Irtealdia
Itzulera
Bilatu datak
Bidazti-kopurua
/
Hizkuntza    

Hegaldiak Veneziara

Venezia, La Serenissima, batere ahaleginik egin gabe denboran barrena garraiatzen zaituzten hiri bakanetakoa da, munduan. Haren historia, liluragarria izateaz gain, alde guztietan ageri da. Kanalak, jauregiak eta plazak lekuko isilak ditugu: Erdi Aroko eta Berpizkundeko Europan merkataritzako potentzia gisa hiriak izandako bizitza geldigaitzaren lekuko.

Aprobetxatu hobeto zeure bidaia, aholku hauek gogoan hartuta:

 


Venezia

Hotelak Venezia

Itzuli

Aireportua de Venezia

Marco Polo aireportua hiriaren ipar-ekialdean dago, 12 kilometrora; baina hirira joan eta hiritik etortzeko, baduzu hainbat eta hainbat aukera. Aireportutik erdigunera, 5. lineako autobusa har dezakezu (ordu erdian behin): gutxi gorabehera 30 minutu behar ditu, eta euro bat inguru kostatuko zaizu (aireportuko terminaleko egunkari dendan eros dezakezu txartela). Hidrobusak 60 minutu behar ditu; taxiak, 15 minutu; eta uretako taxia, azkenik, 70 eurotik gora kostatu ohi da. Aukera horietatik guztietatik hidrobusa gomendatzen dizugu, Alilaguna Motoscafi delakoaren linea gorria; 10 euroren truke, kanalean zehar eramango zaitu.

Aireportuko terminalaren kanpoaldetik abiatzen dira autobusak. Zuri isunik ez jartzeko, baliozkotu ezazu beti zure bidaia txartela autobusean eta vaporetto uretako autobusean, makina horiak erabilita.

http://www.veniceairport.it/
http://www.alilaguna.it/

AutobusaTrena Taxia Aparkalekua
Prezioa 0,77 € 10 € 24 € inguru ?? €
Itzuli

Jatetxeak Venezia

Oraindik ere posible da La Serenissima n asmo handirik gabeko jatetxeak aurkitzea. Baina, hotelekin bezalaxe, garaiz erreserbatu behar.

Harry's

Veneziako klasiko bat. Hemingway eta Orson Welles ziren hango bisitari ospetsuetako bi. Garesti samarra den arren, segur aski tokirik hoberena izango da Venezian bellini (melokotoi zukua eta xanpaina) gozo-gozoa hartzeko. Panini direlakoak dituzu tokiko jaki merkeena.

1323 San Marco, calle Vallaresso
(+39) 041 528 5777

Al Nono Risorio

Benetako pizza jateko jatetxerik onena. Udan, terraza xarmagarri eta freskoa du, baina eltxoak uxatzeko produkturen bat ekartzeko gomendatzen dizugu.

Santa Croce 2338, sottoportico di Siora Bettina
(+39) 041 524 1169
Cerrado el miércoles

Anice Stellato

Cannaregio aldean da, eta arrain plater gozo-gozoak zerbitzatzen ditu.

Cannaregio 3272, fondamenta della Sensa
(+39) 041 720 744

Itzuli

Merkataritza-ordutegia Venezia

Ia denda guztiak zabalik daude astelehenetik larunbatera, goizean 9:00etatik 13:00etara, eta arratsaldean 15:30etik 19:30era. Hala ere, turistentzako dendak irekita izaten dira bazkalorduan eta igandean ere.

Itzuli

Puntu interesgarriak Venezia

Venezia hiri oso-oso fotogenikoa da, eta, dudarik gabe, laster betearaziko dizu kameraren txartela. Toki hauek abiapuntu egokia dituzu, zeure argazki maratoiari ekiteko:

Basilica di San Marco

Eliza ikusgarri hori Veneziak Bizantziar Inperioarekin izandako harremanaren lekuko nabaria da. Giustiniani Partecipazio doge aren nahiei jarraituz taxutu zuten. Partecipazioren asmoa zen San Markos ebanjelariaren gorpua jasotzeko adinako eraikin egundokoa eta errespetagarria eraikitzea. San Markos da hiriaren zaindaria, eta haren hondakinak Alexandriatik (Egipto) ekarri zituzten Veneziara, 828. urtean.

Gran Canal

Hiriko komunikabide nagusia. Ia 400 metro luze eta 30 - 70 metro zabal da, eta bitan zatitzen du erdigune historikoa. Kanal Handian barrena ibiltzen dira Veneziar taxiak eta autobusak: gondola eta vaporetti direlakoak, alegia. Kanalaren ertzetan, jauregirik bikainenak ikusiko ditugu, Erdi Arotik XVIII. mendera bitarte eraikiak.

Palazzo Ducale

Doge aren jauregia da, ezbairik gabe, Veneziaren irudi adierazgarriena munduan. Eraikin horren estiloa egundukoa dugu, eta hiriaren boterearen sinbolo da, Kanal Handiko jauregietako batzuetan ageri den arkitektura estiloa eragin baitzuen.

Collezione Peggy Guggenheim

Bilduma horrek eratzen du Italian den museorik garrantzitsuena, XX. mendearen lehen erdialdeko Ameriketako eta Europako arteari dagokionez. Peggy Guggenheimen etxea izan zen Palazzo Venier dei Leoni jauregian dago, Kanal Handian.

Museoaren ateak 1951n ireki zituen Solomon R. Guggenheim-en iloba bitxiak. Estatu Batuetako enpresaburu eta arte bildumagile dirutsuenetariko bat izan zen Solomon. Bilduma horretan dago Peggyk XX. mendeko arteari buruz egindako bilduma pertsonala, bai eta Gianni Mattioli-ren bildumako zenbait pieza ere.

http://www.guggenheim-venice.it/

Biennale di Venezia

Veneziako Biennalea, mende bat baino gehiagoan, munduko kultura erakunde entzutetsuenetariko bat izan da. 1895ean sortu zutenetik, arte joera berrien garapena bultzatu du, eta arte garaikideko hainbat diziplinatako nazioarteko ekitaldiak antolatu.

http://www.labiennale.org/

Itzuli