Webgunea erabiltzeko baldintzak

www.vueling.com

Honako baldintza orokorrek www.vueling.com ("Web Gunea") web gunearen sarbidea eta erabilera arautzen dituzte; haren edukiaren izaera informaziozkoa da, ez besterik. Vueling Airlines, S.A.-k sortu du Web Gunea. Helbide soziala El Prat de Llobregat-en du, (Bartzelona), Mas Blau II Negozio parkea, Pla de l'Estany, 5, Bartzelonako Merkataritza Erregistroan izena emana, 196. Folioan, 36403 Liburukian, B-279224 Orrian, IFK A-63422141 ("Vueling"), fax 933787879. Erabiltzaile batek Web Gunera sartu eta hura erabiltzeak honako termino eta baldintzak ezagutu eta onetsi egiten dituela dakar berekin ("Baldintza Orokorrak"):
1.
Terminoak eta baldintzak

1.1. Web Gunearen barruan agertzen diren eduki, jarduera komertzial, produktu eta zerbitzuak ez daude zuzenduta eduki horiek behar bezala baimenduta ez dauden jurisdikzioetan bizi diren pertsonei.

1.2. Web Guneak www.vueling.com-ek une oro zerbitzatutako orrialdeak bakarrik barne hartzen ditu. Web Gunera sartu eta bertan nabigatzea erabiltzaileen ardura da huts-hutsean, Baldintza Orokor hauetan aurreikusitako terminoetan.

1.3. Web Guneko edozein eduki kontsultatzeak ez du, berez, Vueling eta erabiltzailearen arteko kontratuzko harremanik eratuko.

2.
Erabiltzailearen betebeharrak

2.1. Erabiltzaileak konpromisoa hartzen du Web Guneko zerbitzuak eta edukiak Legeari, Baldintza Orokor hauei eta Vueling-ek une bakoitzean eskaintzen dituen zerbitzuen baldintza bereziei jarraiki erabiltzeko, eta ezin izango ditu honetarako erabili:

(I) Legezkoak ez diren ala delitua diren jarduerak egiteko, fede onaren, moralaren, ordena publikoaren edo ohituren aurka doazenak, edota jabetza intelektualari eta industrialari buruzko erregulazioa edo aplikagarri izan dakiokeen ordenamendu juridikoaren beste edozein agindu urratzen dituztenak.

(II) Izaera arrazista, xenofobo, pornografikoa duten edukiak, terrorismoa goratzen dutenak edota giza-eskubideen aurka doazenak zabaltzeko.

(III) Sarean Vueling-en informatika-sistemetan, bere hornitzaileenetan edo barne-sareko edo Web Gune honetako hirugarren erabiltzaileenetan kalteak eragin ditzaketen datu-programak (birusak eta software kaltegarriak) sartu edo zabaltzea.

(IV) Baimenik gabeko hirugarrenei bere erabiltzaile-izena eta pasahitza ematea; Vueling-i berehala jakinarazi beharko dio baimenik gabeko erabiltzaile batek informazio horretarako sarbidea izan duela. Helburu horietarako, Vueling-ek erabiltzaile-izena eta pasahitza aldatzeko eskubidea beretzako gordetzen du, zerbitzua babesteko.

(V) Aplika daitezkeen xedapenekin edo indarrean diren kontratuzko harremanekin bat etorriz erabiltzaileak igortzeko baimenik ez duen edukiren bat gainerako erabiltzaileen eskura jarri, posta elektroniko bidez edo beste moduren batera bidaltzeko (informazio berezia, jabetza industrial edo intelektual eskubideek babestutako informazioa edo konfidentzialtasuna eskatzen duen informazioa, esate baterako).

(VI) Spamming praktikak egiteko eta, oro har, eskatu edo baimendu gabeko publizitatea zabaltzeko, publizitate-materiala, "zabor-posta", "kate-gutunak", "piramide-egiturak", edo bestelako edozein informazio, Web Gunean horretarako berariaz gaitutako tokietan izan ezik.

(VII) Web Guneko edukiak guztiz edo parte batean erreproduzitu, kopiatu, saldu, berriro saldu edo helburu komertzialekin ustiatzeko.

