Condicións de transporte

• 8.1
  Xeral

O Pasaxeiro deberá colocar na súa equipaxe unha etiqueta identificativa con información verídica antes da súa facturación. Pola súa parte, VUELING asumirá a responsabilidade da equipaxe do Pasaxeiro desde ese momento. O Transportista entregaralle ao Pasaxeiro un talón de equipaxe, o cal acreditará que a facturación se produciu e que o Pasaxeiro debe conservalo ata a súa recollida.

• 8.2
  Restricións na equipaxe
• Está prohibido transportar como equipaxe:
• • Artigos ou obxectos que, a xuízo do Transportista o do aeroporto, non se atopen debidamente embalados ou empaquetados.
    
  • Artigos ou obxectos que, a xuízo do Transportista, poidan poñer en perigo á aeronave, á súa tripulación ou a outros Pasaxeiros. Neste sentido, consideraranse como perigosos aqueles bens ou obxectos definidos como tales polas normas da OACI e polas normas da IATA (ver sección 8.3).
  • Artigos ou obxectos que estea prohibido o seu transporte polas leis dun país que sexa orixe, destino ou escala do transporte.
  • Artigos ou obxectos que, a xuízo do Transportista, non sexa adecuado transportar debido ao seu peso, configuración ou tamaño.
  • Artigos ou obxectos fráxiles e/ou perecedoiros, cartos en efectivo ou en valores negociables, valores mobiliarios, mostrarios, cámaras, videoxogos, xoias e obxectos de valor, pedras e metais preciosos, ordenadores, dispositivos electrónicos e documentos de identidade (pasaporte, DNI, etc.).
  • Armas de fogo e municións, salvo as destinadas a fins deportivos e caza. As armas de fogo deportivas e de caza poderanse transportar como equipaxe facturada sempre que estean descargadas, co seguro posto e embaladas nunha maleta ríxida, de forma que non resulten danadas durante o voo. O pasaxeiro deberá comunicar o transporte de armas de fogo no momento da reserva e presentar o seu correspondente permiso. Será responsabilidade do pasaxeiro informarse acerca das restricións de cada país. Ademais da arma, o pasaxeiro poderá transportar un máximo de 5 kg de munición, que deberá embalar de forma axeitada, por separado da arma. Non se poderán transportar a arma e a munición no mesmo contedor. O transporte de municións está suxeito ás normas internacionais sobre transporte de artigos perigosos.
  • Armas brancas de calquera clase e tamaño. O Transportista resérvase o dereito a permitir a facturación como equipaxe de armas brancas antigas (espadas, coitelos e dagas).
  • Animais vivos, agás o disposto expresamente a tal efecto nestas Condicións.
    
• 8.3
  Artigos considerados como Mercancías Perigosas
  • Por razóns de seguridade, non están permitidos os seguintes artigos na equipaxe do pasaxeiro::
  • Explosivos, municións ou material pirotécnico. (Como dispositivos pirotécnicos, bengalas, fachos, pistolas de xoguete e fulminantes).
    
  • Gases inflamables, non inflamables, non tóxicos, tóxicos ou velenosos. (Como botellas de gas butano ou propano).
  • Líquidos inflamables (como recambios para chisqueiros, chisqueiros de puro de chama azul, gasolina, pinturas, disolventes ou bebidas alcohólicas cun contido de alcohol superior ao 70%).
  • Sólidos inflamables (como mistos), sustancias con risco de combustión espontánea, sustancias que en contacto coa auga emiten gases inflamables.
  • Sustancias oxidantes e peróxido orgánico. (Como lixivias).
  • Sustancias tóxicas e infecciosas.
  • Materiais radioactivos.
  • Sustancias corrosivas (como o mercurio aloxado nos termómetros, ácidos, álcalis ou acumuladores eléctricos húmidos).
  • Diversas mercancías perigosas (como materiais imantados, lámpadas de baixo consumo e artigos con motores de combustión interna).
    

• 8.4
  Dereito do Transportista a rexeitar a equipaxe
• O Transportista resérvase o dereito a non transportar calquera obxecto ou artigo enumerados no parágrafo anterior por razóns de seguridade ou operativas.

• 8.5
  Dereito do Transportista a inspeccionar a equipaxe
• Por motivos de seguridade, o Transportista ou as autoridades poderán en todo momento, desde que o Pasaxeiro lle entrega a equipaxe, rexistrar e/ou inspeccionar, cos dispositivos técnicos ou medios humanos adecuados, todo ou parte da equipaxe. Mediante a aceptación destas Condicións, o Pasaxeiro consente expresamente, e nos seus máis amplos termos, o rexistro e/ou inspección da súa equipaxe as veces que sexa necesario. O Transportista non será responsable dos danos ocasionados á equipaxe (como rotura de cadeados, precintos ou embalaxes) como consecuencia dos labores de rexistro e/ou inspección, agás que exista neglixencia pola súa parte.
• O Transportista estará facultado para denegarlle o embarque ao Pasaxeiro, sen incorrer en ningún tipo de responsabilidade, no suposto de que o Pasaxeiro se negue ao rexistro e/ou inspección da súa equipaxe, así como a entregarlle este ás autoridades locais.

