Vueling Club Programako Terminoak eta Baldintzak

Jarraian azalduko diren Vueling Club-eko Terminoak eta Baldintzak (AGL-ren erabilera-baldintzak, egoki denean) 2017ko irailetik aurrera indarrean sartuko dira. Zuretzat garrantzitsuak dira eta zure eskubideei eragiten diete, Vueling Club Programako kide zarenez.

Termino eta Baldintza hauek arretaz irakurri behar dituzu, baita vueling.com ere, Vueling-i, elkartutako hegazkin-konpainia bati edo zerbitzu-bazkide bati zure bazkide-zenbakia eman baino lehen. Punto Programaren Terminoek eta baldintzek erantzukizunaren salbuespenak eta mugapenak dauzkate eta ezagutzea komeni zaizu.

Zalantzarik izanez gero, kontsulta egiguzu.

1. Partaidetza-akordioa

Vueling Club-eko Termino eta Baldintza hauetan Vueling AGL eta Vueling Club Programako kide bakoitzaren arteko kontratuzko harremana azaltzen da.

AGL-k International Airlines Group osatzen du eta bere egitekoa, kontratu honetan, Avios puntuak emateari lotuta dago, batez ere, Avios puntuak trukatzeari eta AGL Avios puntuen titularra dela argitzea, 11.1., 12.1 eta 14.1 Klausulekin bat etorriz. Ondorioz, AGL-k ere egoki diren bitartekoak erabiliz, bezero zehatzei dagozkien datuak jaso, bildu, prozesatu eta mantenduko ditu, Vueling Club Programaren kudeaketari lotuta, Termino eta Baldintza hauetan deskribatzen den moduan. Hala, AGL Datu-kontrolatzaile bat da English Data Protection Act 1998 legearen arabera eta Vueling, berriz, Espainiako lege organikoaren arabera. Kontuan hartu, mesedez, AGL eta Vueling kideen datuen datu-kontrolatzaileak badira ere, Datu-kontrolatzaile askeak direla. Bakoitzak erantzukizun propioak dauzka datuen prozesamenduaren alderdi ezberdinen gainean, Vueling Club Programa kudeatzeak dakartzanen artean.

AGL, gainera, Akordio honetako terminoetako alderdi bat da berariaz zehazten denean.

Definizioak

Termino eta Baldintza hauetan, testuinguruak besterik ezarri ezean:

"AGL erabilera-baldintzak" AGL erabiltzeko baldintzak esan nahi du, hemen ikus daitekeenez: https://www.avios.com/es/es/terms-and-conditions

"AGL-k" Avios Group (AGL) Limited esan nahi du,

"Elkartutako hegazkin-konpainiak" Vueling ez diren hegazkin-konpainiak esan nahi du, bere hegaldiak noizean behin, Avios puntuak edo bazkideentzako onurak eman ditzaketenak.

"Avios" Avios edo Avios puntuak izeneko kredituak dira, AGL-ko bazkide batek lortzen dituenak eta bazkide baten Vueling Club Programako kontuan abonatzen direnak.

"Txartela" Vueling Programako kide izateagatiko txartela jaulkitzen denean erabiltzen da, Premium estatuserako, egoki denean.

"Datuak" bazkide baten datu pertsonalak dira.

"Bere kontrolpetik kanpo dauden baldintzak" ezin kontrola ditzakezun baldintza arrotzak eta saihetsezinak dira, horien ondorioak saihesteko modurik izan ez dutenak arrazoizko neurri guztiak hartuagatik.

"iruzurra" iruzurra da, zintzotasun eza eta gezurra, eta zehatzago:

"IAG" International Airlines Group-eko edozein hegazkin-konpainia da;

"Galtzea" galerak, kostuak, kalteak, lesioak, istripuak edo eskariak (zuzenak edo zeharkakoak) dira, bazkideei eragiten dietenak, zerbitzuak edo onurak emateari dagokionez.

"Marketin-bazkideak" Vueling-en zerbitzu-bazkide, frankiziatu eta filialak dira, baita Vueling-ek bazkideei zerbitzuak, produktuak edo instalazioak emateko aukeratutako edozein enpresa ere.

"Bazkidea" Vueling Club Programako bazkide den pertsona da;

"Partaidetza" Vueling Club Programako kide izatea da;

"Bazkide-zenbakia" Vueling Club Programako Termino eta baldintzetako 2.5. puntuaren arabera esleitutako bazkide-zenbakia da.

"Behar ez bezalako jokabideak" honakoa barne hartzen du:

"Bestelako onurak"guztiz edo parte batean Vueling-ek edo bere izenean eskainitako hegaldiak ez diren ondasunak edo zerbitzuak ematean datzan onura oro da, bazkide batek bere Avios puntuen truke aldatzen dituenean,

"Bazkideen hegaldiak" Vueling Club Programako elkartutako hegazkin-konpainia batek operatutako edozein hegaldi da, edo bere izenean;

"Premium Estatusa" bezero kualifikatu bat da, Vueling-en une jakin batean indarrean dauden irizpideen arabera, Vueling-ek ezarritako moduan eta egoki diren baldintzei erreparatuta, Vueling-ek estatus hori lortu dela eta dokumentu honetan ezarritako termionen aurka egin gabe jakinarazita (bitarteko elektronikoak erabiliz egin lezake). Premium estatusa duten bazkideek Vueling-ek ezar ditzakeen hainbat abantaila gozatuko dituzte, edozein unetan.

"Premium Estatuseko Onurak" Vueling-ek Premium Estatusa duten bezeroei ematen dieten abantailak dira; edozein unetan erabaki ditzake eta hemen kontsulta daitezke: http://www.vueling.com/eu/vueling-club/premium

"Prozesatzea" eta "prozesatua" lortzea, erabiltzea, grabatzea eta formatu elektronikoan edo bestelakotan pilatzea da;

"Onurak" Vueling-ek edo bere izenean jaulkitako pasaje-txartelak dira, edo Vueling-ek edo bere izenean emandako bestelako zerbitzuak edo ondasunak, bazkide batek bere Avios puntuen zati baliokidea trukatzean.

