Webgunea erabiltzeko baldintzak

1.1. Web Gune honetan dauden edukiak, jarduera komertzialak, produktuak eta zerbitzuak ez daude eduki hauek baimenduta ez dituzten jurisdikzioetan bizi diren pertsonentzat eginak ezta haiei zuzenduta ere.

1.2. Web Guneak www.vueling.com -ek aldian zerbitzatzen dituen orriak bakarrik hartzen ditu bere baitan. Web Gunera sartzea eta bertan nabigatzea erabiltzaileen erantzukizuna da bakarrik, Baldintza Orokor hauetan aurreikusitako terminoetan.

1.3. Web gunean dagoen edozein edukitan kontsulta egiteak, berez, ez du Vueling eta erabiltzailearen arteko kontratu harremana sortuko.

2.1. Erabiltzaileak Web Guneko zerbitzuak eta edukiak Legearen barruan, Baldintza Orokor hauen barruan eta momentu bakoitzean Vueling-ek eskaintzen dituen zerbitzuen baldintza partikularren barruan erabiltzeko konpromisoa hartzen du. Zerbitzu eta eduki hauek ez ditu honakoetarako erabiliko:

(I) Jarduera ez-zilegiak edo delitu izan daitezkeenak, hau da, fede onaren, moralaren, ordena publikoaren kontrakoak direnak egiteko edo jabetza intelektualaren eta industrialaren edo aplika daitekeen beste edozein legediaren inguruan araututakoaren kontrakoa diren erabilerak edota jarduerak egiteko.

(II) Kutsu arrazista, xenofoboa edo pornografikoa duten, terrorismoaren apologia egiten duten edota giza eskubideen kontra doazen edukiak zabaltzeko.

(III) Sarean, Vueling-en sistema informatikoetan, beren hornitzaileengan edo Web Gune honetako barne-sareko hirugarren erabiltzaileengan kalteak sor ditzaketen datu-programak (birusak eta software kaltegarriak) sartzeko edo zabaltzeko.

(IV) Baimendu gabeko hirugarrenei norberaren erabiltzaile izena eta pasahitza emateko. Kasu honetan Vueling-i berehala jakinarazi beharko zaio baimenik ez duen erabiltzaile bat sartu dela informazio hori ikustera. Horretarako, Vueling-ek erabiltzailearen izena eta pasahitza aldatzeko eskubidea izango du zerbitzua babesteko.

(V) Xedapen aplikagarrien arabera edo dauden kontratu harremanen arabera, erabiltzaileak eman ezin dezakeen edonolako eduki gainerako erabiltzaileen esku uzteko, posta elektronikoz edo beste eraren batean bidaltzeko (hala nola informazio pribilegiatua, jabetza intelektual edo industrialeko eskubideek babestutako informazioa zeinarengan konfidentzialtasuna eduki behar duen).

(VI) Spamming jarduerak egiteko, eta orokorrean, eskatu gabeko edo baimendu gabeko publizitatea, publizitate-materiala, "posta zaborra", "kate-gutunak", "egitura piramidalak" edo bestelako informazio mota zabaltzeko, horretarako espresuki baimendutako Web Gunearen ataletan izan ezik.

(VII) Web Gunearen edukiak Osorik edo zatika, erreproduzitzeko, bikoizteko, kopiatzeko, berriz saltzeko edo helburu komertzialetarako erabiltzeko.

2.2. Zerbitzuak Web Gunearen bitartez kontratatzen dituzten erabiltzaileek espainiar legediaren arabera adinez nagusiak direla adierazten dute. Kontratazioa adin txikikoek egiten badute, gurasoen edo tutoreen baimena eduki beharko dute kontratatutako zerbitzua erabili ahal izateko.

Vueling-ek eskubide esklusiboa dauka Web Guneko edukiak eguneratzeko, moldatzeko edo ezabatzeko, eta baita bertarako sarbidea mugatzeko edo ukatzeko eskubidea ere. Vueling-ek aipatu eskubideak edozein momentutan erabili ahal izango ditu eta aldez aurretik abisatu gabe.

4.1. Vueling-ek konpromisoa hartzen du Web Gunean ager daitezkeen edukietan edozein akats ekiditeko beharrezkoak diren ahaleginak egiteko. Edozein erara, Vueling-ek ez du Web Gunean ager daitezkeen edukietako behin-behineko akatsetatik eratorritako erantzukizunetan inolako ardurarik edukiko.

