Capodichino nazioarteko aireportua Napolitik 8 kilometrora dago, ipar ekialdean. Hirira autoz baldin bazatoz, A2 autopista erabili behar duzu: Napoliko saihesbidera (tangenziale) ekarriko zaitu. Ibilbidea 30 minutukoa da, eta bidesaria ordaindu behar da. Autoa 4 egunez baino luzaroago uzteko, egonaldi luzeetarako aparkalekua (P1) gomendatzen dugu. Taxiz mugitu nahiago baduzu, egiazta ezazu taximetroa piztu dizula bidaia hastean. Ibilbidea 20 minutukoa da eta 20 euro kostatuko zaizu, gutxi gorabehera. Beste aukera interesgarri bat hiribusa da: 14. linea hartu behar duzu, eta 0,70 euro besterik ez zaizu kostatuko. Bada beste autobus linea bat ere, «CLP» izenekoa: 20 minutuan eramango zaitu, 18 euroren truke.

Jatetxeak Napoli

Pasta eta pizza dira Napoliko sukaldaritzako platerik tipikoenak. Jatetxe hauetan, hango sukaldariek eskaintzen dituzten aldaera guztiak ezagutu ahal izango dituzu.

Pizzeria Brandi

Historiak dio pizzeria horretan asmatu zutela pizza, 1889an, Margarita erreginaren omenez. Orain, zuk berriz bizi dezakezu une hura, pizzeria on, merke eta guztiz xarmagarri hartan. Zoaz eta probatu hango pizzak!

Salita S. Anna di Palazzo 1, Napoli.
Tel.: 081 41 69 28
www.brandit.it

Caffé Gambrinus

Kafe ona nahi dutenentzat, huraxe da munduko tokirik hoberenetariko bat. Han, ederki goza daiteke hiriko bizitza, bai eta urte onenetako historia ere: oraindik Europako hiriburuetako bat zen garai hura. Oroitzapen horrek bizirik dirau kafetegi hartan, ingurune dotore, eroso eta berezi berezian.

Via Chiaia 1, Piazza Trieste e Trento, Napoli.
Tel.: 081 417582
www.caffegambrinus.com

Umberto

Jatetxe historiko hori 1916an sortu zen, trattoria txiki gisa. Urteak joan dira, eta lokal txiki hura jatetxe pizzeria moderno bihurtu da. Zoratuko zaituzten platerak dastatu ahal izango dituzu han. Gau batzuetan, konpainia ezin hobean afal dezakezu, zuzeneko musikarekin.

Via Alabardieri, 30-31, Napoli
Tel.: 081 41 8555
www.umberto.it

Merkataritza-ordutegia Napoli

Napoliko denda gehienen ordutegia hau da: 08:30 12:30 eta 15:30 19:30, astelehenetik larunbatera. Janari dendak ez dituzte eguerdian ixten; baina bai, ordea, astelehen goizetan, batez ere neguan.

Puntu interesgarriak Napoli

Napoliko hiriak ugari ditu elizak, museoak, parkeak eta kulturaguneak. Hona hemen aipatzekoak iruditu zaizkigun zenbait toki.

Bisitatu beharrekoa duzu duomo di Napoli, Napoliko katedral nagusia. XIII. mendean hasi ziren hura eraikitzen, eta arkitekturako hainbat estilo nabari zaizkio. Artea gusatzen baduzu, ez utzi ikusi gabe.

Castello dell'Ovo (Arrautzaren gaztelua) Megaride uhartetxoan dago, eta Napoliko golkoaren paisaia sinestezinaren parte da. Kondairak dio ezkutuko arrautza batek eusten diola eraikinaren egiturari; hortik datorkio izen xelebrea.

Napoliko kaleetan, gaur egungo bizitza nolakoa den ikusiko duzu. Bisitatzeko modukoa duzu piazza Plebiscito, hiriko handi eta garrantzitsuenetariko bat. Elipsea eratzen du, errege jauregiaren eta San Carlo antzokiaren artean.

San Gaetano plazan barrena, lurpeko Napolira sartuko zara. Haren barrena erromatar garaiko katakonbaz eta galeriaz beterik dago; santuak jazartzen zituzten aldikoak dira. Santu haien artean zen San Genaro, hirian oso ospetsua.

Eta, jakina, txangoa egin dezakezu Vesubiora. Napoliko badian dago, eta azken 100 urtean Europan erupzioak izan dituen lehorreko sumendi bakarra da. Begien bistan, Napoli hiriko paisaian nabarmentzen da.

On-line gidak Napoli

http://es.wikipedia.org/wiki/Napoles
www.enit.it
www.destinia.com
www.viajeros.com

Itzuli

Beste Vueling Hiriak