• Bezeroaren arreta
  • Garraio baldintzak

Garraio baldintzak

Bidaiarien eta ekipajearen aireko garraioari buruzko hitzarmeneko baldintza orokorrak.

1.
Definizioak
Itzuli
  • "Txartela" erreserba zenbakia adierazten du eta dagokion kasuan, ekipaje agiria. Garraiolariak berak jaulkita. Txartelaren jabeari edo bidaiariari eskubidea ematen dio bidaiatzeko abiapuntutik xederaino, txartelean eta Garraio Baldintza Orokor hauetan agertzen diren zehaztapen eta baldintzapean.
  • "Loturako txartela" bi segmentuk edo gehiagok osatutako txartela da. Loturako txartelak lotura zuzena du beste txartel batekin, eta bi horiek elkartuta, aukerazko garraio-kontratu bakarra osatzen dute, dagokion hautazko zerbitzu-kargura atxikia.
  • "Segmentua" Jarraian egindako aireratze eta lur hartze baten artean dagoen airebidea.
  • "Garraioaren Baldintza Orokorrak" edo "Baldintzak" Bidaiarien eta ekipajearen garraioari buruzko hitzarmeneko baldintza orokorrak esan nahi du.
  • "Montrealgo Hitzarmena" Nazioarteko aireko garraioari dagozkion zenbait arau adosteko hitzarmena da; 1999ko maiatzaren 28an sinatu zuten Montrealen.
  • "Eskala adostua" bidaiariaren airebidearen barruan aurreikusitakoak dira, Txartelean adierazitako abiapuntukoetatik edo xedekoetatik bestelakoak, edo ordutegietan airebidean programatutako eskala gisa adierazten direnak.
  • "Bidaiaria": Txartel edo Loturako Txartel bat duen edozein pertsona, tripulazio operatiboko kideak izan ezik.
  • "Puntutik punturako hegaldiak" Segmentu bakar batez osatutako hegaldiak dira; hau da, ez du inolako eskalarik programatuta ibilbidean.
  • "261/2004 Araudia" Europako Parlamentuko eta Kontseiluko 261/2004 (EE) Araudia, 2004ko otsailaren 11koa. Aireko bidaiariei laguntzeko eta ordaintzeko arau bateratuak ezartzen ditu, hegazkinera igotzea eragotzi, hegaldia bertan behera geratu edo atzerapen handia dagoen kasuetarako.
  • "2027/97 Araudia" Kontseiluaren 2027/97 (EE) Araudia, 1997ko urriaren 9koa. Bidaiarien eta horien ekipajearen garraioarekiko aire konpainiek duten ardura arautzen du. 2002ko maiatzaren 13ko Europako Parlamentuko eta Kontseiluko 889/2002 (EE) Araudiarekin aldatu zen.
  • "Garraiolaria" edo "Vueling" Vueling Airlines, S.A. adierazten du. Honako helbidea duen sozietatea da: El Prat de Llobregat, Llobregat (Bartzelona), Parque de Negocios Mas Blau II, Pla de l\'Estany, 5. A-634422141 IFZ zenbakia eta 060 zenbakidun operadore baimena dauzka.
  • "820/2008 (EE) Araudia" Kontseiluaren 820/2008 (EE) Araudia, 2008ko abuztuaren 8koa. Eskuko ekipajeari buruzko zenbait arau jasotzen ditu.
2.
Xedea
Itzuli
  • VUELINGek bidaiaria eta bere ekipajea zein baldintzatan eta zehaztapenetan garraiatuko dituen arautzea da Garraiorako Baldintza Orokor hauen helburua; Txartelean edo Loturako Txartelean agertzen den helmugara eraman, eta dagokion kasuan, aire garraio horrekin lotutako beste zerbitzu batzuk eskainiko ditu.
  • Garraiolariak burututako garraio eta bestelako zerbitzu oro, ondorengo araudiaren araberakoak izango dira (araudi aplikagarria): (i) Garraiorako Baldintza Orokor hauetan agertzen diren xedapenak; (ii) kasu bakoitzean, bidaiari bati, batzuei edo talde bati, banaka aplika daitezkeen baldintza partikular eta bereziak, hurrenez hurren; eta (iv) momentu bakoitzean aplikagarria den araudia.  Baldintza orokorrak Garraiolariaren webgunean eskura ditzake Bidaiariak (www.vueling.com), eta VUELINGen egoitza sozialean lortu ahalko da horien kopia.
  • Garraiorako Baldintza hauek ezingo dute bertan behera utzi erabilgarri ez dagoen edozein eskubide, aplikatzen den legediaren arabera Bidaiariari badagokio.
  • Hirugarren lagun baten bidez edo haren laguntzarekin erosi bazuen Bidaiariak Txartela edo Loturako Txartela, horrek eman beharko dio Bidaiariari Baldintza Orokor hauen kopia bat, baita bere hegaldian gerta litezkeen gertaeren berri ere; salbuespena izango da –azken kasu horretan– erreserban agertzen den posta elektronikoko helbidea Bidaiariarena berarena bada. Erreserba egin zuen hirugarren horren bidez, paragrafo honetan agertzen diren betebeharren berri ez jasotzeagatik gerta litezkeen ondorioen erantzukizunik ez du bere gain hartuko inongo kasutan VUELINGek.
3.
Txartela
Itzuli
    • 3.1
      Xedapen orokorra

Txartelean agertzen den hegaldi zehatz horretarako, eta Bidaiari bezala agertzen denak bakarrik erabiliko du Txartela. Bertan agertzen den izenari dagokion Bidaiariarentzat eta zehazten den hegaldirako bakarrik balioko du Txartelak edo Loturako Txartelak. Txartela edo Loturako Txartela besterenezina da, eta ezingo zaie hirugarren batzuei eman.

Txartelean edo Konexio Txartelean agertuko da, Bidaiariaren eta hegaldiaren identifikazio-datuez gainera, honako Garraio Baldintza hauen erreferentzia bat, baita VUELING-ek ezinbestekotzat jotzen duen beste edozein informazio.

    • 3.2
      Loturako txartela

Kontratatutako garraio-zerbitzuak (hautazkoa) Loturako Txartelean ageri den airebidea, irteera puntutik, hartzen du barne, adostutako eskalak eginez, azken xederaino, eta hautazko zerbitzuari dagokion kargua izango du.

Loturako Txartelak bere balioa galduko du baldin eta Loturako Txartelean adierazitako segmentu guztiak erabiltzen ez badira.

Bidaiariak ez du inolako aukerarik izango segmentu bat edo bat baino gehiago ezeztatzeko.

4.
Prezioak
Itzuli
    • 4.1
      Orokorra

Irteera aireportutik helmugako aireportura garraiatzea bakarrik dago sartuta Txartelaren edo Loturako Txartelaren prezioan, balizko Loturako Txartelean adostutako eskaletatik pasatuz. Lurreko garraioaren zerbitzua ez da Txartelaren edo Loturako Txartelaren prezioan sartzen, ez aireportuen artekoa, ezta aireportu baten eta/edo helmugako hiriko terminalen artekoa ere.

VUELINGen Txartelen edo Loturako Txartelen prezioak aldakorrak dira, eta merkaturatze bidearen araberakoak dira.

    • 4.2
      Zergak eta tasak
    • VUELINGek prezioaren barnean sartzen ditu beti BEZa, erregaiaren gehigarria -behar den kasuan-, eta aireportu bakoitzeko agintariek ezartzen dituzten tasak. Aukerako zerbitzuen beste zenbateko batzuk espresuki jakinaraziko dira, eta Bidaiariak onartu egin beharko ditu ordaindu baino lehen. Garraiolariarenak ez diren erabakien menpe daude tasak, beraz, erreserba egin ondoren jaitsi edo igoko balira, baina Bidaiariak hegan egin aurretik, aldaketa horiei aurre egiteko eskubidea eta betebeharra –hurrenez hurren- izango du Bidaiariak; ondorioz, VUELINGi baimena ematen dio espresuki gehikuntza kobratzeko edo aldea itzultzeko, Txartela edo Loturako Txartela ordaintzeko erabili den txartel beraren bidez, hori izan bada ordaintzeko bidea. Erreserba ez bada kreditu txartelarekin ordaindu, eta tasa baten gehitzearen berri eman arren, hegan egin aurretik aldea ordaindu ez bada, VUELINGek erreserba horiek bertan behera utzi ahalko ditu.
    • 4.3
      Txartela ez erabiltzea
    • Baldintza hauetan aurreikusitako kasuetan salbu, behar den momentuan Bidaiariak Txartela edo Loturako Txartela erabiltzen ez badu, osorik edo zati batean, Garraiolaria ez da behartuta egongo Txartelaren edo Loturako Txartelaren prezioa itzultzera. Horren barnean sartzen dira erregaiaren gehigarria, kudeaketa gastua, zergak eta kontratatutako hegaldiagatik Bidaiariak ordaindutako beste edozein kopuru. Salbuespena dira Bidaiariak ordaindu dituen aireportuko tasa eta Segurtasun tasa, Bidaiariak horrelakorik eskatu duenean; beti ere, itzuli beharreko dirutik erreserbako 15 euro deskontatuko dira lehenengo, kudeaketa gastuak ordaintzeko.

  • 4.4
    Salbuespenezko baldintzak

Prezioaren ez itzultzeari eta hegaldi-aldaketengatiko kostuari buruzko ataletan jasotakoari kalterik egin gabe, VUELING-ek erregimen berezia aplikatuko du honako kasuotan, atal honetan ezartzen diren baldintzak betetzen badira:

A) Ebakuntza Kirurgikoa:

Bidaiariak, bere ezkonlagunak, seme-alabak, aitak edo amak hegaldiaren datan derrigorrezko ebakuntza kirurgikoa jasan behar badute, hegaldiaren data aldatzeko eskatu ahalko da doan, baina inongo kasutan ezingo da eskatu Txartelaren balioa itzultzeko. Gainera, aurrekoari dagokionez, izendatutako hegaldi berriaren eta hasierako prezioaren artean aldea badago, ordaindu egin behar da.

Txartela edo Loturako Txartela erosten denetik, 6 hilabeteko gehienezko epea jarriko da izendatutako hegaldi berriak egin ahal izateko. Hau da, Txartela erositako datatik, 6 hilabete pasa baino lehen hegan egin beharko da.

B) Heriotza:

Bidaiaria hilez gero, bere senitartekoek Txartelaren dirua itzultzeko eska dezakete. Hil den pertsona ez bada Bidaiaria, baizik bere ezkonlaguna, aita, ama edo seme-alaba, hegaldiaren data aldatzeko eskatu ahalko da gastu gehigarririk gabe, tarifen arteko aldea salbu, dagokion kasuan. Txartela edo Loturako Txartela erosten denetik, 6 hilabeteko gehienezko epea jarriko da izendatutako hegaldi berriak egin ahal izateko. Hau da, Txartela edo Loturako Txartela erositako datatik, 6 hilabete pasa baino lehen hegan egin beharko da.

