Vueling-en cookieak erabiltzen ditugu, nabigazio-esperientzia hobea eta zerbitzu pertsonalizatuagoa emateko. Nabigatzen jarraituz gero, cookieak erabiltzea onartzen duzula ulertuko dugu. Konfigurazioa aldatu edo informazio gehiago eskuratzeko, kontsultatu gure gidalerroak. Onartu

Webgunea erabiltzeko baldintzak

www.vueling.com

Honako baldintza orokorrek www.vueling.com ("Web Gunea") web gunearen sarbidea eta erabilera arautzen dituzte; haren edukiaren izaera informaziozkoa da, ez besterik. Vueling Airlines, S.A.-k sortu du Web Gunea. Helbide soziala El Prat de Llobregat-en du, (Bartzelona), Mas Blau II Negozio parkea, Pla de l'Estany, 5, Bartzelonako Merkataritza Erregistroan izena emana, 196. Folioan, 36403 Liburukian, B-279224 Orrian, IFK A-63422141 ("Vueling"), posta elektronikoa lopd@vueling.com eta fax 933787879. Erabiltzaile batek Web Gunera sartu eta hura erabiltzeak honako termino eta baldintzak ezagutu eta onetsi egiten dituela dakar berekin ("Baldintza Orokorrak"):
1.
Terminoak eta baldintzak

1.1. Web Gunearen barruan agertzen diren eduki, jarduera komertzial, produktu eta zerbitzuak ez daude zuzenduta eduki horiek behar bezala baimenduta ez dauden jurisdikzioetan bizi diren pertsonei.

1.2. Web Guneak www.vueling.com-ek une oro zerbitzatutako orrialdeak bakarrik barne hartzen ditu. Web Gunera sartu eta bertan nabigatzea erabiltzaileen ardura da huts-hutsean, Baldintza Orokor hauetan aurreikusitako terminoetan.

1.3. Web Guneko edozein eduki kontsultatzeak ez du, berez, Vueling eta erabiltzailearen arteko kontratuzko harremanik eratuko.

2.
Erabiltzailearen betebeharrak

2.1. Erabiltzaileak konpromisoa hartzen du Web Guneko zerbitzuak eta edukiak Legeari, Baldintza Orokor hauei eta Vueling-ek une bakoitzean eskaintzen dituen zerbitzuen baldintza bereziei jarraiki erabiltzeko, eta ezin izango ditu honetarako erabili:

(I) Legezkoak ez diren ala delitua diren jarduerak egiteko, fede onaren, moralaren, ordena publikoaren edo ohituren aurka doazenak, edota jabetza intelektualari eta industrialari buruzko erregulazioa edo aplikagarri izan dakiokeen ordenamendu juridikoaren beste edozein agindu urratzen dituztenak.

(II) Izaera arrazista, xenofobo, pornografikoa duten edukiak, terrorismoa goratzen dutenak edota giza-eskubideen aurka doazenak zabaltzeko.

(III) Sarean Vueling-en informatika-sistemetan, bere hornitzaileenetan edo barne-sareko edo Web Gune honetako hirugarren erabiltzaileenetan kalteak eragin ditzaketen datu-programak (birusak eta software kaltegarriak) sartu edo zabaltzea.

(IV) Baimenik gabeko hirugarrenei bere erabiltzaile-izena eta pasahitza ematea; Vueling-i berehala jakinarazi beharko dio baimenik gabeko erabiltzaile batek informazio horretarako sarbidea izan duela. Helburu horietarako, Vueling-ek erabiltzaile-izena eta pasahitza aldatzeko eskubidea beretzako gordetzen du, zerbitzua babesteko.

(V) Aplika daitezkeen xedapenekin edo indarrean diren kontratuzko harremanekin bat etorriz erabiltzaileak igortzeko baimenik ez duen edukiren bat gainerako erabiltzaileen eskura jarri, posta elektroniko bidez edo beste moduren batera bidaltzeko (informazio berezia, jabetza industrial edo intelektual eskubideek babestutako informazioa edo konfidentzialtasuna eskatzen duen informazioa, esate baterako).

