Hegaldiak Marrakex
Zer inspiratzen dizu Marrakex hiriak? Exotismoa, tapiz magikoak, espeziak, lurrinak… Marokoar hiri honetako medinan, hori guztia eta askoz gehiago aurkituko duzu. Zatoz eta ikus itzazu, arrosa koloreko harresien barruan, kalexkak, lorategi zoragarriak eta azoka zaratatsuak. Jamaa el Fna plaza, hiriaren erdigunean, egunero izaten da bilgune garrantzitsu. Iluntzean, ederki betetzen da kolorez eta usainez, sugeen liluratzailez eta harrituko zaituzten bestelako erakargarriz. Vuelingek Marrakexera eramango zaitu, sugeak liluratzen eta bisitariak hipnotizatzen dituen hiria delako. Aireportua de Marrakex
Marrakex-Menara nazioarteko aireportua, Marokoko garrantzitsuenetakoa da. Hegaldiak ditu Europako hainbat hiritara. Aireportua hiritik 6 kilometrora dago. Hirira iristeko, autobusa edo taxia har dezakezu. Taxia hartzen baduzu, hobe duzu tarifa galdetzea, taxira igo baino lehen. Gutxi gorabehera 15 minutuko ibilbidea da. Autobusa hartuz gero, prezioa finkoa da, eta hiriguneraino 30 bat minutuan eramango zaitu. Argibide gehiago:
Jatetxeak MarrakexMarrakexen, zaporeak oso dira bereziak. Sukaldaritzako eskaintza askotarikoa da. Hala ere, plater famatu batzuk dira nagusi, hala nola kus-kusa eta tajina. Proba itzazu hiriko jatetxeren batean! Jamaa el FnaMarrakexko plaza famatu honetan, benetako marokoar sukaldaritza goza dezakezu. Hementxe badituzu hainbat eta hainbat janari saltoki, gauez nahiz egunez. Presta zaitez denetik dastatzeko! Le Marrakchi jatetxeaJatetxe tradizionala, Jamaa el Fna plazan. Oso ezaguna da. Turista ugarik bisitatzen dute, ikuspegi zoragarria baitu plazarantz, bai eta benetako marokoar sukaldaritzako menua ere. Jamaa el Fna plaza, 52 (rue des Banques kalearekiko izkinan)Tel.: +044 443 377 Chez Chegrouni jatetxeaJamaa el Fna plazako jatetxe honetan, sukaldaritza begetariano ederki landua eskaintzen dute. Turistak eta bertako jendeak etorri ohi dira; besteak beste, menu merkeak dituelako. Jamaa el Fna plaza, 4-6Tel.: +212 44 065 474615 Palais Jad Mahal jatetxeaMarrakexko gazteak, medinan dagoen jatetxe honetan biltzen dira. Marokoar eta indiar estiloko dekorazio erakargarri eta koloretsu-koloretsua du. Seguru gustatuko zaizula! Fontaine de la Mamounia, Bab JdidTel.: +044 435 591 Pavilion jatetxeaFrantziar sukaldaritzako jatetxea da. Plater goxo-goxoak, eta zuhaitz handi baten gerizpean dauden mahaiak, otordua estalpetik kanpora egiteko aukera izan dezazun. Barruan izan nahiago baduzu, hor ere baditu mahaiak. Derb Zaouia (Bab Doukkala)Tel.: +044 387 040 Merkataritza-ordutegia MarrakexMarrakex hirian dendak zabalik izaten dira astelehenetik larunbatera, 9:00etatik 20:00etara (edo 21:00etaraino). Denda bakoitzak du bere asteko atseden eguna. Batzuek bazkalorduan baizik ez dute atseden hartzen; beste batzuek, ostiral osoa jai hartzen dute… Azokak eta turistentzako dendak irekita izaten dira igande eta jaiegunetan. Puntu interesgarriak MarrakexAzokaMarrakexen erdi-ardian dago azoka. Kalexken benetako labirintoa da. Nonahi aurkituko dituzun marokoar dendatxoetan tratuan ari zaitezke, eta denetik erosi: arropa, janaria, artisau lanak eta produktu tipikoak. Bisitaldirako garai hoberena, goiza da. Jamaa el Fna plazaMarrakexko plaza nagusia da. Beti dago jendez eta era guztietako erakargarriz beteta: tximuak, sugeen liluratzaileak, eta abar. Toki ezin hobea, oroigarrien dendak bisitatzeko eta kafetegi baten terrazan zerbait hartzeko. Kutubia meskitaMeskita garrantzitsua. Minarete luzea eta arrosa koloreko harria nabarmentzen dira. Marokoko meskita guztietan bezala, sartzea debekatuta dute musulman ez direnek. Beraz, musulmana ez bazara, kanpotik ikustearekin konformatu beharko duzu. Baietz harritu Sevillako Giraldarekiko antzekotasunak! Menarako lorategiakTarteren bat baldin baduzu, ibil zaitez lorategi xarmagarri horietan barrena. Urmael handi baten inguruan, gozamena dira hango olibondoak. Giro harrigarria da, eta historia are gehiago. Izan ere, zurrumurruek diotenez, sultanak han elkartzen ziren euren maiteekin. Uzudeko ur jauziakPresta zaitez Afrika iparraldeko ur jauzi handienak ikustera joateko. Marrakextik 150 kilometrora daude. Merezi du ur jauzi haietara txangoa egitea, inguruko landaretza mirestera. Beroak estutzen bazaitu, ipini bainu jantzia, eta jauzi egizu ibaira! On-line gidak MarrakexGURE ON-LINE GIDA GUSTUKOENAHiriari buruzkoak: http://www.disfrutamarrakech.comhttp://www.guiamundialdeciudades.com Estatuari buruzkoak: http://www.geoplaneta.com
|
