Vueling-en cookieak erabiltzen ditugu, nabigazio-esperientzia hobea eta zerbitzu pertsonalizatuagoa emateko. Nabigatzen jarraituz gero, cookieak erabiltzea onartzen duzula ulertuko dugu. Konfigurazioa aldatu edo informazio gehiago eskuratzeko, kontsultatu gure gidalerroak. Onartu

Maiz egiten diren galderak

Bidaia prestatzen

Zenbat denbora lehenago egon behar dut aireportuan?

Aireportura nahikoa aurrerapenez hel zaitezen gomendatzen dizugu. Fakturazio-mahaiak hegaldiak atera baino 2 ordu eta erdi lehenago irekitzen dituzte eta irteera baino 40 minutu lehenago itxi, honako kasuetan ezik:

  • Erroma (Fiumicino) eta San Petersburgotik ateratzen diren hegaldi guztietarako, mahaiak hegaldia atera baino 45 minutu lehenago ixten dituzte.
  • Tel Aviv, Beirut, Argel eta Oranetik ateratzen diren hegaldi guztietarako mahaiak hegaldia atera baino 3 ordu lehenago irekitzen dituzte eta 60 minutu lehenago itxi.
  • Parisetik (Orly) Casablancara bidaiatu behar baduzu, mahaiak hegaldia atera baino 60 minutu lehenago ixten dituzte.
  • Bartzelonatik Tel Aviv-era bidaiatu behar baduzu, fakturazio-mahaiak hegaldia atera baino 60 minutu lehenago ixten dira.

Hegazkineratzeko atera hegaldia atera baino 30 minutu lehenago heldu behar duzu, hegazkineratzeko txartelan adierazten den moduan. Eta hegazkineratzeko atea ateratzeko ordua baino 10 minutu lehenago itxikoa da.

Parisetik Casablancara bidaia egin behar baduzu, hegazkineratzeko ateak menebaldeko terminalean daude, 3. hall-ean, gainerako Vueling helmugetako hegazkineratzeko ateetatik (1. hall) 15 minutura. Hegazkineratzeko atera heltzeko behar duzun denbora aintzat hartzea gomendatzen dizugu.

Garrantzitsua da beranduago ez heltzea, izan ere beranduago ez baita batere bidaiaririk onartuko.

Igo

Zer dokumentazio behar dut hegaz egiteko?

Beti eraman behar duzu NAN edo pasaportea. Berez dokumentazio horrekin aski da, eta gure Garraio Baldintzetan agertzen den bezala, bidaiari bakoitza hegaz egiteko beharrezkoa duen dokumentazioaren erantzule da, bere egoera partikularra zein den. Eraman beharrekoari buruzko zalantzarik izanez gero, galde egizu zure herrialdeko enbaxadan edo kontsulatuan.

Informazio gehiago behar izatera, zure bidaiarako behar duzun dokumentazioa kontsulta dezakezu.

Igo

Nire egoiliar-txartelarekin bidaiatu al dezaket?

Espainiako lurraldean zure egoiliar-txartelarekin bidaiatu dezakezu, beti ere indarrean baldin badago eta Schengen Estatu batek jaulkitakoa baldin bada.

Berez dokumentazio horrekin aski da, eta gure Garraio Baldintzetanagertzen den bezala, bidaiari bakoitza hegaz egiteko beharrezkoa duen dokumentazioaren erantzule da, bere egoera partikularra zein den. Eraman beharrekoari buruzko zalantzarik izanez gero, galde egizu zure herrialdeko enbaxadan edo kontsulatuan.

Informazio gehiago behar izatera, zure bidaiarako behar duzun dokumentazioa kontsulta dezakezu.

Igo

Nire haurtxoarekin bidaiatu al dezkaet?

Noski baietz. Vueling-en zure haurtxoarekin hegaz egin dezakezu, 2 aste dituenetik 2 urte bete arte (haurtxoak ezin du adin hori gainditu hegaldiaren egunean), baina Optima edo Basic tarifa aukeratu behar duzu.

Zure haurtxoarekin bidaiatzeak aparteko kostua du, bidaiari helduaren erreserbari gehituko zaiona.

Igo

Haurrek dokumentaziorik eraman behar al dute?

Bai, helduek bezalaxe, haurrek bere NAN edo pasaportea eraman behar dute.