(VI) Spamming praktikak egiteko eta, oro har, eskatu edo baimendu gabeko publizitatea zabaltzeko, publizitate-materiala, "zabor-posta", "kate-gutunak", "piramide-egiturak", edo bestelako edozein informazio, Web Gunean horretarako berariaz gaitutako tokietan izan ezik.

(VII) Web Guneko edukiak guztiz edo parte batean erreproduzitu, kopiatu, saldu, berriro saldu edo helburu komertzialekin ustiatzeko.

2.2. Web Gunearen bitartez zerbitzuak kontratatzen dituzten erabiltzaileek adinez nagusiak direla adierazten dute, Espainiako legeriaren arabera. Adingabeek kontratatu egingo balute, guraso edo tutoreen baimena nahitaezkoa da kontratatutako zerbitzua gozatzeko.

3.
Informazioa aldatzea

Vueling-ek beretzako gordetzen du Web Guneko edukiak eguneratu, aldatu edo kentzeko eskubidea, baita bertara sartzeko eskubidea mugatu edo galarazteko ere. Vueling-ek eskubide horiek edozein unetan eta aurrez jakinarazi gabe gauzatu ahal izango ditu.

4.
Edukiak

4.1. Vueling-ek bere ahaleginik handiena egiteko konpromisoa hartzen du Web Guneko edukietan ager litekeen edozein errore saihesteko. Edonola ere, Vueling-ek ez du batere ardurarik izango Web Guneko edukietan egon daitezkeen balizko akatsen aurrean, Legeak behartutako kasuetan izan ezik.

4.2. Vueling-ek ez du batere ardurarik hartuko inprimatutako dokumentuen eta Web Gunean argitaratutako bertsio elektronikoaren artean egon litezkeen desadostasunengatik, indarrean den araudiak hala eskatzen duen kasuetan ezik. Inprimatutako bertsioaren eta Web Gunean argitaratutakoaren artean desberdintasunik egonez gero, inprimatutako bertsioa gailenduko da.

4.3. Vueling-ek ez du batere ardurarik izango Web Gunearen bitartez, zuzenean edo zeharka, esteka elektronikoen bitartez (link-ak) ikus litezkeen eduki, jarduera komertzial, produktu eta zerbitzuengatik. Web Gunean estekarik egonez gero, berariaz aurkakorik adierazi ezean, informazioa emateko xedea du bakarrik, eta ez du inola ere horien inguruko iradokizun, gonbidapen edo gomendiorik suposatzen. Esteka hauek ez dute Vueling eta esteka horien bitartez sar daitekeen web-guneetako titularrak diren partikularren edo enpresen arteko harremanik suposatzen. Vueling-ek beretzako gordetzen du bere kasa eta edozein unetan Web Gunean agertzen diren estekak kentzeko eskubidea.

5.
Nabigazioa, sarbidea eta segurtasuna

5.1. Vueling-ek ahaleginik handiena egiten du nabigazioa baldintzarik onenetan egin dadin.

5.2. Web gune hau Internet Explorer nabigatzailea jasateko diseinatu da. Testuinguru honetan, Vueling-ek ez du ardurarik izango erabiltzaileei suerta dakizkiekeen edonolako kalteengatik, Web Gunea diseinatuta dagoenaz beste nabigatzaile edo bertsio erabiltzeagatik.