• 8.6
  Peso da equipaxe por Pasaxeiro

Agás nas tarifas Optima e Excellence que inclúen, unha maleta de ata 23 kg. por pasaxeiro, cada pasaxeiro poderá facturar, mediante o pagamento dun suplemento variable en función das características singulares de cada voo, un vulto de equipaxe cun peso de ata 23 kg. Se se aboa unha cantidade adicional, poderá aumentarse o peso da maleta ata 32 kg. Só se permite un máximo de 50 kg de equipaxe en total por Pasaxeiro. Vueling poderá negarse a transportar a totalidade ou parte da equipaxe que exceda deste peso ou que non se aboase previamente.

Os bebés menores de dous anos poderán transportar sen cargo unha cadeira, cesta ou berce completamente pregadas.

• 8.7
  Equipaxe de man

Cada pasaxeiro poderá levar consigo estritamente unha peza de equipaxe de man cun peso máximo de 10 kg e cuxas dimensións en ningún caso excedan de 55x40x20 cm, agás na tarifa Excellence que permite levar unha equipaxe de man cun peso máximo de 14 kgs.

Ademais, pode levar sen cargo extra un só elemento adicional de dimensións substancialmente inferiores a 55x40x20 cm, como pode ser un maletín pequeno ou un bolso de muller ou unha cámara fotográfica ou de vídeo.

Na porta de embarque, a equipaxe de man que incumpra a normativa da compañía, é dicir, que exceda a cantidade, peso e ou medidas indicadas anteriormente, será retirado e cargado na bodega do avión, cun custo adicional.

O transportista resérvase o dereito a cancelar a reserva e negar o embarque a aqueles pasaxeiros que non cumpran os requisitos de equipaxe de man indicados anteriormente.

Todo isto agás que, por cuestións de seguridade locais vixentes no país de orixe ou destino, non se admitan no voo estes artigos, e sen prexuízo das normas que rexen para o transporte como equipaxe de man de determinados produtos.

Os obxectos que non cumpran os requisitos de tamaño previstos para a equipaxe de man (incluídos os instrumentos musicais e similares) non se poderán transportar no compartimento da cabina de pasaxeiros a non ser que o pasaxeiro pagase un Billete ou Billete de conexión adicional para transportalos.

Non se poderán transportar como equipaxe de man os seguintes obxectos:

• • Armas de fogo e armas en xeral (entre as que se inclúen imitacións, pistolas de xoguete, pistolas grampadoras de uso industrial, béstas, acendedores con forma de arma de fogo ou arpóns e fusís de pesca).
    
  • Armas e obxectos punzantes ou con arestas (entre os que se inclúen machados, dardos, picarañas e picos para xeo, patíns de xeo, navallas automáticas, coitelos con follas de máis de 6 cm de lonxitude, coitelas e navallas de afeitar abertas, bisturís, bastóns de esquí e excursionismo, trades, serras, desaparafusadores, alicates, martelos, chaves inglesas ou tesoiras con follas de máis de 6 cm de lonxitude).
  • Instrumentos contundentes (tales como bates de béisbol, paus de golf, remos, monopatíns, tacos de billar, canas de pesca ou equipos de artes marciais).
  • Substancias explosivas ou inflamables (tales como municións, denotadores, reproducións ou imitacións de explosivos, mistos, cartuchos xeradores de fume, nebulizadores de pintura, augarrás ou bebidas alcohólicas con graduación alcohólica superior ao 70%).
  • Substancias químicas (por exemplo, branqueadores, bacterias, extintores ou nebulizadores neutralizadores ou incapacitantes).

De conformidade co previsto no Regulamento 820/2008, só poden transportarse como equipaxe de man envases con líquidos, xeles e produtos de consistencia similar (por exemplo, pasta de dentes, fixador, bebidas, sopas, perfume, escuma de afeitar, aerosois, locións, cremas de untar alimenticias, etc.) sempre que se transporten en envases que non excedan os 100 ml, os cales colocaranse dentro dunha bolsa transparente cunha capacidade máxima de 100 cc que poida pecharse completamente. Só se permitirá unha bolsa por Pasaxeiro.

Tamén se permitirán líquidos ou semisólidos (por exemplo, papas infantís) que deban consumirse a bordo por necesidades médicas ou por unha necesidade dietética especial, aínda que nestes casos pode que se lle esixa ao Pasaxeiro demostrar a súa autenticidade.

Permítese a entrada ao avión de líquidos comprados en:

• Tendas do aeroporto de saída do voo situadas unha vez pasado o control de seguridade.
  
• Tendas do aeroporto situadas unha vez pasado o control de billetes pero antes do control de seguridade, sempre neste caso que estean empaquetados nunha bolsa a proba de manipulacións e se ofreza acreditación de que a compra se adquiriu nese aeroporto e día concretos.
• En tendas doutros aeroportos ou aeronaves comunitarios, sempre que –neste caso- os líquidos estean empaquetados nunha bolsa a proba de manipulacións e se ofreza acreditación de que a compra se adquiriu nese aeroporto e día concretos.
• En tendas situadas despois do control de tarxetas de embarque de aeroportos de terceiros países (segundo a listaxe do Anexo I do Regulamento (CE) 820/2008 da Comisión), sempre que estean empaquetados nunha bolsa a proba de manipulacións e se ofreza acreditación de que a compra se adquiriu nese aeroporto nas 36 horas anteriores.

VUELING recomenda a lectura do citado Regulamento para consultar en detalle todas as prohibicións de transporte en materia de equipaxe de man vixentes.

VUELING denegará o embarque en calquera momento e sen compensación económica das equipaxes de man que non cumpran os requisitos previstos no citado Regulamento.

