Axuda aos nenos refuxiados en Europa
Hai sete anos que comezou a guerra de Siria e a situación humanitaria é hoxe máis grave ca nunca. Os nenos e nenas son os máis afectados, xa que logo de vivir episodios de violencia e medo diario a causa dos ataques aéreos, teñen que sobrevivir en campos de refuxiados sen acceso a comida, espazos seguros nin educación.
Con tan só 1'0 podes axudar a que a organización Save the Children siga axudando aos nenos que son, sen ningunha dúbida, o colectivo máis indefenso dentro das vítimas da guerra.
Que está facendo Save the Children dentro desta crise?
A organización e os seus voluntarios prestan todo tipo de axuda aos nenos e as súas familias. Actualmente Save the Children segue presente en Italia e España traballando en coordinación cos centros de acollida; en Grecia e Macedonia con programas de educación; e en Serbia proporcionando kits de hixiene, alimento e atención, ademais de habilitar espazos seguros de xogo e aprendizaxe para a infancia.
Que se logrou ata agora?
Grazas ás doazóns dos clientes de Vueling, Save the Children transformou o destino de máis de 5 500 nenos, adolescentes e nais que viven ou pasaron polos seus centros de apoio ou campos de refuxiados. En Grecia, proporcionando alimento, apoio emocional e espazos seguros para nais lactantes e os seus bebés, así como implementando un programa de educación para a infancia. En Italia e Alemaña, traballando xunto aos centros de acollida para preservar os dereitos da infancia e, ademais, salvando vidas no Mediterráneo.
Save the Children
Save the Children é unha organización independente que desde 1919 loita por defender os dereitos dos nenos arredor de todo o mundo. A súa acción lévase a cabo en máis de 120 países e, baixo o marco da Convención sobre os Dereitos do Neno de Nacións Unidas, proporcionan seguridade e protección aos menores que se atopan nunha maior situación de vulnerabilidade. +info