"Sektorea" bi helmugen artean aukera daitekeen hegaldi-sektorea da;

"Zerbitzu-bazkidea" bazkideak dira (elkartutako hegazkin-konpainiak barne) eta finantza- eta aseguru-erakundeak, hotelak eta autoak alokatzeko konpainiak, kideei zerbitzuak ematen dizkietenak Programako kide diren heinean.

"Zerbitzuak" noizean behin bazkideen eskura jarriko diren abantailak, zerbitzuak, onurak eta instalazioak dira, Vueling-ek edo zerbitzu-bazkideek emandako onurak jasotzearen bitartez;

"Vueling Club Programa" Vueling Club Programa izeneko fidelizazio-programa da, Vueling-ek operatua;

"Vueling" Vueling Airlines S.A. da;

"vueling.com" Vueling-en webgunea da, www.vueling.com helbidean;

2. Partaidetza

2.1. Vueling-ek beretzat gordetzen du zenbait herrialde edo eskualdetan bizi diren pertsonak kide ez egiteko eskubidea. Herrialde edo eskualde horiek aldatu egin daitezke. Hala ere, herrialde edo eskualde baten bazterketak bazkideei eragingo badie, arrazoizko aurrerapenaz jakinaraziko da.

2.2. Enpresak, elkarteak, barneratu gabeko elkarteak eta antzekoak ezin dira programako bazkide izan.

2.3. Bazkide izan nahi duen pertsona orok online eskatu behar du, vueling.com-en, eta eskatzen zaion informazioa eman.

2.4. Programako kide izatea Vueling-en nahierara eskaintzen da, eta edozein eskatzaileri uka diezaioke.

2.5. Bazkide gisa onartzen diren eskatzaileek bazkide-zenbakia jasoko dute eta txartel birtuala jaso ahal izango dute. Behin bakarrik izan daiteke programako kide eta bazkide bakoitzak kontu bakarra izan dezake. Partaidetza bikoiztuz gero, Vueling-ek beretzat gordetzen du partaidetza guztiak bertan behera uzteko eskubidea (Vueling-ek onartutako lehena izan ezik) eta bikoiztutako Avios puntu guztiak ezabatuko ditu.

2.6. Eskatzaileak bazkidetzat hartuko dira bere kontua vueling.com-en online aktibatzen duen egunean, edo Vueling-i edo zerbitzu-bazkide bati bere bazkide-zenbakiaren berri ematen dion lehen aldian (lehendabizi gertatzen dena). Bere kontua vueling.com-en aktibatzean, txartela erabiltzean, bazkide-zenbakiaren berri ematean edo Vueling Club Programan parte hartzean, bazkideek Termino eta baldintza hauek onartzen dituzte (aldian behin alda daitezke), baita vueling.com-en eskura dagoen informazioa ere.

2.7. Bazkide batek Punto-tik Vueling Club-erako migrazioa onartzen duenean edo bezero berri bat Vueling Club-en erregistratzen denean, bezero horiek aldi berean ATRP-ko (Avios Travel Reward Program) kidea izatea onartzen dute; hortaz, eurentzat kontu bat sortuok da Vueling Club-en eta AGL-n.

2.8. Korrespondentzia bazkidearen lehenetsitako azken posta-helbidera bidaliko da, edo bere helbide elektronikora, honek eskaera egitean 3.7. Klausulan ezarritako moduan adierazi bezala. Vueling eta AGL-k beretzat gordetzen dute informazioa, Vueling Club Programako aldaketak barne, bazkide aktiboei bakarrik emateko eskubidea. Bazkide aktiboak dira Avios puntuak aurreko 12 hilabeteetan lortu edo trukatu dituztenak.

2.9. Vueling eta AGL ez dira erantzule izango atzeratutako, galdutako edo gaizki bidalitako postaren aurrean.

2.10. Bazkideek Vueling edo AGL-ri bidali nahi dieten korrespondentzia Vueling Club Programako zerbitzu-zentrora helarazi beharko dute.

2.11. Partaidetza automatikoki amaituko da:

2.11.1. Avios puntuak 9.6 klausulari jarraiki iraungi badira bazkide batek Avios punturik lortu edo trukatu ez badu eta punturik erosi ez badu AGL-ren erabilera-baldintzen arabera, 36 hilabetez jarraian, eta

2.11.2. bazkide baten heriotzarengatik; kasu horretan pilatutako eta erabili gabeko Avios puntuak baliogabetuko dira.

2.12. Vueling Club programa ez da bazkide edo jabeen klub bat.

3. Bazkideen datuen babesa

3.1. Vueling-ek edo AGL-k prozesatzen dituzten bazkideen datuak izan daitezke:

3.1.1. Partaidetza-datuak (pilatutako edo trukatutako Avios puntuak) eta bestelako maiztasun handiko bidaiarien programei buruzko datuak.

3.1.2. Bazkideak egindako edo erreserbatutako bidaiei buruzko datuak, bazkideentzat bidaia erreserbatzen duen enpresaren edo erakundearen datuak barne.

3.1.3. Bazkideak emandako datuak;

3.1.4. Bazkideari zerbitzuak ematean eskuratzen diren datuak; eta

3.1.5. Bazkidea Vueling-ekin, AGL-rekin edo zerbitzu--bazkideekin harremanetan jartzean eskuratzen diren datuak, vueling.com erabiltzeari buruzko datuak adibidez.

3.2. Vueling-ek prozesatzen dituen datuak Vueling, AGL zerbitzu-bazkide, marketin-bazkideetatik etor daitezke, bazkideak erreserbatutako edo egindako bidaiak erosten dituztenetatik, bidaia-agenteengandik, erreserba-sistema informatikoetatik, datu-prozesagailuetatik, agenteengandik, azpi-kontratatzaileengandik eta beste hegazkin-konpainietatik. Vueling-ek edo AGL-k jatorri ezberdinetatik lortutako datuak bat egin ditzakete, edo Vueling-ek eta AGL-k bestelako datu-baseetan dauzkaten datuekin lotu, bazkide-kategoria ezberdinak eta bestelako fidelizazio-programetako bazkideak ezberdintzeko, 3.4 atalean aipatutako helburuetarako.

3.3. Bazkideek zera onartzen dute:

3.3.1. bere datu pertsonalak IAG osatzen duten Vueling eta AGL-ren ardurapeko fitxategi automatizatuetan erregistratzea eta prozesatzea.