C) Guztientzako xedapenak:

Ebakuntza edo heriotza egiaztatzeko, mediku edo heriotza ZIURTAGIRIAK BAKARRIK ONARTUKO DIRA, hurrenez hurren, eta 7 laneguneko epean aurkeztu beharko dira, gertaeraren egun beretik kontatzen hasita. Epe horretatik kanpora jasotako eskaerak ez dira kontuan hartuko, ezinbesteko kasuetan salbu. Edonola ere, eragiten dion hegaldia abiatu aurretik jakinarazi beharko zaio VUELINGi.

Dokumentu horiek onartzea edo ez VUELINGen balorazioaren menpe egongo da beti.

  • 4.5
    Doaneko Txartelak

Hegaldiak bertan behera uzteari, hegaldien atzerapenari edo Txartel gehiegi saltzeari buruzko 2004ko otsailaren 11ko 261/2004 Araudian gainerako Bidaiarientzat jasotzen diren eskubideak ez dituzte izango doaneko Txartelekin bidaiatzen dutenek. Era berean, doaneko Txartela izatearen arrazoiak frogatzeko gai izan behar dira momentu oro.

  • 4.6
    Fakturazioa

VUELINGek faktura bidaliko die Internet edo telefono bidez espresuki horrela eskatzen duten Bidaiariei.

  • 4.7
    Beste batzuk

Visa Vueling txartelaren bidez ordainduz gero, ez dira salerosketaren kostu gehigarriak kobratuko. Beste edozein motatako txartelekin edo beste modu batera ordainduz gero, kostu gehigarri bat kobratuko da; erreserba prozesua amaitu baino lehen ohartaraziko du horretaz VUELINGek. Bidaiariari ordainketa egiteko modua ahalbideratu dion erakundeak zerbitzu horrengatik kobra ditzakeen kopuruen ardura ez du bere gain hartzen VUELINGek.

Txartelaren edo Loturako Txartelaren prezioa, zergak, eskubideak, tasak eta gainerako gehigarriak eurotan ordainduko dira. Halere, ordainketa beste dibisa batzuen bidez egitea onartzen badu VUELINGek, nazioarteko merkatuetan dibisa horren prezioa kontuan hartuta ezarri ahalko du dibisa aldaketa, eta -horrela dagokion kasuan-, beste irizpide objektibo batzuk ere gehitu ahalko ditu, esaterako, kudeaketa-gastuak.

5.
Egoiliarrentzako eta familia ugarientzako deskontu bereziak
Itzuli
        • Bidaiaria kide ugariko familia bada, Ceuta eta Melillako Hiri Autonomikoetan, Balear uharteetan eta Kanariar uharteetan bizi bada (epe luzeko egoiliarrak diren hirugarren herrialdeko biztanleak barne) edo hirugarren herrialde bateko hiritar nazionala eta diru-laguntza hori jasotzeko eskubidea duten egoiliarren familia-kidea bada, tarifa bereziak eta diruz lagundutakoa izango du (eskaintza bereziak kontuan hartu gabe).
        • 1316/2001 EDan, azaroaren 3koan, (eta ondorengo aldaketetan) eta 2013rako Estatuko Aurrekontu Orokorren Legeko Hamairugarren Xedapen Gehigarrian ezarritakoaren arabera, Balear uharteetan, Kanarietan, Ceutan edo Melillan bizi diren bidaiariek tarifa % 50 murrizteko eskubidea dute autonomia-erkidego edo hiri autonomiko horietatik, hurrenez hurren, penintsulara doazen zuzeneko hegaldietan. Ceutan bizi diren bidaiarien kasuen, deskontu bera izango dute Sevilla, Malaga edo Jerezko aireportutik irten edo iristen diren hegaldietan.
        • 23 kilorainoko ekipaje fardel baten fakturazioarekin eta Txartelarekin edo Loturako Txartelarekin zerikusirik ez duten arrazoiengatik Bidaiariak ordaindu behar dituen kopuruak ez dira beherapen horretan sartuko; esaterako, kreditu txartelarekin ordaintzeagatik, gehiegizko ekipajeagatik, eserlekua aukeratzeagatik edo beste arrazoi batzuengatik ordaindu behar direnak. Zergetan, azpiegituren erabilerari dagozkion tasetan eta aireportuko segurtasun tasetan ere ez da deskonturik egingo, baina bai erregaiaren gehigarrian.
        • Erreserba egiterakoan, bidaiariak bertakotasuna (edo diru-laguntza hori jasotzeko eskubidea duen bertako baten familia-kidea dela) jakinarazi beharko du, deskontua aplikatu ahal izateko. Bidaiariak fakturazio-mahaian edo hegazkineratzeko atean bertan bizi dela (edo diru-laguntza hori jasotzeko eskubidea duen bertako baten familia-kidea dela) egiaztatu beharko du, udalak berak jaulkitako erroldatze-ziurtagiriaren bitartez eta, hirugarren herrialdeetako egoiliarren kasuan, indarrean dagoen dagokion egoiliarren baimena edo Diputatu edo Senatari hautetsi hauteskunde-barrutia jasotzen duten dagozkion Ganberen kredentzialaren bitartez. Nortasun agiri nazionalak edo pasaporteak nortasuna egiaztatzeko balio izango dute, ez ordea bizitokia egiaztatzeko; VUELINGek aurkeztutako dokumentazioaren kopiak egiteko ahalmena izango du, baita bidaiariari hegazkineratzea galarazteko ere akats edo irregulartasunik antzemanez gero. VUELINGek ez dio Bidaiariari hegazkineratzen utziko bertan edo Bidaiariaren nortasunean akatsik antzemanez gero. Bertakotasuna egiaztatuko ez balitz, Bidaiariak hasiera batean ordaindutako prezioaren eta hobaririk gabe ordaindu beharko lukeenaren arteko diferentzia ordaintzea ekarriko du edo, bestela, hegazkineratzeko modurik ez izatea eta Txartelaren edo Konexio Txartelaren zenbatekoa itzultzeko eskubidea galtzea.
        • Txartel edo Loturako Txartel aldaketarako aukera erabili nahi duten bidaiariei dagokienez (Baldintza Orokor hauetan aurreikusita dago): (i) Hobaririk gabeko abiapuntu edo helmuga batetatik hobaria duen beste leku batetara aldatu nahi badute, bere egoiliar izaera kontuan hartuko da hobaria daukan hegaldi berrirako; (ii) Hobaridun hegaldi bat horrelakorik ez duen beste hegaldi batetara aldatzen badute, hegaldi berriaren prezio osoa ordaindu beharko dute, hobaririk gabe. Call Center-en bidez bakarrik egin ahalko dira aldaketa horiek, eta kudeaketa gastu gehigarri bat izan dezake.
        • Oro har, VUELINGek puntutik punturako hegaldiak egiten ditu, eskalarik gabe. Puntutik punturako hegaldietan, hobaria soilik ezarriko zaie abiapuntua artxipelagoan, Ceutan eta Melillan duten, eta xedea gainerako Estatu lurraldean, eta alderantziz, duten hegaldiei. Ceutan bizi direnen kasua salbuespena da, atal honetako bigarren paragrafoan aurreikusi bezala.
        • Egoiliar Bidaiarientzako deskontua behin erreserba egin ondoren eskatzen dutenei, ez zaie inolaz ere deskonturik egingo.
        • Loturako Txartelei dagokienez, hobaria soilik ezarriko zaie abiapuntua artxipelagoan, Ceutan eta Melillan duten, eta xedea gainerako Estatu lurraldean, eta alderantziz, duten hegaldiei. Halaber, Loturako Txartelen kasuan, hobaria egingo soilik eskala 12 orduz azpikoa bada.
        • Abiapuntua edo helmuga aurreko paragrafoan adierazitakoak ez diren beste batzuk badira, ez da hobaririk aplikatuko segmentu horietan.
        • Azaroaren 18ko 40/2003 Legea garatzeko azaroaren 28ko FOM 3837/2006 Aginduan aurreikusitakoa betez, familia ugariak babesteko legedi osagarriari dagokiona, hegaldi nazionaletan deskontu hori jaso nahi duten Bidaiariek hegazkinean sartu aurretik erakutsi beharko dute familia ugariko kide direla frogatzen duen jatorrizko ziurtagiria edo horren kopia konpultsatua, edo bestela, bere Autonomia Erkidegoak jaulkitako ziurtagiria. Familia ugariko kide dela ez badu frogatzen, Bidaiariak hasieran ordaindutako prezioaren eta hobaririk gabe ordaindu beharko lukeenaren arteko aldea ordaindu beharko du. Edo besterik ezean, ezingo du hegazkinean sartu, eta ez zaio Txartelagatik ordaindutako dirua itzuliko.
        • Loturako Txartelen kasuan, familia ugariagatiko hobaria soilik aplikatuko da abiapuntua eta xedea Estatu lurraldea duten segmentuetan.
        • Familia ugarientzako deskontua behin erreserba egin ondoren eskatzen dutenei, ez zaie inolaz ere deskonturik egingo.
        • Familia ugarietako kide izan, eta gainera, egoiliarrei dagokien deskontua jaso nahi dutenek, –era berean- erreserba egiterakoan jakinarazi beharko dute.
6.
Erreserbak eta plazak
Itzuli
    • 6.1
      Erreserba egiteko baldintzak

Hegaldi baterako eserlekuaren erreserba baieztatuta geldituko da Garraiolariak Txartela edo Loturako Txartela jaulkitzen duenean, eta ez da beharrezkoa izango ondoren eserleku hori baieztatzea.

    • 6.2
      Aldaketak erreserban
    • VUELING-en Basic eta Optima tarifek ez daukate erreserba aldatzeko aukera lehenetsita. Aurrekoari kalterik egin gabe, VUELING-en Basic eta Optima tarifetan eguna eta ordua aldatu egin ahal izango dira (plazarik eskura baldin badago), Bidaiari eta hegaldi bakoitzeko kargu bat ordainduta gehi, hala badagokio, Txartel edo Konexio Txartel originalaren prezioaren eta Txartel berriaren prezioaren arteko aldea (dagozkion zerga eta tasak gehituta, beti ere). Erreserba-aldaketak, Web gunearen bitartez, hegaldia hasi baino 24 ordu lehenago egin  beharko dira gutxienez, eta bi ordu lehenago Call Center-aren bitartez eginez gero. Bidaiari-aldaketa Call Center-aren bidez bakarrik egin daiteke. Ibilbide ezberdinak barne hartzen dituen Txartelak edo Konexio Txartelek titular berdina izan beharko du horietan guztietan. Ezin izango da Txartelaren edo Konexio Txartelaren titularra aldatu baldin eta barne hartutako ibilbideren bat bete egin izan bada. Bestelako salmenta-bide erabiliz edo beste tarifa batzuen arabera jaulkitako Txartelek aldaketa-baldintza ezberdinak izan ditzakete.
    • Aurrez adierazitako guztia Konexio Txartela osatzen duten segmentuei aplikagarria izan daiteke.
    • Excellence tarifak ordutegi-aldaketak egiteko aukera ematen du, plazaik eskura egonez gero, eta erositako txartelaren eta txartelak aldaketaren unean duen prezioaren arteko aldea ordainduta. Informazio gehiago izateko, ikus 9.2 klausula.
    • Optima tarifarekin Bidaiariak bere hegaldia egun berean ateratzen den beste batengatik aurreratu ahal izango du, doan, plazarik eskura egonez gero. Informazio gehiago izateko, ikus 9.1 klausula.

