Hegaldiak Malaga
MalagaAireportua Malaga Malagako aireportua hiritik 8 kilometrora dago. Malagaren erdigunera edo inguruetara joan nahi baduzu, hainbat aukera dituzu. 3. terminalean bi autobusen geraleku dituzu; bat aldageltokiaren aurrean, eta bestea karga-terminalaren aurrean. Trenak geltoki berritik ateratzen dira. Tren-geltokira garraio-aldageltokitik iristen da. Taxian, Malagaren erdirainoko tarteak 14 €, gutxi gorabehera, balioko du. Horiez gain, garraio publikoak ere zerbitzua ematen du, Marbella eta Fuengirolaraino.
Jatetxeak MalagaMalagan kanpoan jatea benetan atsegina da, ez eguraldi ona egiten duelako bakarrik, nahiz eta ziur aski jaten duzun bitartean eguraldi ona izan, baizik eta barietate handiko gastronomia duelako. Hona hemen hainbat iradokizunLos EspigonesLehenbizikoz arrain frijitua jaten den leku aproposa gomendatu behar dugu, noski! El Pedregalejo hondartzan, hiriko zentrotik 2 km-ra dagoen txosna hau, Malagakoek bertako janari tipikoaz gozatzeko duten lekurik gustukoena da.c/ Cenachero 18 El PimpiApur bat turistikoa izanagatik, Malagara etorritako bidaiari orok dastatu beharko luke hemengo janaria. Granada kalean bertan dago eta hainbat solairu du. Malagako ardo gozo tradizionala (etxean bertan egindakoa) dastatzeko aukera ematen digu. Bertako upeletan, ikuskizun, politika eta literatur munduan dabiltzan ospetsu askok utzi dute beren izenpekoa kopa bat dela eta bestea dela. Gordetzen den autograforik kuttunena, nola ez, Lola Floresena da.c/ Granada, 68 Café de ParisEtxe honetako irudimenez beteriko sukaldaritzak zapore andaluzak berreskuratu eta berritu egiten ditu. Dastatu gabe utzi behar ez duzun gozamen atseginetako bat honelako izen bitxia duen platera da: sardina marinatuak zirikilotearekin eta baratxuri izozkia. Etxe-giroko jatetxe hau zilar, kobre eta egur kolorekoa da.c/ Vélez Málaga 8 ClandestinoMalagako erdigunean bertan dagoen jatetxe hau, ezer baino lehenago, kosmopolita da. Belgikako, Holandako, Mexikoko, Venezuelako eta Espainiako sukaldarien eragina jaso du eta horregatik, kontrastez josia dago. Errezeta guztien artean, pasta beltz nordikoa eta otarrainxka, porru eta azanaorioz osaturiko tutuak aurki ditzakegu besteak beste. Bere ordutegiak, gainera, eguneko edozein ordutan jaki on batez gozatzeko aukera ematen dizu, sukaldea etengabe lanean ari baita eguerdiko 13:00tatik goizeko 1:00a arte.Niño de Guevara, 3 Merkataritza-ordutegia MalagaIa denda guztiak zabalik daude astelehenetik larunbata bitartean, 9:30tatik 13:30ak arte eta 17:00tatik 20:00ak arte. Hala ere, larunbat arratsaldean eta igandean denda gehienak itxita egoten dira. Oso turistikoak diren guneetan eta goi-denboraldian, hala ere, denda askok beranduagora arte eta egunero zabaltzen dute.Puntu interesgarriak MalagaMalaga erakargarria bada, ingurumariez zer esanik ez. Dudarik gabe, ondoren gomendatzen ditugun leku batzuetara hurbiltzeko, pare bat egunez auto bat alokatzea ideia ona izan daiteke.Picasso MuseoaMargolari andaluzaren oinordeko diren Christine eta Bernard Picassok lagunduta bultzaturiko museo hau, autoreak berak bizirik zenean adierazitako ametsaren goren-maila da. Margolari handiak zioen legez: “kubista izateko Malagan jaioa