3.3.2. bere datuak Vueling eta AGL-ri ematea, IAG-ko beste enpresa batzuei, zerbitzu-bazkideei, marketin-bazkideei, beste hegazkin-konpainia batzuei, datu-prozesatzaileei, agente eta azpi-kontratatzaileei, inmigrazio- eta aduanetako agintariei eta gobernu-erakundeei eta legea betearazteko ardura dutenei; horietako batzuk Europako Gune Ekonomikotik kanpo egon daitezke.

3.3.3. bere datuak beste herrialde batzuetara igortzea; horietako batzuk Europako Gune Ekonomikotik kanpo egon daitezke; eta

3.3.4. bere datuetan jasotzen diren datu pertsonal konfidentzialak prozesatzea (adibidez, gaixotasun edo erlijio-sinismena agertzea).

3.4. Vueling, AGL edo datuen beste edozein hartzailek 3.1.aren pean helburu hauetarako prozesatu ahal izango ditu datuok:

3.4.1. bazkideei zerbitzuak ematea, Vueling Club Programako helburuei loturiko jarduera oro barne eta dagoen kontratuzko harremana, adibidez, profilak sortzea eta aztertzea eta Vueling-ek, parte hartzen duten enpresek eta erreserba-sistemek oro har, promozio-, marketin- eta azterketa-ekintzak burutzea.

3.4.2. zerbitzuak aldaraztea eta zerbitzu berriak sortzea;

3.4.3. bezeroari arreta ematea Vueling-en hegaldietan eta elkartutako hegazkin-konpainietan;

3.4.4. kontabilitatea eta ikuskapena, babesa eta segurtasuna, iruzurraren prebentzioa eta ikerketa eta sistemen garapena, froga eta mantentzea.

3.4.5. Vueling Club Programaren gestioa eta administrazioa;

3.4.6. bezeroekiko harremanak, zerbitzuak berreskuratzea eta Vueling eta zerbitzu-bazkideei laguntza ematea bazkideekiko hurrengo harremanetan.

3.4.7. baimenduta dagoenean kreditua egiaztatzea eta puntuatzea;

3.4.8. inmigrazio- eta aduana-kontrola;

3.4.9. bezero-profilak sortzea eta bestelako marketin-azterketak eta merkatu-azterketak:

3.4.10. (Vueling-en edo AGL-ren aldetik, edo bere izenean) bazkideei Vueling Club Programari buruzko informazioa ematea, Vueling Club Programako abantailei buruzko informazioa barne, emandako harremanerako edozein daturen bitartez;

3.4.11. (Vueling-en edo AGL-ren eskutik, edo bere izenean) bazkideei Vueling-ek, AGL-k, marketin-bazkideek edo bestelako enpresek, arretaz hautatuta, eskaintzen dituzten produktu, zerbitzu edo instalazioei buruzko komunikazioa, emandako harremanerako datuen bitartez;

3.4.12. merkatuko azterketak egitea; eta

3.4.13. bazkidearentzat agerikoa izan daitekeen edo jakinarazten zaion beste edozein helburu.

3.5. 3.4.11 eta 3.4.12 ataletako marketin-jakinarazpenak eta merkatu-azterketak jasotzeko baimena izena emateko unean laukitxo bat markatuz ematen da. Bazkideak eman edo ukatu egin dezake, beranduago, bere kontuan saioa abiaraziz eta lehentasunak aldatuz. Bazkidearen baimena Vueling-i eta AGL-ri ematen zaie.

3.6. Bazkideek, inolako kargurik gabe, bere datuetara sartzeko, zuzentzeko, baliogabetzeko eta aurka egiteko eskubideak gauzatu ahal izango dituzte, baita bere baimenean atzera egin ere, atzerako eraginik gabe, Izaera Pertsonaleko Datuak Babesteko 15/1999 Lege Organikori jarraiki, legeak ezarritako prozeduraren arabera.

3.7. Eskubide horiek idatziz gauza daitezke artxibategi informatikoaren arduradunak diren sailetan. Vueling Airlines, S.A.-ren kasuan, hauxe da: Lege Saila, Pla de L'Estany Plaza 5, 08820, El Prat de Llobregat (Bartzelona). Helbide honetara mezu elektronikoa ere bidal daiteke: lopd@vueling.com. AGL-ren helbidea hau da: 90 Posta-kutxa, Birchwood, Warrington WA3 7XA, edo customeraccounts@avios.com helbide elektronikoa.

3.8. Vueling-ek edo AGL-k bazkide bati bazkide horri buruzko datuak eman baino lehen, gerta daiteke segurtasun-galderei erantzun behar izatea; horrek bere nortasuna berrestea eska dezake, Vueling-en edo AGL-ren esku dagoen bazkideari buruzko informazioa emanez.

3.9. Bazkideak bere erabiltzaile eta online pasahitzen segurtasunaren erantzule dira. Vueling-ek eta AGL-k ez dute ardurarik izango bazkide batek saioa abiatzeko izena edo pasahitza jakinarazten baditu, nahita ala ez, hirugarren pertsona batek datuetara sartzeko eta transakzioak egiteko modua izateko aukera emanez. Vueling-ek eta AGL-k beretzat gordetzen dute hirugarren batek online datuetara webgunearen bitartez sartzea blokeatzeko eskubidea, Vueling-en edo AGL-ren baimenik gabe.

4. Vueling Club Txartelaren erabilera

4.1. Vueling Club-eko bazkideek txartel birtuala jasotzeko eskubidea izango dute Vueling Club-en izena emandakoan. Bezeroek Vueling Club-eko txartela bere profil pribatuan aurkituko dute, handik deskargatu eta inprima dezakete. Halaber, bazkideek txartela Vueling-en aplikaziotik deskarga dezakete, aplikazio-dendetan eskura.

4.2. Vueling Club-eko txartela Vueling-ek jaulkitzean adierazitako tartean baliagarria izango da. iraungitakoan, bazkideak beharrezkoak diren baldintzak bete beharko ditu, edo Vueling-ek aukeratua izan.

4.3. Vueling Club txartela pertsonala eta besterenezina da. Lagatzea edo txartelaren titularra ez den beste edozeinek erabiltzea behar ez bezalako edo iruzurrezko erabileratzat joko da.