    • 6.3
      Ordainketa
    • Erreserba baieztatzen den momentuan ordaindu behar da Txartelaren edo Loturako Txartelaren prezio osoa. Ordainketa hori ez bada egiaztatzen, garraio kontraturik ez dela egon ulertuko da, eta ondorioz, Baldintza hauek ez dira aplikatuko.

  • 6.4
    Eserlekuaren Erreserba edota Aldaketa

Basic tarifan izan ezik, ez baitu eserlekua barne hartzea lehenetsita, Bidaiariak bere eserlekua aukeratu ahal izango du, Internet bidezko erreserba-prozesuan. Horretarako, dagokion aparteko kargua ordaindu beharko du. Bidaiariak eserlekurik ez aukeratzea hautatu badu, Vueling-ek automatikoki esleitu dio, eskuragarritasunaren arabera eta batere kosturik gabe.

Bidaiariak beranduago aurrez erreserbatutako eserlekua aldatu nahi balu, Vueling-ek eserleku berri bat esleituko dio eskuragarritasun edo aukeraren arabera, baina ez dio inola ere lehen eserlekuarengatik abonatutako aparteko kargua itzuliko.

Hegazkineko eskifaiak bidaiarien kokalekua aldatzeko baimena du, baldin eta hegaldiaren segurtasunak hala eskatzen badu. Horiek horrela, segurtasun-uhalaren luzapena behar duten bidaiari potoloek, haurdunek, haurtxoekin bidaiatzen dutenek, funtzio-desgaitasunen bat dutenek edo, oro har, istripurik gertatuz gero, larrialdietako irteerako eserlekuetan eserita dauden bidaiariei aplikagarri zaien nazioarteko aeronautika-arautegiaren arabera, hegazkineko langileei eman beharreko laguntza emateko gai ez direnek ezin izango dituzte larrialdietako irteeran dauden eserlekuak bete.

Aurreko paragrafoan adierazitako zioak ez bezalako arrazoiengatik bidaiaria kategoria txikiagoko eserleku batean kokatzen badu VUELINGek, prezioaren aldearen % 75eraino ordaindu beharko dio bidaiariari zazpi egunetan, hegaldiaren distantziaren arabera, 261/2004 Araudiarekin (CE) bat etorriz.

  • 6.5
    Mugikortasun murriztuko bidaiariak

EEko aireportuetan, aireportu bakoitzaren ardura da ezintasunen bat edo mugikortasun murriztua duten bidaiarientzako laguntza zerbitzua eskaintzea. Hegan egin baino gutxienez 48 ordu lehenago jakinarazten badu  Bidaiariak, zerbitzua ematen duen enpresari komunikatuko dio Vuelingek laguntza zerbitzuaren eskaera. Behin aireportuan dagoela, aireportuan horretarako aurreikusitako elkartze gune batetara jo beharko du Bidaiariak, eta han laguntza eskatu. Aireportuko mapa begiratzea gomendatzen da gertuen dagoen elkartze gunea aurkitzeko.

EEtik kanpoko aireportuetan, Vuelingek emango die –legez aurreikusitako zehaztapen eta baldintzen arabera- laguntza ezintasunen  bat edo mugikortasun murriztua duten Bidaiariei, hegaldia baino gutxienez 24 ordu lehenago eskatu badute.

Vuelingek uztailaren 5eko 1107/2006 (EB) Arautegiko II. eranskinean jasotako laguntza emango die, kargu gehigarririk gabe, hegaldia irten baino 48 ordu lehenago laguntza berezia behar dutela adierazi duten, eta Txartelean edo Loturako Txartelean zehaztutako aireportutik irten, aireportura iritsi edo aireportuan barrena ibiliko diren mugikortasun murriztuko bidaiariei.

7.
Ordutegiak eta loturak, atzerapenak, desbideratzeak, ordezkatzea, hegaldiak bertan behera uztea eta hegazkineratzeko onartu ez diren bidaiariak
Itzuli
    • 7.1
      Loturak

Bidaiariak puntutik punturako bi hegaldi edo gehiago erosten baditu, bidaiariaren erantzukizuna izango da lehen hegaldiko ekipajea jasotzeko, bere kasuan berriro ere erregistratzeko, segurtasun eta pasaporte kontrola pasatzeko, eta bigarren eta/edo hurrengo hegaldiaren hegazkineratzeko atera iristeko nahikoa denbora tarte uztea. Arestian xedatutakoa ez da ezarriko Loturako Txartelen kasuan.

      • 7.2
        Atzerapenak, Bertan behera gelditzeak eta Txartelen gainsalmentak
      • Horietako gertakariren batek eragiten badio Bidaiariari, gai horri dagokion araudia aplikatuko zaio, 2004ko otsailaren 11ko 261/2004 Araudian jasota dagoena, eta honela laburbiltzen dena:
      • 7.2.1
        Txartelak edo Loturako Txartelak bertan behera gelditzeagatik edo gainsalmentagatik ordaindu beharreko kalte-ordainak
      • Baldintza meteorologiko txarren ondorioz gertaturikoak, gerrak, terrorismo ekintzak, ezusteko gertaerak, liskarrak, manifestazioak eta ordena publikoari dagokion beste edozein arazo, aireontziari eragiten dioten arazo teknikoak, atzerapenak eta aire trafikoaren kontrolean egindako huts egiteak, suteak, uholdeak, lur mugimenduak, lurrikarak, hondamendi naturalak, epidemiak eta berrogeialdiaren ondorioz izandako beste murrizketa batzuk, agintari eskudunek eragindako ekintzak, grebak eta lan arloko beste arazo batzuk, hornitzaileen edo azpikontratatutakoen huts egiteak, eta beharrezko neurriak hartu izan balira ere, saihestu ezingo zen beste edozein aparteko egoera; kasu horietan izan ezik, hegaldia bertan behera geratu edo Txartel edo Loturako Txartel gehiegi salduz gero, bidaiariek ondorengo kalte-ordainak jasotzeko eskubidea izango dute:
                      • 250 euro arte, 1.500 kilometro arteko hegaldietan;
                      • 400 euro arte, 1.500 kilometro baino gehiagoko komunitate barneko hegaldi guztietan, eta 1.500 eta 3.500 kilometro arteko gainerako hegaldi guztietan.
                      • 600 euro arte, aurreko baldintzetan sartzen ez diren hegaldi guztietan.
    • VUELINGek %50ean jaitsi ahalko du aipatutako kalte-ordaina, beste garraio baten bidez azken helmugara iristeko aukera eskaintzen badie Bidaiariei, eta hasieran erreserbatutako hegaldian aurreikusitako iristeko orduarekiko aldea: (i) ez bada bi ordu baino handiagoa, 1.500 kilometro arteko hegaldi guztietan; (ii) ez bada hiru ordu baino handiagoa, 1.500 kilometro baino gehiagoko komunitate barneko hegaldi guztietan, eta 1.500 eta 3.500 kilometro arteko gainerako hegaldi guztietan; edo, (iii) ez bada lau ordu baino handiagoa, aurreko ataletan sartzen ez diren hegaldi guztietan.
    • VUELINGek ez du inolako kalte-ordainik eman beharko, gutxienez 15 egun lehenago jakinarazten badu hegaldia bertan behera geldituko dela.
  • 7.2.2
    Atzerapenengatiko kalte-ordainak
  • Atzerapena gertatuz gero, eta legezko baldintzen arabera, Bidaiariek 2004ko otsailaren 11ko 261/2004 Arautegian aurreikusitako konpentsazioetarako eskubidea izango dute.
  • 7.2.3
    Dirua itzultzeko neurriak eta ordezko garraioa
  • Hegaldia bertan behera utzi, edo hegazkinean sartzea eragotziz gero, VUELINGek ondorengo aukerak eskainiko dizkio bidaiariari:
    • Txartelaren edo Loturako Txartelaren kostu osoa itzuliko zaio erosi zuen prezioan zazpi eguneko epean, egin gabeko bidaiaren zatiari edo zatiei dagokiena, eta baita egindako bidaiaren zatiari edo zatiei dagokiena ere, Bidaiariak zuen hasierako bidaia egitasmorako, hegaldiak zentzua galdu badu. Era berean, kasu horretan, hasierako abiapuntura itzultzeko hegaldia eskainiko zaio lehenbailehen; edo
    • garraio baldintza alderagarrietan azken helmugaraino eramatea, ahal den azkarrena; edo
    • garraio baldintza alderagarrietan azken helmugaraino eramatea, bidaiariak adostutako ondorengo data batean, libre dauden eserlekuen arabera.

Aireportu bat baino gehiago dauden hiri eta lurraldeetan, erreserba burutu zuen aireportura ez beste batera doan hegaldia eskaintzen badu Garraiolariak, bidaiariaren garraio gastuak ordaindu beharko ditu; erreserba egin zuen aireporturaino, edo bestela, bidaiariarekin adostutako gertuko beste leku batetara.

Era berean, bost ordu baino gehiagoko atzerapena izanez gero, Bidaiariak aukeratu ahalko du 7 eguneko epean egin gabeko ibilbideen nahiz egindakoen (bidaiak dagoeneko zentzua galdu badu) dirua itzultzea, eta baita hasierako abiapuntura eramatea ere.

VUELINGek loturako hegaldi bat galtzea eragiten badu, egin ditzakeen gestio guztiak egingo ditu Bidaiaria azken xedera eramateko edo, halakorik ezean, Bidaiariari ordaindutakoa itzuliko dio.

VUELINGek ez du erantzukizunik izango, baldin eta Bidaiariak loturako hegaldia galtzen badu Garraiolariari ez dagozkion arrazoiengatik.

  • 7.2.4
    Arretarako neurriak

Hegaldia bertan behera geratuz gero, Txartel gehiegi salduz gero, edo atzerapenek 7.2.1. atalean adierazitako kasu bakoitzeko epeak gaindituz gero, VUELINGek ondorengo laguntza eskainiko die bidaiariei: (i) janari eta edari nahikoa, itxaron behar duten denboraren arabera; (ii) hotel batean ostatu ematea, gau bat edo gehiago pasa behar dituztenean; (iii) aireportuaren eta ostatu hartzen duten lekuaren arteko garraioa, Baldintza hauetako (ii) atalean adierazitako laguntza ematea beharrezkoa bada; (iv) bi telefono dei, telex, fax bidezko mezu edo mezu elektroniko; eta (v) laguntzei eta kalte-ordainei buruzko arauak jasotzen dituen inprimaki bat, eta baita 261/2004 Araudia betetzeko ardura duen erakunde nazionalaren datuak ere.