A equipaxe de man debe colocarse nos maleteiros pechados instalados a ese efecto na parte superior da cabina, debaixo do asento do pasaxeiro ou noutro lugar que se especifique pola tripulación de cabina en cada momento. Na tarifa Excellence, o pasaxeiro terá dereito á reserva dun espazo para unha equipaxe de man de ata 14 kgs. O pasaxeiro responderá polos prexuízos causados a VUELING ou a terceiros pola súa equipaxe, agás cando estes veñan producidos por unha neglixencia de VUELING.

• 8.8
  Retirada e entrega de equipaxe
• O pasaxeiro poderá retirar a súa equipaxe desde o momento no que o Transportista a poña á súa disposición nos puntos que sinale a tal efecto no aeroporto de destino. A recepción da equipaxe sen protesta por parte do posuidor do talón ou Billete ou Billete de conexión nos prazos legalmente establecidos implica a renuncia a toda reclamación posterior.
• O Pasaxeiro autoriza a VUELING para que, no caso de extravío da súa equipaxe, realice en por si ou por terceiros as indagacións necesarias para atopar o titular, para o que utilizará obxectos ou elementos existentes tanto no interior como no exterior da equipaxe, e co debido respecto á confidencialidade dos datos persoais obtidos.
• No suposto de que o Pasaxeiro non recolla a súa equipaxe transcorridos 7 días desde a data da súa posta a disposición, o Transportista poderá esixirlle a cantidade de 10 Euros por día de almacenaxe. Se o pasaxeiro non recolle a equipaxe no período máximo de seis (6) meses a contar desde a súa posta a disposición, VUELING poderá dispoñer desta equipaxe sen incorrer en ningunha responsabilidade.
• No suposto de que un Pasaxeiro reclame unha peza de equipaxe e non achegue o correspondente talón de equipaxe, esta peza de equipaxe só se lle entregará se pode probar, a satisfacción do Transportista, que ten dereito á entrega desta. Se VUELING o solicita, en casos xustificados, esta persoa deberá facilitar a cobertura económica previa á retirada da equipaxe axeitada para indemnizar por calquera perda, dano ou gasto no que poida incorrer o Transportista como consecuencia desa entrega.
• VUELING poderá bloquear ou denegarlle a entrega ao Pasaxeiro que porte calquera equipaxe que lle resulte sospeitosa, ou ante unha solicitude neste sentido doutro pasaxeiro ou das Forzas e Corpos de Seguridade do Estado españois ou os corpos de seguridade de cada país. Nestes casos, o Pasaxeiro deberá cumprir os trámites legalmente previstos para recoller a equipaxe e o Transportista non asumirá ningunha responsabilidade por este atraso ou a denegación da entrega.
• No caso de que o Pasaxeiro compre dous ou máis Voos punto a punto, é responsabilidade do propio Pasaxeiro deixar o tempo suficiente para poder recoller a equipaxe do primeiro voo –no seu caso-, volver facturala, pasar o control de seguridade e pasaportes e chegar ata a porta de embarque do segundo e/ou seguintes voos. O disposto con anterioridade non resultará de aplicación para os Billetes de conexión.
• No caso de Billetes de conexión, o Pasaxeiro deberá facturar a equipaxe no aeroporto de orixe e recollela no aeroporto de destino, e será responsabilidade do Transportista manipular a equipaxe nas escalas da ruta.

• 8.9
  Danos na equipaxe
• No caso de perda ou danos na equipaxe, aplicaranse as regras que establezan as normas internacionais e nacionais en vigor, en especial a Lei de Navegación Aérea de 1960 e o Convenio de Montreal do 28 de maio de 1999, así como o Regulamento (CE) nº 2027/97, do Consello.
• VUELING é responsable, no caso de destrución, perda, retraso ou danos na equipaxe, ata a cantidade de 1.131 Dereitos Especiais de Xiro. O pasaxeiro pode acollerse a un límite de responsabilidade máis elevado efectuando unha declaración especial de valor, para o que deberá aboar un cargo adicional. Con respecto á equipaxe non facturada, VUELING unicamente será responsable dos danos que se causasen pola súa culpa.
• Se a equipaxe facturada foi danada, perdida, destruída ou se entregou con retraso, o pasaxeiro debe sinalalo por escrito a VUELING o antes posible e, en todo caso, antes de 7 días en caso de danos e de 21 días en caso de perda. Eses prazos contaranse a partir da posta a disposición da equipaxe.
• VUELING non será responsable en ningún caso por crocaduras, rabuños, manchas, asas e/ou rodas rotas que se produzan na equipaxe.
• Se a compañía aérea encargada do voo non é VUELING, o Pasaxeiro poderá formular unha queixa ou reclamación a calquera delas.

• 8.10
  Animais e equipaxes especiais:

O Pasaxeiro que habitualmente requira dun can guía do cego poderá viaxar con el en cabina, sempre que o animal estea correctamente atado e o Pasaxeiro responda dos prexuízos que poida causar ao resto da pasaxe.

O Pasaxeiro poderá, durante o seu proceso de reserva, optar por contratar o servizo de transporte dunha mascota (agás roedores) para o que deberá aboar un prezo adicional e cumprir as seguintes condicións:

• • O animal deberá ir pechado nunha caixa especial, con buratos de respiración e fondo impermeable. Non será válida unha caixa caseira manipulada. Se o recipiente non resulta aceptable ou seguro, a xuízo exclusivo do persoal de terra ou voo, rexeitarase.
    
