidade polas perdas que puidesen sufrir o membro e/ou os demais viaxeiros como consecuencia de non dispoñer de todo o anterior.

11.5. Vueling e AGL resérvanse o dereito de auditar a conta e os rexistros do membro sen aviso previo para comprobar o cumprimento destes termos e condicións, as Condicións Xerais de Vueling para o Transporte e as Condicións de Contrato, así como calquera outra normativa, regulamento ou termos e condicións. Durante a auditoría, o membro non poderá realizar reservas con opción a obter gratificacións, consonte as Condicións de Uso de AGL.

12. Titularidade dos puntos Avios

12.1. Os puntos Avios e todos os dereitos de titularidade e propiedade dos puntos Avios expedidos en calquera momento permanecen con AGL en todo momento e nunca se transfiren ao membro.

12.2. O risco (por exemplo, roubo ou troco non autorizado ou fraudulento) asociado aos puntos Avios transfírense ao membro tan pronto como os puntos Avios quedan rexistrados na conta do membro ou, en calquera caso, asignados ao membro. Nin AGL nin Vueling asumirán ningún tipo de responsabilidade polos trocos non autorizados ou fraudulentos resultantes de accións realizadas polo membro ou polo incumprimento por parte do membro destes Termos e Condicións.

13. Intransferibilidade dos puntos Avios

13.1. A non ser que Vueling e AGL dispoñan o contrario e llo comuniquen ao membro, os puntos Avios non son transferibles (tanto de persoa a persoa, de conta a conta, de extracto a extracto, de tarxeta a tarxeta, etc.) e non se poden legar, deixar en testamento nin traspasar de ningún outro xeito segundo o prevé a lexislación vixente.

13.2. Toda presunta compra, venda, transferencia, uso non autorizado (incluído o troco), adquisición ou cambio de puntos Avios expedidos ou asignados a outra persoa ou calquera outro uso de puntos Avios contrario a estes Termos e Condicións constituirá o incumprimento formal por parte do membro deses Termos e Condicións e, polo tanto, o contrato entre Vueling, AGL e o membro.

13.3. Cada membro acepta que o seu incumprimento, consonte a Cláusula 13.2 anterior, tamén pode constituír un incentivo para a violación do contrato entre Vueling, AGL e o membro, danos intencionais ao negocio de Vueling e/ou AGL, conspiración, así como un delito consonte a lexislación local ou nacional aplicable. Toda violación da Cláusula 13.2 considerarase fraude e/ou mala conduta e resolverase consonte o establecido na Cláusula 15.

14. Dereito do membro a cancelar a afiliación

14.1. Os membros poderán cancelar a súa afiliación en calquera momento comunicándoo por escrito ao centro de servizo do programa Vueling Club, indicando que non desexan continuar sendo membros, ou tamén visitando www.vueling.com ou usando a ferramenta dispoñible no perfil en liña dos membros. Esta cancelación resultará na perda de todos os puntos Avios e non libera ao membro do cumprimento das obrigas contraídas baixo estes Termos e Condicións.

15. Dereito de Vueling a cancelar a afiliación

15.1. Ademais de calquera outro dereito ou reparación que poida ter, Vueling resérvase o dereito a, en calquera momento e á súa absoluta discreción, cancelar a afiliación de calquera membro e/ou (en caso de ser aplicable) o dereito de calquera membro a usar a tarxeta, se un membro comete un fraude, mala conduta, se se lle prohibe a afiliación ou se retira a súa autorización, consonte a Cláusula 3. Vueling deberá escribir a ese membro especificando que a súa afiliación queda cancelada por ese motivo. Vueling e/ou AGL poderán, baixo o seu criterio exclusivo, suspender esa cancelación e impoñer unha redución no tipo de clasificación e/ou eliminar puntos Avios e/ou tipos de créditos e/ou solicitar garantías relativas á súa conduta no futuro.

15.2. En caso de fraude e/ou mala conduta, Vueling e/ou AGL poderán cancelar todos os puntos Avios obtidos e acumulados do membro e calquera tícket de gratificación.

15.3. O membro será responsable perante Vueling e/ou calquera socio da compañía aérea do prezo de calquera viaxe realizada con tíckets de gratificación, na súa totalidade ou parcialmente, como resultado dese fraude e/ou mala conduta, segundo a tarifa publicada aplicable a ese desprazamento, así como calquera outro custo razoable, incluídos honorarios legais, incorridos por Vueling.

15.4. En caso de cancelación da afiliación, deberá devolverse a tarxeta (en caso de ser aplicable) a Vueling. En caso de que un individuo continúe sendo titular dunha tarxeta financeira de marca compartida, non terá dereito a recibir ningún punto Avios nin servizo relacionado.

16. Cancelación do programa Vueling Club

16.1. Vueling e/ou AGL poderán cancelar o programa Vueling Club e Avios en calquera momento. Agás no caso e insolvencia de Vueling ou AGL, estas farán todo o que estea da súa man para proporcionar como mínimo seis meses de aviso previo aos membros. En caso de insolvencia de Vueling ou AGL ou, en calquera caso, ao final do período de notificación, todos os membros aceptan e acordan que o seu dereito a usar os servizos (incluída a obtención e cambio de puntos Avios con AGL) quedará cancelada con efecto inmediato.