Aparteko kasu gisa, Espainiako lurraldearen barruan hegaz egiten duten 14 urte baino gutxiagoko adingabeek badute NAN edo pasaporterik ez eramatea, beti ere bidaia 18 urte baino gehiago dituen heldu batek lagunduta egiten badute eta erreserba berean agertzen badira.

18 urtez beherakoak erkidego barneko hegaldietan bakarrik edo lagunekin hegaz egiten badu, NAN edo pasaportea eramateaz gainera, bere aita, ama edo tutorearen baimen ofiziala ere eskatuko zaio.

Igo

Nire seme-alaba adingabea bakarrik bidaiatzeko aukerarik ba al da?

Zure seme-alabak 5 eta 11 urte artean baldin badu, bakarrik bidaiatzeko modua izango du Adingabekoak Laguntzeko Zerbitzua kontratatzen baduzu. Zerbitzu honen kontratazioa gure web gunetik egin daiteke zure erreserba egitean, telefonozko arreta zerbitzuan hegaldia atera baino 24 ordu lehenago gutxienez, edo aireportuko bulegoetan hegaldia atera baino 2 ordu lehenagora arte.

Zure seme-alabak 11 eta 17 urte artean baldin badauzka aukeran adingabeak Laguntzeko zerbitzua kontrata dezakezu telefono bidezko arreta zerbitzuaren bitartez bakarrik.

Adingabeak Laguntzeko zerbitzua helmuga nazional eta nazioartekoak dituzten hegaldi guztietarako eskura dago, eta beti Óptima Tarifari lotzen zaio. Oraingoz ez dago konexioa duten hegaldietarako eskura, horregatik adingabeek beti heldu batek lagunduta egin behar dute hegaz halako hegaldietan.

Kasu guztietan ere, zerbitzu hau jatorri eta helmugako herrialdean indarrean den legeriaren arabera kontratatuko da.

Zenbatekoa hegaldiaren zerbitzu gehigarriak atalean kontsulta dezakezu, eta zerbitzu honi buruzko xehetasun guztiak Adingabeak laguntzeko zerbitzuaren Baldintzetan.

Igo

Check-in online egin al daiteke adingabe batentzat?

Bai, heldu baten laguntzaz bidaiatzen badira, beti ere, check-in online egin dezakete horretarako modua ematen duten aireportuetan, hauetan salbu:

  • Italiako aireportuetan, han ezin da check-in online egin 18 urtetik beherakoentzat.
  • Lagundu gabeko adingabeak (UM).
  • Heldu batek haurtxo batekin bidaiatzen badu, ezin izango du check-in online egin.

Aipatutako kasuetan hegazkineratzeko txartelak lortzeko fakturazio-mahaira behar adinako aurrerapenaz jotzea gomendatazen dizugu.

Igo

Fakturatutako zenbat ekipaje eraman dezaket?

Ekipajearekin hegaz egin behar baduzu, gogoan hartu Óptima edo Excellence Tarifak aukeratzea, 23 kg arteko maleta bana fakturatzeko aukera ematen baitute, bidaiari bakoitzeko eta doan.

Basic Tarifa aukeratuz gero ere zure ekipajea fakturatu ahal izango duzu, apareko kostu batekin.

Bidaiari bakoitzak 23 kg arteko 3 maleta fakturatu ahal izango ditu gehienez. Muga hori gaindituz gero, gehiegizko kg bakoitza 12 €an kobratuko da aireportuan, 32 kg arte maleta eta ibilbide bakoitzeko. Behin maleta fakturatuta, ezin izango da fakturazioa baliogabetu, ezta zenbatekoa itzultzea eskatu ere.

Garrantzitsuena da zenbat maleta fakturatuko dituzun jakinaraztea, bai zure hegaldia erosterakoan, zure erreserbari behin hegaldia erosita gehituz “Maletak gehitu” atalean, edo Bezeroaren arreta zerbitzura hots eginda. Gogoan hartu behin fakturazio-mahaian zaudela, erregistratu gabeko maletek kostu handiagoa izango dutela ibilbide eta maleta bakoitzeko.

Kontsulta ezazu zenbatekoa hegaldiaren zerbitzu gehigarrietan.

Igo

Zenbat fardel eraman dezaket eskuko ekipajean?

Zurekin, hegazkin barruan, eskuko ekipajeko pieza 1 eraman dezakezu, 10 kg arteko pisuarekin, eta 55x40x20 cm gehieneko neurriekin. Gainera, beste elementu gehigarri bat eramateko aukera duzu, nabarmen txikiagoa, maletatxo txiki bat adibidez, emakumezko poltsa bat edo bideo edo argazki-kamera bat. Baldintza hauek hegazkin barruko espazio-eskuragarritasunaren araberakoak izango dira.

