Hegaldiak Palermo

Merkataritza-ordutegia
Puntu interesgarriak
On-line gidak

Palermo Mediterraneoko uharterik handieneko hiriburua da: Siziliakoa. Kokaleku estrategikoa du, eta horixe izan da gako iraganean hainbat konkista eta kolonizazio (greziarrenak eta erromatarrenak, bai eta espainiarrenak, austriarrenak, arabiarrenak eta abar) izan zitezen. Horietako bakoitzak bere arrastoa utzi du: hainbat monumentu eta askotariko kultura eragina, besteak beste.

Palermo hiriko kaleetan ibiltzea txundigarria da, hiriak ondare artistiko eta arkitektoniko aberatsa baitu. Uhartearen gainerako tokiak ere liluragarriak dira: sumendi ikuspegiak, turkesa koloreko ura duten badiak eta aztarnategi arkeologikoak. Bazatoz?

Askotariko kulturak eta paisaiak dituen hiria delako, Vuelingek eramaten zaitu.

Palermo

Hotelak Palermo

Itzuli

Aireportua Palermo

Palermoko Nazioarteko Aireportuari Falcon‑Borsellino edo Punta Raisi ere esaten zaio, eta Siziliako aireportu nagusienetakoa da. Terminal bat du, eta nazioarteko hainbat tokitarako hegaldiak eskaintzen ditu.

Palermotik 32 kilometrora dago, baina autobusek, trenek eta taxiek ezin hobeto lotzen dute hirigunearekin. Autobusek uharteko bestelako tokietarako ibilbidea ere egiten dute. Trenetan, Trinacria Express zerbitzua dago; orduro hirirako ibilbidea egiten duen trena da. Taxiek goizeko 06:00etatik gaueko 00:00etara ematen dute zerbitzua. Ibilbidea 45 minutu da luze, gutxi gorabehera.

Autobusa	Trena	Taxia	Aparkalekua
Linea erregularra: 2,50 euro 29. linea: 4,80 euro	Txartel arrunta: 4,50 euro	Hiriaren erdialdera: 50 euro, gutxi gorabehera	2 ordu: 1,50 euro 6 ordu: 2,50 euro 12 ordu: 4,10 euro Egun bat: 7,70 euro

Argibide gehiago:
Webgune ofizialean: aeroporto.palermo.it
Tel.: +39 (0) 800-541880 | +39 0917 020 111 | +39 091-7020273

Itzuli

Jatetxeak Palermo

Sizilian, kulturen bat‑egiteak aukera eman du zaporeen konbinazioa ezaugarri duen gastronomia sortzeko. Errezeta siziliarretan askotariko teknikak eta ongarriak erabiltzen dira, eta arraina prestatzeko errezetak haragia eta barazkiak egitekoekin elkartzen dira. Gozokiek eta izozkiek ere tarte handia dute sukaldaritza siziliarrean.

La Scuderia

Proba itzazu benetako jaki siziliarrak Palermo kanpoaldean dagoen jatetxe ezagun horretan. Mahaia aurretiaz erreserba dezazun gomendatzen dizugu, otorduak aire zabalean egiteko aukera ematen duen oso terraza arrakastatsua baitu.

Via del Fante 9
T. +39 091 520 323

Vecchia Trattoria de Toto

Trattoria txiki horretan bazkariak baino ez dituzte ematen. Oso giro atsegina izaten da, eta jaki siziliar zoragarrienak prezio egokian dastatzeko aukera ematen dizu. Vuicciria merkatuaren ondoan dago.

Via Cortellieri 5
T. +39 333 438 3399

Bellini

Bellini antzokiaren atze‑atzean dago jatetxe txiki, erromantiko eta bikain dekoratu hori. Toki hobezinean dago, eta plater italiar gozagarriek osatzen dute karta: pasta, pizzak eta abar. Ez utzi probatu gabe!

Piazza Bellini 6
T. +39 091 616 56 91

Ristorante Charleston

Proba itzazu arrain eta itsaski zaporetsuak, Mondello auzunean dagoen jatetxe horretan. Bazkari eta afari bikainak eskaintzeaz gain, ikuspegi zoragarriez gozatzeko aukera ere ematen dizu. Beste zer eska dakioke jatetxe bati?

Viale Regina Elena, Mondello
T. +39 091 455 851

Kursaal Kalhesa

Bertan behera utzitako antzinako Palazzo batean egin da moda‑modako taberna hori. Liburutegia, ziberkafetegia, bidaia‑agentzia eta jatetxea, guztiak batean eskaintzen ditu. Ganga formako gela polita du, eta aire zabalean jateko aukera ematen duen terraza ere badu. Proba ezazu pasta itsas trikuarekin; benetan gozoa da!

Foro Umberto I 21
T. +39 091 616 2282

Itzuli

Merkataritza-ordutegia Palermo

Palermon eta Siziliako hiri handietan, dendak goizeko 09:00ak eta arratsaldeko 20:00ak bitartean izaten dira irekita. Barrualdeko toki batzuetan eguerdietan ateak ixten dituzte. Larunbatetan, goizeko 09:00etatik eguerdiko 13:00etara izaten dira irekita.

Turista gehien ibiltzen den lekuetan goizaldera arte egin daitezke erosketak. Zenbait saltoki irekita izaten dira gauerdira arte, besteak beste, ile‑apaindegiak eta arte galeriak.

Kafetegi, gozo denda eta pizzeria asko irekita izaten dira ia egun osoz, salbu goizaldeko 02:00etatik 06:00etara.

Itzuli

Puntu interesgarriak Palermo

Normandiar jauregia eta kapera palatinoa

Gaur egun, Palazzoa Eskualdeko Parlamentuaren egoitza da. Normandiarrek, baina, erregeren jauregi bezala erabili zuten, bere garaian. Barrualdean Capella Palatina ikus dezakegu. Arte normandiarraren erakusgarri polita da. zurezko sabaiak ditu, eta mosaiko bizantziar landuak, urre eta urdin kolorekoak.

Katedrala

Cattedrale de Palermo XII. mendean normandiarrek eraikitako eraikin handia da. Merezi du barrutik ikustea; kanpoaldea, baina, asko hondatu da, azken mendeotan. Hori gorabehera, katedralaren edertasunak harri eta zur utziko zaitu.

Vucciria merkatua

Merkatu tradizionala da, eta Piazza de San Domenico plaza inguratzen duten kale txikiz osatutako labirintoa. Hiriko merkaturik zaharrena da, eta beti izaten da giro, bereziki goizean goiz. Hainbat gauza erosteko aukera izango duzu, hala nola, arraina, belarrak, barazkiak eta inguru hartako mota guztietako produktu tipikoak.

Ermitauen San Joan

XII. mendeko eliza hori San Giovanni degli Eremiti‑ren ohoretan eraiki zen. Erlikia arabikoa da, eta garai batean meskita izan zenaren gainean eraiki zituzten okrezko bost kupulek osatzen dute. Barrualdean, klaustro polita du, lorategi eta guzti.

Martorana edo Almirantearen Santa Maria eliza

1143. urtean egin zen eraikin eder hori. Aurrealde barrokoa du, barrualdean kanpandorrea eta mosaiko bizantziar apartak. XV. mendean moja beneditarren ordenari laga zioten, eta ordena horren sortzaile Eloisa Martoranak mosaikoak egiteko lanean artista handiek parte har zezaten lortu zuen.

Itzuli