Europako haur errefuxiatuentzako laguntza
Duela zazpi urte piztu zen gerra Sirian eta egoera humanitarioa inoiz baino larriagoa da gaur egun. Haurrak dira kaltetuenak, aire-erasoen ondorioz egunero indarkeria- eta beldur-gertaerak bizitu ostean, errexufiatu-eremuetan biziraun behar baitute, janaririk, gune segururik eta hezkuntzarik gabe.
Euro bakar baten truke Save the Children erakundeari sostengua eman diezaiokezu, gerraren biktimen barruan kolektiborik babesgabeena osatzen duten haurrak laguntzen jarrai dezan.
Zer ari da egiten Save the Children krisi honetan?
Erakundea eta bere boluntarioek mota guztietako laguntza ematen diete haurrei eta beren familiei. Gaur egun Save the Children Italiako eta Espainiako harrera-zentroekin koordinatuta ari da lanean; Grezian eta Mazedonian hezkuntza-programak jarri ditu abian; eta Serbian higiene-kitak, elikagaiak eta arreta ematen dizkie, eta haurrentzat jolasteko eta ikasteko gune seguruak eraiki ditu.
Zer lortu da orain arte?
Vueling-eko bezeroen dohaintzei esker, beren babes-zentroetan edo errefuxiatu-eremuetan bizi diren edo horietatik pasatu diren 5.500 haurren, nerabeen eta amen patua aldatu du Save the Children-ek. Grezian, elikagaiak, babes emozionala eta gune seguruak eman dizkie ama bular-emaileei eta euren haurtxoei, eta hezkuntza-programa bat inplementatu du haurrentzat. Italian eta Alemanian, harrera-zentroekin batera lanean dihardu, haurren eskubideak mantentzeko eta, gainera, bizitzak salbatzen ditu Mediterraneoan.
Save the Children
Save the Children erakunde independente bat da, 1919az geroztik munduaren luze-zabalean haurren eskubideen alde borrokatzen dena. 120 herrialde baino gehiagotan dihardu eta, Nazio Batuetako Haurren Eskubideei buruzko Hitzarmenaren esparruaren barruan, kalteberatasun handiagoko egoeran diren adingabeei segurtasuna eta babesa ematen die. info +