5.3. Vueling-ek ez du batere erantzukizunik izango eta ez du bermatzen Web Gunera sartzeko etenaldirik ez egotea edo akatsik ez gertatzea. Vueling-ek ez du, halaber, batere erantzukizunik izango eta ez du bermatzen Web Gunearen bitartez sar daitekeen eduki edo softwarean akatsik egongo ez denik, eta erabiltzaileak sartzeko erabiltzen duen ekipo informatikoari kalterik eragingo ez dionik. Vueling-ek ez du ardurarik izango, inola ere, Web Gunea erabili eta bertan nabigatzeagatik gerta daitezkeen galera edo kalteengatik, barne hartuta, baina horietara mugatu gabe, sistema informatikoei eragindakoak edo birusak sartzeagatik eragindakoak. Bereziki, VUeling-ek ez du ardurarik izango finantza-izaerako eragiketak egiten ari diren bitartean gerta litezkeen telekomunikazioen eten, falta edo akatsik emango balitz, ezta kasu horietan sor litezkeen kalte eta galeren aurrean ere.

5.4. Vueling ez da arduradun izango Web Gunea behar ez bezala erabiltzeagatik erabiltzaileei gerta dakizkiekeen kalteen aurrean.

5.5. Web Gunean eskaintzen diren zerbitzuak diseinatuta izan diren espezifikazioak betetzen baldin badira bakarrik erabili ahal izango dira behar bezala.

6.
Cookie-ak eta Datuen Babesa

6.1. Cookie-ak

Cookie-ak Erabiltzailearen ordenagailuan sortzen diren datu-fitxategi txikiak dira bere jarduerak sarean sortzen duen informazioa biltzen duena Erabiltzailea bera izatea ahalbidetzen duena.

Web gune honek honako cookie hauek erabili ditzake:

Saioko cookie-ak

Saioko cookie-ak memorian gordetzen dira eta aldi baterako bakarrik balio dute. Cookie hauek ez dute behin betiko informaziorik gordetzen bere ordenagailuko disko gogorrean.

Nabigazio-cookieak

Nabigazio-cookien helburu nagusia zure interesekin bat ez datozen gomendioak eskaintzea da / eta eskaintza komertzial zuzendu eta pertsonalizatuak eskaintzea.

Nabigazio-cookie hauek Interneteko nabigazioaren aldi baterako jarraipenean oinarritzen dute bere erabilgarritasuna. Erabiltzaileak badu aukera mota horretako cookie-ak ezabatzeko web guneko beste orrialde batzuetan nabigatzen hasi aurretik.

Cookie estatistikoak

Cookie estatistikoek honako informazioa ezagutzeko modua ematen dute:

- Erabiltzaileaak gure web gunea bisitatu zuen azken aldiaren eguna eta ordua.

- Gure web gunea bisitatu zuen azken aldian Erabiltzaileak aukeratutako edukietarako sarbidea.

Gure web guneko estatistikak egiteko aurreko paragrafoan deskribaturiko funtzioetara mugatzen den helmena duten tresna estatistikoak erabiltzen ditugu, gure bisitarien errepikakortasuna eta interesgarrienak suertatzen diren edukiak ezagutzeko helburuaz. Modu honetan gure ahalegina alorrik bisitatuenak hobetzera zuzendu dezakegu eta erabiltzaileak bilatzen duena errazago aurkitzen laguntzera.

Web Guneak zure bisitaren informazioa erabili dezake datu anonimoei buruzko ebaluazio eta kalkulu estatistikoak egiteko, baita zerbitzuaren jarraitutasuna bermatu edo bere Web guneetan hobekuntzak egiteko. Informazio hori ez da beste helburu baterako erabiliko.

Cookie-en erabilera

Zentzu honetan, nabigatzailea konfiguratu dezakezu cookie guztiak onartu edo baztertzea lehenesteko, edo cookie bakoitza jasotzen denean pantailan abisu bat jasotzeko eta une horretan disko gogorrean ezarriko den ala ez erabakitzeko. Horretarako, zure nabigatzaileko laguntza atala iradokitzen dizugu oraintxe erabiltzen duzun konfigurazioa nola aldatu jakiteko. Arakatze cookie-ak blokeatzeko tresnak ere erabili ditzakezu, Do Not Track adibidez, hemen deskargatu dezakezuna: http://www.abine.com/dntdetail.php

Halaber, Vueling-ek cookie-ak erabiltzeko emandako baimenean edozein unetan atzera egiteko aukera ere baduzu, horretarako nabigatzailea aurreko puntuan aurreikusitako terminoetan konfiguratuz.