5. Premium Estatusa

5.1. 12 hilabetetan Vueling-ek merkaturatutako 40 hegaldi erosi dituzten bezeroek (joan-itzuliko ibilbidea, edozein eskala barne), Vueling Club kontua baldi badute, Prmiuim estatuserako eskubidea izango dute. Vueling-ek, bere nahierara, zein bezerok duten Premium estatusa izateko eta estatus horretako abantailak jasotzeko eskubidea erabaki dezake, bere profilaren eta fideltasun-mailaren arabera.

5.2. Vueling-ek arau zehatzak dauzka eskubidea duten segmentuei dagokienez. Zenbaketa erreserbaren dataren arabera egiten da, Vueling Club-eko kontuaren titularra bidaiaria izan behar da eta konexiodun hegaldiak hegaldi bakartzat jotzen dira.

5.3. Vueling-ek beretzat gordetzen du tarifa-mota ezberdinen hainbat segmentu biderkatzeko eskubidea, segmentuak zenbatzean, Premium estatusa lortzeko. Adibidez, orain Excellence tarifekin bidaiatzen den segmentu bakoitza hirurekin biderkatzen da.

5.4. Vueling-ek hautatutako eta Vueling-en nahietara betekizunak betetzen dituzten bezeroek bitarteko elektronikoen bidez aipatutako estatusa lortu izanaren jakinarazpena jasoko dute. Jakinarazpen horrek esteka bakarra eta besterenezina izan dezake, hilabeteko balioduna, zera ahalbidetzen duena: i) Vueling-eko kontuan izena ematea, oraindik izena eman ez bada; ii) bazkidea izanez gero, informazio osagarria zehaztea (posta-helbidea Premium estatusa duen bezero gisa identifikatzeko txartel fisikoa jasotzeko, jaioteguna eta lehenetsitako aireportuak)..

5.5. Aukeratutako bezeroak ez badu bere Vueling Club kontuaren izena ematen jakinarazpena jasotzen den hilabetean, Premium estatusa jasotzeko eskubidea galduko du Vueling-ek, egoki bada, estatus hori lortzeko beste aukera bat eman arte, beste jakinarazpen baten bitartez. Dagoeneko Vueling Club kontu batean izena eman duten bezeroek, hautatuak izanez gero edo betekizunekin bat badatoz, informazio osagarria eman beharko dute Premium txartela jasotzeko.

5.6. Dagoeneko Vueling Club-en izena eman duten bezeroak, Premium estatusa izan nahi ez dutela jakinarazten ez badute, jakinarazpena jasotzen denetik 10 egunera horretarako emandako bideak erabiliz, automatikoki estatus hori lortuko dute, esan gabe onartu dutela ulertuko baita.

5.7. Premium bezeroei esleitutako abantailak Vueling-ek une jakinetan eskura jartzen dituenak izango dira, guztiz bere nahierara. Bezeroei www.vueling.com/premium webgunean jakinaraziko dira. http://www.vueling.com/eu/vueling-club/premium

5.8. Premium abantailak jasotzeko, bezeroek Premium bazkide gisa identifikatu beharko dira, Vueling-eko edo hirugarrenen langileei bere bezero-identifikazioaren informazioa emanez edo bere Vueling Club kontuan izena emanez www.myvueling.com-eko Premium zerbitzuak erabiltzeko. Halaber, bazkideek bere nortasuna frogatu beharko dute abantailak erabili ahal izateko.

5.9. Premium bazkideek Avios kopuru bikoitza pilatzeko abantaila dute Vueling-ek merkaturatutako eta operatutako hegaldietan bakarrik. Avios puntuak Vueling Club-eko kontuan pilatu behar dira. Avios puntuak hegaldi-dataren ostean gehituko dira bazkideen kontuan, eta Avios puntuen kopuru bikoitza lortzeko bezeroak Premium estatusa izan behar du bidaiako unean.

5.10. Vueling-ek beretzat gordetzen du edozein bazkideren Premium estatusa baliogabetzeko eskubidea (ondorioz txartela kenduko zaio, besteak beste) Vueling-ek edo elkartutako beste enpresaren batek emandako abantailak iruzurra eginez erabiliz gero edo Termino eta baldintza hauek urratzen badira. Vueling-ek berariaz adierazten du iruzurrez edo behar ez bezala egindako erabileratik eratorritako gastuak arduradunei egotziko zaizkiela eta ordaindu egin beharko dituzte.

5.11. Edonola ere, Vueling-ek beretzat gordetzen du premium estatusa edozein unetan bertan behera uzteko eskubidea, programa amaitutzat jo baino 3 hilabete lehenago jakinarazita.

5.12. Premium txartelaren erabilera:

5.12.1. Premium estatusa daukaten bazkideek txartel fisikoa jasotzeko eskubidea izango dute behin Premium estatusa esleituta eta 5. klausulan adierazitako urrats guztiak burututakoan.

5.12.2. Vueling-ek Premium txartel fisiko bat bidaliko die Premium estatusa izateko eskubidea duten eta txartela bidaltzek eskatu duten bezeroei. Vueling Club-eko kontuaren bidez eskatu behar da, eta kontuan adierazten den helbidera bidaliko da.

5.12.3. Bazkide horiek, gainera, Premium txartel birtuala deskarga dezakete, Vueling aplikazioaren bitartez, aplikazio-dendetan eskura. Besterik gabe, Vueling aplikazio mugikorra deskargatu behar da eta bere bazkide-datuekin saioa abiatu.

5.12.4. Premium txartelak Vueling-ek ezarritako epean baliagarria izango da. Iraungitzen denean, bazkideak beharrezkoak diren baldintzak bete beharko ditu, edo Vueling-ek Premium estatusa lortzeko hautatua izan.

5.12.5. Bai txartel fisikoa, baita birtuala ere, pertsonala eta besterenezina da. Lagatzea edo txartelaren titularra ez den beste edozeinek erabiltzea behar ez bezalako edo iruzurrezko erabileratzat joko da.