Excellence Tarifa kontratatu baduzu eskuko ekipajeko 14 kg arte eraman ditzakezu, 55x40x20 cm-ko maleta batean. Eta gainera hegazkin barruan zure eskuko ekipajerako tokia bermatuko dizugu.

Hegazkineratzeko atean, eskuko ekipajearen neurriak egiaztatzen diraetakonpainiaren arauak betetzen dituztenak bakarrik sartu ahal izango dira. Hau da, 10 kg-ko gehienezko pisua eta ezarritako neurriak (55x40x20 cm), edo fardel-kopurua, gainditzen ez dituztenak. Neurri horiek betetzen ez dituen bidaiariak ibilbide eta maleta bakoitzeko 35€ ordaindu beharko ditu (txartel bidezko ordainketa onartuko da bakarrik), eta maleta fakturatua izango da eta hegazkinaren sotoan joango da, aurrez maletarik fakturatu duen axola gabe.

Informazio gehiago behar izatera, begiratu ekipajeei buruzko atala gure Garraio Baldintzetan.

Igo

Hobe al da nire ekipajea web bidez ala aireportuan fakturatzea?

Hobe duzu zure ekipajea web gunearen bitartez fakturatzea, izan ere askoz praktikoago eta erosoagoa baita! Gogoratu Optima eta Excellence Tarifek 23 kg arteko maleta fakturatua barne hartzen dutela, bidaiari bakoitzeko.

Zure hegaldiaren erosketa prozesuan egin ahal izango duz, zure erreserbari gehituz, behin hegaldia erosita, “Maletak gehitu” atalean, edo Bezeroaren arreta zerbitzura deituz.

Kontsulta ezazu zenbatekoa hegaldiaren zerbitzu gehigarrietan.

Igo

Nire haurtxoaren aulkitxoarekin bidaiatu al dezaket? Eta konexioa duten hegaldietan?

Horregatik, aulkitxoarekin hegazkineko sarreraraino hel zaitezke batere kosturik gabe. Behin hegazkin barruan, aulkia gorde egingo dugu eta zure helmugan jasoko duzu, fakturatutako ekipajearen zintan.

Konexioa duten hegaldietan paseo-aulkia amaierako helmugan entregatuko dizugu. Bartzelonako aireportuan haurtxoarentzako aulkia duen orga berezia eska dezakezu AENAren mahaian.

Igo

Bizikletak, golf-makilak, snowboard-oholak, surf- edo windsurf-oholak fakturatu al daitezke?

Noski! Zure eski-ekipoarekin, snow-oholarekin, golf-ekipoarekin, bizikletarekin, surf-oholarekin, windsurf-belarekin... bidaiatu dezakezu. Kontsulta ezazu zenbatekoa Hegaldiaren zerbitzu gehigarrietan.

Oso garrantzitsua da ekipajea behar bezala paketatuta joatea garraiatua izan dadin (adib. bizikleta ahal beste desmuntatuta, gurpilak hustuta eta pedalak kenduta).

Vueling-ekin zein ekipaje berezirekin bidaiatu dezakezun informazio gehiago izateko, kontsulta itzazu Garraio Baldintzak.

Igo

Musika-tresna bat ekipaje gisa eraman al dezaket?

Noski! Gainera, aukera ezberdinak dauzkazu musika-tresna motaren eta neurrien arabera:

  • Eskuko ekipaje bezala eraman dezakezu10 kg-ko gehienezko pisua eta ezarritako neurriak gainditzen ez baditu (55cm luze, 40cm de zabal eta 20cm sakon)
  • Ekipaje berezi gisa fakturatu, eta zure tresna hegazkinaren sotoan joango da (Kontsulta egizu zenbatekoa hegaldiaren zerbitzu gehigarrietan). Nahi baduzubalio-aitorpen berezi bat kontrata dezakezu tresna aseguratzeko.
  • Zure tresnarako aparteko eserleku bat erosi eta zeurekin hegazkin barruan eraman. Kasu hau gitarra, biolontxelo edo antzeko neurriak dituzten tresnei zaie aplikagarri.

Informazio gehiago izateko, kontsulta itzazu garraio-baldintzak.

Igo

Maskota hegazkin barruan eraman al dezaket?

Vueling-en zure maskota hegazkin barruan eraman dezakezu beti ere animaliak garraiatzeko indarrean den araudia betetzen baduzu.