2.2. Web Gunearen bitartez zerbitzuak kontratatzen dituzten erabiltzaileek adinez nagusiak direla adierazten dute, Espainiako legeriaren arabera. Adingabeek kontratatu egingo balute, guraso edo tutoreen baimena nahitaezkoa da kontratatutako zerbitzua gozatzeko.

3.
Informazioa aldatzea

Vueling-ek beretzako gordetzen du Web Guneko edukiak eguneratu, aldatu edo kentzeko eskubidea, baita bertara sartzeko eskubidea mugatu edo galarazteko ere. Vueling-ek eskubide horiek edozein unetan eta aurrez jakinarazi gabe gauzatu ahal izango ditu.

4.
Edukiak

4.1. Vueling-ek bere ahaleginik handiena egiteko konpromisoa hartzen du Web Guneko edukietan ager litekeen edozein errore saihesteko. Edonola ere, Vueling-ek ez du batere ardurarik izango Web Guneko edukietan egon daitezkeen balizko akatsen aurrean, Legeak behartutako kasuetan izan ezik.

4.2. Vueling-ek ez du batere ardurarik hartuko inprimatutako dokumentuen eta Web Gunean argitaratutako bertsio elektronikoaren artean egon litezkeen desadostasunengatik, indarrean den araudiak hala eskatzen duen kasuetan ezik. Inprimatutako bertsioaren eta Web Gunean argitaratutakoaren artean desberdintasunik egonez gero, inprimatutako bertsioa gailenduko da.

4.3. Vueling-ek ez du batere ardurarik izango Web Gunearen bitartez, zuzenean edo zeharka, esteka elektronikoen bitartez (link-ak) ikus litezkeen eduki, jarduera komertzial, produktu eta zerbitzuengatik. Web Gunean estekarik egonez gero, berariaz aurkakorik adierazi ezean, informazioa emateko xedea du bakarrik, eta ez du inola ere horien inguruko iradokizun, gonbidapen edo gomendiorik suposatzen. Esteka hauek ez dute Vueling eta esteka horien bitartez sar daitekeen web-guneetako titularrak diren partikularren edo enpresen arteko harremanik suposatzen. Vueling-ek beretzako gordetzen du bere kasa eta edozein unetan Web Gunean agertzen diren estekak kentzeko eskubidea.

5.
Nabigazioa, sarbidea eta segurtasuna

5.1. Vueling-ek ahaleginik handiena egiten du nabigazioa baldintzarik onenetan egin dadin.

5.2. Web gune hau Internet Explorer nabigatzailea jasateko diseinatu da. Testuinguru honetan, Vueling-ek ez du ardurarik izango erabiltzaileei suerta dakizkiekeen edonolako kalteengatik, Web Gunea diseinatuta dagoenaz beste nabigatzaile edo bertsio erabiltzeagatik.

5.3. Vueling-ek ez du batere erantzukizunik izango eta ez du bermatzen Web Gunera sartzeko etenaldirik ez egotea edo akatsik ez gertatzea. Vueling-ek ez du, halaber, batere erantzukizunik izango eta ez du bermatzen Web Gunearen bitartez sar daitekeen eduki edo softwarean akatsik egongo ez denik, eta erabiltzaileak sartzeko erabiltzen duen ekipo informatikoari kalterik eragingo ez dionik. Vueling-ek ez du ardurarik izango, inola ere, Web Gunea erabili eta bertan nabigatzeagatik gerta daitezkeen galera edo kalteengatik, barne hartuta, baina horietara mugatu gabe, sistema informatikoei eragindakoak edo birusak sartzeagatik eragindakoak. Bereziki, VUeling-ek ez du ardurarik izango finantza-izaerako eragiketak egiten ari diren bitartean gerta litezkeen telekomunikazioen eten, falta edo akatsik emango balitz, ezta kasu horietan sor litezkeen kalte eta galeren aurrean ere.

5.4. Vueling ez da arduradun izango Web Gunea behar ez bezala erabiltzeagatik erabiltzaileei gerta dakizkiekeen kalteen aurrean.

5.5. Web Gunean eskaintzen diren zerbitzuak diseinatuta izan diren espezifikazioak betetzen baldin badira bakarrik erabili ahal izango dira behar bezala.

