Pregúntanos

Escribe a continuación tu consulta, y te daremos una respuesta online de forma instantánea.

Caracteres restantes: 150
Cerrar
Irtealdia
Itzulera
Bilatu datak
Bidazti-kopurua
/

Hegaldiak Santiago

Vuelos Santiago de Compostela

Puska ditzagun klixeak: Santiago jadanik ez da erlijiozko turismorako soilik; hango kultura eskaintza harrigarria da urte osoan. Hango arkitektura ez da granito gris astunezkoa soilik; Alvaro Siza, Jean Nouvel nahiz Peter Eisenman arkitektoen lanak badira hiri hartan. Compostelan, ez du beti euria ari, eta itsaskiak eta enpanadak ez dira janari bakarrak.

Eta esan dizugun guztia halaxe dela egiazta dezazun, Vuelingek, orain, Santiagora eramaten zaitu.

Santiago

Hotelak Santiago

Itzuli

Aireportua Santiago

Aireportua de Santiago de Compostela

Lavacollako aireportua Santiagotik 10 kilometrora dago. Handik erdigunera iristeko, taxia har dezakezu: 15/25 minutu, zirkulazioaren arabera; prezioa 20 euro ingurukoa da, ibiltarteko. Autobusa hartzea duzu beste aukera bat: terminalaren irteeratik, etenik gabe dabil zerbitzua, 7:15etik 23:30era. Ordutegiak eta maiztasuna aldatu egiten dira asteko egun batetik bestera eta urte sasoi batetik bestera. Informazio gehiago nahi baduzu, deitu: (+34) 981 588 111 edo (+34) 981 542 416.

Argibide gehiago, hemen:
Aireportua de Santiago de Compostela

Itzuli

Jatetxeak Santiago

Galiziako sukaldaritza famatu dute hango itsaskiek, enpanadek, arrainek eta haragiek. Dastatu nahi baduzu, hobe duzu Rua del Franco kaleko zalapartari ihes egitea. Hona hemen gure proposamenak:

Casa Marcelo

Marcelo Tejedor da jatetxeko sukaldaria eta haren jabea. Honela definitzen du bere sukaldaritza: «galiziarra da, osagaiz; bakarra, edukiz; eta iragankorra, izatez». Hango proposamena menu bakarra izaten da. Egun batetik bestera aldatuz doa menu hori. Sormenezko sukaldaritza bikaina, bertako merkatuko produktuekin. Baina jatetxe hartan jan nahi baduzu, ez ahaztu egun batzuk lehenago erreserbatzea, eta kontuan izan itxita dagoela igandetik asteartera bitarte.
Rúa das Hortas, 1
(+34) 981 558 580

Sino

Izen bereko hoteleko behe solairuan, nabarmentzekoa dugu Sino jatetxea, eta ez jan edanengatik soilik. Lokal moderno horrek batu egiten baititu jatetxea, batetik, eta tapak eta ardoak hartzeko zona, bestetik; guztia, chill out musikarekin girotua, eta, noizbehinka, uneko modarik modakoenaren desfileekin eta bideoarte proiekzioekin. Sukaldaritzako gure gomendioa: ez utzi probatu gabe pulpo con salsa de Mugardos (olagarroa, Mugardos herriko saltsarekin)… benetan goxoa.
Rúa Algalia de Abaixo, 33
(+34) 981 554 436

Casa San Nicolás

Alde zaharretik 5 minutura, oinez joaten baldin bazara. Orain berriki eraberritu duten errota zahar horretan, dekorazio minimalistak kontraste handia egiten du antzinako eraikinaren egiturarekin. Patioa jateko toki aparta duzu, egun eguzkitsua denean.
Rúa Sar, 1
(+34) 981 570 792

Enxebre

Benetako galiziar sukaldaritza tradizionala dastatu nahi dutenentzat: itsaskiak, saldak, haragiak… Hostal dos Reis Catolicos ostatuaren sotoan duzu.
Praza do Obradoiro, 1
(+34) 981 582 200

Cabaliño do Demo

Barazkijaleen tokia, Porta do Camiño atean, hiri zaharraren sarreretako batean, Arte Garaikidearen Galiziako Zentrotik eta Santo Domingos de Bonaval komentutik pauso bakarrera.
Aller Ulloa, 7
(+34) 981 588 146

Itzuli

Merkataritza-ordutegia Santiago

Santiagoko denda gehienen ordutegia hau da: 10:00 - 12:00 eta 16:30 - 20:30, astelehenetik larunbatera. Igandean ez ezik, denda gehienak itxita daude larunbat arratsaldean ere.

Itzuli

Puntu interesgarriak Santiago

Katedrala

Huraxe da, dudarik gabe, hiriak duen turismo erakargarri nagusia. XI. eta XIX. mendeen artean eraikia, fatxadetako bakoitzak artearen aldiak erakusten dizkigu. Argazki gehien Obradoiro plazako fatxadari ateratzen dizkiote, baina ez utzi ikusi gabe A Quintana aldekoa; hantxe da Porta Santa ospetsua. Gozamena da plazako kafetegian zerbait hartzea, edota, besterik gabe, eskaileretan esertzea. Botafumeiro famatua lanean ikusi nahi izanez gero, erromesaren mezara joan beharko duzu urte santu batean; edo uztailaren 25eko mezara, beste edozein urtetan.

Praza do Obradoiro

Obradoiro plaza da Santiagoko epizentroa, bai hirigintzaren aldetik, bai arkitekturaren, kulturaren, turismoaren zein erlijioaren aldetik. Hara erromesak ehunka heltzen dira egunero urte osoan, udan izan ezik: uda garaian, izan ere, milaka heltzen dira. Alde banatan ditu katedrala, Errege erregina Katolikoen ostatua, Xelmirez jauretxea, Raxoi jauretxea eta unibertsitateko errektoretza.

Santo Domingos de Bonaval komentua eta eliza

Eliza, XIV. mendekoa, gotikoa da; komentua, berriz, hainbat estilotakoa. Komentuak gaur egun museoa du bere baitan, bai eta erakusketetarako eta kontzertuetarako tokiak ere. Ez utzi ikusi gabe klaustroa eta hiru erroko eskailera.

CGAC

Alvaro Siza arkitektoaren eraikinak Arte Garaikidearen Galiziako Zentroa (CGAC) du bere barruan. Aldi baterako erakusketa guztiz abangoardiakoak izaten ditu. Eguraldia lagun, ederra da lorategietan barrena ibiltzea. Lorategi horiek ere portugaldar arkitekto hark berak diseinatu zituen, eta auzokide duen Santo Domingos de Bonaval komentukoak ere badira.
Asteartetik igandera zabalik, 11:00etatik 20:00etara.
Rúa Ramón Valle-Inclán, s/n

Itzuli