izan behar zara”. Bere jaioterriarekiko sentitzen zuen maitasunak azaltzen du Malagako jendeak ere artistarekiko sentitzen duen mirespena. Gertutasun hau saritzeko, oinordekoek arte-bildumaren zati bat pinakotekari ematea edo uztea erabaki dute. Bere aldi sortzaile guztiak barne hartzen dituen 204 artelanek osatzen dute margolariaren lana.Ordutegia: egunero 10:00etatik 20:00ak arte; ostiral eta larunbatetan 21:00ak arte. Astelehenetan itxita. Gibralfaroko muinoaBertatik hiriko bistak ikusi ahal izateaz gain, muino honek Malagako monumentu historiko enblematikoenetarikoak hartzen ditu barne. Azpimarratzekoak dira, adibidez, La Alcazabako gotorturiko harresiak. Gotorleku hau 700. urtekoa da. Portuko eta hiriko bista ikusgarriak begiztatu daitezke bertako terraza ezberdinetatik. Gotorlekuaren baitan jauregi txiki bat dago, gaur egun Museo Arkeologikoa dena. La Alcazaba sarreraren azpian justu, zaharberritzen ari diren II. mendeko anfiteatro erromatar bat dago. Bertatik Gibralfaroko muinoa koroatzen duen Gaztelura eramaten zaituen bidea ateratzen da. Eraikin ikaragarri hau XIV. mende hasierakoa da eta garai bateko esparru feniziar baten gainean eraiki zen. Honek itsasargi bat zuen eta hortik dator Gazteluaren izena (Gebel-faro, itsasargiaren arroka).Puerto BanusMalagako erdigunetik kilometro gutxira, Puerto Banus aberastasunarekin, fashion modarekin, glamourrarekin, festekin eta “beautiful people” arekin parekatu daiteke. Zalantzarik gabe, ikusteko eta ikusia izateko tokia da, jende ospetsua eta halakoa izan nahi duen jendea topatzen diren tokia. Diseinatzaile famatuen eta Giani Versace, Hermes, Ralph Lauren eta DKNY marka entzutetsuen “boutique”-ez josia dago. Jatetxeak ere tankerakoak dira. Han aurkituko ditugu Trader Vic's eta Saldaba jatetxe ezagunak, edo Marbella Club Hotel eta Oliviá Valère bezalako diskotekak. Baina benetan harritzen duena portuan ibiltzea da, han ikusten baitira luxuzko Rolls Royce eta Ferrariak egundoko yateen parean.RondaNahiz eta urruti xamar egon, Malagatik 100 km-ra, Ronda leku ederrenean dagoen Andaluziako hiria da. Goi-lautada harritsu baten inguruan dago eta Guadalevin errekaren labar handi batek bitan zatitzen du. Erromatarren denboran merkatua izan zen, taifen erreinuaren hiriburua eta Iberiar Penintsulako azkenetako gotorleku musulmana ere bai. Ez da harritzekoa, beraz, XIX. mendeko bidaiari erromantikoak maitemindu izana. Bidaiari hauek bere kokapenagatik eta zoritxarreko fama duen mendilerroagatik –bidelapurreria gune nagusietako bat izateagatik, alegia- hurbiltzen ziren bertara.SealifeBusti gabe freskagarria den zerbait egiteko, joan zaitez Benalmadenako (Malagatik 15 km ingurura) Sealife urpeko parke interaktibora. 500.000 litro urez inguratua, 30.000 itsas-izaki harrigarri ezagutuko dituzu han, batzuk bertakoak eta beste batzuk leku exotikoetakoak.Ordutegia: Egunero 10:00etatik aurrera. Ixteko ordutegia denboraldiaren araberakoa da. Udan 00:00ak arte. On-line gidak MalagaGURE ON-LINE GIDA GUSTUKOENAGaztelaniaz: http://www.malagaes.com http://www.malagavirtual.com Ingelesez: http://www.timeout.com/travel/malaga http://www.malagaweb.com http://uk.holidaysguide.yahoo.com/ Itzuli Beste Vueling Hiriak |
