Hegaldiak Asturias

Oviedo Asturiasko Printzerriko hiriburua da, eta Espainiako iparraldean dagoen paradisu naturala. Bisitatzen duzunean, guztia miresgarria dela ikusiko duzu: hondartza eta kala xarmantak, eta mendi eta labar ederrak, besteak beste. Elkarketa sinestezina dirudi, baina alde batean Kantabriar mendikatea izateak eta, bestean, Kantauri itsasoa izateak ahalbidetu dio hori.

Asturiasera bazoaz, Gijon ere ikus dezazun gomendatzen dizugu, jakina. Oviedotik oso gertu dago, eta xarma berezia du.

Itsasotik eta menditik bietatik oso gertu dagoen hiria delako, Vuelingek eramaten zaitu.

Hotelak Asturias

Aireportua de Asturias

Argibide gehiago:
Webgune ofizialean: aena.es
Tel.: +34 (0) 902 404 704

Jatetxeak Asturias

Gastronomia asturiarrak errezeta tradizionalen eta autonomia erkidegoko berezitasunen aukera zabala eskaintzen du. Ausart zaitez jaki guztiak probatzera: arraina eta itsaskiak, fabada, hestebeteak, gazta eta abar. Eta, nola ez: eska ezazu sagardoa zerbitza diezazuten, jakiei lagun egiteko!

Restaurante Casa Fermín

Gastronomia asturiar tradizionala eta Oviedoko jatetxe horretako abangoardiako jakiak bateratzen dira. Upeltegi handia eta gozagarria du, eta jatorri deitura guztietako ardoak bildu ditu. Eta, hori guztia, inguru dotore eta soilean.

Calle  San Francisco, Oviedo
T. +34 985 21 64 52

Restaurante Del Arco

Bieira entsalada, eguneko arraina eta haragia, labean egindako zigalak, labean egindako legatza tipulinaren mamiarekin... Hainbat aldiz joan beharko duzu, egiten dituzten jaki bakun eta zoragarri guztiak probatzeko. Presta zaitez janez gozatzeko, Asturiasen!

Calle  General Zubillaga, Oviedo
T. +34 985 25 55 22

Restaurante La Tabla

Sukaldaritza asturiarraren ordezkari bikaina da Gijoneko kanpoaldean dagoen jatetxe hori. Ardo onaren zale dira, eta zaletasun horrek karta zabal eta ikusgarria eskaintzera eraman ditu. Hainbat motatako ardoa dute.

Fano S/N, Gijón
T. +34 985 13 64 56

Restaurante Sidrería La Galana

Ikas ezazu Asturiasko sagardo tipikoa nola zerbitzatzen den, sagardotegi horretan! Eta, gero, jarrai ezazu gastronomia proposamen tradizionalez, azkenburuko gozoez eta Errioxa eta Duero Erriberetako ardoetan espezializatutako kartaz gozatzen. Gainera, Gijon erdialdean dago.

Plaza Mayor 10, Gijón
T. +34 985 35 84 66

Restaurante La Huertona

Jatetxe horretako leihateek Ribadesellako itsasadarraren ikuspegi txundigarriaz gozatzeko aukera emango dizute. Eta, bitartean, jaki zaporetsuak aukeratu ahalko dituzu, ardo onarekin batera. Beste zer eska dakioke oporraldiari? 

Crta. Piconera s/n, Ribadesella
T. +34 985 86 05 53

Merkataritza-ordutegia Asturias

Ordutegia asko aldatzen da denda batetik bestera. Normalean, denda txikiek goizeko 09:00etatik eguerdiko 14:00etara eta arratsaldeko 16:00etatik 20:00etara irekitzen dituzte ateak. Ordutegi hori gutxi gorabeherakoa da astelehena eta larunbata artean. Igandeetan itxita izaten dira.

Merkataritza gune handiak goizeko 10:00ak eta gaueko 22:00ak bitartean izaten dira irekita. Igandeetan, saltoki gune handiak ere itxita izaten dira.

Puntu interesgarriak Asturias

Picos de Europa

Picos de Europa natura parkea Asturiasko eta Estatuko tokirik politenetakoa da, eta, agian, kontinente osokoa ere bai. Haitzarteak eta arroilak daude, ibaiak eta haranak, basoak eta mendiak... Har itzazu oinetako erosoenak eta presta zaitez paisaia ahaztezinean oinez ibiltzeko. Merezi du!

Covadongako santutegia

Covadongako Santa Maria la Real basilika 1877. eta 1901. urteen artean eraiki zen. Estilo neoerromanikokoa da, eta arrosa koloreko kareharriz dago eginda, goitik behera. Horrek guztiak toki santu oso eder bihurtzen du. Gainera, han, fededunak eta turistak biltzen dituen eskualdeko «Santina» zaindaria ikus daiteke.

Covadongako lakuak

Picos de Europarantz igotzen badugu, basilikatik 12 bat kilometrora, Covadongako laku ospetsuak aurkituko ditugu. Mirador de la Reina izeneko begiratokitik paisaia berdea ikusi ahalko duzu, alde guztietan: toki hura inguratzen duten eta laku ederrei babesa ematen dieten mendiak, elkarren ondoan. Aukera paregabea eguneroko kezkak alde batera uzteko eta aire garbia arnasteko.

Oviedoko katedrala

Oviedo XIV. mendeaz geroztik apaintzen duen altxor gotikoa da. Dorrea 80 metro garai da, eta hiriko ia bazter guztietatik ikus daiteke. Barruan hainbat erlikia gorde ditu, eta, horregatik, katedrala ikustea nahitaezko geldialditzat dute Done Jakue Bidea egiten duten erromesek.

Gijon

Marinelen etxeak, plaza xarmagarriak, hirigune historiko zoragarria, parkeak eta hondartzak eta abar ditu hiri horrek. Gainera, Gijoneko kaleak bezalakorik ez duzu beste inon aurkituko. Lasaitasuna nagusi da hiriko txoko guztietan, eta hiriaren garapena eta natura ingurune pribilegiatua bateratzen ditu. Prest al zaude, kalerik kale ibiltzeko?

On-line gidak Asturias

Hiriari buruzkoak:

Estatuari buruzkoak:

Beste Vueling Hiriak