  •  As medidas máximas da caixa serán: 50 cm de longo, 40 cm de ancho e 20 cm de profundidade, sempre que a suma destas tres dimensións non exceda de 110 cm.
  • O peso máximo da caixa (incluíndo o animal e os seus complementos) será de 8 kg.
  • Os recipientes de comida ou bebida deberán ir cubertos, para evitar que o seu contido se derrame.
  • O transporte da caixa debe facerse no chan, esta situarase entre os pés do Pasaxeiro ou debaixo do seu asento. Queda prohibido transportar a caixa no asento anexo ao do Pasaxeiro, aínda que se atope baleiro, ou sobre as pernas.
  • Rexeitaranse todos os animais que polas súas características especiais (mal olor, estado sanitario, hixiene ou comportamento violento) puidesen resultar molestos para o resto da pasaxe.
  • Os pasaxeiros que transporten animais deberán facerse cargo destes en todo momento, e responderán por cantos problemas puidesen causar.
  • O animal non poderá sacarse do recipiente en ningún caso desde o embarque ata o desembarque do avión.
  • Só poderá transportarse un único animal por caixa, excepto paxaros ou outros animais de reducido tamaño.
    

Debido ás normas nacionais, Vueling non permitirá o transporte deste tipo de animais nos seus voos a/dende o Reino Unido e Irlanda.

O pasaxeiro deberá asegurarse de que a normativa do país de destino permite o transporte e a entrada ao país do animal de acordo coa lexislación local e de que este (i) cumpre con todas as medidas hixiénicas esixidas e (ii) de que dispón de toda a documentación precisa para poder telo e transportalo.

O Pasaxeiro responsabilizarase de cantos prexuízos (tales como multas impostas polo país de destino do voo, etc.) puidese sufrir Vueling polo transporte do seu animal sen a documentación axeitada.

Só se admitirán dous animais a bordo en cabina nun mesmo voo. O sistema informático de reserva non ofrecerá a posibilidade de contratar este servizo aos pasaxeiros que pretendan reservar unha vez excedida esta cota máxima.

VUELING non ofrece a posibilidade de transportar animais na bodega do avión.

Para o transporte de equipaxes deportivas e especiais, o Pasaxeiro deberá aceptar as condicións e tarifas específicas no momento da súa contratación.

A petición expresa do Pasaxeiro ao reservar o billete, a través do Call Center en calquera momento ou ao facturar a equipaxe, VUELING ten dispoñible un servizo de seguro de declaración de valor de equipaxes, agás para certos obxectos valiosos, por un custo extra.

VUELING permite a facturación de equipaxes especiais, co custo e especialidades que figuran anexos a estas Condicións.

9.

Tarifas Optima e Excellence

Volver

• 9.1
  Tarifa Optima

A tarifa Optima inclúe, ademais das prestacións da tarifa Basic, os seguintes servizos:

(i) Flexibilidade para adiantar o horario dos voos reservados dentro dunha mesma data. Só se poderá facer este cambio directamente no mostrador de vendas do aeroporto, entre 2 horas antes da saída do novo voo e o peche do mostrador de facturación 40 minutos antes da saída do novo voo (excepto en Roma, que pecha 55 minutos antes da saída do voo).

(ii) Reserva gratis dun asento determinado a bordo (inclúe asentos da ringleira 3 á 11 e da ringleira 15 á 31 no caso de que o voo sexa operado por un Airbus A320 e sempre que haxa dispoñibilidade de prazas). O número de asentos dispoñibles da ringleira 3 á ringleira 11 é limitado e no caso de que se esgoten, deberá escollerse un asento da ringleira 15 á 31. En ningún caso se devolverá o importe correspondente á taxa de reserva de asentos incluída na tarifa.

(iii) A facturación gratuíta dunha única peza de equipaxe (ata 23 kg).

• 9.1.2
  Reservas coa tarifa Optima

  Poderá reservar a tarifa Optima sempre que estea dispoñible para o traxecto desexado. Nos diferentes traxectos dunha mesma reserva non é posible combinar diferentes tarifas.

  Recibirá automaticamente a tarxeta de embarque por correo electrónico unha vez rematado o proceso de compra sempre e cando se asigne un asento.

• 9.1.3
  Modificación de reservas Optima

• Poderase adiantar gratuitamente o voo por outro que saia o mesmo día, sempre que haxa prazas dispoñibles. Unicamente poderá facer este cambio directamente no mostrador de vendas do aeroporto, entre 2 horas antes da saída do novo voo e o peche do mostrador de facturación 40 minutos antes da saída do novo voo (excepto en Roma, que pecha 55 minutos antes da saída do voo).

  Non será posible cambiar da tarifa Optima á tarifa Basic ou Excellence.

  A tarifa Optima, unha vez contratada, só permitirá realizar cambios de horarios e de nome dentro da propia tarifa. (Ler Cambios permitidos)

• 9.2
  Tarifa Excellence

A tarifa Excellence inclúe, ademais das prestacións da tarifa Optima, os seguintes servizos:

(i) Reserva gratis dun asento Duo garantido.

(ii) Espazo reservado a bordo para a equipaxe de ata 14 kg.

(iii) Embarque e mostradores preferentes. Este servizo unicamente estará dispoñible nos aeroportos de Barcelona e Madrid.