  • 7.3
    Desbideratzeak edo hegaldien ordezkatzeak

Hegaldia desbideratzea edo aireontzia ordezkatzea beharrezkoa denean, VUELING Bidaiaria hegaldia zihoan hasierako helmugaraino eramateaz arduratuko da, bere kabuz edo hirugarren batzuen bidez. Hegaldia burutuko duen konpainia zein den jakinaraziko du beti VUELINGek.

8.
Ekipajea
Itzuli
    • 8.1
      Orokorra

Fakturatu aurretik, benetako informazioa duen etiketa identifikagarri bat jarri beharko dio Bidaiariak bere ekipajeari. Bere aldetik, momentu horretatik, Bidaiariaren ekipajearen ardura bere gain hartuko du VUELINGek. Garraiolariak ekipaje-agiri bat emango dio Bidaiariari; fakturatu dela frogatuko du agiriak, eta Bidaiariak ekipajea jaso arte gorde behar du.

      • 8.2
        Murrizketak ekipajean
      • Ekipaje bezala eramatea debekatuta dago:
              • Garraiolariaren edo aireportuaren iritziz, behar den bezala paketetan bilduta ez dauden artikulu edo objektuak.
              • Garraiolariaren iritziz, aireontzia, eskifaia edo gainerako bidaiariak arriskuan jar dizaketen gauzak edo objektuak. Horiek horrela, OACIren eta IATAren arauen arabera arriskutsutzat jo diren ondasunak edo gauzak hartuko dira arriskutsutzat (ikusi 8.3. atala).
              • Garraioaren abiapuntu, xede edo geldialdi den herrialdeko legeriak garraiatzea debekatzen dituen gauzak.
              • Garraiolariaren iritziz, pisua, konfigurazio eta tamainagatik garraiagarriak ez diren gauzak.
              • Artikulu edo objektu hauskorrak eta/edo galkorrak, esku-dirua edo balore negoziagarriak, balore higigarriak, erakusgaiak, kamerak, bideojokoak, bitxiak eta balioko objektuak edo arte-objektuak, harri eta metal bitxiak, ordenagailuak, gailu elektrikoak, eta nortasun-agiriak (pasaportea, NA, eta abar).
              • Su-armak eta munizioak, kirola egiteko eta ehizean ibiltzeko erabiltzen direnak izan ezik. Kirola egiteko eta ehizean ibiltzeko erabiltzen diren su-armak bagaje erregistratu bezala garraiatu ahal izango dira, baldin eta deskargatuta badaude, segurtagailua aktibatuta badute eta maleta zurrun batean enbalatuta badaude, hegaldian kalterik har ez dezaten. Bidaiariak erreserba egitean jakinarazi beharko du su-armak garraiatzeko asmoa duela, eta baimena aurkeztuko du. Bidaiaria bera arduratuko da herrialde bakoitzak su-armei jarri dizkien murrizketak ezagutzeaz. Arma ez ezik, gehienez 5 kg munizio ere garraiatu ahal izango ditu bidaiariak. Munizioa behar bezala eta armatik bereizita enbalatuko da. Arma eta munizioa ezin izango dira edukiontzi berean garraiatu. Munizioen garraioak gauza arriskutsuak garraiatzeari buruzko nazioarteko arauak bete beharko ditu.
              • Edozein mota eta tamainako arma zuriak. Garraiolariak beretzat gordetzen du antzinako arma zuriak (ezpatak, aiztoak eta aihotzak) ekipaje bezala erregistratzen uzteko eskubidea.
              • Animalia bizirik, Baldintza hauetan honen inguruan espresuki xedatutakoa salbu.
      • 8.3
        Salgai arriskutsutzat jotzen diren gauzak
        • Segurtasun-arrazoiak direla eta, bidaiariak ezin izango ditu gauza hauek bagajean sartu:
              • Lehergaiak, munizioak edo material piroteknikoa (hala nola, gailu piroteknikoak, bengalak, zuziak, jostailuzko pistolak eta fulminanteak).
              • Gas sukoiak, sukoi ez direnak, toxiko ez direnak, toxikoak eta pozoitsuak (hala nola, gas butano edo propano botilak).
              • Likido sukoiak (hala nola, pizgailuaren ordezko piezak, gar urdinezko puru-pizgailuak, gasolina, pinturak, disolbatzaileak edo % 70etik gora alkohola duten edari alkoholdunak).
              • Solido sukoiak (hala nola, pospoloak), autokonbustio-arriskua duten gaiak edo ura ukitzean gas sukoiak aireratzen dituzten gaiak.
              • Gai oxidatzaileak eta peroxido organikoa (hala nola, lixibak).
              • Gai toxikoak eta infekziosoak.
              • Material erradioaktiboak.
              • Gai korrosiboak (hala nola, termometroetako merkurioa, azidoak, alkalisa edo metagailu elektriko hezeak).
              • Hainbat salgai arriskutsu (hala nola, material imanduak, kontsumo txikiko bonbillak edo barne-errekuntzako motodun gauzak).
  • 8.4
    Garraiolariak ekipajea ez onartzeko duen eskubidea
  • Garraiolariak beretzat gordetzen du aurreko paragrafoan aipatutako objektuak edo gauzak ez garraiatzeko eskubidea, segurtasun- arrazoiengatik edo arrazoi operatiboengatik.
  • 8.5
    Garraiolariak ekipajea arakatzeko duen eskubidea
  • Segurtasun-arrazoiak tarteko, Garraiolariak edo agintariek, Bidaiariak ekipajea entregatzen duen unetik beretik, noiznahi arakatu eta/edo ikuskatu ahal izango dute ekipajearen zati bat edo osoa; horretarako, bitarteko tekniko edo giza baliabide egokiak erabiliz. Baldintza hauek onartuta, Bidaiariak espresuki onartzen du, eta esanahirik zabalenean, bere ekipajea behar bestetan arakatzea eta/edo ikuskatzea. Garraiolariak ez du bere gain hartuko ekipajeak jaso ditzakeen kalteen ardura (giltzarrapoak, zigiluak edo enbalajeak haustea), horiek arakatzeen eta/edo ikuskapenen ondorioz gertatzen direnean, Garraiolariaren zabarkeriagatik gertatu direnean izan ezik.
  • Garraiolariak Bidaiariari hegazkineratzea debeka diezaioke, horren ondorioz inolako erantzukizunik izan gabe, Bidaiariak bere ekipajea arakatzea eta/edo ikuskatzea, edo ekipajea tokian tokiko agintariei entregatzea ukatzen duenean.

  • 8.6
    Ekipajearen pisua bidaiari bakoitzeko

Optima eta Excellence tarifetan izan ezik, Bidaiari bakoitzeko 23 kg arteko maleta barne hartzen baitute, Bidaiari bakoitzak, hegaldi bakoitzaren ezaugarri berezien araberakogehigarri aldagarri bat ordainduta, 23 kg arteko ekipaje-fardel bakarra fakturatu ahal izango du. Kopuru gehigarri bat ordainduta, maletaren pisua 32 kg-raino igo ahal izango da. Bidaiari bakoitzak gehienez ere 50 kg-ko ekipajea eraman dezake. Vuelingek uko egin ahal izango dio aipatu gehienezko pisu hori gainditzen duen edo aldez aurretik ordaindu ez den ekipaje osoa edo zati bat garraiatzeari.

Bi urtez beherako haurtxoek aulkia, saskia edo sehaska eraman dezakete, inolako kargurik gabe, erabat tolestuak.

  • 8.7
    Eskuko ekipajea

Bidaiari bakoitzak eskuko ekipajeko pieza bakarra eraman ahal izango du zehazki, 10 kg-koa gehienez; neurriek ezin izango dituzte, inola ere, 55x40x20 cm baino handiagoak izan, Excellence tarifan ez bada, 14 kg arteko gehienezko pisuko eskuko ekipajea eramatea ahalbidetzen baitu.

Gainera, aparteko kargurik gabe 55x40x20 baino nabarmen txikiagoa den elementu gehigarri bat ere eraman ahal izango du, maletatxo txiki bat, emakumezko-poltsa bat, edo argazki zein bideo-kamera bat esaterako.

Hegazkineratzeko atean, konpainiaren araudia urratzen duen eskuko ekipajea, hau da, aurrez aipaturiko kopurua, pisua edota neurriak gainditzen dituena, kendu egingo da eta hegazkineko sotoan kargatuko, aparteko kostu batekin.

Garraiolariak eskubidea gordetzen du erreserba bertan behera utzi eta goian aipatu ekipajearen baldintzak betetzen ez dituzten bidaiariei hegazkinean sartzen ez uzteko.

Hori guztia, abiapuntu edo xede den herrialdean indarrean dauden segurtasun-kontuak medio, aipatu gauzak hegaldian onartzen badira behintzat, eta zenbait gauza esku-ekipaje gisa garraiatzeko indarrean dauden arauei kalterik egin gabe.

Eskuko ekipajerako ezarritako tamainari buruzko baldintzak betetzen ez dituzten gauza guztiak (musika-tresnak eta antzekoak barne) bidaiariarentzako kabinan eraman ahal izango dira soilik bidaiariak horiengatik Txartel gehigarria edo Loturako Txartel gehigarria ordaindu badu.

Ezin izango dira esku-ekipaje bezala garraiatu honako objektu hauek:

    • Su-armak eta, oro har, armak (imitazioak, jostailuzko pistolak, industria-erabilpeneko grapagailuak, baleztak, su-armen itxurako pizgailuak, edo arpoi eta urpeko fusilak barne).
    • Puntadun edo ertza duen armak eta objektuak (aizkorak, dardoak, izotzerako piketak eta pikotzak, izotzetarako irristailuak, laban automatikoak, 6 cm luze baino gehiago dituzten aiztoak, bizar-xafla eta laban irekiak, bisturiak, eskiatzeko eta mendi-ibilietarako bastoiak, zulatzeko makinak, zerrak, bihurkinak, aliketak, mailuak, giltza zabalgarriak, eta orriek 4 cm luze baino gehiago duten guraizeak barne).
    • Tresna sendoak (beisbol-bateak, golf-makilak, arraunak, gurpil-oholak, billar-makilak, kanaberak, eta borroka-arteetarako ekipoak).
    • Gai lehergarriak edo sukoiak (besteak beste, munizioak, detonagailuak, lehergaien kopiak edo imitazioak, pospoloak, kea sortzeko kartutxoak, pintura-langarreztagailuak, agoarras, eta % 70 gradu alkohol baino gehiago duten edariak).
    • Gai kimikoak (besteak beste, zuritzaileak, bakterioak, su-itzalgailuak, langarreztagailu neutralizagailu edo ezgaieztatzekoak).