5.12.6. Txartela ez da kreditu-txartela. Jabetza Vueling-ena da eta eskatuz gero itzuli behar zaio.

5.12.7. Bazkideak Premium txartela edo bazkide-zenbakia aurkeztu behar du, Vueling-ek eskatuz gero, Premium estatusari loturiko zerbitzuak erabiltzean (fakturazio-mahaian, bide lasterrean eta lehentasunezko hegazkineratzean). Bazkideek bazkide-zenbakia adierazi behar dute, erreserba guztietan, horiek egiteko unean.

6. Zerbitzu-bazkideek emandako zerbitzuak

6.1. Vueling-ek zerbitzu batzuk emango ditu eta beste batzuk, autoak alokatzea adibidez, zerbitzu-bazkideek. Vueling-ek ahal duen guztia egingo du zerbitzu-bazkideek emandako zerbitzuen eskuragarritasuna bermatzeko, baina ez du ardurarik izango bazkideak zerbitzuak emateko gai ez badira, salbu eta ezgaitasun hori Vueling-i egotz badakioke.

6.2. Bazkideek zerbitzuak emango dituzte bazkideek bere izen osoa eta bazkide-zenbakia ematen badu zerbitzua erreserbatzean eta, egoki denean, bere txartela eman eta informazio osagarria ematen badute zerbitzu-bazkideak hala eskatzen badu.

6.3. Bazkide batek Vueling-ek ematen ez dituen zerbitzuak erabiltzen dituenean, zerbitzu-bazkidearen terminoak eta baldintzak aplikatuko dira, zerbitzuei dagokienez, erreserba, txartel, pasaporte eta bestelako edozein aspekturi buruz, eta Vueling-ek ez du inolako ardurarik izango.

6.4. Vueling-ek zerbitzu-bazkideekiko harremana bertan behera utz dezake, edozein unetan, eta bazkideei jakinaraziko die, kasu bakoitzean egoki den moduan.

7. Avios puntuak eskuratzeko eskubidea duten bazkideak

7.1. Banakako bazkideek bakarrik lor ditzakete Avios puntuak. Bazkideek bere helbide elektronikoa eta bazkide-zenbakia adierazi behar dituzte, zehatza beti ere, erreserba egitean eta Vueling-en, elkartutako hegazkin-konpainien edo zerbitzu-bazkideen zerbitzuak erabiltzean.

7.2. Bazkideek ez dute Avios punturik jasotzeko eskubiderik erreserban adierazitako izena bat ez badator, zehazki, bazkide-datuetan ageri denarekin edo erreserba egitean emandako informazioa osoa ez bada.

7.3. Bazkideak dira Avios puntuak behar bezala abonatu direla egiaztatzeko ardura dutenak. Online egin dezakete, vueling.com-en.

8. Avios puntuak jasotzeko eskubidea ematen duten hegaldiak eta produktu osagarriak

8.1. Avios puntuak Vueling-ek merkaturatutako eta operatutako hegaldietan egindako gastuarekin lor daitezke, edozein erreserba motatan. Egun eskubidea ematen duten erreserba-klaseen zehaztasunak https://www.vueling.com/eu/vueling-club/zer-da-vueling-club helbidean aurki daitezke.

8.2. Kide batek Avios puntuak erabiltzen baditu Ordaindu Avios bidez aukera erabiliz, txartelaren eskudiru moduan soilik pila ditzake Avios puntuak kideak (gastatzeko moduan).

8.3. Avios puntuak Vueling-ek merkaturatu dituen baina operatu ez dituen hegaldietan egindako distantziarekin lor daitezke, edozein erreserba motatan. Egun eskubidea ematen duten erreserba-klaseen zehaztasunak https://www.vueling.com/eu/vueling-club/zer-da-vueling-club helbidean aurki daitezke.

8.4. Avios puntuak hautatutako Airelineen fideltasun-programetan (Vueling Club, Iberia Plus, Aer Club edo beste Avios bidaia-programa batzuetan) lor daitezke. Bezeroak Vueling Club ez den beste fideltasun-programa batean lortu baditu Avios puntuak: Avios horiek irabazteko eta erabiltzeko baldintzak eta zehaztapenak operatzen duen airelinea-bazkidearen fidelizazio-programa egokiaren baldintzak eta zehaztapenak soilik bete beharko dituzte. Bezeroak Avios puntuak zein programatan pilatuko diren aukera dezake dagokion programaren fidelizazio-zenbakia emanez.

8.5. Baldin eta erabiltzeari buruzko arazoak edo bezeroen beste arazo batzuk izanez gero, Avios puntuak bilatu diren maiz hegan egiten duten fidelizazio-programarekin harremanetan jarri behar du.

8.6. Hegaldiaren egunera arte sareko erreserban gehi ditzakezu produktu osagarri guztiekin bil ditzakezu Avios puntuak, bertan behera uzteko asegurua eta kreditu-txartelen komisioengatik izan ezik. Vueling-ek saldutako edo operatutako hegaldiei soilik aplika dakieke. Avios puntuak Vueling Club kontuan bildu behar dira. Vueling-ek noizean behin hegaldietan Avios puntuak lortzeko irizpideak alda ditzake.

9. Avios puntuak lortzea

9.1. Bazkideek AGL-ren Avios puntuak lor ditzakete Vueling-ekin eta zerbitzu-bazkideekin izandako jardueraren truke. Avios puntuak lotzeko moduak gainerako 9. klausula honetan eta http://www.vueling.com/eu/vueling-club/zer-da-vueling-club (e)n azaltzen dira.

9.2. Avios puntuak Vueling-ek merkaturatutako eta operatutako hegaldietan lortuko dira bazkideak bidaia egin eta gero eta guztizko tarifaren arabera emango dira. Bezeroak Vueling Club ez den beste fidelizazio-programa batean puntuak pilatu nahi baditu, fidelizazio-programa horretan izena eman behar izango du.

9.3. Bazkideak, jarraian azalduko diren baldintzetan izan ezik, sektorean bidaiatu ahal izango du Avios puntuak jasotzeko eskubidea izateko.

9.4. Avios puntuak behin bakarrik pilatu daitezke hegaldi bakoitzeko, erositako toki-kopuruak axola gabe. Avios puntuak egoki den sektorean hegaldia egin duen bazkideari bakarrik abonatuko zaizkio eta inola ere ez hirugarren bati.