6.
Pribatutasun-politika

Vueling-ek izaera pertsonaleko datuei buruzko sekretua gordetzeko betebeharra jarraitzeko konpromisoa hartzen du , baita konfidentzialtasunez tratatzeko ere eta,horretarako, beharrezkoak diren neurriak hartu ditu horiek aldatu, galdu edo baimenik gabe tratatu edo sartzea saihesteko, kontuan izanik, une oro, teknologiaren egoera, Espainian une oro aplikagarria den izaera pertsonaleko datuen babesari buruzko legerian aurreikusitakoari jarraiki. Vueling-ek Pribatutasun-politika hau eguneratzeko modua izango du; hortaz, Erabiltzaileak aldian behin berrikustea gomendatzen da.

Zer nolako datu pertsonal jasotzen ditugu?

Vueling-ek, bere formularioen bitartez, bere zerbitzuak emateko edo transakzio elektronikoak egiteko beharrezkoak diren datu pertsonalak biltzen ditu, esate baterako zure izena, abizena, helbide elektronikoa, helbidea, NAN-a, kreditu-txartelaren zenbakia edo telefono-zenbakia edo fakturazio-datuak.

Vueling-ek web orriko edo aplikazioko nabigazioari buruzko datuak ere biltzen ditu,bisita-kopurua, erregistro-informazioa, arrasto digitala edo kokapenari buruzko informazioa, besteak beste. Halaber, Vueling-ek mezu elektronikoetatik ere informazioa jaso dezake, horien irakurketa-berrespenen bitartez, adibidez.

Vueling-ek darabiltzan cookie-i dagokienez, gure Cookie Politikan informazio gehiago jaso ahal izango duzu.

Norekin partekatzen ditugu zure datuak?

Vueling Erabiltzaileek emandako izaera pertsonaleko datuekin sortutako fitxategien arduraduna da, eta hala jakinarazten du bere datuak International Consolidated Airlines Group, S.A. (IAG Taldea) akziodun nagusiari edo IAG Taldeko beste zenbait enpresari laga ahal izango dizkiela, Pribatutasun Politika honetan jasotzen diren helburuetarako. AIG Taldekoak diren enpresen zerrenda baimendua web orrian aurki daiteke (iwww.iairgroup.com). Modu berean, datuak aplikagarri den araudiak baimendutako kasuetan ere hirugarrenei laga ahal izango dizkie, esate baterako kode partekatuak dauzkaten hegazkin-konpainiei edo hala eskatzen duten Agintaritza eskumendunei eta Administrazio Publikoei.

Halaber, Vueling-ek datu horietara sartzeko modua emango die Vueling-en izenean tratamenduaren arduradun gisa diharduten kanpo-zerbitzuen hornitzaileei ere, baina ezin izango dituzte, inola ere, beste helburuetarako erabili ezta hirugarrenei laga ere.

Halaber, Vueling-ek hirugarrenei estatistika-datu horietako batzuk eman ahal izango dizkio baina Erabiltzailea identifikatzeko modurik gabe.

Nola lortzen ditugu datuak?

Vueling-ek Erabiltzaileen datu pertsonalak honela bildu ditzake: txartelak Vueling-en web orriaren bitartez (aurrerantzean, "web orria"), Vueling-en mugikorretarako aplikazioaren bitartez (aurrerantzean, "Aplikazioa") edo telefonoz erreserbatzeko prozesuan zehar, produktuak edo zerbitzuak kontratatzean, web orrian nabigatzean edo Aplikazioa edo sare sozialak erabiltzean, erabiltzaile- edo fidelizazio-kontu bat sortzean, newsletter-ak bidaltzea eskatzean, lehiaketa, zozketa edo antzekoetan parte hartzean, edo ematen dizkigutenen hirugarrenen bitartez, bidaia-agentzien edo touroperadoreen edo kode partekatuak dituzten hegazkin-konpainien bitartez, adibidez.

Zertarako erabiltzen ditugu datuak?