4.2. Vueling-ek ez du inolako erantzukizunik izango dokumentu inprimatuen eta Web Gunean argitaratutako bertsio elektronikoaren artean desberdintasunak egon daitezkeen kasuetan. Idatziko eta Web Guneko bertsioaren artean desberdintasunak egonez gero, idatzizko bertsioak dioena izango du balioa.

4.3. Vueling-ek ez du inolako erantzukizunik izango lotura elektronikoen bidez (link) zeharka edo zuzenean Web Gunean ikus daitezkeen eduki, jarduera komertzial, produktu edo zerbitzuen inguruan. Web Guneko link-en funtzioa, kontrakorik adierazi ezean, informazioa eskaintzea izango da eta inola ere ez beraien inguruko iradokizuna, gonbidapena edo gomendioa. Lotura hauek ez dute inolako erlaziorik sortzen Vueling-en eta lotura hauen bidez sar daitezkeen titular partikularren edo enpresa titularren artean. Vueling-ek eskubidea izango du Web Gunean agertzen diren link-ak aldebateko eran eta edozein momentutan kentzeko.

5.1. Vueling-ek ahalegin handiak egiten ditu nabigazioa baldintza onenetan egin dadin.

5.2. Web Gunen hau Internet Explorer nabigatzailea eusteko diseinatu da. Testuinguru honetan, Vueling-ek ez du erantzukizunik izango bestelako nabigatzaileek edo Web Gune honetarako diseinatu ez diren nabigatzaile bertsio desberdinek erabiltzaileei sortzen dizkieten edozein motatako kalteetan.

5.3. Vueling-ek ez du bermatzen Web Guneko sarbidea etengabea edo errorerik gabekoa izango denik eta ez du horren erantzukizunik hartzen. Vueling-ek ere ez du bermatzen Web Gunearen bidez ikusten diren edukiak edo softwareak akatsik gabeak izatea edo erabiltzaileak erabiltzen duen ekipo informatikoan kalteak sor ezin ditzakeenik eta horretan ere ez du erantzukizunik hartzen. Vueling-ek ez du erantzukizunik izango Web Gunea erabiltzeagatik eta bertatik nabigatzeagatik sor daitezkeen edozein motako galtze edo kalteengatik. Bertan barne hartzen dira, eta mugarik gabe, sistema informatikoei sortutako kalteak edo birus bat sartzeagatik sortutakoak. Bereziki, Vueling-ek ez du erantzukizunik izango inola ere ez, finantza arloko eragiketak egiten diren bitartean sor daitezkeen telekomunikazioen erorketa, eten edo akatsetan, ez eta kasu horietan sor daitezkeen kalteetan ere.

5.4. Vueling-ek ez du erantzukizunik izango erabiltzaileek Web Gunea gaizki erabiltzeagatik eratorritako kalteetan.

5.5. Web Gunean eskaintzen diren zerbitzuak ondo erabiltzeko, bere funtzionamendurako sortu diren espezifikazio teknikoak bete behar dira.

6.1. Bidaiariak eta ekipajea airez garraiatzeko kontratuaren baldintza orokorren arabera erabiltzaileak eman ditzakeen datu pertsonei kalterik egin gabe, Vuelingek webguneko erabiltzaileei buruzko honako informazio hau lortu eta gordeko du soil-soilik: (a) sarerako sarbidea ematen dien hornitzailearen domeinuaren izena (ISP); (b) web orrira sartu den eguna eta ordua; (c) gure webgunera bideratu duen estekaren helbidea; eta (d) atal bakoitzak egunean izan dituen bisitari-kopurua. Lortutako informazioa guztiz anonimoa da, eta da inoiz lotuko ezein erabiltzaile zehatz eta identifikaturekin.

6.2. Vuelingek cookieak baliatuko ditu erabiltzaileak webgunean nabigatzen duenean. Cookieak gaitasun oso mugatua duten datu-fitxategiak dira. Erabiltzailearen ordenagailuan sortzen dira, eta aukera ematen dute honako informazioa lortzeko: (a) erabiltzaileak webgunea azkenekoz bisitatu zuen eguna eta ordua; (b) erabiltzaileak lehen bisitan aukeratu zituen edukien diseinua; (c) erabiltzaileak aurreko bisitetan sartu izan dituen harremanetarako datuak; eta (d) eremu mugatuetarako kontrolean ageri diren segurtasun-elementuak. Erabiltzaileak cookieak ez sortzeko aukera du, bere nabigatzailean horretarako gaitu dezakeen aukera hautatuta.