9.5. Bazkide batek Avios punturik lortu edo trukatu ez badu, edo Avios punturik erosi edo igorri ez badu, 36 hilabetez jarraian, egun horretara arte pilatutako Avios puntu guztiak iraungi egingo dira eta partaidetza bertan behera geratuko da, automatikoki, 2.11.1. Klausularekin bat etorriz.

9.6. Vueling-ek bazkide bat, berak nahi izan gabe, beste konpainia batera zuzentzen badu eta bazkidearentzat hasiera batean erreserbatutako hegaldiak Avios puntuak jasotzeko eskubiderik emanez gero, puntuak online lortu ahal izango ditu vueling.com-en. Vueling-ek bere esku dagoen guztia egingo du egoki diren Avios puntuak bazkidearen kontuan abonatu direla egiaztatzeko. Hala ere, beharrezkoa izan liteke bazkidearen ibilbideari buruzko datuak bidaltzea, gordetako hegazkineratzeko txartelaren zatia eta bidaiariaren ordainagiriak barne, Vueling Club Programako zerbitzu-zentrora bidaliz, Avios puntuak abonatzea eskatzeko.

9.7. Promozio berezietan izan ezik, Vueling-ek ez du Avios punturik onartzen bazkide batek beste fidelizazio-programaren batean puntuak lortzen dituenean, zerbitzu berdinetatik badatoz eta kreditu edo Avios horiek kendu egingo dira.

9.8. Vueling-ek Avios puntuak bazkidearen kontu pertsonalean gordeko ditu. Avios puntuak Vueling-ek bazkidearen kontu pertsonalean erregistratu arte ezin izango dira trukatu.

9.9. Bidaiaren unean automatikoki eskatzen ez diren Avios puntuak beranduago eman daitezke, Vueling-en nahierara. Bazkideek Avios puntuak lor ditzakete Vueling-ek merkaturatutako eta operatutako hegaldiengatik, Vueling Club Programan, bidaia egin eta gero bakarrik (ezingo da Avios punturik eskatu maiz bidaiatutako beste programetan Vueling-ek merkaturatutako eta operatutako hegaldietan) Vueling.com-en edo, beharrezkoa bada, gordetako hegazkineratzeko txartelaren zatia eta bidaiari-ordainagiriak bidaliz, 3 hilabeteko epean eskatuz gero, bidaiaren egunaren edo dagokion transakzioaren ondotik.

9.10. Avios puntuak eskuratzeko eskubidearen inguruko eztabaidarik egonez gero, Vueling-ek egoki den sektorean hegan egin izana frogatzea eska dezake, gordetako fakturazio-txartelaren zatia eta bidaiatu dutela dioten bidaiarien sektoreko ordainagiriak barne. Eskaerak 3 hilabeteko epean erregistratu behar dira, hegaldiaren egunetik aurrera.

9.11. Bazkideek zerbitzu-bazkide batekin transakzio bat egiten dutenean, Avios abantailak eta puntuak lortzeko eskubidea izan dezakete, transakzioa egitean bazkide zenbakia adierazita eta, beharrezkoa bada, txartela edo bazkide-zenbakia erakutsiz, hala eskatuta. Zenbait kasutan bazkideari eskatu ahal izango zaio zerbitzu-bazkide baten fidelizazio-programan izena eman dezala eta, bazkideak erabakitzen badu, bazkide-zerbitzuaren fidelizazio-kredituak Avios bihur ditzala. Bazkide batek Avios puntuak eta zerbitzu-bazkidearen fidelizazio-kredituen artean aukeratu behar duenean, ezin izango du bere erabakia beranduago aldatu.

9.12. Bere zerbitzuengatik abantailak eskaintzen dituzten zerbitzu-bazkideak eta Avios puntuak lortzeko modua ematen duenak .com-en adierazten dira.

9.13. Bazkideek Vueling Club Programako zenbakia eman behar diote erreserba/bidaia agenteari Vueling-ekin bidaiatzeko erreserba egiten duen aldi oro edo beste edozein zerbitzu erabiltzean. Bazkideek fakturatzean ere Vueling Club Programako txartela aurkez dezakete. Emandako informazioa osorik ez badago gerta daiteke Avios puntuak bazkidearen kontuan ez abonatzea; gainera, zenbait zerbitzu ez jasotzea ekar dezake.

9.14. Avios puntuak bazkidearen Vueling Club Programako kontuan agertuko dira erreserbaren irteera-egunetik 35 egunera gehienez. Erreserba baliogabetzen bada edo txartelaren prezioa itzultzen bada, ez da Avios punturik emango.

Vueling Club-eko bazkide izan behar da Vueling-ek eskaintzen dituen promozio berezietakoren bat erabili ahal izateko Avios puntuak lortzeari dagokionez. Avios puntu promozionalak ezin dira beste maiztasun handiko bidaiari-programa batera gehitu.

10. Avios puntuak trukatzea

10.1. AGL-ko bazkideek Avios puntuak Vueling-ek eta zerbitzu-bazkideek eskaintzen dituzten onuren truke alda ditzakete. Avios puntuak trukatzeko eta onurak erabiltzeko eskubidea izateko metodoak AGL-ren Erabilera-baldintzetan - Abantailen erabilera azaltzen dira, hemen: https://www.avios.com/es/es/terms-and-conditions

10.2. Bi bidaiari baino gehiago izan eta guztia edo zati bat Avios erabiliz ordaindu diren erreserbak ezingo dira zatitu bereizitako hainbat erreserbetan. Bezero batek aldaketaren bat egin nahi badu erreserban, aldaketa horrek erreserbako bidaiari guztiei eragingo die.

11. Orokortasunak

11.1. Aldian behin Vueling-ek eta AGL-k promozio-tarifa ezberdinak eskain ditzakete Avios puntuekin edo abantailekin egindako erreserbetarako. Pilaketa edo erreserba horiek eskaintza bakoitzarekin argitaratutako termino eta baldintzek arautuko dituzte eta lehentasuna izango dute hemen ezartzen diren termino eta baldintzen aurrean. Vueling-ek ahalbidetzen ez badu, abantailak, promozio-abantaila bereziak barne, ezin dira erabili bestelako abantaila, promozio, kupoi, deskontu edo eskaintza bereziekin batera.

