Voos a Lisboa
a LisboaHoteis a LisboaLisboa está situada nun lugar privilexiado: as súas vistas ao mar e a súa arquitectura forman as bases perfectas para os hoteis que che recomendamos.
Hotel AC Palácio SottomayorSituado no corazón do distrito financeiro. En metro está a un paso de Praça da Figueira, en pleno centro. Trato excelente e decoración coidada ao detalle.Rua Largo Andaluz 13 (+351) 210 050 930 Pensão LondresSituada no Bairro Alto, a zona máis bohemia e cool de Lisboa, esta pensión ofrece magníficas vistas dende as habitacións.Rua D. Pedro V, 53, 2º (+351) 213 462 203 ou (+351) 213 465 523 http://www.pensaolondres.com.pt Solar dos MourosUnha mestura de hotel familiar e de deseño, atópase preto do castelo de São Jorge, construído sobre o emprazamento da antiga torre Porta d'Alfora e sobre os restos da muralla.Rua do Milagre de Santo António 6 (+351) 218 854 940 http://www.solardosmouros.pt Aeroporto de Lisboa
O aeroporto de Portela está situado a 7 km da cidade. Para chegar ao centro podes coller o AeroBus CARRIS número 91. O traxecto dura 20 minutos. As liñas de autobuses locais 5, 22, 44, 45 e 83 tamén levan a diferentes destinos en Lisboa. Coller un taxi tamén debería considerarse, xa que esta opción é moito máis económica ca na maioría de capitais europeas.
Restaurantes a LisboaLisboa ofrece algúns dos mellores peixes e mariscos do continente. Aquí presentámosche unhas opcións que ademais prometen ser moi orixinais.Alcântara CafeAntigo almacén portuario de teitos altos apoiados en columnas modernistas. Divertido e diferente, está frecuentado por xente nova que chega tarde e acaba a noite na discoteca Alcântara Mar, á que se accede por unha pasarela que divide o restaurante do ruidoso bar. Conta con pratos rexionais que cambian a diario, peixes da zona, pastas italianas e un menú baixo en calorías. A súa adega ofrece viños portugueses. Recomendable se non che importa a lentitude do servizo. Rua Maria Luisa Holstein 15 Bica do SapatoSituado nun antigo almacén á beira do río Texo, en Santa Apolonia, este restaurante ten unha interesante decoración minimalista de plásticos e cores. Cociña dinámica e intelixente con varias especialidades de peixe e marisco. O sushi-bar xaponés fai máis levadía a espera. O mellor da carta son os lagostinos. Unha boa adega e unhas inmellorables vistas completan o conxunto.Av. Infante D. Henrique. Armanzém B. Cais da Pedra. LusoEntre as nosas recomendacións non podía faltar unha casa do fado. Luso está situada nun antigo edificio restaurado do século XVII. Do máis tradicional en canto e comida. Cómpre salientar as longas mesas do restaurante. Noites de jazz os xoves e venres de 23: 00 a 3:30. Comida rexional lisboeta.Tel. (+351) 342 22 81 Aberto de 20:00 a 3:30. Domingo pechado. Travessa da Queimada 10 Horarios comerciais a LisboaAs tendas abren de 09:00 a 13:00 e de 15:00 a 19:00. Á parte do domingo, a maioría das tendas pechan os sábados pola tarde. Puntos de interese a LisboaBarrio de AlfamaPerderse polas rúas do Barrio de Alfama é transportarse cara ao pasado de ocupación árabe, pescadores e gremios de artesáns, que constituíron un barrio que ata hoxe en día mantén unha arbitrariedade urbanística que lle aporta un encanto especial. As súas rúas conducen ás ameas do Castelo de San Jorge, noutro tempo fortaleza do gobernador árabe. Alfama é o barrio popular máis antigo e mellor conservado de Lisboa.Castelo de Sao JorgeEste castelo, de antes da invasión romana, está situado a 100 metros sobre o nivel do mar e ofrece unha vista espectacular de Lisboa. Serviu como residencia da realeza portuguesa desde o século XIV ao XVI. As súas dez grandes torres están abertas ao público para quen se atreva a escalalas.Bairro AltoComo ben di o seu nome, hai partes no barrio alto que dan vertixe. Subir algunha das súas costas poderá contigo. As súas pintorescas rúas locen descoloridas fachadas rosas, farois de ferro forxado e balcóns con roupa tendida. A isto se engade o feito de ser famosa esta zona pola súa vida nocturna e polo fado (as tradicionais cancións folclóricas de Lisboa). Nos últimos anos tamén se asentaron aquí algúns deseñadores locais.ChiadoDespois do incendio que destruíu gran parte do casco vello de Lisboa en 1988, o barrio do Chiado, que foi o barrio máis danado, está a ser reconstruído e converteuse nunha zona moi atractiva. O barrio recuperou o seu precioso pavimentado cos mosaicos típicos de basalto, de cor crema e negro. O Chiado é o lugar predilecto de artistas e escritores. Cheo de tendas, cafés e teatros, é un lugar idóneo para facer algunha compra.Praça da FigueiraAntigamente mercado central da cidade, esta praza deixou paso a tendas, cafés e hoteis, sempre baixo a mirada do rei João I en forma de estatua de bronce.BelémAs carabelas portuguesas á conquista do descoñecido partiron desde Belém. Hoxe en día, este barrio á beira do río Texo posúe un monumento xigante para conmemorar a era dos descubrimentos: a torre de Belém, declarada Patrimonio da Humanidade pola UNESCO e símbolo da tradición marítima de Portugal.Mosteiro dos JerónimosEn Belém atópase o mosteiro dos Jerónimos, obra mestra gótica manuelina e tamén declarado Patrimonio da Humanidade pola UNESCO. Construído no século XVI, os seus tranquilos espazos están repletos de plantas exóticas e motivos navais.OceanárioLisboa pode presumir de ter o oceanario máis grande de Europa, cunha representación fiel dos cinco océanos do mundo. A súa arquitectura exterior evoca unha illa no mar e tamén un barco ancorado, a piques de partir.Guías on-line de LisboaAS NOSAS GUÍAS ON-LINE PREFERIDAShttp://www.festivaldosoceanos.com En castelán: http://www.viamichelin.com/viamichelin/esp/tpl/mag3/art20030101/htm/esc_lisboa.htm http://www.telefonica.es/guiasviajero/guia/portugal/lisboa/intro.html http://www.guiadelocio.com/lisboa/varios/mostrar.cfm?id=427
|