(iv) Flexibilidade en cambios de horario, sempre que haxa prazas dispoñibles, e pagando a diferenza de prezo entre o billete comprado e o prezo do billete no momento do cambio.

(v) Reembolso permitido en caso que o cliente non poida viaxar. O reembolso deberase solicitar como moi tarde 2 horas antes da saída do voo.

(vi) Un “snack” a bordo.

• 9.2.1
  Reservas coa Tarifa Excellence

  Poderá reservar a tarifa Excellence sempre que estea dispoñible para o traxecto desexado. Nos diferentes traxectos dunha mesma reserva non é posible combinar diferentes tarifas.

  Recibirá automaticamente a tarxeta de embarque por correo electrónico unha vez rematado o proceso de compra sempre e cando se asigne un asento.

  Os menores de idade acompañados non poderán adquirir a tarifa Excellence.

• 9.2.2
  Modificación de reservas tarifa Excellence

• Non se permite o cambio de tarifa Excellence a Optima nin a Basic.

  No caso de que se desexe realizar un cambio de horario e no novo voo elixido non haxa dispoñibilidade de tarifa Excellence, o pasaxeiro poderá elixir voar coas condicións comerciais das tarifas Basic ou Optima, se estas se atopan dispoñibles para ese voo, procedendo á cancelación e devolución do importe da tarifa Excellence e a unha nova reserva en Basic ou Optima. Desde o momento en que se realice a nova reserva en tarifa Basic ou Optima, perderá os privilexios da tarifa Excellence.

  Calquera modificación deberá realizarse a través do Centro de Atención ao Cliente ou nos mostradores de Venda do aeroporto en casos en que o cliente adiante o seu voo.

  Os cambios de horario son permitidos, con fee gratuíto de cambio de voo, pero tendo que aboar a diferenza de prezo entre o billete comprado e o prezo do billete no momento do cambio.

  Así mesmo, está permitido o cambio de titular de forma gratuíta.

• 9.2.3
  Anulación de reservas Tarifa Excellence

• Poderase anular un voo con tarifa Excellence sen necesidade de alegar ningunha causa. A anulación tamén pode aplicarse unicamente a un traxecto parcial, por exemplo o voo de ida ou volta, comprendido baixo un só número de reserva.

  A anulación sempre deberá realizarse como máximo ata 2 horas antes da hora de despegue do primeiro dos traxectos. Se se realizou un dos traxectos comprendidos na reserva non se poderá cancelar o outro.

  En caso de exercitar este dereito, reembolsarémoslle o importe do prezo Excellence aboado polo traxecto e pasaxeiro que decida anular.

 

10.

Facturación e formalidades administrativas

Volver

• 10.1
  Prazo máximo de facturación
• O pasaxeiro debe chegar ao aeroporto con suficiente antelación respecto á hora de saída do voo como para cumprir todas as formalidades gobernamentais e, se procede, facturar a equipaxe. Os mostradores de facturación abrirán dúas horas antes e pecharán 40 minutos antes da saída do voo prevista (aínda que o voo estea atrasado), agás os seguintes aeroportos:
• • Roma Fiumicino (FCO) e San Petersburgo (LED): 45 minutos antes da saída.
    
  • Tel Aviv Ben Gurion (TLV): 60 minutos antes da saída.
  • Barcelona con destino a Tel Aviv - Ben Gurion (TLV): 60 minutos antes da saída.
• Transcorrido este tempo, non se aceptará ningunha equipaxe nin se expedirán tarxetas de embarque. Transcorrido o prazo máximo de facturación, o Transportista poderá ceder os asentos dos pasaxeiros con reserva e sen tarxeta de embarque anticipada que non se identificasen no mostrador de facturación correspondente ou en calquera outra dependencia indicada polo Transportista antes do prazo máximo de facturación aos pasaxeiros que estean en lista de espera pendentes de aceptación.
• 10.2
  Facturación
• Para facturar a equipaxe, o Pasaxeiro deberá presentar o Billete ou Billete de conexión ou o número de reserva correspondente, así como un documento legalmente suficiente para acreditar a súa identidade. O Transportista resérvase o dereito –en por si ou por terceiros- a identificar o Pasaxeiro por outros medios se considera que a documentación presentada é insuficiente ou en caso de dúbida sobre a identificación ou a validez da documentación achegada.

• 10.3
  Embarque
• O embarque comezará 30 minutos antes da saída do voo. A porta de embarque pechará 10 minutos antes da saída. O Transportista resérvase o dereito a cancelar a asignación de asentos e a reserva dos Pasaxeiros que non embarquen polo menos 10 minutos antes da hora de saída planeada. Os Pasaxeiros que cheguen máis tarde ao mostrador de facturación non serán admitidos a bordo, non terán dereito a unha compensación por denegación de embarque e responderán polos prexuízos que VUELING sufra no caso de que a súa equipaxe deba localizarse e retirarse da aeronave porque estaba facturada, pero o Pasaxeiro non se presentase na porta de embarque en prazo.
• Sempre que sexa posible, as familias que viaxen con nenos, os Pasaxeiros en cadeiras de rodas e os Pasaxeiros con mobilidade reducida terán preferencia no momento do embarque.