17. Modificación ou retirada dos servizos do programa Vueling Club

17.1. Vueling e/ou AGL poderán modificar, retirar, alterar ou engadir a calquera servizo ou outras ofertas ou disposicións ou impoñer calquera requisito ou restrición relativa ao uso dos servizos ou gratificacións. Vueling e/ou AGL proporcionarán aos membros aviso coa máxima antelación que resulte posible sobre esta acción. Pode consultarse a información actual en www.vueling.com

17.2. Exemplos das medidas que Vueling e AGL poderían adoptar consonte a Cláusula 17.1 inclúen a retirada de servizos proporcionados polo propio Vueling, a modificación do dereito a obter e trocar puntos Avios, a retirada dun servizo (como o alugueiro de vehículos) proporcionados por un socio de servizos ou a retirada de gratificacións. Así mesmo, os socios de servizo resérvanse dereitos similares e tamén poderán retirar, alterar ou engadir ou impoñer requisitos ou restricións relativas a eses.

17.3. Considerarase que os membros aceptan as modificacións, retirada, alteración ou adición aos servizos ou gratificacións ou o programa de puntos Avios do programa Vueling Club, consonte a Cláusula 17.1, se despois de recibir a notificación dos cambios, continúan facilitando o seu número de afiliación para a obtención de servizos. Os membros que non desexen aceptar os cambios nos servizos poderán anular a súa afiliación, tal como se describe na Cláusula 14.

18. Cambio de divisa

18.1. Vueling e AGL poderán, ocasionalmente, cambiar a divisa empregada no programa Vueling Club tanto no seu conxunto coma en particular para un país ou rexión específico. Vueling fará todo o que estea da súa man para proporcionar como mínimo seis meses de aviso previo aos membros deste tipo de cambios.

19. Cambios nos Termos e Condicións

19.1. Vueling e AGL resérvanse o dereito a, en calquera momento, realizar cambios a estes Termos e Condicións, sempre e cando proporcionen aos membros un aviso previo razoable, segundo corresponda en cada circunstancia. Os membros que non desexen aceptar as modificacións poderán anular a súa afiliación, tal como se describe na Cláusula 14.

20. Exclusión de responsabilidades

20.1. Nin Vueling nin AGL asumirán ningún tipo de responsabilidade por ningunha perda derivada da modificación ou cancelación do programa nin do dereito a obter ou trocar puntos Avios nin ningún dos servizos, agás as perdas causadas pola súa propia neglixencia ou mala conduta deliberada.

20.2. Nin Vueling nin AGL asumirán ningún tipo de responsabilidade por ningunha perda, se a causa de prohibicións ou restricións legais ou normativas locais, o programa Vueling Club ou a totalidade ou parte dos servizos non poden facilitarse en determinados países ou a determinados membros.

20.3. As limitacións e exclusións de responsabilidades especificadas nas Condicións Xerais de Transporte de Vueling serán aplicables ás viaxes empregando os servizos de Vueling, incluídas as viaxes realizadas con gratificacións.

20.4. As limitacións e exclusións de responsabilidades especificadas nos termos e condicións do socio da compañía aérea relevante serán aplicables ás viaxes empregando os servizos do socio da compañía aérea, incluídas as viaxes realizadas con gratificacións.

20.5. As limitacións e exclusións de responsabilidades especificadas nos termos e condicións de Vueling e/ou AGL e o socio de servizos relevante serán aplicables ás gratificacións non relacionadas cos voos, segundo se lle notifique ao membro no momento de realizar a reserva por parte de Vueling o do socio da compañía aérea.

21. Responsabilidades fiscais dos membros

21.1. Nin Vueling nin AGL realizarán ningunha xestión relativa aos ingresos, usos, exercicio nin ningunha outra obriga fiscal dos membros como resultado da súa afiliación ao programa Vueling Club. Esas responsabilidades fiscais poden derivarse, por exemplo, se un membro obtén puntos Avios e/ou gratificacións como resultado dos seus gastos empresariais. Os membros deberán consultar co seu xestor ou asesor fiscal para obter información máis detallada.

21.2. O membro ten a responsabilidade exclusiva de calquera obriga fiscal na que puidese incorrer como resultado da súa afiliación.

22. Lexislación aplicable

22.1. Na medida en que o permita a lexislación local, estes termos e condicións rexeranse pola lexislación Española. Vueling e cada membro do programa Vueling Club sométense á xurisdición non exclusiva dos tribunais españois para resolver as disputas que puidesen xurdir fóra do seu ámbito.

22.2. Calquera disposición destes Termos e Condicións declarada nula ou non executable por un tribunal ou autoridade competente, no ámbito desa invalidez ou non execución, poderá considerarse excluída e non afectará ao resto de disposicións resultantes, que permanecerán inalteradas.

En caso de existir un conflito no significado entre a versión en castelán destes Termos e Condicións e calquera versión ou tradución das mesmas a outro idioma, prevalecerá a versión en castelán.