Hegaldiak Varsovia

Nazioarteko hainbat hitzarmenek hiri miresgarri horren izena hartu dute. Izan ere, historian, Poloniako hiriburua Erdialdeko Europako ekonomia eta kultura gune nagusietako bat izan da. 

Gerrek kalte handia eragin zuten iraganean, baina, hala ere, hiria berreraikitzeko lan handiak ahalbidetu zuen 1980an UNESCOk Varsovia Gizateriaren Ondare izendatzea.  Gaur egun, kristalezko etxe orratz modernoak, antzinako etxeak eta guztiz berritu diren kaleak batera ikus daitezke Varsovian.

Gerra suntsitzaileak gainditu dituen hiria delako, Vuelingek eramaten zaitu.

Hotelak Varsovia

Hetman hotela

Joan eta berehala nabarituko duzu hotel horretako giro atsegina. Luxuzko gelak ditu, dotoreak, eta erosotasun guztiak dituzte. Gainera, oso toki onean dago, turismorako interesgarri diren tokietatik gertu.

Metropol hotela

Hotel horretan ostatu hartzen baduzu, Varsoviako leku pribilegiatu batean izango zara. Kulturako, negozioetako, aisialdiko eta merkataritzako gune guztietatik gertu dago. Horregatik, aukera ona da, bai negozioak direla eta bidaiatzen baduzu, bai plazer bidaia baduzu.

Jan III Sobieski hotela

Hotel hori paregabea da alderdi guztietan. Barrualde berdingabea du, gela eta suite modernoak eta luxuzkoak dituelako. Bai eta kanpoaldea ere, aurrealdea Varsoviako arkitektura tipikoaren erakusgarri izateagatik aintzatetsi dutelako. Gainera, sauna, jacuzzia, solariuma eta gimnasioa ditu, guztiz lasai zaitezen.

Europejski hotela

Sabai garaiak eta leihate handiak dira hotel argitsu horren ezaugarri nagusiak. Dekorazioak eta altzariek jatorrizko xarma mantendu dute, eta gelak berritu egin dira, bisitariek egun eguneko diseinua eta erosotasunak eskuragarri izan ditzaten.

Old Town Apartments Warsaw hotela

Merkatu plazan dago hotelaren harrera lekua, eta Varsoviako hainbat tokitan hotela osatzen duten apartamentuak. Apartamentu bakoitzak bere nortasuna du, bisitari guztiek beren estiloa aurki dezaten. Aukera merkea eta oso erosoa da.

Aireportua de Varsovia

Argibide gehiago:
Webgune ofizialean: lotnisko-chopina.pl
Tel.: +48 (0)22 650 4220

Jatetxeak Varsovia

Sukaldaritza poloniarra ezezaguna da gutako askorentzat. Egin ezazu osteratxoa Varsoviako jatetxeetatik, eta presta zaitez jaki berriak probatzeko. Ziur gustuko izango dituzula. Probatu, besteak beste, kielbasy (saltxitxak), pierogi (patatazko ravioli beteak) eta sledz (sardinzarrak).

Folk Gospoda

Poloniako sukaldaritza hoberena eta mundu osoko folk musika bateratzen ditu. Giroa berezia eta oso lasaia izaten da, herrialde hartako tradizioez ahalik eta gehien goza dezazun. Probatu nahi al duzu?

Via del Fante 9 
T. +39 091  520 323

Tam Tam

Afrika da jatetxe fresko horren inspirazio. Hainbat entsalada eta izen afrikarreko baina zapore poloniarreko bestelako platerak eskaintzen ditu. Une atsegina igaroko duzu, eta oso ondo jango. Gainera, lorategia ere badu, eta udan aire zabalean bazkaltzeko edo afaltzeko aukera izaten da.

Ulica Foksal, 18
T.  +48 22 828 26 22

Guru  

Begetarianoa al zara? Orduan, jatetxe horretako eskaintza zaporetsua oso gogoko izango duzu. Aukera ona da, oso ondo prestatutako jakiak oso prezio onean eskaintzen dituztelako. Eta, nahi baduzu, otordua bukatzeko, te eta frutazko irabiaki aukera zabalaz goza dezakezu.