820/2008 Araudian aurreikusitakoaren arabera, esku-ekipaje gisa garraiatu ahal izango dira likidoak, gelak eta antzeko trinkotasuna duten ontzikiak (esaterako, hortzetako orea, ile-gogortzailea, edariak, zopak, lurrinak, bizarra kentzeko aparra, aerosolak, lozioak, jateko diren hedatzeko kremak, eta abar) 100 ml baino gehiago ez badute; ontziki horiek gehienez ere 100 cc-ko edukiera duten eta erabat ixten ahalko den poltsa garden batean sartuko dira. Bidaiari bakoitzak poltsa bakarra eraman ahal izango du.

Halaber, osasun premiengatik nahiz dieta-premia bereziengatik hegazkinean kontsumitu beharreko likidoak eta erdi-likidoak ere (haur-ahiak, kasu) onartuko dira; halakoetan, ordea, Bidaiariari horren benetakotasuna frogatzea eska dakioke.

Honako hauetan erositako likidoak sar daitezke hegazkinean:

  • Hegaldia irteten den aireportuko dendetan, segurtasun kontrola igarota daudenetan.
  • Aireportuko hegaldi-kontrola igarota, baina segurtasun-kontrola baino lehen dauden dendetan; halakoetan, inork ez manipulatzeko moduko poltsa baten barruan egongo dira, eta, halaber, erosketa aireportu horretan eta egun horretan egina dela ziurtatu beharko da.
  • Erkidegoko beste aireportutako edo aireontzitako dendetan; halakoetan, inork ez manipulatzeko moduko poltsa baten barruan egongo dira, eta, halaber, erosketa aireportu horretan eta egun horretan egina dela ziurtatu beharko da.
  • Hirugarren herrialdeetako ontziratzeko txartel-kontrola eta gero kokatuta dauden dendetan (Batzordearen (EE) 820/2008 Araudiko I. eranskineko zerrendaren arabera); betiere, inork ez manipulatzeko moduko poltsa baten barruan egongo dira, eta, halaber, erosketa aireportu horretan eta hegaldia baino 36 ordu lehenagoko tarte horretan egina dela ziurtatu beharko da.

VUELINGek aipatu Araudia irakurtzea gomendatzen du, esku-ekipajearen inguruan indarrean dauden garraio-debeku guztiak kontsultatze aldera.

VUELINGek aipatu Araudian aurreikusitako baldintzak betetzen ez dituzten esku-ekipajeak hegazkinean sartzea ukatuko du edozein unetan, eta inolako konpentsazio ekonomikorik gabe.

Eskuko ekipajea horretarako propio kabinaren goiko aldean kokatutako maletategi itxietan jarri behar da, Bidaiariaren eserlekuaren azpian edo hegazkineko tripulazioak une bakoitzean adierazitako beste edozein tokitan. Excellence tarifan, Bidaiariak bere 14 kg arteko eskuko ekipajerako tokia erreserbatzeko eskubidea izango du. Bidaiariak bere ekipajeak VUELING-i edo hirugarrenei sor dakizkiekeen kalteen aurrean erantzungo du, horiek VUELING-en axolagabekeriaz gertatu ez badira.

  • 8.8
    Ekipajea jasotzea eta entregatzea
  • Bidaiariak bere ekipajea jaso ahal izango du Garraiolariak xede-aireportuan adieraziko duen puntuetan bidaiariaren esku jartzen dituen unean. Hegaldi-txartela edo Loturako Txartela duenak ekipajea jaso, eta legeak ezarritako epeetan protestarik egiten ez badu, uko egiten dio geroztik erreklamaziorik egiteari.
  • Bidaiariak baimena ematen dio VUELINGi ekipajea galduz gero, VUELINGek bere kabuz edo hirugarrenen bitartez, egin beharreko ikerketak egiteko titularra aurkitze aldera; horretarako, ekipajearen barrualdean nahiz kanpoaldean dauden objektuak edo elementuak erabiliko ditu, lortutako datu pertsonalekiko konfidentzialtasuna errespetatuz.
  • Bidaiariak, ekipajea jasotzeko moduan utzi eta 7 eguneko epean jasotzen ez badu, Garraiolariak eguneko 10 euro eska diezaioke biltegian gordetzeagatik. Bidaiariak, ekipajea bere esku jarri denetik, sei (6) hileko epean jasotzen ez badu, VUELINGek ekipajea erabili ahal izango du inolako erantzukizunean erori gabe.
  • Bidaiari batek ekipajearen pieza bat erreklamatu, eta ekipaje-taloia erakusten ez badu, ekipajea entregatuko zaio soilik horretarako eskubidea duela frogatzen badu, eta frogak Garraiolaria asetzen badu. VUELINGek eskatzen badu, egoera justifikatuetan, aipatu pertsonak, ekipajea jaso aurretik, aldez aurretik estaldura ekonomiko egokia eman beharko du Garraiolariak entregatze horren ondorioz izan dezakeen edozein galera, kalte nahiz gastuagatik kalte-ordaina emateko.
  • VUELINGek ekipajeren bat susmagarritzat jotzen badu, edo beste bidaiari batek edo Espainiako edo herrialde bakoitzeko Estatuko Segurtasun Indar eta Kidegoek eskatzen badute, aipatu ekipajea Bidaiariari entregatzea blokeatu edo uka dezake. Halakoetan, Bidaiariak legeak jasotzen dituen izapideak bete beharko ditu, eta Garraiolariak ez du inolako erantzukizunik izango atzerapen horregatik, edo Bidaiariari ekipajea jasotzea ukatu zaiolako.
  • Bidaiariak puntutik punturako bi hegaldi edo gehiago erosten baditu, bidaiariaren erantzukizuna izango da lehen hegaldiko ekipajea jasotzeko, bere kasuan berriro ere erregistratzeko, segurtasun eta pasaporte kontrola pasatzeko, eta bigarren eta/edo hurrengo hegaldiaren hegazkineratzeko atera iristeko nahikoa denbora tarte uztea. Arestian xedatutakoa ez da ezarriko Loturako Txartelen kasuan.
  • Loturako Txartelen kasuan, Bidaiariak abiapuntuko aireportuan erregistratu beharko du ekipajea, eta xede-aireportuan jaso, Garraiolariaren erantzukizuna izanik ekipajearen manipulazioa airebidearen eskaletan.
  • 8.9
    Kalteak ekipajean
  • Ekipajea galdu edo kalterik gertatuko balitz, indarrean diren arau nazional eta nazioartekoek ezartzen dituzten jarraibideak aplikatuko dira, 1960ko Aireko Nabigazio Legea eta 1999ko maiatzaren 28ko Montrealeko Hitzarmena bereziki, baita Kontseiluaren (CE) 2027/97 Araudia ere.
  • VUELING arduraduna da, ekipajea hatusi, galdu, atzeratu edo kaltetuko balitz, 1.131 Igorpen Eskubide Bereziko kopurura arte. Bidaiariak erantzukizun-muga altuago bati atxiki dakioke, balio-aitorpen berezia eginez; horretarako aparteko kargua ordaindu beharko du. Fakturatutako ekipajeari dagokionez, VUELING-ek bere erruz gertatuko kalteen ardura besterik ez du izango.
  • Fakturatutako ekipajea kaltetu, galdu edo suntsitzen bada edo atzerapenez entregatzen bada, Bidaiariak ahal bezain laster jakinarazi beharko dio VUELING-i eta, edonola ere, 7 egun igaro baino lehenago kalteen kasuan eta 21 egunen barruan galera kasuan. Epe horiek ekipajea eskura jartzen denetik hasiko dira zenbatzen.
  • VUELING-ek ez du bat ere ardurarik izango, inola, ekipajean gertatzen diren makadura, atzamarkada, orban edota helduleku zein gurpil hautsien kasuan.
  • Hegaldiaren ardura duen hegazkin-konpainia VUELING ez bada, Bidaiariak bietako edozeinen aurkako kexa edo erreklamazioa jartzeko modua izango du.
  • 8.10
    Animaliak eta ekipaje bereziak:

Bidaiariak zakur itsu-gidaria behar badu, zakurra harekin joan daiteke kabinan, betiere, animalia behar bezala lotua badago, eta Bidaiariak zakurrak gainerako bidaiariei eragin diezaiekeen kalteak bere gain hartzen baditu.

Bidaiariak, erreserba egiterakoan, maskota bat (karraskariak izan ezik) garraiatzeko zerbitzua kontrata dezake. Horretarako, gehigarri bat ordaindu, eta honako baldintza hauek bete beharko ditu:

    • Animaliak kaxa berezi batean joan beharko du, arnasketarako zuloak, eta hondoa iragazgaitza dituena. Ez da onartuko etxean manipulatutako kaxarik. Lurreko nahiz hegaldian joango diren langileen iritziz kaxa balekoa edo ziurra ez bada, ez da onartuko.
    • Kaxak honako neurri hauek izango ditu, gehienez ere: 50 cm luze, 40 cm zabal, eta 20 cm hondo; betiere, hiru dimentsio horien batura 110 cm-tik gorakoa ez bada.
    • Kaxaren gehienezko pisua (animalia eta osagarriak barne) 8 kg izango da.
    • Jateko edo edateko ontziak estaliak egongo dira, horietan dagoena barreia ez dadin.
    • Kaxa lurrean joango da, bidaiariaren hanken artean, edo bere eserlekuaren azpian. Debeku da kaxa bidaiariaren alboko eserlekuan garraiatzea, eserleku hori hutsik egonagatik ere, baita altzoan ere.
    • Ez dira onartuko, ezaugarri bereziak direla-eta (usain txarra, osasun-egoera, higienea, edo jarrera bortitza), gainerako bidaiarientzat eragozpen diren animaliak.
    • Animaliak daramatzaten bidaiariek uneoro arduratu beharko dute horiez, eta beraien erantzukizuna izango da animaliek sor ditzaketen kalteak.
    • Jabeak ez du animalia bere kaxatik aterako, sekula, hegazkinera sartzen denetik, hegazkinetik jaisten den arte.
    • Kaxa bakoitzean animalia bakarra joango da, txoriak edo tamaina txikiko beste animaliak izan ezik.

Arau nazionalak direla-eta, Vueling-ek ez du onartuko animalia mota horiek Erresuma Batuan edo Irlandan jatorria eta helmuga duten hegaldietan garraiatzea.

Bidaiariak helmuga-herrialdeko arauek animalia garraiatu eta herrialdera sartzeko modua ematen duela bermatu beharko du, tokiko araudiari jarraiki, baita honek (i) behar bezalako higiene-neurriak betetzen dituela ere, eta (ii) hura eduki eta garraiatzeko behar bezalako dokumentazio guztia daukala.

Bidaiariak bere gain hartuko ditu VUELINGek izan ditzakeen kalteak (esate baterako, hegaldiaren xede den herrialdeak ezarritako isunak, eta abar) bidaiariak ez izateagatik animaliak beharrezkoa duen dokumentazioa.