Erabiltzaileak onartzen du emandako datu pertsonalak, kokapenari buruzkoak barne, Vueling-en titulartasunpeko fitxategi batera edo gehiagora gehitzeko baimena emamen du, helburu hauekin:

  • aireko garraio-zerbitzua emateko tokia erreserbatzea.
  • kontratatutako bestelako zerbitzuak eman eta garatzea, baita bezeroarentzako arretarekin edo merkaturatze zuzenarekin loturiko prestazioak ere.
  • erabiltzaile- edo fidelizazio-kontuaren administrazioa Erabiltzaileak bere erreserbak errazago eta modu pertsonalizatuan kudeatu ahal izan ditzan, aurrez egindako helmugak edo bilaketak ikusi ahal izan ditzan, baita gailu ezberdinetatik ere (ordenagailutik, tabletatik, mugikorretik).
  • inmigrazio eta sarbide-prozesua erraztea.
  • garraiolariaren kontabilitateari, fakturazioari eta ikuskatzeari dagozkion betekizunak betetzea;
  • kreditu-txartelak edo bestelako ordainketa-bitartekoak egiaztatzea.
  • Vueling-en segurtasun-, administrazio-betekizunak eta betekizun judizialak betetzea.
  • sistema eta estatistika-azterketa ezberdinak egiaztatzea, mantentzea eta garatzea, Google Analytics, adibidez.
  • iruzurra edo antzeko legez kanpoko izaerako jarduerak antzematea edota saihestea.
  • zerbitzu osagarriak, gure zerbitzuetan eta bezeroak Webgunea edo mugikorrerako aplikazioa erabiltzean bizi duen esperientzian hobekuntzak ematea.
  • Web orriko bisiten estatistika-azterketak eta Erabiltzaileen jokaerak bertan.
  • Geolokalizazioa GPS, Bluetooth, Wi-Fi sare, IP helbide edo antzeko teknologien bitartez Web orriko edo aplikazioko zerbitzuak hobeto pertsonalizatzeko.
  • bitarteko elektronikoak edo gailu mugikorrak ere erabiliz (push jakinarazpenak) interesgarri izan dakizkiokeen Vueling-en edozein produktu, zerbitzu, berritasun eta gainerako informazio eta publizitate helaraztea. Igorriko zaizkizun newsletter-en kasuan, hauek barne izango dituzte Vueling-ek eskainitako eta bere kasa edo erakunde laguntzaileek operatutako produktuak. Bitarteko elektronikoak erabiliz jakinarazpen komertzialik jaso nahi ez baduzu, jasotzen dituzun newsletter-etan hartara eskura daukazun estekan baja har dezakezu, baita web orrian horretarako jarritako laukitxoaren bidez, edo zure erabiltzaile-kontuaren bidez.

Datuen egiazkotasunaren ardura

Erabiltzaileak, emandako datuen egiazkotasunari erantzungo dio eta bere ardura izango da Vueling-i jakinaraztea horietan gerta daitekeen aldaketa oro; Vueling-ek beretzako gordeko du erregistratutako zerbitzuetatik datu faltsuak edo iruzurrezkoak eman dituen erabiltzaile guztiak bazter uzteko, Zuzenbidean egoki izan daitezkeen bestelako ekintzei kalterik egin gabe.

Vueling ezin da bere web orrian agertzen diren eta besteen titulartasunpeko eta ardurapeko web orrietara daramaten esteken arduradun izan.

Eskubideak gauzatzea

Sartu, aldatu, aurka egin eta ezeztatzeko eskubideak gauzatzeko Vueling-era idatziz eta NAN edo Pasaportearen fotokopia atxikita eskaera bat bidaltzeko modua baduela, posta-helbide honetan: Vueling Airlines, S.A. (Lege Saila), Mas Blau II Enpresa Parkea, Pla de l'Estany plaza 5, 08820 El Prat de Llogbregat (Bartzelona), edo lopd@vueling.com helbidera, halaber NANa edo Pasaportea erantsita.