Ulica Bracka, 18
T. +48 22 827 27 88

Warsaw Tortilla Factory

Jatetxe horretako tex‑mex gozoa ezagun egin da hirian. Proba itzazu arrautzopilak eta burritoak; hain daude gozo, ezingo baitiozu jateari utzi. Proba itzazu beren saltsa min bereziarekin ere. Izugarriak dira!

Ulica Wilcza, 46
T. +48 22 621 86 22

Roma

Poloniara ere iritsi da sukaldaritza italiarra. Eta, erakusgarririk hoberena, jatetxe txiki hori. Pasta fresko eta haragi gozoa eskaintzen die bezeroei. Aurretiaz erreserba dezazun gomendatzen dizugu, jende asko izaten baita.

Ulica Grottgera, 2
T. +48 022 841 01 33

Merkataritza-ordutegia Varsovia

Astelehenetik larunbatera, dendak goizeko 08:00etatik arratsaldeko 16:00etara izaten dira irekita. Igandeetan ere irekitzen dituzte ateak, baina ordu gutxiagoz. Turismo gehien izaten den tokietako saltokiak astelehenetik larunbatera 10:00etatik 22:00etara irekitzen dituzte, eta igandeetan 10:00etatik 21:00etara.

Museoen ordutegia asko aldatzen da museo batetik bestera. Hori dela eta, joan aurretik ordutegiak zuk zeuk egiazta ditzazun gomendatzen dizugu. Normalean, egunero, goizeko 10:00etatik arratsaldeko 16:00etara izaten dira irekita.

Puntu interesgarriak Varsovia

Royal Castle

Gerrek izan zituzten ondorio suntsitzaileak gorabehera, gazteluak zutik iraun du. Zorionez, 1971. eta 1977. urteen artean berritu ahal izan zen eta, gaur egun, gazteluaren lerro barrokoak ikusteko eta hartaz gozatzeko aukera dugu. Barrualdea ere miresgarria da. Gustatuko zaizu, ziur!

Nowy Swiat

Kale horrek modu berezian lotzen ditu Royal Castle eta errege‑erreginen udarako egoitza den Wilanow. Nowy Swiat kalean ibiltzen bagara, XIX. mende hasierako hainbat eraikin miresteko aukera izango dugu. Eraikin horien etxabeetan Poloniako denda esklusiboenak daude, bai eta tabernak, jatetxeak eta chill outak ere, jakina.

Teatr Wielki

Jarri soinean jantzirik dotoreenak, Poloniako Opera Nazionalera joan eta munduan ezagunak diren hainbat opera lan ikusteko, hala nola, La Traviata edo Nabuco. Antzeztokiak ikusgarriak izan ohi dira, eta ikus‑entzuleak oso alaiak. Bigarren Mundu Gerran ia guztiz eraitsi zuten eraikina, baina 1965ean berritu zuten, eta bi entzunareto eta museo bat sartu zituzten.

Saxon Gardens

Ehunka zuhaitzek osatzen dute Varsoviako parke hori. Hiriko parkerik politenetakoa egin dute, ezbairik gabe, zuhaitzez betetako etorbide zoragarriek, eskultura barrokoek eta XIX. mendeko iturriak. Parkeko ahateek ere bisitari asko erakartzen dute. Eraman ezazu ogi puska bat. Eskertuko dizute, ziur!

Juduen hilerria

Nazi alemaniarrek guztiz suntsitu zituzten juduen hilerriak, baina Varsoviakoak hondamenditik libratzea lortu zuen. Hilerria ikusteak bizarrak zutik jarriko dizkizu, baina munduko historiaren alderdi basatia erakutsiko dizu. Nahi izanez gero, Jewish Cemetery Foundation‑en dagoen museoa ere ikus dezakezu.

On-line gidak Varsovia

Hiriari buruzkoak:

Estatuari buruzkoak:

Beste Vueling Hiriak