Hegaldi batean bi animalia baino ez dira onartuko kabinan. Informatika-sistemak ez die aukerarik emango zerbitzu hori kontratatzeko, aipatu gehienezko kopuru hori bete ondoren erreserba egin nahi duten bidaiariei.

VUELINGek ez du aukerarik ematen animaliak hegazkinaren sotoan garraiatzeko.

Kirol-ekipajeak eta ekipaje bereziak garraiatzeko, Bidaiariak kontratazio-unean zehaztutako baldintzak eta tarifak onartu beharko ditu.

Bidaiariak espresuki eskatuta, txartelaren erreserba egitean, Call Center-en bitartez edozein unetan nahiz ekipajea erregistratzean, VUELINGek ekipajeen balio-aitorpeneko aseguru-zerbitzua du aparteko kostua ordainduta. Ez dira zerbitzu horren barruan onartzen balio handiko zenbait objektu.

VUELINGek ekipaje bereziak erregistratzeko aukera ematen du, Baldintza hauen eranskinean jasotako kostuarekin eta berezitasunekin.


9.
Optima eta Excellence Tarifak
Itzuli
  • 9.1
    Optima Tarifak

Optima Tarifak, Basic tarifaren prestazioez gainera, honako zerbitzuak ere barne hartzen ditu:

(i) Erreserbatutako hegaldien ordutegia aurreratzeko malgutasuna, egun berean. Aldaketa hau aireportuko salmenta-mahaian bakarrik egin ahal izango da, hegaldia atera baino 2 ordu lehenagotik eta fakturazio-mahaia itxi arte, hegaldi berria atera baino 40 minutu lehenago, Erroman izan ezik, hegaldia atera baino 55 minutu lehenago ixten dute eta.

(ii) Erreserba ezazu doan eserleku jakin bat hegazkin barruan (3. eta 11. ilaren arteko eserlekuak barne, eta 15. eta 31. ilaren artean, hegaldia Airbus A320 batean egiten bada eta plazarik eskura baldin badago, beti ere). 3. eta 11. ilaren artean eskura diren eserlekuen kopurua mugatua da, eta agortu egingo balira, 15. eta 31. ilaren arteko eserlekua hartu beharko da. Ez da inola ere tarifaren barneko eserlekuen erreserba-tasari dagokion zenbatekoa itzuliko.

(iii) Ekipaje-pieza bakar baten doako fakturazioa (23 kg arte)

  • 9.1.2
    Erreserbak Optima tarifarekin

    Optima tarifa hautatutako ibilbiderako eskura baldin badago aukeratu ahal izango duzu. Erreserba bateko ibilbide ezberdinetan ezin dira tarifa ezberdinak konbinatu.

    Hegazkineratzeko txartela automatikoki jasoko duzu, e-posta bidez, behin erosketa-prozesua amaituta eta eserlekua esleitzen zaizunean.

  • 9.1.3
    Optima erreserben aldaketa

  • Hegaldia aurreratu ahal izango da, doan, egun berean ateratzen den beste batengatik, plazarik eskura baldin badago, beti ere. Aldaketa hau aireportuko salmenta-mahaian egin ahal izango da bakarrik, hegaldia atera baino 2 ordu lehenagotik eta fakturazio-mahaia itxi arte, hegaldi berria atera baino 40 minutu lehenago, Erroman izan ezik, hegaldia atera baino 55 minutu lehenago ixten dute eta.

    Ezin izango da Optima tarifatik Basic edo Excellence tarifara aldatu.

    Optima tarifak, behin kontratatuta, ordutegi- eta izen-aldaketak Tarifa beraren barruan bakarrik ahalbidetuko ditu. (ikus Baimendutako aldaketak)

  • 9.2
    Excellence tarifa

Excellence Tarifak, Optima tarifaren prestazioez gainera, honako zerbitzuak ere barne hartzen ditu:

(i) Duo eserleku baten erreserba bermatuta, doan.

(ii) 14 kg arteko ekipajerako tokia erreserbatuta hegazkin barruan.

(iii) Lehentasunezko hegazkineratzea eta mahaiak. Zerbitzu hau Bartzelona eta Madrileko aireportuetan bakarrik egongo da eskura.

(iv) Malgutasuna ordutegi-aldaketetan, plazarik eskura egonez gero, eta erositako txartelaren eta txartelaren aldaketa egiten den uneko prezioaren arteko diferentzia ordainduz.

(v) Itzultzea baimenduta bezeroak ezin hegaz egin izango balu. Itzultzea hegaldia atera baino 2 ordu lehenago egin beharko da, beranduenez.

(vi) Mokadua hegazkin barruan.

  • 9.2.1
    Erreserbak Excellence Tarifarekin

    Excellence tarifa hautatutako ibilbiderako eskura baldin badago aukeratu ahal izango duzu.

    Erreserba bateko ibilbide ezberdinetan ezin dira tarifa ezberdinak konbinatu.

    Hegazkineratzeko txartela automatikoki jasoko duzu, e-posta bidez, behin erosketa-prozesua amaituta eta eserlekua esleitzen zaizunean.

    Lagundutako adingabeek ezin izango dute Excellence tarifa hartu.

  • 9.2.2
    Excellence Tarifa erreserben aldaketa

  • Ez dago Excellence tarifatik Optima edo Basic tarifara aldatzerik.

    Ordutegi-aldaketa bat egin nahi izatekotan, eta aukeratutako hegaldian Excellence tarifarik eskura ez balego, bidaiariak Basic edo Optima tarifen baldintza komertzialekin hegaz egitea aukera dezake, horiek hegaldi horretarako eskura baldin badaude, Excellence tarifa ezeztatu eta bere zenbatekoa itzuliz eta Basic edo Optima tarifekin erreserba berria eginez. Basic edo Optima tarifan erreserba berria egindakoan, Excellence tarifaren zerbitzuak galdu egingo dituzu.

    Aldaketa guztiak Bezeroaren Arreta Zentroan egin beharko dira, edo aireportuko Salmenta-mahaietan, bezeroak bere hegaldia aurreratzen duen kasuetan.

    Ordutegi-aldaketak egin daitezke, doako hegaldi-aldaketa fee-arekin, baina erositako txartelaren prezioaren eta aldaketaren unean txartelak duen prezioaren arteko diferentzia ordaindu egin beharko da.

    Halaber, titular-aldaketa egin daiteke, doan.

  • 9.2.3
    Excellence Tarifa erreserben ezeztapena

  • Hegaldi bat ezeztatzeko modua izango da, Excellence tarifarekin, bat ere arrazoirik eman beharrik gabe. Ezeztapena ibilbide partzial bati ere aplika dakioke bakarrik, adibidez joateko edo itzultzeko hegaldiari, erreserba zenbaki bakar baten barruan.

    Ezeztapena lehendabiziko ibilbidea atera baino 2 ordu lehenago egin beharko da gehienez. Erreserbaren barneko ibilbideetako bat egin izan baldin bada, ezin izango da bestea ezeztatu.

    Eskubide hori gauzatzekotan, ezeztatu nahi duzun ibilbide eta bidaiariarengatik ordaindutako Excellence prezioaren zenbatekoa itzuliko dizugu.

 

10.
Erregistratzea eta administrazio-betebeharrak
Itzuli
    • 10.1
      Erregistratzeko gehienezko epea
    • Bidaiariak hegaldiaren irteera-orduarekiko denbora nahikoarekin iritsi beharko da aireportura, gobernu-betebehar guztiak betetzeko eta, hala badagokio, ekipajea erregistratzeko astia izan dezan. Erregistratze-mahaiak hegaldia baino bi ordu lehenago irekiko dira, eta aurreikusitako irteera-ordua baino 40 minutu lehenago itxiko dira, hegaldiak atzerapena badu ere; ondorengo aireportuetan izan ezik:
            • Erroma Fiumicino (FCO) eta San Petersburgo (LED): irten baino 45 lehenago.
            • Tel Aviv Ben Gurion (TLV): irteera baino 60 minutu lehenago.
            • Bartzelonatik Tel Aviv - Ben Gurionera (TLV): irten baino 60 minutu lehenago.
    • Denbora hori joanda, ez da ekipajerik onartuko, eta, halaber, ez dira ontziratzeko txartelik emango. Erregistratzeko epe maximoa beteta, Garraiolariak, erreserba edukita ere, ontziratzeko txartela ez duten Bidaiarien eserlekuak laga diezaieke onartzeko zain dauden itxaronzerrendako Bidaiariei, baldin eta erreserba horiek ez badira zegokien erregistratze-mahaian edo Garraiolariak adierazitako beste edozein lekutan identifikatu erregistratzeko epe maximoa bete aurretik.
    • 10.2
      Erregistratzea
    • Ekipajea erregistratzeko, Bidaiariak Txartela, Loturako Txartela edo horri dagokion erreserba-zenbakia aurkeztu beharko du, baita bere nortasuna frogatzeko legezko agiri nahikoa ere. Garraiolariak beretzat gordetzen du -bere kabuz edo hirugarrenen bitartez- bestelako bitartekoak erabiliz Bidaiaria identifikatzeko eskubidea, baldin eta aurkeztutako dokumentazioa nahikoa ez dela irizten badio, edo identifikazioari nahiz erakutsitako dokumentazioari buruzko zalantzak izanez gero.
  • 10.3
    Ontziratzea
  • Ontziratzea hegaldia irten baino 30 minutu lehenago hasiko da. Ontziratzeko atea hegaldia irten baino 10 minutu lehenago itxiko da. Garraiolariak beretzat gordetzen du aurreikusitako ordua baino 10 minutu lehenago ontziratzen ez diren Bidaiarien eserlekuen esleipena eta erreserbak bertan behera uzteko eskubidea. Erregistratze-mahaira berandu iristen diren Bidaiariak ez dira hegazkinean onartuko, ez dute ontziratzea ukatzeagatik kalte-ordainik jasotzeko eskubiderik izango, eta Bidaiaria epearen barruan ontziratzeko atean agertu ez delako beren ekipaje erregistratua topatu eta hegazkinetik jaitsi behar bada, VUELINGek izan ditzakeen kalteak Bidaiariak hartuko ditu bere gain.
  • Ahal den guztietan, ontziratzeko lehentasuna izango dute haurrekin bidaiatuko duten familiek, gurpil-aulkietan dauden Bidaiariek eta mugikortasun murriztua duten Bidaiariek.
  • 10.4
    Bidaiariak erreskatatzeko zerbitzua
  • VUELINGek hegaldia galdu duen Bidaiariari hurrengo hegaldi batean ontziratzeko (Bidaiarien Erreskatea) aukera ematen dion berariazko zerbitzua du; horri dagokion, aldez aurretiko kostua ordainduta. Bidaiariak aipatu produktua kontratatzea erabakiz gero, hegaldi berriari buruz Baldintza hauetan xedatutakoaren mende egongo da, berdin.
  • 10.5
    Bidaiako dokumentuak
  • Bidaiariak hartuko du bere gain abiapuntuko herrialdeek, xede-herrialdeek edo garraioan zeharkatutakoek eskatutako sarrera- eta irteera-dokumentu guztiak lortzea, bere esku gordetzea eta eskatzen zaionean aurkeztea, baita aipatu herrialdeetan eska dezaketen gainerako osasun-dokumentazioa nahiz bestelakorik. Garraiolariak beretzat gordetzen du Bidaiaria ez garraiatzeko eskubidea, baldin eta Bidaiariak aipatu legeak, erregulazioak, arauak, eskakizunak nahiz ezar daitezkeen baldintzak betetzen ez baditu, edo Garraiolariaren edo irteera- nahiz xede-herrialdeko agintarien iritziz, aipatu horiekin bat ez datorren dokumentazioa aurkezten badu.
  • 10.6
    Herrialde baten sartzea ukatzea
  • Edozein arrazoi tarteko, abiapuntuko herrialdeetako, xede-herrialdeetako edo garraioan zeharkatutakoetako agintari publikoren batek Bidaiariari herrialdean sartzea edo zeharkatzea ukatzen badio, Bidaiariak ordaindu beharko du jatorri-aireportura edo beste edozeinetara itzultzeko bidaiaren prezioa. Garraiolaria ez dago behartua Bidaiariak bete ez duen aire-bideko tarteari dagokion hegaldi-txartelaren zatia ordaintzera, eta, halaber, ez du erantzukizunik izango Bidaiari horren ekipajeari dagokionez.
  • 10.7
    Bidaiariaren erantzukizuna
  • Bidaiariak edo honen ekipajeak abiapuntuko herrialdeetako, xede-herrialdeetako edo garraioan zeharkatutako herrialdeetako legeren bat, eskakizunen bat edo bidaia-baldintzaren bat urratuta (aduanak, polizia, eta abar), Garraiolariak isun edo zigorren bat ordaindu edo gasturen bat bere gain hartu behar badu, Bidaiariak Garraiolariak ordaindutakoa, edo sortutako nahiz sortu daitekeen gastua ordaindu beharko du Garraiolariak eskatzen dionean.
  •  
11.
Garraiolariak Bidaiariei garraioa ukatzeko eta garraioan murrizketak egiteko eskubidea
Itzuli
    • 11.1
      Garraiolariak Bidaiariei garraioa ukatzeko eskubidea

