Animalien garraioa

Maskota batekin edo laguntza-txakur batekin bidaiatu behar baduzu, kontsulta ezazu jarraian jakin beharreko informazio guztia. Kontuan izan erreserba-prozesua eta betekizunak desberdinak direla kasu bakoitzean.

Maskotak

Zein maskota garraiatzen ditugu?

Hegazkin barruan eraman daitezkeen animalien zerrendan dagoen edozein animalia, zurruna ez den garraio-kutxa homologatu batean eraman badaiteke (garraio-kutxak neurri hauek izan behar ditu: 45 x 39 x 21 cm eta 10 kg maskota barruan dela). Ez da inola ere hegazkineko sotoan animaliarik eramango.

Txakurren eta katuen kasuan, gehienez ere 2 eraman daitezke garraio-kutxa berean, espezie eta/edo kumaldi berekoak badira eta onartutako neurriak eta pisua gainditzen ez badituzte.

Ez dira garraiatuko ezaugarri bereziak direla-eta (usain txarra, osasun- edo higiene-egoera edo jarrera oldarkorra) gainerako bidaiariengan eragozpenak sor ditzaketen edo gainerako bidaiarientzako eta tripulazioarentzako arriskutsuak izan daitezkeen animaliak.

Ezin da garraitu zerrenda honetan onartzen ez den beste edozein animalia, bizirik ala hilda egon (errinozeronte-adarrak, bolizko produktuak eta abar), eta animalien legez kanpoko trafikotzat joko da.

*GetJet-ek edo AirHub-ek operatutako hegaldietan, txakurrak eta katuak soilik eraman daitezke hegazkin barruan.

Baldintzak eta dokumentazioa

Bidaiatu baino lehen, ziurtatu baldintza hauek betetzen dituzula eta maskotarekin bidaiatzeko beharrezko dokumentazio guztia daukazula:

Beste herrialde batzuei buruzko eskakizun espezifikoak (Irlanda, Europar Batasunetik kanpoko hegaldiak, eta abar) ezagutzeko, bisitatu esteka hau. Nolanahi ere, bidaiatu aurretik komeni da helmugako animalien garraio-baldintzak egiaztatzea eta zalantzarik izanez gero albaitariarekin kontsultatzea.

Erreserba eta check-ina

Zure maskota erreserban sartzeko, erosketa-prozesuan Fly Light tarifa hautatu behar duzu “Pertsonalizatu zure hegaldia” atalean. Erreserba guztietarako gehituko da. Zure maskotak hegaldietako batean bakarrik bidaiatzea nahi baduzu (joan edo itzuli), hori egin dezakezu gure Bezeroarentzako arreta-zentroaren bidez (eskuragarritasunaren arabera) edo bi erreserba bereizi eginez. Laster aukera hau gure webgunean eta aplikazioan kontratatu ahal izango duzu.

Dagoeneko erreserba bat baduzu eta zure maskota harekin hegan egiteko gehitu nahi baduzu, gure Bezeroarentzako Arreta Zentrora deituz egin dezakezu.

Zure erreserbako baldintza bereziak direla-eta, hegaldiaren egunean fakturazio-mahaira joan beharko duzu zure beharretara egokitutako eserlekua esleitzeko eta hegazkineratzeko txartelak lortzeko.

Kontuan izan ezin dela bidaiatu maskotekin lehen lerroko eserlekuetan (Space One) edo larrialdi-irteeren alboetan dauden eserlekuetan.

Segurtasun-iragazkia

Garraio kutxa eskanerretik igaroko da, lokarriarekin eta janariarekin batera; maskotak, aldiz, arku detektatzailea zeharkatuko du, zure besoetan edo oinez.

Hegaldian

Garraio-kutxa, maskota barruan dela, lurrean jarri beharko duzu, aurreko eserlekuaren azpian. Ezin izango duzu garraio-kutxatik atera hegazkinetik jaitsi arte.

Laguntza-txakurrak

Noiz hartzen dugu txakur bat laguntza-animalia?

Laguntza-txakurtzat hartuko da behar berezi bat duten pertsonei laguntzeko banaka entrenatuko dena. Horrelako txakurrekin hegan egiteko, laguntza- edo itsu-txakur gisa trebatu dela adierazten duen ziurtagiri fisiko ofizial.

Hegan egiteko betekizunak

Erreserba

Laguntza-txakur batekin hegan egiteko erreserban adierazi behar duzu gure webgunearen bidez. Bidaiariaren datuak atalean, hautatu Behar bereziak dituen bidaiaria; bertan, laguntza-txakur batekin hegan egingo duzula adierazteko aukera duzu. Animalia horiek garraiatzeak ez du kostu osagarririk.

Gure Bezeroaren arreta-zentrora deituta ere adieraz dezakezu, erreserba amaitutakoan.

Hegaldian

Txakurra lurrean egon beharko da, eserlekuaren azpian, eta segurtasun-arnes batekin lotuta joan beharko da aireratu eta lurreratu aurretik eta maniobra horiek iraun bitartean. Segurtasun-arrazoiengatik, txakurrek ezin dute korridorerik okupatu.