Vueling-en aplikazioa

Vueling-ek Erabiltzailearen eskura doako aplikazio bat jarri du, gailu mugikorraren bitartez (smartphone edo tableta) hegaldi bat erreserbatu edo zerbitzuak kontratatu ahal izan ditzan. Aplikazio horrek Erabiltzaileen hainbat datu jasotzen ditu, web orriak egiten duen antzera, eta gailuan bertan biltzen ditu Local storage-aren bitartez (biltegiratze lokala). Aurrez adierazitakoaz gain, Vueling-ek Erabiltzailearen kokapenari buruzko datuak ere jaso ahal izango digu, GPS, Bluetooth, Wi-Fi sare, IP helbide edo antzeko teknologien bitartez, Erabiltzaileari gertueneko aireportuari buruzko informazioa, operatibari, hegaldien erreserbei, zerbitzu gehigarriei edo bestelako informazio-jakinarazpen edo jakinarazpen komertzialei buruzko informazioa emateko, push jakinarazpenen bitartez, beti ere Erabiltzaileak bere gailuaren bitartez baimena eman badu; baimen horretan atzera egin ahal izango du, une oro, gailu horren bitartez.

Halaber, Vueling-ek kokapenari buruzko datuak estatistikekin loturiko helburuetarako erabili ahal izango ditu, baita promozio edo zerbitzu pertsonalizatuak eskaini eta iruzurraren aurkako politikak erabiltzeko.

Sare sozialak

Vueling-ek bere titulartasuneko kontuak erabil ditzake, sare sozial ezberdinetan, bere zerbitzuak sustatzeko eta mora horretako zerbitzuen hornitzailearen bitartez, Erabiltzaileari buruzko informaziorako sarbide izan dezake, honek, sare sozial horien bitartez, horretarako baimena eman badu. Vueling-ek sare sozialetako kontuen bitartez bildutako datuak publizitate-kanpaina segmentatuak, lehiaketak, zozketak eta promozioak sortzeko, sare sozial bakoitzeko baldintza partikularren eta pribatutasun-politikaren arabera.

Bere web orriaren bitartez, Vueling-ek hirugarren hornitzaileek eman ditzaketen zerbitzuak Erabiltzailearen eskura jar ditzake, esate baterako hotelak, aparkalekuak erreserbatzea, autoak alokatzea, ekipajea garraiatzea edo horrekin loturiko zerbitzuak. Zerbitzu horiek kontratatzen dituen Erabiltzaileak zerbitzu-hornitzaile bakoitzaren terminoak eta baldintzak eta pribatutasun-politika onartuko beharko ditu; hortaz, Vueling ezingo da zerbitzu horien arduradun izan, ezta Erabiltzaileak bere borondatez ematen dituen datuena ere.

Transakzioen segurtasuna

Vueling-ek web orriaren edo aplikazioaren bitartez egindako transakzioen segurtasuna eta konfidentzialtasuna zaintzen ditu, eta beharrezkoak diren neurri guztiak hartzen ditu hirugarrenen baimendu gabeko sarrera guztiak saihesteko, unean-uneko teknikaren egoera aintzat hartuta.

Iruzurraren eta transakzio elektronikoetan nortasuna usurpatzearen aurkako borrokan etengabe dihardugu, balizko jokabide iruzurgileak antzematen laguntzen diguten softwarea eta sistemak erabiliz, errepika daitezen saihesteko.

Zure erabiltzaile-kontuaren bitartez transakzio bat egitean, Vueling-ek etorkizuneko erosketetarako zure txartelaren zenbakia gordetzea eskatu ahal izango zaizu. Zure txartelaren zenbakia segurtasun-mailari handiena ematen duen SSL protokoloaren bitartez zifratuko da beti.

Aurrekoari kalterik egin gabe, oso garrantzitsua da Erabiltzaileak bere segurtasunerako oinarrizko neurriak hartzea; bereziki, honakoa gomendatzen dugu:

  • Inoiz ez eman zure erabiltzaile-izena edo pasahitzak inori.
  • Aldatu pasahitza noizean behin eta ez erabili pasahitz komunik (123456, qwerty, admin edo antzekoak) edo erraz identifika daitekeenik (jaioteguna, zure abizena, etab.).
  • Itxi saioa eta deskonekta itzazu kontuak (baita sare sozialetakoak ere) baimendu gabeko prozesua saihesteko, bereziki beste pertsona batzuekin partekatutako ekipo batetik konektatu bazara.
  • Itxi nabigatzailearen leihoa.
7.
Aspektu teknikoei buruzko informazioa