Aurrekoari kalterik egin gabe, kontuan izan cookie-ak desaktibatzeak web orrialdeko hainbat atal behar bezala funtzionatzeari eragin diezaiokeela.

6.2. Datuen babesa

Erabiltzaileek produktuak kontratatzeko prozeduran bildutako datuei dagokienez, Vueling erabiltzaileek emandako izaera pertsonaleko datuekin sortutako fitxategien titularra da. Vueling-ek konpromisoa hartzen du izera pertsonaleko datuen sekretua gordetzeko betebeharra jarraitzeko, baita konfidentzialtasunez tratatzeko ere eta, horretarako, beharrezkoak diren neurriak hartuko ditu horiek aldatu, galdu edo baimenik gabe tratatu edo sartzea saihesteko, kontuan izanik, une oro, teknologiaren egoera, Espainian une oro aplikagarria den izaera pertsonaleko datuen babesari buruzko legerian aurreikusitakoari jarraiki. Erabiltzaileak onartu egiten du gure zerbitzuak ematea eskatzeko unean emandako datu pertsonalak fitxategi automatizatu batera gehituak izango direla; horren titulartasuna Vueling-i dagokio, eskatutako zerbitzua emate aldera, eta helburu hauekin bereziki: (i) toki bat erreserbatzea, Garraiolariari erreserba hori berrestea ahalbidetzeko; (ii) merkaturatze zuzenarekin loturiko zerbitzuak eta prestazioak eman eta garatzea; (iii) inmigrazio eta sartze-prozesua erraztea; (iv) Garraiolariaren kontabilitate, fakturazio eta ikuskapenari dagozkien betekizunak betetzea; (v) kreditu-txartelak eta bestelako ordainketa-txartelak egiaztatzea; (vi) Garraiolariaren segurtasun, administrazio eta lege-betekizunak betetzea, eta (vii) sistema eta azterketa estatistikoak egiaztatu, mantendu eta garatzea, baita bitarteko elektronikoak erabiliz, interesgarri izan dakizukeen Vueling-en beste produktu, zerbitzu, promozio, berritasun eta gainerako informaziori buruz. Igorriko zaizkizun newsletter-en kasuan zehatzago, hauek barne izango dituzte Vueling-ek eskainitako eta bere kasa edo erakunde laguntzaileek operatutako produktuak. Bitarteko elektronikoen bidez jakinarazpen komertzialik jaso nahi ez baduzu, edozein unetan Vueling-era jo dezakezu, honako posta elektroniko helbidearen bitartez: lopd@vueling.com. Erabiltzaileak, edonola ere, emandako datuen egiazkotasunari erantzungo dio eta bere ardura izango da Vueling-i jakinaraztea horietan gerta daitekeen aldaketa oro; Vueling-ek beretzako gordeko du erregistratutako zerbitzuetatik datu faltsuak eman dituen erabiltzaile guztiak bazter uzteko, Zuzenbidean egoki izan daitezkeen bestelako ekintzei kalterik egin gabe. Azkenik erabiltzaileari jakinarazten zaio sartu, aldatu, aurka egin eta ezeztatzeko eskubideak gauzatzeko Vueling-era idatziz eskaera bat bidaltzeko modua baduela, posta-helbide honetan: Vueling Airlines, S.A. (Lege Saila), Parque Empresarial Mas Blau II, Plaza Pla de l’Estany 5, 08820 El Prat de Llobregat (Bartzelona).