Gogoan izan:

  1. Pertsona bakoitzeko maskota bakarra onartzen da eta hegaldi bakoitzean gehienez 2 maskota onartuko dira hegazkinaren kabinan. Ezin da animaliarik garraiatu aireontziaren sotoan.
  2. Zure maskotak zurruna ez den garraiatzeko ontzi batean joan beharko du.
  3. Basic Tarifa aukeratzen baduzu bakarrik hegaz egin dezakezu zure maskotarekin.
  4. Eresuma Batua eta Irlanda helmuga edo jatorri duten hegaldiek ez dute maskota-zerbitzurik.

Informazio gehiago izateko, kontsulta itzazu Animaliak garraiatzeko baldintzak.

Igo

Zer egin dezaket nire ekipajea galdu egiten bada?

Edozein unetan zure ekipajea galdu egiten bada, ekipaje-irregulartasun galdetegi (P.I.R.) bat bete behar duzu helmuga aireportuko bertako galdutako ekipaje bulegoan, bilaketari hasiera emateko. Hantxe kasu hauetan zer egin azaltzen duten jarraibideak jasotzen dituen gutun bat emango dizute.

Zure ekipajea topatu eta berehala, irregulartasun galdetegian (PIR) ematen diguzun telefonoan informazioa emango dizugu. Helmuga-aireportuak ekipajearen bilaketa kudeatzen du PIRaren datatik bos egunera arte (barne). Egun horretatik aurrera, gure ekipaje-zentroak hartuko du bilaketa eta zure erreklamazioa kudeatzeko ardura.

Vueling Ekipajeekin harremanean jar zaitezke honako telefonoen bitartez:

Espainiatik: 902 48 66 48
Italiatik: 199 30 80 80
Frantziatik: 0821 23 23 22
Portugaletik: 707 78 66 77
Belgikatik: 070 354 727
Holandatik: 0900 777 0038
Beste herrialde guztietatik: 34 931 51 81 58

Igo

zer gertatzen da nire ekipajea hondatu egiten bada?

Zure maletak edukia babesteko duen funtzioari eragiten dion kalterik baldin badu ekipaje irregulartasun galdetegi bat (P.I.R.) bete behar duzu, helmuga aireportuko galdutako ekipaje bulegoan. Gogorarazten dizugu ez dugula makadura, atzamarkada, orban edota gurpil hautsirik indemnizatzen.

Zure erreklamazio gauzatzeko 7 egun baino gutxiagoko epean zure hegaldia heltzen den egunetik, honako dokumentazioa bidali behar diguzu:

P.I.R.
Etiketa
Hegazkineratzeko txartela

Dokumentazioaren kopia gorde eta dokumentazio originala bidal dezazun gomendatzen dizugu, egiaztatuko posta bidez, honako helbide honetara:

Vueling Equipajes
36.342 posta-kutxatila
28080 Madril

Igo

Nire billeteak ezezta ditzaket?

Excellence Tarifarekin zure hegaldia ezeztatu dezakezu, beti ere ibilbideetako bat egin izan ez bada, eta tarifaren guztizko zenbatekoa itzuli egingo dizugu (txartel edo Paypal bidezko ordainketa eta tarifaren barruan sartzen ez diren zerbitzu gehigarrien erosketa ez dira itzuliko).

Beste tarifek ez dute ematen zure billeteak ezeztatzeko modurik baina, aparteko kostu batez, (kontsulta ezazu zenbatekoa hegaldiaren zerbitzu gehigarrietan), titular-aldaketa egin dezakezu , baita helmuga edo data eta ordua ere, zure billeteak gal ez ditzazun.

Edozein aldaketa egin dezakezu zure hegaldia atera baino 2 ordu lehenagora arte, “Zure hegaldia aldatu” atalean helmuga edo data-aldaketa baldin bada, edo gure bezeroaren arreta zerbitzura deitu, billetearen helmuga, data edo titularra aldatzeko.

Igo

Zer egin dezaket nire berrespen zenbakia aurkitzen ez badut?

Vueling-en sistema informatikoak erreserbak zure billetearen erosketa egin zenuen kreditu-txartelaren arabera bilatzeko modua ematen du. Honek erreserbaren konfidentzialtasuna bermatzeko aukera emango du. Hori dela eta, Bezeroaren arreta zerbitzura deitzen baduzu eta datu hori eman, zure berrespen zenbakia aurkitu ahal izango dugu.