• 10.4
  Servizo rescate de Pasaxeiros
• VUELING posúe un servizo específico para facilitarlle a un Pasaxeiro que perde un voo, previo pagamento do custo correspondente , o embarque nun voo posterior (Rescate de Pasaxeiros). No caso de que o Pasaxeiro decida contratar este produto, quedará igualmente sometido ao disposto nestas Condicións respecto do novo voo.
• 10.5
  Documentos de viaxe
• O pasaxeiro será responsable de obter, manter no seu poder e presentar cando se lle requira, toda a documentación de entrada e saída esixida polos países desde os cales, aos cales, ou sobre os cales será transportado, así como a documentación sanitaria ou outra documentación que resulten esixibles nestes países. O Transportista resérvase o dereito a negarse a transportar calquera Pasaxeiro que non cumprise con estas leis, regulacións, normas, esixencias ou requisitos aplicables, ou que leve uns documentos que, a xuízo do Transportista ou das autoridades do país de saída ou de chegada, non se axusten a estes.
• 10.6
  Denegación de ingreso nun país
• No caso de que, por calquera motivo, unha autoridade pública dalgún dos países aos cales, desde os cales ou sobre os cales se realice o transporte impida a entrada do Pasaxeiro ao seu país, mesmo en tránsito, o Pasaxeiro pagará o prezo do seu transporte de regreso ao aeroporto de orixe ou a calquera outro aeroporto. O Transportista non estará obrigado a reembolsarlle ao Pasaxeiro a parte do prezo do Billete ou Billete de conexión correspondente ás rutas que o Pasaxeiro non completase nin terá ningunha responsabilidade referente á equipaxe deste Pasaxeiro.

• 10.7
  Responsabilidade do Pasaxeiro
• No caso de que o Transportista teña que pagar algunha multa ou sanción, ou incorrer nalgún gasto con motivo do incumprimento por parte do Pasaxeiro e a súa equipaxe (aduanas, policía, etc.) dalgunha lei, esixencia ou outros requisitos de viaxe dos países desde os cales, aos cales ou sobre os cales se realice o transporte, o pasaxeiro deberá reembolsar, cando llo solicite o Transportista, o importe que este pagase ou o gasto en que incorrese ou deba incorrer.
•  

• 11.1
  Dereito do Transportista a denegarlles o transporte aos Pasaxeiros

O Transportista resérvase o dereito a denegar, en calquera momento, o transporte a un Pasaxeiro que posúa un Billete ou Billete de conexión se, a xuízo do Transportista:

• • É necesario ou conveniente por motivos de seguridade pública.
    
  • É necesario ou conveniente para cumprir coas leis ou normas aplicables nun país de orixe, destino ou escala do voo.
  • É necesario ou conveniente en razón da conduta, estado, idade ou condición mental ou física do Pasaxeiro.
  • É necesario ou conveniente para evitar dano, incomodidade ou molestias graves a outros Pasaxeiros ou á tripulación.
  • É necesario ou conveniente porque o Pasaxeiro incumpriu con anterioridade e de maneira reiterada as normas do Transportista.
  • O pasaxeiro presentoulle ao Transportista algún documento (a) adquirido de forma presuntamente ilegal, (b) que se denunciase como perdido ou roubado, ou (c) que sexa presuntamente falso ou conteña modificacións ou alteracións de calquera tipo non realizadas polo Transportista. Nestes casos, o Transportista resérvase o dereito a reter estes documentos.
  • A persoa que se presente no mostrador do Transportista non se corresponde co titular do Billete. Neste caso, o Transportista resérvase o dereito a reter este Billete.
  • O Pasaxeiro non puido acreditar que xa pagou a totalidade do Billete ou Billete de conexión de avión, ou solicitouse a cancelación do cargo da tarxeta coa que se aboou.
    
    
• 11.2
  Restricións ao transporte
  • Mulleres embarazadas: O transportista acepta transportar mulleres embarazadas ata a semana 27 de embarazo (incluída) sen necesidade de achegar ningún certificado médico. Cando a viaxe se produza entre as semanas 28 e 35 do embarazo (ambas as dúas incluídas), será necesaria a achega do orixinal do permiso médico no que se confirme a aptitude para voar, contendo este ademais o período de validez, número de colexiación e sinatura do médico. Non poderán viaxar as mulleres que estean na semana 36 de embarazo ou máis adiante.
    
  • Menores:Os menores de 14 anos non poden viaxar sen un responsable maior de 16 anos. Os menores con idades comprendidas entre os 5 e os 11 anos (11 + 364 días) poderán viaxar sós mediante a contratación do Servizo de Acompañamento de Menores (UM)
    Condicións para o Servizo de Menores non Acompañados: UM

    1. Condicións para o Servizo de Menores non Acompañados: UM
    
    O Servizo de Menores non Acompañados é obrigatorio para nenos con idade comprendida entre 5 e 11 anos (11 + 364 dias) que desexen viaxar sós. O custo do servizo é 35€ por traxecto nacional e 55€ por traxecto internacional e Illas Canarias. A reserva deste servizo deberá ser realizada cun mínimo de 24 horas de antelación á saída do voo. Ao realizar a reserva, Vueling asignará ao menor o asento máis adecuado para a asistilo durante o voo. Este asento non se poderá cambiar, só poderá facelo o persoal de a bordo ou de facturación se for necesario.
    
    2. Formulario de menores non acompañados
    
    Na páxina de confirmación do voo vostede encontrará un botón para imprimir o formulario en formato PDF. Se non dispón do programa para visualizar este tipo de documentos, poderá descargalo desde esa mesma páxina. Deberá imprimir todas as copias correspondentes.
    
