Hegaldiak San Petersburg
Errusiaren historia puri-purian antzeman dezakegu San Petersburgen, xarmaz beteriko hiri inperiala, kulturaz eta dibertsioz gainezka. Batzuek diote "aire zabaleko museoa" dela, hain baitira ederrak hirigunea, jauregiak, hiribideak eta malekoiak... Petri Handiak eta Romanov Dinastiak bultzatu zuten hiri handi hau sortzea, Neva ibaiaren ertzean eta 42 uharteren gainean. Jabetuko zarenez, bertako kanalek gogora dakarzkigute Europako beste hainbat hiri zoragarri, Venezia edo Amsterdam, esaterako. Vueling-ek bertara eramango zaitu, hiri forma duen artelana baita. Aireportua San Petersburg
San Petersburgeko aireportua, Pulkovo, Errusiako garrantzitsuenetako bat da. Bi terminaletan nazio (Pulkovo 1) eta nazioarteko (Pulkovo 2) hegaldiak izaten ditu. Aireportua hiriaren hegoaldean dago, 17 km-ra, eta lotura ezin hobea du hirigunearekin autobusen eta taxien bitartez. Geltokiak irteeran bertan daude. Berehala ikusiko dituzu. Airport Express autobusak hiria bi terminalekin lotzen ditu, eta 20 edo 30 minuturo ateratzen da. 13. eta 39. lineek ere hirigunera eramango zaituzte.
Argibide gehiago nahi izanez gero: Jatetxeak San PetersburgErrusiako sukaldaritza goxoa bezain kalorikoa izaten da, batez ere neguko hotzei aurre egiteko pentsatua dagoelako. Oso ohikoak dira zopa beroak; este baterako, Borch-a, Solianka edo Schi zopak. Halaber, oso erroturik daude Bliniak, errusiar erara prestatutako krepe modukoak, eta entsaladak. Saiatzen bazara, otordu bakoitzean plater berri bat dasta dezakezu. Na ZdorovieTsarren garaia joana da, baina garai hartako gastronomia goxoak bizirik dirau jatetxean. Dastatu ohiko zopak eta bestelako platerak, Pirozhki-Karasiki kasu. Che kafetegiaKafetegi abangoardista honek sandwich bete-beteak ematen ditu arratsaldeetan, eta, gauez, jendez beteriko klub ezaguna bihurtzen da, DJ-en emanaldiekin eta erakusketekin. Garesti samarra bada ere, merezi du bisitatzea. Teleon jatetxeaFrantziako eta Errusiako sukaldaritzak oso ondo daude jasoak luxuzko jatetxe honetan. Aretoek dekorazio klasikoa dute, hiriaren iragan kolonialaren eraginez. Ziur oso gaualdi ahaztezina pasako duzula. Dermidov jatetxeaSan Petersburg zaharrean topatuko duzu jatetxe dotore hau. Aretoen dekorazioa klasikoa da, eta hiriaren bistak zoragarriak dira. Menuaren barruan errusiar errezetan eta oso plater berezia eskaintzen dituzte... Hartz haragia! Probatu nahi al duzu? Cháinaya Lozhka (te-koilara)Janari lasterreko kate hau San Petersburgen sortu zen, eta gaur egun hamaika establezimendu du hirian. Plater nagusia Bliniak dira, krepeen antzeko errusiar errezetan tradizionala. Merkataritza-ordutegia San PetersburgHiriko denden ordutegia oso zabala da. Dendak aste osoan (7 egunez) egon ohi dira zabalik, eta ez dute eguerdian ixten. Ordutegia goizeko 10:00etatik arratsalde-gau parteko 20:00-22:00etara bitartekoa da. Zenbait janari-dendek 24 orduz zabaltzen dituzte ateak. Azokak eta merkatu txikiak ere egunero zabalik daude, astelehenetan ixten duen salbuespenik ere bada. Puntu interesgarriak San PetersburgErmitageSan Petersburgera joaten bazara, bisitatu beharra daukazu. Munduko museo handietako bat da, Leonardoren, Van Gogh-en, Picassoren eta Mendebaldeko Europako nazio-eskola guztietako artisten maisu-lanak ikus baitaitezke. Done Petri eta Done Paulo gotorlekuaEuropan zutik dirauten gotorleku militar onenetakoa da. XVIII. mendean eraiki zuten, eta bere barruan hiriaren gune historikoa dago, baita garai bateko espetxea eta hiriaren ikurra ere: Done Petriren eta Done Pauloren katedrala. Barruan Errusiako tsarren panteoia bisita daiteke. Petergoff-en jauregia eta parkeakTsarren parkeetan eta jauregietan barrena paseatzea hiri zoragarri honetako bisitarien esku dagoen aukera paregabea da. Ezagutu bere iturri ikusgarriak eta estatua ikaragarriak. Atera kontuak, "Errusiako Versailles" deitzen diote. Errusiar MuseoaMuseo honetan jasota daude Errusiako margolan eta eskultura nagusiak, Erdi Aro (XII-XVI. mendeak) eta abangoardismo bitartekoak (XX. mendea). Herrialde interesgarri honetako artista handiak sakonean ezagutzeko leku paregabea. San Isaak-en KatedralaHiriko katedral nagusia da. 101,5 metroko garaiera du, eta goraino igo daiteke San Petersburgeko panoramika zoragarriaz gozatzeko. Barrualdea zoragarria da, ez galdu aukera! On-line gidak San PetersburgGURE ON-LINE GIDA GUSTUKOENAHiriari buruzkoak: http://www.san-petersburgo.comhttp://www.petersburgo.info Estatuari buruzkoak: http://www.guiamundialdeviajes.com
Beste Vueling Hiriak |
