Hegaldiak Praga
Txekiar Errepublikako hiriburuan izatea maitagarrien ipuinetan izatea bezala da. Hiri zoragarria da: galtzada-harrizko kaleak ditu, plaza liluragarriak eta Erdi Aroa gogora ekarriko digun arkitektura miresgarria. Praga berezia da, han, historia eta kulturen, erlijioen eta askotariko politiken eragina nabari baitaiteke. Prest al zaude hiri interesgarri hori ezagutzeko? Vuelingek Pragara eramaten zaitu, dituen altxor historikoei esker nabarmentzen den hiria delako. PragaAireportua de Praga
Pragako Nazioarteko Aireportua, Ruzyne, Ekialdeko Europako aireportu nagusienetakoa da, eta munduko helmuga garrantzitsuenetarako hegaldiak eskaintzen ditu. Lau terminal ditu, eta autobusek, autobus txikiek eta taxiek lotzen dituzte elkarren artean. Aireportua hiriburutik ipar mendebalderantz dago, 17 kilometrora, baina komunikazio bikainak ditu hirigunearekin. Hainbat autobusek egiten du aireportutik metropoli-gunerako bidea: hain zuzen, 100, 119, 254 eta 179 zenbakidunek. Txartelak terminalean, makina automatikoetan edo tabako dendetan eros daitezke. Aireportuko irteeran har daitezke bai autobus txikiak bai taxiak. Argibide gehiago
Jatetxeak PragaPresta zaitez hitz hauek esateko: «svícková» eta «vepro-knedlo-zelo». Bi jaki tipiko txekiar dira, hiriko jatetxeetakoren batean probatu beharrekoak. Eta, nola ez: eska ezazu garagardoa, herrialde hartako edari tipikoa, jakiei lagun egiteko. Ausart zaitez garagardo mota guztiak probatzen! Kampa ParkJatetxe atsegina da, eta Kampa uhartean dago. Jatetxearen terrazatik Moldava ibaira ematen duen ikuspegi ederra izango duzu begien aurrean, eta mahaiak argitzeko jarritako kandelek oso erromantiko egiten dituzte gauak. Erraz aurki daiteke, Carlos zubitik ikusten baita. Na Kampě 8b, Praga 1 - Malá StranaTel. +420 296 826 112 AquariusAlchymist Grand Hotel & Spa hotelaren barruan dago, eta arrainak dira jatetxe horretako berezitasuna. Bertako arrain tipikoa probatzeko aukera ona izango duzu; besteak beste, karpa arraina. Ganga formako sabaia du, eta rococo dekorazioa. Horrek, oso giro berezia sortzen du. Tržiště 19, 118 00 Praga 1 - Malá StranaTel. +420 257 286 019 CowboysLokal hori hiru gunetan zatituta dago: gune batean jatetxea dago; bigarrenean taberna, terraza eta guzti; eta, hirugarrenean, diskoteka. Terrazatik Pragako ikuspegi zoragarriaz goza daiteke; bereziki, gaztelura ematen duen paisaiaz. Haragia da jatetxeko plater nagusia, eta hainba modutan prestatzen dute. Nerudova 40, Praga 1 - Malá StranaTel. +420 296 826 107 Novomestsky PivovarEskualdeko jaki gozo gozoak eskaintzeaz gain, jatetxe horretan mota guztietako garagardoa probatzeko aukera izango duzu. Garagardoa nola egiten duten ere ikusi ahalko duzu! Vodičkova 682/20, PragaTel. +420 224 237 552 U FlekuPragako garagardotegirik zaharrena da. U Fleku-ra bazoaz, garagardotegi horretako garagardoak zergatik hartu duen halako ospea ulertuko duzu. Ikusiko duzun bezala, turista askok sartzen dute beren ibilbidean establezimendu bikain horri bisita egitea. Hainbat gela ditu lokalak. Křemencova 183/9, PragaTel. +420 224 915 118 Merkataritza-ordutegia PragaDendak goizeko 08:00ak eta arratsaldeko 18:00ak bitartean izan ohi dira irekita, astelehenetik ostiralera. Denda eta merkataritza gune batzuek larunbat goizez eta urteko igande batzuetan ere irekitzen dituzte ateak. Goza ezazu erosketak eginez! Puntu interesgarriak PragaPragako gaztelua (Prazsky hrad)Pragako gaztelua 870. urtean eraiki zen, eta bikain mantendu da, gaur egun arte. Gazteluaren harresiaren barruan beste eraikin batzuk ere egin ziren: jauregi bat, hiru eliza, monasterio bat eta abar. Moldava ibaiaren gainean eraiki zuten, eta, kokalekuari esker, oso balio estrategiko handia izan du historian. Hiri zaharra (Staré Město)Hiri zaharra Praga erdialdean dago. Eraikin barrokoei darien Erdi Aroko kutsua eta harrizko fatxadak dira nabarmentzekoak. Gaur egun, inguru egokia da parranda egiteko eta jatetxe onak ezagutzeko. Judu auzoa (Josefov)Pragako judu auzoa Erdi Aroan sortu zen, eta Stare Mesto edo hiri zaharraren iparraldean dago. Estilo neoerrenazentistako, estilo neobarrokoko eta art nouveau estiloko eraikinak daude, eta fatxadetan apaingarri ugari izaten da. Auzo horretan sinagogak eta judu herriaren bestelako ikurrak gorde dira. Hiri txikia (Malá Strana)Auzo bohemiar hori artisten bilgune da: olerkariak, idazleak, musikariak eta bestelako artistak elkartzen dira. Erdi Aroko kale estu xarmagarriak ditu, eta oso giro erromantikoa sortzen dute. Estatuaren antzokiaAntzoki hori ospetsua da, 1787an Mozartek hantxe aurkeztu zuelako, lehendabiziko aldiz, Don Giovanni lana. Gaur egun, balet eta opera lanak izaten dira ikusgai. Pragako antzokietan tipikoa da Antzerki Beltza ikustea, alegia, argi beltzez egindako efektuak eta soinu efektuak baliatzen dituen antzerkia. Horrelako lanen bat ikus dezazun gomendatzen dizugu! On-line gidak PragaGURE ON-LINE GIDA GUSTUKOENAHiriari buruzkoak: http://www.pragaconguia.comhttp://www.disfrutapraga.com http://es.geocities.com/viaje_a_praga/ Estatuari buruzkoak: http://www.czechtourism.com/
|