11.2. Hemen adierazitakoaz gain, abantailak ezin dira eskudiruaren truke aldatu, ezta itzuli edo beste txartelengatik aldatu ere, ezta beste edozein gauzarengatik ere, eta kasu horietan baliogabetu egin litezke. Abantailak ezin dira erosi, saldu, aldatu ezta inola ere beste pertsonaren bati igorri ere.

11.3. Bazkidearen ardura da berak eta berarekin bidaiatu dutenek edo hirugarren batek, bere izenean abantailarik eskatu badu, esleitu zaizkiola egiaztatzea.

11.3.1. bisitatuko dituzten herrialdeetan sartzeko betekizunak ezagutzea; eta

11.3.2. pasaporteak, bisak, osasun-ziurtagiriak eta gainerako bidaiatzeko derrigorrezko dokumentuak edukitzea.

11.4. Bazkideak, bidaia-lagunak edo abantaila bat jaso duen hirugarrenak bidaiatzea galaraz daiteke dokumentazio zuzena ez badaukate. Vueling ez da erantzule izango bazkide edo bidaiari batek aipatutako dokumentuak ez edukitzearen ondorioz izan dezakeen kaltearen aurrean.

11.5. Vueling-ek eta AGL-k beretzat gordetzen dute aurrez jakinarazi gabe bazkide baten kontua eta datuak gainbegiratzeko eskubidea, termino eta baldintza hauek, garraio-baldintza orokorrak eta Vueling-en kontratu-baldintzak eta bestelako edozein arau, erregulazio edo termino eta baldintza aplikagarri betetzen direla egiaztatzeko. Ikuskapena egiten den bitartean gerta daiteke bazkideak ezin abantailarik erreserbatzea AGL-ren erabilera-baldintzen arabera.

12. Avios puntuen jabetza

12.1. Avios puntuak eta Avios puntu horien eskubideak eta jabetza, edonoiz jaulkiak, AGL-renak dira beti, eta ez zaizkio bazkideari inola ere igortzen.

12.2. Avios puntuei loturiko arriskua (adibidez, lapurreta edo baimendu gabeko edo iruzurrezko trukea) bazkideari igortzen zaio Avios puntuak bere kontuan erregistratzen diren unean edo, edonola ere bazkideari ematen zaizkionean. AGL-k eta Vueling-ek ez dute ardurarik izango baimendu gabeko edo iruzurrezko trukeen aurrean, bazkidearen ekintzetatik edo bazkideak Termino eta Baldintza hauek urratzetik badatoz.

13. Avios puntuak besterenezinak dira

13.1. Vueling-ek eta AGL-k besterik ezarri eta bazkideari jakinarazi ezean, Avios puntuak besterenezinak dira (pertsonen artean, kontuen artean, laburpenen artean, txartelen artean edo beste edozein modutara) eta ezin dira utzi, laga ezta igorri ere, inolako lege-operazio erabiliz ere.

13.2. Avios puntuak erostea, saltzea, igortzea, baimenik gabe erabiltzea (trukea barne), lortzea edo aldatzea, beste pertsona bati emanak, edo Termino eta baldintza hauekin bat ez datorren Avios puntuen beste edozein erabilpen Termino eta baldintza hauen urraketa nabarmena izango da bazkidearen aldetik eta, hortaz, Vueling, AGL eta bazkidearen arteko kontratuarena ere.

13.3. Bazkide orok onartzen du aurreko 13.2. Klausula urratzeak Vueling, AGL eta bazkidearen arteko kontratua urratzea ekar dezakeela, Vueling edo AGL-ren jarduera komertzialari nahita eragindako kalteak eta delitu kriminalak ere tokiko legeriaren edo nazionalaren arabera. 13.2. Klausularen urraketa oro iruzurtzat edo behar ez bezalako jokabidetzat joko da eta 15. Klausularen arabera egoki diren ekintzak abiatuko dira.

14. Bazkidearen eskubidea partaidetza amaitzeko

14.1. bazkideek programako kide izateari utz diezaiokete, edozein unetan. Horretarako Vueling Club Programako zerbitzu-zentrora idatziz jo beharko dute, bazkide izateari utzi nahi diotela adieraziz, edo www.vueling.com webgunean online egin, edo bazkide bakoitzaren online profilean eskura dagoen tresna erabiliz. Bertan behera uzteak berekin dakar Avios puntu guztiak galtzea, baina ez du bazkidea bere betebeharrak betetzetik salbuesten, Termino eta baldintza hauen arabera.

15. Vueling-en eskubidea partaidetza amaitu arazteko

15.1. Eskura dituen bestelako eskubide eta baliabideez gain, Vueling-ek beretzat gordetzen du edozein unetan eta erabateko nahierara edozein bazkide programako partaide izateari utzi arazteko eskubidea edo, egoki denean, edozein bazkidek txartela erabiltzeko duen eskubidea, bazkideak iruzurra egiten badu edo behar ez bezala jokatzen badu edo 3. Klausularen arabera baimena kentzen badu. Vueling-ek bazkideari idatziz jakinarazi beharko dio, delako arrazoiaren berri emanez. Vueling-ek edo AGL-k, bere nahierara, bertan behera uzte horretan atzera egin dezake eta maila jaitsarazi, Avios puntuak edo mailako kredituak kendu edo ondorengo jokabideari buruzko bermeak eskatu.

15.2. Iruzur edo behar ez bezalako jokabidearen kasuan, Vueling-ek edo AGL-k pilatutako bazkidearen Avios puntu guztiak eta abantaila gisa lortutako txartelak baliogabetu ditzake.

15.3. Bazkidea erantzule izango da, Vueling-en edo elkartutako beste edozein hegazkin-konpainiaren aurrean, abantaila-txartelekin egindako bidaien zenbateko osoarengatik edo parte batengatik, iruzur edo behar ez bezalako jokabide horren ondorioz, bidaiari aplika dakiokeen argitaratutako tarifaren arabera, arrazoizko kostuez gain, Vueling-i eragindako legezko kostuak barne.

15.4. Partaidetza bertan behera geratuz gero, bazkide-txartela, halakorik badago, Vueling-i itzuli beharko zaio. Pertsona batek beste marka bateko finantza-txartel baten titularra bada, ez du Avios punturik ezta zerbitzurik jasotzeko eskubiderik izango.