7.
Aspektu teknikoei buruzko informazioa

Vueling-ek ez du edukiko inolako erantzukizunik bere esku ez dauden inguruabarrengatik sistema elektronikoan gertatzen diren interferentziek, hutsek, etenaldiek, birus informatikoek, telefono matxurek edo deskonexioek eragiten dituzten kalte eta galerengatik, ez eta telefono-lineetako edo Datuak Prozesatzeko Zentroko, Interneteko edo beste sistema elektroniko batzuetako gainkargek webgunearen erabileran eragiten dituzten atzerapen eta blokeoen ondoriozko kalte eta galerengatik eta hirugarren pertsonek Vueling-en kontrolaz kanpoko legezaurkako sartzeek ekar ditzaketenengatik ere. Halaber, Vueling-ek ez du edukiko inolako erantzukizunik Vueling-ek sortu ez duen informazioaren errore, akats eta hutsengatik erabiltzaileak jasaten dituen kalte eta galerak direla eta. Vueling-ek ez du, halaber, zerbitzua mantentze-lanen ondorioz zerbitzua behar ez bezala erabiltzeagatik erantzukizunik izango, ezta erabiltzailearen ekipo informatikoaren konfigurazio okerrarengatik edo eskainitako zerbitzuak erabiltzeko beharrezkoak diren sistemak jasateko nahikoa gaitasun ez izateagatik.

8.
Jabetza intelektuala eta industriala

Erabiltzailea Web Gune honen bitartez sar daitekeen hainbat eduki jabetza industrial edo intelektual eskubideen pean daude eta horien titulartasuna Vueling-ena da, edo hirugarrenena. Web Gunearen bidez eduki edo elementu horietara sartzeak ez dio erabiltzaileari aldarazi, aldatu, ustiatu, erreproduzitu, banatu jendaurrean komunikatu edo dagokion eskubidearen titularrari dagokion beste edozein eskubide ematen. Erabiltzaileak konpromisoa hartzen du Web Gunearen bidez sartzen den eduki edota elementuak bere erabilera eta behar propioetarako erabiltzeko, eta inola ere ustiapen komertzial, zuzen edo zeharkakorik egiteko horietatik.

9.
Zerbitzuak kendu eta bertan behera uztea

Vueling-ek edozein unetan eta aldez aurretik jakinarazi beharrik gabe, zerbitzuak emateari utzi ahal izango dio, erabilera-baldintza hauetan ezarritakoa urratzen duten erabiltzaileentzako.

10.
Iraupena eat amaiera

Web Gunearen barruan diren zerbitzu eta informazioek, hasiera batean, iraupen mugagabea izango dute. Vueling-ek zerbitzua edota Web Guneko beste edozein elementu ematea amaitutzat eman edo bertan behera uzteko modua izango du, edozein unetan. Posiblea den neurrian, aurretiaz emango zaie erabiltzaileei zerbitzu ezberdinak amaitu edo eteteari buruzko oharra.

11.
Aplikagarri den Legea eta Jurisdikzioa

Erabilera Baldintza hauek interpretatu edo aplikatzean inolako gatazka edo desadostasunik egonez gero, auzia aztertuko duten Epaitegi eta Tribunalak, eskumena duen jurisdikzioari buruz aplikagarria den araudiak ezartzen dituenak izango dira; bertan, amaierako kontsumitzaileak izanik, betebeharra bete beharreko tokiari erreparatzen zaio, edo alderdi eroslearen helbidearenera.

Hori guztia erabiltzaileak bere eskualdeko Kontsumoko Arbitraje Batzordera jotzeko duen ahalmenari kalterik egin gabe.

Enpresa batek egindako salerosketa bat baldin bada, bi alderdiek bestelako eskuduntzei uko egin eta Bartzelonako (Espaina) Epaitegi eta Tribunalen eskuduntza aitortzen dute.

Itzultzeko eguna baino geroagokoa den joateko egun bat aukeratu duzu.
Jarraitu baino lehenago bidaiatuko duten bidaiarien kopurua aukeratu behar duzu.
• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Harremanerako telefonoa hemendik:
807 300 720 6-24 h egunero.
0,91 €/min Sare finkotik eta 1,27 €/min Sare mugikorretik zergak barne

  • ©2014 Vueling Airlines SA