    Por defecto imprimiranse 3 copias por menor e por traxecto. Cada copia conterá os datos do menor e do pai/nai ou tutor facilitados durante a reserva e deberá ser completada cos datos do acompañante na saída e a persoa que recollerá ao menor na chegada. Todas as copias deberán ser asinadas polo pai/nai ou tutor. Non se aceptan fotocopias.
    
    Unha vez realizada a reserva, pódese acceder ao devandito formulario a través do correo de confirmación da reserva, a través da sección da web “Xestiona a túa reserva” e na facturación dos aeroportos. Se o desexa, tamén poderá solicitar un reenvío do formulario a través do noso servizo de atención ao cliente.
    
    3. Obrigas do pai/nai ou tutor
    
    O pai/nai ou tutor comprométese a realizar os trámites necesarios para que o menor sexa acompañado ao aeroporto de saída e recollido á chegada polas persoas indicadas no formulario.
    
    Debe asegurarse de que o menor leva consigo toda a documentación necesaria tanto para o servizo de acompañamento como para poder ingresar no país de destino.
    
    Comprométese a facerse cargo do menor no caso de que a persoa autorizada designada no formulario non estea á súa espera no lugar destino ou, no seu defecto, autoriza a que Vueling devolva o menor ao seu lugar de procedencia, e comprométese a indemnizar e reembolsar á compañía todos os gastos que foren orixinados por tal motivo.
    
    Asumirá así mesmo calquera gasto ou perda adicionais causados a terceiros polo menor tanto durante o voo como durante o embarco e o desembarco.
    
    Por último, deberá estar localizable no teléfono de contacto en todo momento até que o menor sexa recollido no lugar de destino.
    
    4. Obrigas do acompañante do menor na saída
    
    A persoa acompañante do menor na saída debe ser a mesma que figura no formulario e debe presentar a seguinte documentación na facturación:
    
    

    Documento de identificación (pasaporte ou DNI);
    Fotocopia do pasaporte ou DNI do pai/nai o tutor;
    Pasaporte ou DNI do menor;
    As 3 copias do formulario cubertas e asinadas polo pai/nai ou tutor do menor.
    
    

    A persoa acompañante deberá esperar no aeroporto até que o avión despegue.
    Vueling asume a responsabilidade sobre o menor só desde o momento en que este factura no aeroporto e o axente encargado por Vueling comproba que a documentación que habilita o menor para viaxar está completa e é válida.
    
    5. Obrigas da persoa que recolle ao menor á chegada
    
    A persoa que recolle ao menor á súa chegada deberá ser a mesma que figura no formulario, debidamente acreditada con documentación de identificación (pasaporte ou DNI) e deberá asinar dúas copias do formulario: a copia para o aeroporto de destino e a copia do menor.

    

    ofrecido por VUELING, previo pagamento do custo correspondente. Opcionalmente, este servizo poderá contratarse para menores con idades comprendidas entre os 12 e os 17 anos (17 + 364 días).

• Por motivos de seguridade, os bebés menores de 7 días de idade non poderán admitirse a bordo. Os nenos desde 7 días ata 2 anos (1 + 364) viaxarán no colo da súa nai ou pai, sen que sexa posible embarcar na cabina do avión cadeiras ou berces. Estes Pasaxeiros menores de 2 anos deberán pagar un importe único por reserva. Só se permitirá un máximo de 6 menores con idades comprendidas entre os 5 e os 8 anos a bordo e un bebé sen dereito a asento por adulto maior de 18 anos.
• En calquera momento, tanto VUELING como as autoridades locais do aeroporto de saída ou destino poden esixir toda a documentación referente ao bebé ou ao neno que pretenda viaxar, polo que recomendamos que a leven sempre a man.
• Só se aceptarán Pasaxeiros menores de idade pero maiores de 12 anos a bordo que dispoñan de DNI ou pasaporte en vigor ao seu nome. Os menores de 14 anos deberán posuír igualmente pasaporte ou DNI, pero bastará o libro de familia se se tratase dun voo nacional e viaxasen acompañados dalgún dos pais.

É posible que as autoridades lles esixan aos menores de 18 anos residentes en determinados países que viaxen sen a compañía dos seus pais ou dun titor legal un formulario asinado por estes antes da saída do voo, sen o cal non se lles permitirá embarcar. En concreto, e a título de exemplo, no caso de Romanía, os menores de 18 anos que pretendan viaxar sós ou acompañados polo pai ou nai só poderán facelo se son posuidores dun certificado oficial asinado por ambos os proxenitores.

• • Pasaxeiros con enfermidades e infeccións: O Transportista non aceptará Pasaxeiros que sufran ou poidan estar sufrindo enfermidades infecciosas graves ou sobre as que as autoridades sanitarias decretasen un nivel de alerta oficial, tales como infeccións respiratorias graves, viriases, tuberculoses ou pneumonía.

12.