16. Vueling Club Programa amaitzea

16.1. Vueling edo AGL-k Vueling Club Programa eta Avios puntuak amaitutzat jo ditzakete, edozein unetan. Kaudimen-ezaren kasuan salbu, Vueling-ek edo AGL-k ahal duten guztia egingo dute bazkideei sei hilabete lehenago jakinarazteko, gutxienez. Vueling-en edo AGL-ren porrota gertatzen bada edo jakinarazpen-epea igarotakoan, bazkide bakoitzak aitortzen eta onartzen duzu zerbitzuak erabiltzeko eskubidea, AGL-n Avios puntuak lortu eta trukatzekoak barne, eten egingo dela.

17. Vueling Club Programako zerbitzuak aldaraztea edo kentzea

17.1. Vueling-ek edo AGL-k edozein zerbitzu edo bestelako eskaintzak edo xedapenak aldarazi, kendu edo areagotu ditzakete, edo zerbitzuak edo abantailak erabiltzeko betekizunak edo mugapenak ezarri. Vueling-ek edota AGL-k halako neurrien berri emango diete bazkideei, ahal den informazio guztiarekin. Indarrean dagoen informazioa www.vueling.com helbidean dago eskura.

17.2. Vueling-ek eta AGL-k 17.1. Klausularen arabera hartu ahal izango dituzten neurrietako batzuk, adibidez, hauek dira: Vueling-ek ematen dituen zerbitzuak kentzea, Avios puntuak lortzeko edo trukatzeko eskubidea aldaraztea, zerbitzu-bazkide batek ematen duen zerbitzu bat kentzea (adibidez, autoak alokatzea), edo abantailak kentzea. Bestalde, zerbitzu-bazkideek beretzat gordetzen dituzte zerbitzuak kentzeko, aldatzeko edo areagotzeko eta horien gaineko betekizunak edo mugapenak ezartzeko eskubidea.

17.3. Bazkideek zerbitzuen edo abantailen aldarazpena, kentzea edo areagotzea onartzen dutela ulertuko da, edo Vueling Club Programako Avios puntu-programa, 17.1. Klausularen arabera, aldaketak jakinarazi eta gero bere bazkide-zenbakia erabiltzen jarraitzen badute zerbitzuak lortzeko. Zerbitzuen aldaketak onartu nahi ez dituzten bazkideek bazkidetza bertan behera utz dezakete 14. Klausulan ezartzen den moduan.

18. Dibisa-trukea

18.1. Vueling-ek eta AGL-k, aldian behin, Vueling Club Programan erabiltzen den dibisa aldatu ahal izango dute, osorik edo herrialde edo eskualde jakin baterako bakarrik. Vueling-ek arrazoizkoa den guztia egingo du halako aldaketak bazkideei jakinarazteko, sei hileko aurrerapenaz gutxienez.

19. Termino eta baldintza hauen aldarazpena

19.1. Vueling-ek eta AGL-k beretzat gordetzen dute Termino eta Baldintza hauek aldatzeko eskubidea, aldez aurreko arrazoizko jakinarazpen egokiarekin, baldintzen arabera. Aldaketak onartzen ez dituzten bazkideek bazkide izateari utz diezaiokete14. Klausulan adierazten den moduan.

20. Erantzukizunaren salbuespenak

20.1. Vueling eta AGL ez dira erantzule izango programa aldatuz edo amaituz gero eman daitezkeen galeren aurrean edo Avios puntuak lortzeko eta trukatzeko eskubidea, ezta zerbitzuak ere, salbu eta bere axolagabekeriarengatik eragindakoak, edo behar ez bezalako nahita egindako jokabideak.

20.2. Vueling eta AGL ez dira erantzule izango legezko edo araudizko galarazpen edo mugapenek eragindako galeren aurrean, Vueling Club Programa edo zenbait herrialdetan bazkide jakin batzuei eskain dakizkiokeen zerbitzu guztiak edo horien parte bat.

20.3. Vueling-en garraio-baldintza orokorretan aipatzen diren erantzukizun-salbuespenak eta mugapenak Vueling-eko zerbitzuen bidaietan aplikatuko dira, abantaila-bidaiak barne.

20.4. Egoki den elkartutako hegazkin-konpainiaren termino eta baldintzetan aipatutako erantzukizunaren mugapenak eta salbuespenak elkartutako hegazkin-konpainiaren zerbitzuetan aplikatuko dira, abantaila-bidaiak barne.

20.5. Vueling, AGL eta dagokion zerbitzu-bazkideen termino eta baldintzetan aipatutako erantzukizun-salbuespenak eta mugapenak beste abantaila batzuei aplikatuko zaizkie, bazkideari Vueling-ek edo zerbitzu-bazkideak erreserba egitean jakinarazten dioten moduan.

21. Bazkidearen zerga-betebeharrak

21.1. Vueling-ek eta AGL-k ez dute inolako zerga-betebeharren aitorpenik egiten bazkideen diru-sarrera, erabilera, tasa edo bestelakoekin lotuta, Vueling Club programako kide izateagatik. Zerga-betebehar hori eman liteke, adibidez, bazkide batek Avios puntuak edo bere gastu profesionaletatik eratorritako mozkinak lortzen baditu. Komeni da bazkideek bere zerga-aholkulariari galdetzea informazio gehiago jasotzeko.

21.2. Bazkidea da programako kide izateak ekar diezazkiokeen zerga-betebeharren arduradun bakarra.

22. Legeria aplikagarria

22.1. Tokiko legeriak ahalbidetzen duen neurrian, termino eta baldintza hauek Espainiako legeriak zuzenduko ditu. Vueling eta Vueling Club Programako bazkideak Espainiako epaitegien jurisdikzio ez-esklusiboaren mende jartzen dira, sor daitezkeen gatazkak ebazteko.

22.2. Eskumena duen agintari edo epaitegiren batek baliogabetzat edo ez aplikagarritzat jotako Termino eta baldintza hauetako xedapen oro, baliozkoa edo ez-aplikagarria den neurrian, ez die gainerako xedapenei eragingo eta baliozkoak izaten jarraituko dute.

Termino eta baldintza hauetako gaztelerazko eta beste bertsio edo itzulpenen artean alderik egonez gero, beste edozein hizkuntza batean, gaztelerazko bertsioa gailenduko da.