6.3. Erabiltzaileek produktuak kontratatzeko prozeduran bildutako datuei dagokienez, Vueling da erabiltzaileek emandako datu pertsonalekin sortutako datu-basearen titularra. Vuelingek konpromisoa hartzen du betetzeko datu pertsonalak isilpean gorde beharra eta konfidentzialtasunez landu beharra, eta, xede horretarako, hartu beharreko neurriak hartuko ditu datu horiek aldatzea, galtzea, tratatzea edo horietara baimenik gabe sartzea saihesteko, uneoro kontuan hartuta teknologiaren egoera, eta uneoro datu pertsonalak babesteari dagokionez Espainian ezar daitekeen legerian aurreikusitakoaren arabera. Erabiltzaileak onartu egiten du gure edozein zerbitzu ematerakoan erabiltzaileak adierazitako datuak Vueling titular den fitxategi automatizatu batean gordetzea, xedea izanik eskatutako zerbitzua ematea, eta bereziki honako xedeekin: (i) leku bat erreserbatzeko, Garraiolariari erreserba horiek baieztatzea ahalbidetze aldera; (ii) zuzeneko komertzializazioarekin lotura duten zerbitzuak eta prestazioak ematea eta garatzea; (iii) immigrazio- eta sartze-prozesua ahalbidetzea; (iv) Garraiolariaren kontabilitate, fakturazio eta ikuskaritza-baldintzak betetzea; (v) kreditu-txartelak eta ordainketarako bestelako txartelak egiaztatzea; (vi) Garraiolariaren segurtasun, administrazio eta lege-baldintzak betetzea; eta (vii) estatistika-sistemak eta analisiak egiaztatzea, mantentzea eta garatzea, eta, bitarteko elektronikoak ere erabiliz, erabiltzailearen interesekoa izan daitekeen informazioa eta publizitatea ematea, beste produktuei, zerbitzuei, promozioei, berrikuntzei eta Vuelingek interesgarritzat jo dezakeen gainerako informazioari buruzkoa. Bereziki igorriko diren newsletterrei dagokienez; horiek Vuelingek eskainitako eta berak edo beste entitate laguntzaileek emandako produktuak jasoko dituzte. Bitarteko elektronikoak baliatuta merkataritza-jakinarazpenik jaso nahi ez baduzu, edozein unetan jo dezakezu Vuelingera honako posta elektroniko honen bitartez: lopd@vueling.com. Erabiltzaileak, edonola ere, bere gain hartuko du emandako datuak egiazkoak direla, eta bere gain hartuko du datu horietan edozein aldaketa egonda horren berri ematea. Vuelingek beretzat gordetzen du datu faltsuak eman dituzten erabiltzaileak erregistratutako zerbitzuetatik baja emateko eskubidea, Zuzenbideak bestelako ekintzak garatzeko ematen dituen eskubideari kalterik egin gabe. Azkenik, erabiltzaileei jakinarazten zaie datu horietara sartzeko, datuak aldatzeko, aurka egiteko eta ezerezteko, eskaera egin diezaiokeela Vueling Airlines, SAri (lege-saila) idazkia igorrita: Mas Blau II enpresa-parkea, Pla de l’Estany plaza 5, 08820 El Prat de Llobregat (Bartzelona).

6.4. HOTELAK ERRESERBATZEAN WWTE KONPAINIAREN LEIHOAN EGINDAKO ERAGIKETEI BURUZKO OHARRA: Travelscape.com, Inc. dba WWTE (aurrerantzean, «WWTE») konpainiaren webgunea kontsultatzeko, erregistratzeko, hotelak edo beste edozein produktu erosteko erabiltzen duen erabiltzaileak, jakin beza EZ DAGOELA VUELING KONPAINIAREN WEBGUNEAN, baizik eta WWTE konpainiaren webgunean sartu dela, nahiz eta bigarren horren ikusizko ingurunea Vueling webgunearenaren oso antzekoa edo berdin‑berdina izan (betiere, WWTE konpainiaren webgunea behar bezala identifikatzen da, web orri bakoitzaren helbidearen bidez, nahiz eta goiburukoan Vueling konpainiaren titularra agertu). WWTE konpainiaren webgunean sartzean, erabiltzailea ZUZENEAN ARI DA Travelscape.com, Inc. dba WWTE konpainiarekin harremanetan, eta WWTErekin egingo ditu kontsulta, erregistratzea, erreserba, erosketa, eta abar. Hartara, WWTEri emango dizkio datu pertsonalak, eragiketa horiek egiteko edo kontratatzen dituen zerbitzuak aurrera eramateko. WWTEren pribatutasun politika izango da araubide bakarra. Erabiltzaileak kontuan izan behar du WWTE konpainia estatubatuarra dela, eta ez diola eragiten datu pertsonalen pribatutasunari buruzko Espainiako eta Europako araudiak.