Conduta a bordo da aeronave

Volver

• Se, a xuízo do Transportista, a conduta do Pasaxeiro a bordo da aeronave pode poñer en perigo a aeronave ou a calquera persoa ou bens a bordo desta, ou supón un obstáculo para que a tripulación cumpra coas súas funcións, ou fai caso omiso de calquera instrución por parte da tripulación, ou ameaza, abusa ou insulta a calquera membro da tripulación, ou compórtase de maneira escandalosa ou dalgunha maneira que poida considerarse ofensiva cara ao resto de Pasaxeiros, o Transportista poderá tomar as medidas que considere necesarias para evitar que continúe este comportamento, mesmo o desembarque da aeronave. VUELING exercitará con posterioridade todas as accións legais en vía civil ou penal que ao seu Dereito corresponda.
• Se, como consecuencia da conduta do Pasaxeiro a bordo da aeronave, o comandante desta decide, en exercicio razoable da súa discrecionalidade, desviar a aeronave coa finalidade de desembarcar o Pasaxeiro, este deberá pagarlle ao Transportista todos os gastos e custos que se deriven deste desvío.
• Agás permiso previo expreso por parte do Transportista, está prohibido, por razóns de seguridade, utilizar a bordo dunha aeronave calquera equipo electrónico ou dispositivo similar, coa excepción de audiófonos e marcapasos. Os equipos e dispositivos que está prohibido utilizar son, entre outros e sen ningunha limitación, radios e gravadoras portátiles, teléfonos móbiles e celulares, ordenadores portátiles, reprodutores de cintas de audio, discos compactos, DVD e/ou MP3, xogos electrónicos e dispositivos de transmisión (entre os que se inclúen xoguetes con control remoto e transmisores-receptores portátiles).
• Non se permite o consumo de bebidas alcohólicas, salvo que se adquirisen a bordo.

 

13.

Responsabilidade por danos humanos e materiais

Volver

• 13.1
  Consideracións xerais
• En caso de accidente, a responsabilidade de VUELING será a seguinte:
• A responsabilidade estará limitada aos danos demostrados e en ningún caso VUELING será responsable dos danos indirectos ou non acreditados suficientemente, así como de calquera forma de danos non compensatorios.
  
• VUELING non é responsable de ningún dano resultante do cumprimento pola súa parte das leis, regulamentos gobernamentais, ordenanzas ou requisitos, ou por incumprimento destes por parte do Pasaxeiro.
• As Condicións xerais de transporte aplícanse, así mesmo, aos Axentes Autorizados de VUELING, empregados e representantes, na mesma medida na que se aplica a VUELING. A suma recuperable por parte de VUELING, e dos Axentes, empregados, representantes e persoas autorizadas non superará a suma correspondente á responsabilidade de VUELING, en caso de que a haxa.
• Se a compañía aérea encargada do voo non é VUELING, o Pasaxeiro poderá reclamar ante calquera delas. A compañía contratante será a que apareza no Billete ou Billete de conexión.
• Toda reclamación ante un tribunal deberá presentarse no prazo máximo de dous anos desde a chegada da aeronave ou desde o día en que debería chegar.
  

• 13.2
  Lesións corporais
• VUELING será responsable dos danos sufridos en caso de morte ou feridas ou de calquera outra lesión corporal sufrida polo Pasaxeiro se o accidente que causou o dano sufrido se produciu a bordo do avión ou durante algunha das operacións de embarque e desembarque dos Pasaxeiros, nos termos e coa extensión previstos no Regulamento 2027/97 (modificado polo Regulamento 889/2002) e o Convenio de Montreal do 28 de maio de 1999, e sen prexuízo das exclusións de responsabilidade de VUELING no caso de que (i) a morte, as feridas ou calquera outra lesión corporal se deberon ao estado de saúde, físico ou mental do Pasaxeiro existente antes das operacións de embarque dos Pasaxeiros; ou (ii) se o dano se causou ou se favoreceu pola neglixencia do Pasaxeiro ou polo seu estado de saúde anterior ao embarque do voo.
  
• Non hai límite económico fixado para a responsabilidade en caso de lesións ou morte do Pasaxeiro. Para os danos de ata 113.100 Dereitos Especiais de Xiro, a compañía aérea non poderá impugnar as reclamacións de indemnización. Por riba desta cantidade, a compañía aérea só pode impugnar unha reclamación en caso de que poida probar que non houbo neglixencia nin ningunha falta doutro tipo pola súa parte.
• A suma recuperable cubrirá a reparación do dano, tal como se determine nunha solución amigable non contenciosa, segundo o determine o dictame dun experto ou dun tribunal competente.
• VUELING compensará o Pasaxeiro polos danos recuperables só pola parte que exceda a todo pagamento recibido dalgún organismo de seguro social público ou doutra institución similar.
• VUELING resérvase o dereito a recorrer contra terceiros, incluídos, sen limitacións, os dereitos de subsidio e indemnización.
• En caso de morte, feridas ou lesións corporais como consecuencia dun accidente aéreo, á(s) persoa(s) con dereito a compensación, cando estea(n) identificada(s), se lle(s) ofrecerá un pagamento adiantado para cubrir as súas necesidades inmediatas, de maneira proporcional aos prexuízos causados. En caso de morte, este pagamento adiantado non deberá ser inferior a 16.000 Dereitos Especiais de Xiro por Pasaxeiro. O pagamento adiantado efectuarase dentro dos quince (15) días seguintes á constatación da identificación da(s) persoa(s) con dereito a compensación, non suporá ningunha admisión de responsabilidade e será deducible da cantidade definitiva a pagar por responsabilidade de acordo con este punto, pero non será reembolsable agás nos casos previstos no artigo 20 do Convenio de Montreal ou se non tiña dereito á indemnización.
• Toda reclamación debe presentarse, como máximo, no prazo de dous anos desde que a aeronave chegue ou desde o día que tivese que chegar.