Garraiolariak beretzat gordetzen du, uneoro, hegaldi-txartela duen Bidaiariari garraioa ukatzeko eskubidea, baldin eta Garraiolariaren iritziz:

              • Segurtasun publikoa tarteko, beharrezkoa edo komenigarria bada.
              • Hegaldiaren jatorri, xede nahiz eskala-herrialde batean legeak edo arau aplikagarriak betetzeko beharrezkoa edo komenigarria bada.
              • Bidaiariaren jarrera, egoera, adina, buru-egoera nahiz egoera fisikoagatik beharrezkoa edo komenigarria bada.
              • Beste Bidaiariei edo tripulazioari kalte edo traba egitea, nahiz eragozpenak sortzea saihesteko beharrezkoa edo komenigarria bada.
              • Bidaiariak lehenagotik ere eta behin baino gehiagotan Garraiolariaren arauak hausteagatik beharrezkoa edo komenigarria bada.
              • Bidaiariak Garraiolariari aurkeztutako dokumentua: a) ustez legez kanpo eskuratu du, b) galdu nahiz lapurtu izanaren salaketa du, c) ustez faltsua da, edo Garraiolariak egin ez dituen edozein motatako aldaketak ditu. Halakoetan, Garraiolariak beretzat gordetzen du aipatu dokumentu horiek atxikitzeko eskubidea.
              • Garraiolariaren erregistratze-mahaira joan den pertsona ez izatea hegaldi-txartelean agertzen dena. Halakoetan, Garraiolariak beretzat gordetzen du aipatu txartela atxikitzeko eskubidea.
              • Bidaiariak ezin du egiaztatu Hegaldi-txartela edo Loturako Txartela osorik ordaindua duenik, edo ordaintzeko erabilitako banku-txartelarekin egindako kargua ezereztea eskatu da.

      • 11.2
        Garraiorako murrizketak
              • Emakume haurdunak: Garraiolariak 27 aste arteko haurdunaldia duten emakumeak garraiatzea onartzen du (aste hori barne) medikuaren egiaztagiririk gabe. Bidaia haurdunaldiaren 28. eta 35. asteen artean egiten bada (biak barne), ezinbestekoa izango da hegaz egiteko gaitasuna berresten duen medikuaren baimenaren originala erakustea; honek, gainera, indarraldia, elkargoko kide-zenbakia eta medikuaren sinadura agertu beharko ditu. Ezin izango dute haurdunaldiko 36. astean edo aurrerago diren emakumeek hegaz egin.
              • Adingabeak: 14 urtez beherako adingabeak ezin dute bidaiatu 12 urtez gorako arduradunik gabe. 5 urtetik 11ra bitarteko adingabeak (11 + 364 egun) VUELINGek eskaintzen duen adingabeei lagun egiteko zerbitzua (UM) kontratatuta bidaia daitezke, aldez aurretik horri dagokion kostua ordainduta. Hautaz, aipatu zerbitzua 12 urtetik 17ra bitarteko adingabeentzat ere (17 + 364 egun) kontrata daiteke.
  • Segurtasun arrazoiak tarteko, ez dira onartuko hegazkinean 7 egun baino gutxiago duten haur jaioberriak. 7 egunetik 2 urtera bitarteko haurrak (1 + .64 egun) amaren edo aitaren magalean joango dira, eta ezin izango da hegazkinaren kabinan aulkitxoak edo sehaskak sartu. Aipatu 2 urtez beherako Bidaiariek erreserbagatiko ordainsari bakarra ordaindu beharko dute. Hegazkinean, 18 urtez gorako heldu bakoitzagatik 5 urtetik 8ra bitarteko 6 adingabe eta haurtxo bakarra (eserlekurako eskubiderik gabe) onartuko dira.
  • Edozein unetan, bai VUELINGek eta bai irteera nahiz xede-aireportuko toki-agintariek bidaiatu asmo duen haurtxoari edo haurrari buruz egoki irizten dioten dokumentazio guztia eska dezakete; beraz, dokumentazio hori beti eskura izatea gomendatzen dugu.
  • Adingabeko bidaiariak baina 12 urtez gorakoak onartuko dira soilik beren izenean dagoen NA edo pasaportea badute. 14 urtez beherakoek ere pasaportea edo NA eduki beharko dute; alabaina, nahikoa izango da familia-liburua Estatu barruko bidaia baldin bada, eta gurasoren batekin badoaz.

Baliteke agintariek zenbat herrialdetan bizi diren 18 urtez beherako adingabeei beren gurasoek edo legezko tutoreak sinatutako formulario bat eskatzea adingabe horiek gurasorik edo legezko tutorerik gabe bidaiatzen dutenean. Aipatu formulariorik gabe ez zaie hegazkina hartzen utziko. Zehazki, eta adibide gisa, Errumanian bakarrik edo aitarekin zein amarekin bidaiatu asmo duten 18 urtez beherako adingabeek ezin izango dute bidaiatu ez badute bi gurasoek sinatutako ziurtagiri ofiziala erakusten.

    • Gaixotasunak eta infekzioak dituzten bidaiariak: Garraiolariak ez ditu onartuko gaixotasun infekzioso larriak dituzten edo une horretan aipatu gaixotasuna pairatzen ari diren bidaiariak, ezta osasun-agintariek zenbait gaixotasunekiko alerta-egoera ofiziala izendatuta, halakorik duten gaixoak ere; besteak beste, biriasia, tuberkulosia eta pneumonia.


12.
Aireontzian izan beharreko jarrera
Itzuli
  • Garraiolariaren iritziz, Bidaiariaren portaerak aireontzia edo edozein pertsona nahiz hegazkinean dauden ondasunak arriskuan jar baditzake, edo tripulazioak bere eginkizunak betetzeko oztopo bada, edo tripulazioak emandako aginduei muzin egiten badie, edo tripulazioko edozein kide mehatxatzen, gehiegikeriaz jokatzen edo iraintzen badu, edo iskanbila sortzen badu, edo gainerako bidaiarientzat iraingarri portatzen bada, Garraiolariak egoki deritzon neurriak har ditzake aipatu portaera eteteko, baita aireontzitik jaistera behartzea ere. Ondotik, VUELINGek bere Zuzenbideari dagozkion legezko egitate guztiak bideratuko ditu bide zibiletik nahiz penaletik.
  • Aireontzian doan Bidaiariaren ondorioz, komandanteak, zuhurtziarakotasunez, Bidaiaria hegazkinetik jaisteko, hegazkina bere bidetik desbideratzea erabakiz gero, Bidaiariak desbideratze horrek ekarriko dituen gastu eta kostu guztiak ordaindu beharko dizkio Garraiolariari.
  • Garraiolariak aldez aurretik espresuki baimena eman ezean, guztiz debekatuta dago, segurtasun-arrazoiak tarteko, hegazkinean tresna elektronikoak edo antzeko gailurik erabiltzea, audiofonoak eta taupada-markagailuak izan ezik. Debekatuta daude, besteak beste eta inolako mugarik gabe, honako ekipo eta gailu hauek: irratiak eta grabagailu eramangarriak, sakelako telefonoak eta telefono zelularrak, ordenagailu eramangarriak, audio-zinten irakurgailuak, disko trinkoak, DVDak eta/edo MP3, jolas elektronikoak eta transmisiorako gailuak (urrutiko kontrola duten jostailuak eta hargailu/transmisore eramangarriak barne).
  • Ez dago baimenduta edari alkoholdunen kontsumoa, hegazkinean erosi ez badira behintzat.