Gainera, WWTEren webgunearen bidez erregistratzen den, kontsultatzen duen, erreserbatzen duen edo hoteleko egonaldiak nahiz bestelako produktuak erosten dituen erabiltzaileak, berak erabakiko du ea onartzen duen bere datuak gero Vueling konpainiari pasatzea. Onartzen badu, erabiltzaileen datu basean edo merkataritza eta publizitate helburuetarako erregistratutako erabiltzaileen datu basean sartuko dira datu horiek; eta onartzen du informazio eta eskaintza mezuak jasotzea. Hala onartuz gero, erabiltzailea fitxategi batean erregistratuta geratuko da. Fitxategi hori Vuelingen ardurapekoa da, eta Vueling konpainiaren pribatutasun irizpideek arautzen dute.

Vueling-ek ez du erantzukizunik izango sistema elektroniko honen funtzionamendu eragilean interferentziengatik, lehenetsiengatik, etenengatik, birus informatikoengatik, matxura telefonikoengatik edo deskonexioengatik eratorri daitezkeen kalteetan, Vueling-etik at dauden arrazoiengatik gertatuz gero. Ez du erantzukizunik izango ere, sistema elektroniko honen erabileran sor daitezkeen atzerapen edo blokeoetan, Datu-prozesaketa Zentroan, telefono lineatan, Interneteko sisteman edo bestelako sistema elektronikoetan hutsuneak edo gainkargak egoteagatik gertatu badira; ezta ere hirugarrenek, Vueling-en kontroletik at legez kontra sartzean sor ditzaketen kalteetan. Halaber, Vueling-ek ez du erantzukizunik izango erabiltzaileak kalteak izaten baditu Vueling-ek eskainitako informazioan akatsak edo ez-egiteak baldin badaude, betiere besteren iturriak badira. Vueling-ek ere ez du erantzukizunik izango zerbitzua era egokian ez badabil, arrazoia mantenu lanak, erabiltzailearen ekipoaren konfigurazio akastuna edo eskainitako zerbitzuak erabiltzeko beharrezkoan diren sistema informatikoak eusteko edukiera urria badira.

Web Gune honen bitartez erabiltzaileak ikus ditzakeen hainbat eduki jabetza intelektual eta jabetza industrialeko eskubideak dituzte. Jabetza hauen titulartasuna Vueling-ek edo aipatu eskubide hauen hirugarrenek dute. Web Gunearen bidez aipatu edukietara edo elementuetara sartzeak ez dio erabiltzaileari berauek aldatzeko, moldatzeko, esplotatzeko edo erreproduzitzeko, banatzeko, komunikazio publikorako edo eragiten dion eskubidearen titularrari dagokion bestelako gauzetarako eskubiderik ematen. Erabiltzaileak konpromisoa hartzen du Web Gune honen bidez ikusten dituen eduki edota elementuak bere erabilera propiorako eta bere beharretarako erabiltzeko, eta inola ere ez berauen erabilera komertzialik, zuzena edo zeharkakoa, egiteko.

Vueling-ek, edozein momentutan eta aldez aurretik jakinarazi gabe, erabilera baldintza hauetan adierazitakoa betetzen ez duten erabiltzaileei zerbitzu eskaintza erretiratu edo bertan behera utzi ahal izango die.

Web Gunean dauden zerbitzuen eskaintzek eta informazioek, printzipioz, iraupen mugagabea dute. Vueling-ek zerbitzuaren eskaintza edota Web Gunearen beste edozein elementu amaitutzat eman dezake edo bertan behera utz dezake edozein momentutan. Posible den kasuetan, erabiltzaileei zerbitzu horien eskaintza amaituko dela edo bertan behera geratuko dela jakinaraziko zaie.

Baldintza Orokorren interpretazioaren, betetzearen eta balioaren inguruan Vueling-en eta erabiltzailearen artean sortzen diren zalantza guztiak berezko klausulen bidez arautuko dira, eta hauetan aurreikusita ez dagoena, espainiar legeriaren arabera arautuko da, bi aldeak espresuki Bartzelona hiriko Epaitegi eta Auzitegien jurisdikziopean jarriz.