Vueling-ek ez du edukiko inolako erantzukizunik bere esku ez dauden inguruabarrengatik sistema elektronikoan gertatzen diren interferentziek, hutsek, etenaldiek, birus informatikoek, telefono matxurek edo deskonexioek eragiten dituzten kalte eta galerengatik, ez eta telefono-lineetako edo Datuak Prozesatzeko Zentroko, Interneteko edo beste sistema elektroniko batzuetako gainkargek webgunearen erabileran eragiten dituzten atzerapen eta blokeoen ondoriozko kalte eta galerengatik eta hirugarren pertsonek Vueling-en kontrolaz kanpoko legezaurkako sartzeek ekar ditzaketenengatik ere. Halaber, Vueling-ek ez du edukiko inolako erantzukizunik Vueling-ek sortu ez duen informazioaren errore, akats eta hutsengatik erabiltzaileak jasaten dituen kalte eta galerak direla eta. Vueling-ek ez du, halaber, zerbitzua mantentze-lanen ondorioz zerbitzua behar ez bezala erabiltzeagatik erantzukizunik izango, ezta erabiltzailearen ekipo informatikoaren konfigurazio okerrarengatik edo eskainitako zerbitzuak erabiltzeko beharrezkoak diren sistemak jasateko nahikoa gaitasun ez izateagatik.

8.
Jabetza intelektuala eta industriala

Erabiltzailea Web Gune honen bitartez sar daitekeen hainbat eduki jabetza industrial edo intelektual eskubideen pean daude eta horien titulartasuna Vueling-ena da, edo hirugarrenena. Web Gunearen bidez eduki edo elementu horietara sartzeak ez dio erabiltzaileari aldarazi, aldatu, ustiatu, erreproduzitu, banatu jendaurrean komunikatu edo dagokion eskubidearen titularrari dagokion beste edozein eskubide ematen. Erabiltzaileak konpromisoa hartzen du Web Gunearen bidez sartzen den eduki edota elementuak bere erabilera eta behar propioetarako erabiltzeko, eta inola ere ustiapen komertzial, zuzen edo zeharkakorik egiteko horietatik.

9.
Zerbitzuak kendu eta bertan behera uztea

Vueling-ek edozein unetan eta aldez aurretik jakinarazi beharrik gabe, zerbitzuak emateari utzi ahal izango dio, erabilera-baldintza hauetan ezarritakoa urratzen duten erabiltzaileentzako.

10.
Iraupena eat amaiera

Web Gunearen barruan diren zerbitzu eta informazioek, hasiera batean, iraupen mugagabea izango dute. Vueling-ek zerbitzua edota Web Guneko beste edozein elementu ematea amaitutzat eman edo bertan behera uzteko modua izango du, edozein unetan. Posiblea den neurrian, aurretiaz emango zaie erabiltzaileei zerbitzu ezberdinak amaitu edo eteteari buruzko oharra.

11.
Aplikagarri den Legea eta Jurisdikzioa

Erabilera Baldintza hauek interpretatu edo aplikatzean inolako gatazka edo desadostasunik egonez gero, auzia aztertuko duten Epaitegi eta Tribunalak, eskumena duen jurisdikzioari buruz aplikagarria den araudiak ezartzen dituenak izango dira; bertan, amaierako kontsumitzaileak izanik, betebeharra bete beharreko tokiari erreparatzen zaio, edo alderdi eroslearen helbidearenera.

Hori guztia erabiltzaileak bere eskualdeko Kontsumoko Arbitraje Batzordera jotzeko duen ahalmenari kalterik egin gabe.

Enpresa batek egindako salerosketa bat baldin bada, bi alderdiek bestelako eskuduntzei uko egin eta Bartzelonako (Espaina) Epaitegi eta Tribunalen eskuduntza aitortzen dute.

Itzultzeko eguna baino geroagokoa den joateko egun bat aukeratu duzu.
Jarraitu baino lehenago bidaiatuko duten bidaiarien kopurua aukeratu behar duzu.
• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •
902 808 022
8-24 h egunero.
902 808 005
0-24 h egunero (Arreta pertsonalizatua: 9-21 h)
  • ©2016 Vueling Airlines SA