Mascotas a bordo

Contámosche todo acerca do transporte de mascotas, porque en Vueling nos gustan os animais tanto coma a ti!

Animais de compañía

Podes levar contigo a bordo:

Cans
Gatos
Aves (non de rapina)
Peixes
Tartarugas

Animais non permitidos: roedores, coellos, furóns, animais de granxa, aves de rapina e réptiles.

Reserva e check-in:
Selecciona a tarifa Basic para que poidas incluír a túa mascota. O día do voo acude ao mostrador de facturación para que che asignemos un asento.

Voos nacionais 25,00

Voos internacionais e Canarias 40,00
Transporte e voo:
A túa mascota deberá voar nunha caixa de viaxe homologada que non sexa ríxida (medidas máx. 45x39x21 cm e 8 kg coa mascota dentro). Durante o voo irá no chan, entre as túas pernas ou debaixo do teu asento.
Filtro de seguridade:
A caixa de transporte pasará polo escáner xunto coa correa e a comida, mentres que a mascota pasará o arco detector nos teus brazos ou camiñando.

Lembra...

Cada pasaxeiro poderá viaxar cunha única mascota e só se permiten 2 mascotas por voo.
O servizo só está dispoñible para voos operados por Vueling.
Debes levar a cartilla de vacinación da túa mascota e, en caso de voos internacionais, o seu pasaporte (consulta co teu veterinario como solicitalo).
A comida para a túa mascota pódela levar na equipaxe de man.
Non poderás sacar a túa mascota da caixa de transporte ata o desembarque do avión.
Importante: este servizo non está dispoñible para voos con orixe ou destino Reino Unido e Irlanda.

Seguro de mascotas

A túa mascota pode ser o teu mellor compañeiro de viaxe. Asegura o seu benestar e viaxa máis tranquilo.

Gastos veterinarios no estranxeiro.
Gastos por busca en caso de perda da mascota.
E moito máis!

Consulta as condicións do seguro de mascotas.

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Cans de asistencia

Se precisas viaxar cun can de asistencia, só tes que indicárnolo durante a reserva do voo ou chamando ao noso Centro de Atención ao Cliente despois de finalizar a reserva.

Viaxas dentro da Unión Europea? Ten en conta o seguinte:

O can debe ter polo menos 3 meses de idade e estar debidamente identificado (tatuaxe ou microchip).
Debe viaxar cun pasaporte emitido por un veterinario que certifique que o can se vacinou contra a rabia entre 30 días e 12 meses antes do voo.
Para Suecia, Irlanda e Reino Unido tamén cómpre un xustificante de vacinación.

Se viaxas fóra da Unión Europea, consulta os requisitos de viaxe co consulado do país de destino.

Podes contratar este servizo...