Hegaldiak Malta
Mediterraneo itsasoaren erdigunean dago Malta, artxipelago hartako hiru uharteetatik handiena. Gozo eta Comino dira beste bi uharteak. Kokaleku estrategikoa izateak markatu du uhartearen historia. Konkistak, merkataritza eta hainbat kulturaren eraginak izan ditu ezaugarri. Malta uharte mistikoa da. Denetarik duzu han, Erdi Aroko ziegetatik hasi eta normandiar katedraletaraino. Nahiago baduzu, La Valletta hiriburuak dituen galtzada harrizko kalexketan barrena pasea dezakezu, edo itsasertzeko badia eta portuetan zehar noraezean ibili. Dituen kulturagatik, klimagatik eta paisaiengatik, Vuelingek Maltara eramango zaitu. Aireportua de Malta
Maltako nazioarteko aireportua, Maltako hiriburua den La Valleta hiritik 5 km hego‑ekialdera dago. Oso ondo seinaleztatuta dago haraino autoz iristeko. Aireportutik, nahikoa duzu Marsa aldera joateko errepide nagusia hartzea; halaxe, zuzenean helduko zara La Vallettara. Zeure autoa ez baldin baduzu, aireportuan bertan aloka dezakezu autoa (16 € - 28 €). Edo, bestela, taxia har dezakezu uharteko edozein tokitara joateko; uharteko edozein tokitara eramango zaitu, ezarrita dauden tarifen truke (distantziaren araberakoak dira). Ekipajea fakturatzeko zonatik irteten zarenean, hantxe aurkituko duzu 8. autobus linea; aldiro‑aldiro, La Valletarainoko bidea egiten du, oso moduzko prezioan. Argibide gehiago nahi izanez gero, deitu Malta Tourist Information zerbitzura. Telefonoa: (0)2369 6073/4. Gau eta eguneko zerbitzua da. Era berean, argibideak eskura dituzu bi webgune hauetan: www.visitmalta.com eta www.maltairport.com
Informazio gehiago eskuratzeko: JatetxeakMaltako sukaldaritzan, uharteari eragin dioten kultura guztiak nabarituko ditugu, hala nola Siziliakoa eta Britainia Handikoa. Hango espezialitateen artean, aipatzekoak dira pastizzi direlakoak (gaztazko enpanadillak), timpana (makarroiz, gaztaz eta arrautzaz eginiko hostopila) eta fenek (untxia). Ondorengo jatetxe hauetako batzuetan jan ahalko dituzu. RubinoJatetxe berritua, modu tradizionalean dekoratua. Hala ere, Maltako eta Mediterraneoko sukaldaritza modernoa eskaintzen du. Hemen, probatzekoak dira erregosiak, cassata, eta ricotta duten azkenburuko bereziak. Two and a Half LemonJatetxe honetan, sukaldaritzaren bidez Europako hegoaldean barrena bidaiatzea proposatzen dizute, hainbat tokitako zaporeak eta testurak nahasita. Hemengo diseinu zainduak oso gustura sentiaraziko zaitu. Eguneko arraina eskatzea gomendatzen dizugu! De MondionXara Palace hotelaren teilatupean aurkituko duzu luxuzko jatetxe hau. Ezinbesteko bisitaldia dute sukaldaritza onaren zaleek. Izan ere, hementxe aurkituko dituzte platerik berritzaileenak, denboraldiko produkturik hoberenekin eginak. Museum CaféEgun osoa paseatzen eta Maltak eskaintzen dituen bazter eder guztiak ikusten eman eta gero, indarrak berritu nahi badituzu, hementxe duzu tokirik egokiena. Ausart zaitez tokiko garagardoa edo ardoa dastatzera! Blue Elephant MaltaJatetxe hau hainbat aldiz saritu dute, Maltako erromantikoena izateagatik. Hilton hotelean dago ,eta royal thai cuisine hoberena eta garestiena eskaintzen du. Club 22Uhartea ezagutu eta gero, klub honetara etor zaitezke, kopa batzuk hartzera, musika ona entzutera eta giroa gozatzera. Ekar itzazu adiskide guztiak! Merkataritza-ordutegiaPuntu interesgarriakMaltako hiriburua da, eta famatu egin zen San Joanen Ordenako zaldunen hiria zelako. Egun, XVI. mendean eraikitako hiribildu harresitua bisita dezakegu. Oso ondo kontserbatuta dago, eta ordu gutxitan osorik bisitatzeko tamaina ezin hobea du. Hona hemen tokirik interesgarrienetako batzuk: hiriko atea, Auberge de Castille, Maisu Handiaren jauregia eta Upper Barraca direlakoak. MedinaHiri hori duela 3.000 urte sortu zuten, eta Maltako erdigune politikoa izan zen. Eraikin normandoak eta barrokoak ditu, eta galtzada harrizko kaleak, paseatzeko apropos‑aproposak. Palazzo Falzon jauregia da hobekien gorde den eraikin normandoa. Bisitatzeko modukoa da, orobat, siziliar-normandiar katedrala. XI. mendeko eliza katolikoa da, eta plaza nagusian dago. Dorada eta Gneina badiakMaltako itsasertza oso malkarra da, baina baditu hondartza politak ere. Adibidez, ipar-mendebaldeko itsasbazterrean Dorada eta Gneina badiak dituzu; eta, hego-ekialdean, Saint George badia. Hango urak bareak, epelak eta urpekaritzan aritzeko ezin hobeak dira. CottoneraVictoriosa, Senglea eta Cospicua dira Cottonera eratzen duten hiru hiri gotortuak. XVII. mendean eraikiak, Europako arkitektura militarraren adibiderik garbiena dira. Oso hurbil dugu Hypogeum, duela 4.400 urte lurpean egin zuten koba, tunel eta gela sarea. GozoMaltako uhartedian, Gozo da landa politena duen uhartea. Erritmo lasaiagoa du, eta turismo gutxiago. Ahal baduzu, ez galdu bisitatzeko aukera. Victoria da uharteko merkataritza jardueraren erdigunea ,eta oraindik ere nabari zaio XVII. mendeko jatorria. Era berean, merezi du Ulisesen urratsei jarraitzea, Calipso haitzuloan, edo Ggantija eta Xaghra tenpluak bisitatzea. CominoUhartediko uharterik txikiena da. Comino uhartean, nekazariak baizik ez dira bizi. Hala ere, batzuetan joaten dira bidaiari jakin-nahiak. Autorik ez dabilenez, ez dago aukera askorik: itsasertzeko arroketan eskalatu, edo badietan igeri eta urpean ibili. |