 

13.
Giza kalte eta kalte materialengatiko erantzukizuna
Itzuli
  • 13.1
    Gogoeta orokorrak
  • Istripua gertatuz gero, honako hau izango da VUELINGen erantzukizuna:
          • Erantzukizuna egiaztatutako kalteetara mugatuko da. VUELINGek ez du, ezein kasutan, erantzukizunik izango zeharkako kalteetan edo behar bezala egiaztatu ez direnetan, ezta konpentsaziozkoak ez diren beste edozein kalte motatan ere.
          • Ez dira VUELINGen ardura izango legeak, gobernu-araudiak, ordenantzak edo baldintzak betetzearen, edo Bidaiariak horiek ez betetzearen ondorioz sor daitekeen kalteak.
          • Garraio Baldintza Orokorrak VUELINGi aplikatzen zaizkion neurri berean aplikatuko zaizkio VUELINGek baimendutako agenteei, langileei eta ordezkariei.VUELINGen, eta agenteen, langileen, ordezkarien eta pertsona baimenduen aldetik berreskura daitekeen kopuruak ez du gaindituko VUELINGen erantzukizunari dagokion batura, halakorik gertatuz gero.
          • Hegaldiaz arduratzen den konpainia VUELING ez bada, Bidaiariak erreklamazioa aurkeztu ahal izango dio horietako edozeini. Konpainia kontratatzailea hegaldi-txartelean ageri dena izango da.
          • Auzitegi baten aurrean egingo den edozein erreklamazio gehienez ere bi urteko epearen barruan egin beharko da, aireontzia iritsi zen, edo iritsi beharko zukeen egunetik kontatzen hasita.
  • 13.2
    Gorputzeko kalteak
  • VUELING izango da heriotzaren edo zauriengatik izandako kalteen, edo Bidaiariak pairatutako beste edozein gorputz-kalteren erantzulea, baldin eta kaltea eragin duen istripua hegazkinean edo Bidaiariak ontziratzerakoan edo ontzitik jaisterakoan gertatu bada; hori guztia, 2027/97 Araudian (889/2002 Araudiak aldatua) eta Montrealgo Hitzarmenean, 1999ko maiatzaren 28koan, jasotako zehaztapenetan eta hedadurarekin, eta, betiere, (i) heriotza, zauriak edo beste edozein gorputz-kalte Bidaiariak ontziratu aurretik zeukan osasun-egoeraren (fisikoa nahiz burukoa) ondorioz izan bada, edo (ii) kaltea ontziratu aurretik Bidaiariaren zabarkeriak edo osasun-egoerak eraginda edo horretarako bidea emanda gertatu bada, VUELING erantzukizunetatik kanpo geratzeari kalterik egin gabe.
  • Ez dago erantzukizunerako muga ekonomikorik finkatuta Bidaiariak lesioak izan edo heriotza gertatuz gero. 113.100 arteko Igorpen Eskubide Bereziko kalteetarako, konpainiak ezin izango die kalte-ordainen erreklamazioei kontra egin. Kopuru horretatik gora, konpainiak erreklamazio bati aurre egin ahal izango dio soilik frogatuz gero bere aldetik ez zela inolako zabarkeriarik edo bestelako hutsegiterik izan.
  • Kopuru berreskuragarriak sortu den kaltea estaliko du, auzibidezkoa ez den soluzio adostuan zehaztutakoaren arabera, eta aditu batek edo eskumena duen auzitegi batek emandako irizpena betez.
  • VUELINGek Bidaiariari kalte berreskuragarriengatik ordainduko dio, soilik gizarte-segurantza publikoko erakunderen batetik edo antzeko instituzioren batetik jasotako kopurutik gorako zatiagatik.
  • VUELINGek hirugarrenen kontrako helegitea aurkezteko eskubidea gordetzen du beretzat, baita subsidio eta kalte-ordain eskubideen kontra ere, inolako mugarik gabe.
  • Aire-istripuaren ondorioz heriotza, zauriak edo gorputz-lesioak gertatuz gero, konpentsaziorako eskubidea du(t)en pertsonari/ei (horiek identifikatuta daudenean), ordainketa bat aurreratuko zaio/e berehalako premiei erantzute aldera, sortutako kalteekiko proportzionala. Heriotza gertatuz gero, aipatu ordainketa aurreratua ez da 16.000 Igorpen Eskubide Berezitik beherakoa izango bidaiari bakoitzagatik. Ordainketa aurreratua konpentsaziorako eskubidea du(t)en pertson(ar)en identifikazioa egiaztatu eta hurrengo hamabost (15) eguneko epean egingo da. Ordainketa horrek ez du inolako erantzukizunik onartzea esan nahi, eta Atal honen arabera, erantzukizunagatik ordaindu beharreko behin betiko kopuruari kenduko zaio, baina ez da dirua itzuliko honako bi balizkoetan izan ezik: Montrealgo Hitzarmeneko 20. artikuluan jasotako kasuetan, edo kalte-ordaina jasotzeko eskubiderik ez bazuen.
  • Erreklamazioak bi urteko epearen barruan egin beharko dira, aireontzia iritsi zen, edo iritsi beharko zukeen egunetik kontatzen hasita.

 

14.
Datu pertsonalak babestea
Itzuli

Erabiltzaileek produktuak kontratatzeko prozeduran bildutako datuei dagokienez, Vueling da erabiltzaileek emandako datu pertsonalekin sortutako fitxategiaren titularra. Vuelingek konpromisoa hartzen du betetzeko datu pertsonalak isilpean gorde beharra eta konfidentzialtasunez landu beharra, eta, xede horretarako, hartu beharreko neurriak hartuko ditu datu horiek aldatzea, galtzea, tratatzea edo horietara baimenik gabe sartzea saihesteko, uneoro kontuan hartuta teknologiaren egoera, eta uneoro datu pertsonalak babesteari dagokionez Espainian ezar daitekeen legerian aurreikusitakoaren arabera. Erabiltzaileak onartu egiten du gure edozein zerbitzu ematerakoan erabiltzaileak adierazitako datuak Vueling titular den fitxategi automatizatu batean gordetzea, xedea izanik eskatutako zerbitzua ematea, eta bereziki honako xedeekin: (i) leku bat erreserbatzeko, Garraiolariari erreserba horiek baieztatzea ahalbidetze aldera; (ii) zuzeneko komertzializazioarekin lotura duten zerbitzuak eta prestazioak ematea eta garatzea; (iii) immigrazio- eta sartze-prozesua ahalbidetzea; (iv) Garraiolariaren kontabilitate, fakturazio eta ikuskaritza-baldintzak betetzea; (v) kreditu-txartelak eta ordainketarako bestelako txartelak egiaztatzea; (vi) Garraiolariaren segurtasun, administrazio eta lege-baldintzak betetzea; eta (vii) estatistika-sistemak eta analisiak egiaztatzea, mantentzea eta garatzea, eta, bitarteko elektronikoak ere erabiliz, erabiltzailearen interesekoa izan daitekeen informazioa eta publizitatea ematea, beste produktuei, zerbitzuei, promozioei, berrikuntzei eta Vuelingek interesgarritzat jo dezakeen gainerako informazioari buruzkoa. Bereziki igorriko diren newsletterrei dagokienez; horiek Vuelingek eskainitako eta berak edo beste entitate laguntzaileek emandako produktuak jasoko dituzte. Bitarteko elektronikoak baliatuta merkataritza-jakinarazpenik jaso nahi ez baduzu, edozein unetan jo dezakezu Vuelingera honako posta elektroniko honen bitartez: lopd@vueling.com. Erabiltzaileak, edonola ere, bere gain hartuko du emandako datuak egiazkoak direla, eta bere gain hartuko du datu horietan edozein aldaketa egonda horren berri ematea. Vuelingek beretzat gordetzen du datu faltsuak eman dituzten erabiltzaileak erregistratutako zerbitzuetatik baja emateko eskubidea, Zuzenbideak bestelako ekintzak garatzeko ematen dituen eskubideari kalterik egin gabe. Azkenik, erabiltzaileei jakinarazten zaie datu horietara sartzeko, datuak aldatzeko, aurka egiteko eta ezerezteko, eskaera egin diezaiokeela Vueling Airlines, SAri (lege-saila) idazkia igorrita: Mas Blau II enpresa-parkea, Pla de l’Estany plaza 5, 08820 El Prat de Llobregat (Bartzelona).


15.
Atzerapenengatiko erantzukizuna
Itzuli

Bidaiaria atzeratuz gero, VUELING izandako kalteen erantzulea izango da kalte hori saihesteko hartu beharreko arrazoizko neurri guztiak hartu ez baditu, edo ezinezkoa gertatu bazaio aipatu neurriak hartzea; muga 4694 Igorpen Eskubide Berezi izango da.

 

16.
Zerbitzu gehigarriak, Vuelingenak eta besteenak
Itzuli

Vuelingek zerbitzu gehigarrien katalogo zabala du; berau Bidaiarien esku jarriko da erreserbak egiten dituztenean, aukera izan dezaten beren neurrirako eskaintza osatzeko.

VUELINGek hirugarren enpresekin hainbat akordio lortu ditu enpresa horiek aire-garraioak ez diren beste zerbitzu batzuk eman ditzaten: hotel-erreserbak, jarduerak edo auto-alokairuak. Halakoetan, eta Bidaiariak hegaldiaz beste kontratatutako zerbitzu gehigarriei dagokienez, aipatu zerbitzuak ematen dituzten hirugarren horien zehaztapenek eta baldintzek aginduko dute soil-soilik, eta VUELINGek ez du hirugarrenek aipatu zerbitzu gehigarri horiek ez betetzeagatik inolako erantzukizunik hartuko.

Bidaiariaren hegaldia bertan behera geratuko balitz, edo atzerapena izango balu, VUELING ez da izango Bidaiariak hirugarrenekin kontratatutako zerbitzu gehigarrien erantzule, nahiz eta Bidaiariak erreserba egin VUELINGen aireontzia garaiz helduko zela pentsatuta. Halakoetan, Bidaiariak aipatu zerbitzu gehigarriak erreserbatzeko erabili zuen enpresarekin, eta harekin bakarrik, moldatu beharko du arazoa konpontzeko; VUELING erantzukizun orotatik salbuetsia dago.

 

17.
Xedapen orokorrak
Itzuli

Garraiolariaren ezein agentek, langilek edo ordezkarik ez du kontratu honetako ezein xedapen aldatzeko edo uko egiteko aginterik.

Bidaiariak kontratu hau euskarri informatikoan biltegira dezake.

Kontratu honetako klausularen edo baldintzen bat legez kanpokotzat edo baliorik gabekotzat joko balute, kontratuak indarrean jarraituko du gainerako klausuletan.

 

18.
Epailearen eskumena
Itzuli

Bizilekua Espainiako Estatuan duen Bidaiariarekin auzirik sortuz gero, aztertzeko eta erabakitzeko eskumena Espainiako epaitegiei eta auzitegiei dagokie, Espainiako arautegia ezarrita.

Bestalde, Kontseiluaren 2000ko abenduaren 22ko (EE) 44/2001 Araudiko 15.3 artikuluarekin lotura duten 23.1 eta 23.2 artikuluen babesean, Espainia ez den EBko beste estatu kide bateko bezerorekin auzirik gertatuz gero, bi aldeek, legokiekeen eskumenari uko eginez, espresuki adosten dute garraio-baldintza orokor hauen ondorioz sor daitekeen edozein tirabira ezagutzeko nazioarteko eskumen judiziala Espainiako epaitegiei eta auzitegiei dagokiela, eta, zehazki, Bartzelona hiriko epaitegiei eta auzitegiei.

Edonola ere, berariazko kontsumo-arautegian aurreikusitako kontsumitzaile-eskumena nagusituko da, Bidaiaria horren barruan sartuko balitz.

Itzultzeko eguna baino geroagokoa den joateko egun bat aukeratu duzu.
Jarraitu baino lehenago bidaiatuko duten bidaiarien kopurua aukeratu behar duzu.