Gogoan izan aireportura joatean NAN edo pasaportea eraman behar duzula zure dokumentua eta erreserba egin zuen pertsona bat datozela egiaztatzeko modua izan dezagun.

Igo

Aseguru bat kontratatu al dezaket nire billetea erosi eta gero?

Bai, behin zure billetea erosita aseguru bat kontrata dezakezu “Aukeratu zure asegurua” atalean. Zure bidaiaren beharretara gehien egokitzen dena aukeratu dezakezu:

  1. Medikuntza-asistentzia asegurua
  2. Ekipaje-asegurua
  3. Ekipaje berezi asegurua

Igo

Nola eskatu behar bereziak dituen bidaiari batentzako laguntza?

Gaur egun aireportuak dira behar bereziak dituzten bidaiarien asistentziaren ardura hartzen dutenak.

  1. Zure erreserba web gunearen bitartez egin bazenuen, zerbitzua 72 ordu lehenago gutxienez eskatu beharko duzu zure bidaia baino lehenago, hemen klik eginez eta ondoren azalduko zaizkizun urratsak jarraitu eskabide-orria osatzeko; edo 807 200 100 Vueling Erreserba Zentrora deituz. Geuk hartuko dugu zure eskaera dagokion aireportuko zerbitzuaren kudeatzaileei helarazteko ardura.
  2. Minusbaliotasunen bat edo mugikortasun urria duen pertsona bat bazara eta erreserba telefonoz egin baldin bazenuen, guk hartuko dugu zure eskaria dagokion aireportuko zerbitzuaren kudeatzaileei helarazteko ardura.
  3. Aenak kudeatzen dituen aireportuetan zuk zeuk aireportuko asistentzia erreserba dezakezu, eurekin zuzenean harremanean jarriz www.aena.es web gunean edo Aenaren telefono bidezko arreta zerbitzura deituz: 902 404 704. Gogoan hartu zure bidaia baino 48 ordu lehenago abisatu behar duzula gutxienez.

Behin aireportuan zaudela eskura jarritako topaguneetako batera joan eta zure asistentzia eskatu behar duzu. Bidaiarientzako zerbitzuaren kudeatzaileek gure fakturazio-mahaietaraino lagunduko zaituzte.

Gogoan izan Vueling fakturazio-mahaian behar adinako aurrerapenaz heldu beharko duzula, zure hegaldia atera baino 2 ordu lehenago.

Igo

Nire billeteak alda ditzaket?

Noski! Billeteak aldatu egin ditzakezu hegaldia atera baino 2 ordu lehenagora arte aparteko kostu batekin (kontsulta ezazu zenbatekoa hegaldiaren zerbitzu gehigarrietan).

Posible da hegaldiaren data eta ordua ere aldatzea. Aldaketarengatiko kostuari aldaketa egiten den unean aplikagarri den hegaldiaren kostu osoaren edozein ezberdintasun gehitu beharko zaio (eskura den tarifa txikiagoa bada hegaldi berrian, ez da dirurik itzuliko).

Erreserbaren titular-aldaketa gure Bezeroaren arreta zerbitzuaren bitartez bakarrik egin daiteke, beti ere joan-etorriko bidaietatik lehen hegaldia egin ez bada. Aldaketarengatiko kostuari aldaketa egiten den unean aplikagarri den hegaldiaren kostu osoaren edozein ezberdintasun gehitu beharko zaio (eskura den tarifa txikiagoa bada hegaldi berrian, ez da dirurik itzuliko).

Edozein aldaketa egin dezakezu zure hegaldia atera baino 2 ordu lehenagora arte, “Zure hegaldia aldatu” atalean data-aldaketa baldin bada, edo gure bezeroaren arreta zerbitzura deitu, billetearen data edo titularra aldatzeko.

Eta Excellence Tarifarekin nahi beste aldaketa egin ditzakezu zure ordu eta egun-erreserban, web gunearen eta bezeroaren arreta telefonoaren bitartez. Telefono honen bitartez titular-aldaketak ere egin ditzakezu. Kasu guztietan ere, aldaketa egiten den uneko tarifaren guztizko kostuaren diferentzia ordaindu behark oda (eskura den tarifa hegaldi berrian txikiagoa baldin bada, ez da itzulketarik egingo).

Igo

Itzultzeko eguna baino geroagokoa den joateko egun bat aukeratu duzu.
Jarraitu baino lehenago bidaiatuko duten bidaiarien kopurua aukeratu behar duzu.