Hegaldiak Ljubljana

Ljubljana Eslovenia Errepublikaren hiriburua da. Paisaia ikusgarria du, hiriburua Alpe mendien eta Mediterraneo itsasoaren tartean baitago. Ikuspegi zoragarri horrez gozatzeko aukeretako bat da Ljubljanako gaztelurainoko aldapa igotzea da. Merezi du ahaleginak!

Gainaldetik hiria zeharkatzen duten bi ibaiak ikusiko dituzu, baita ibaiertzak lotzen dituzten zubi zoragarriak ere. Batez ere, Ljubljana ibaiertzetik paseatzea gomendatzen dizugu: bertan kafetegi bitxiak eta leku moderno eta energiaz beterikoak aurkituko dituzu.

Barrutik zein kanpotik hiri harrigarria izanik, Vuelingek bertara eramango zaitu.

Hotelak Ljubljana

Aireportua Ljubljana

Jatetxeak Ljubljana

Esloveniako gastronomiak makina bat herri-produktu ditu: haragiak eta arrainak, eta hainbat gazta eta hestebete mota, besteak beste. Proba itzazu pastel goxoak, eta horien artean 'prekmurska gibanika' (nagusiki zenderenaz egina), edo 'ajvar" (barazki nahaski goxo bat). Eta garagardoa gustukoa baduzu, leku egokian zaude. Herrialdekoak bertakoak goxo-goxoak dira!

Pen KlubaLeku zoragarria Esloveniako hiriburuan otordu goxo bat egiteko

Menua etengabe berritzen badute ere, beti izaten dituzte plater oso onak. Dekorazioa hirurogeita hamarreko hamarkadakoa da, eta giroa oso atsegina.

Bradelko ardandegia

Hor bertako espezialitaterik ospetsuenetako batzuk dasta ditzakezu. Esate baterako, klobasa eska dezakezu, patata-pastaz (njoki) egindako saltxitxa. Ziur Esloveniako sukaldaritzak harrituko zaituela!

Sushimama

Ljubljanaren erdian janari japoniarra jateko gutizia baduzu, hortxe duzu aukera. Diseinuko sushi taberna honek tenpuradun noodle bereziki onak ematen ditu, ingurune moderno eta atseginean.

Pizzeria Trta

Italiako sukaldaritza oso ondo ordezkaturik dago landa-itxurako barnealdea duen pizzeria honetan. Bertara heltzeko, paseo atsegin bat eman dezakezu hiriburuko ibaiertzetako batetik. Gainera, kalitate-prezioa oso ona da.

ZvezdaZerbait gozo jateko gogoa duzunerako, gozo-denda moderno hau aholkatzen dizugu

Merezi duzun postrea edo askaria emateaz gain, oso gune turistikoan dago, eraikin historiko ugariren ondoan.

Merkataritza-ordutegia Ljubljana

Ljubljanako denden ordutegia Europako beste hainbat herrialderen antzekoa da. Zabalik daude astelehenetik ostiralera goizeko 9:00etatik arratsaldeko 19:00etara. Larunbatetan soilik goizez irekitzen dituzte, 13:00etara arte, gutxi gorabehera. Igandeak atseden eguna dira. Hori bai, gogoan hartu ordutegiak ez direla finkoak: ordubete lehenago ireki, edo ordubete geroago itxi dezakete.

Puntu interesgarriak Ljubljana

Ljubljanako gaztelua

Gazteluraino iristeko, aldapa gogor bat igo beharko duzu; ahaleginak, ordea, merezi du. Goialdetik bista ezin hobeak izango dituzu, bai hiriburuarenak, bai ingurune naturalarenak.

Ljubljana ibaia

Ibaiak Esloveniako hiriburua zeharkatzen du, eta hiriburuaren paisaia zoragarriak erakusten ditu. Emaririk handieneko garaietan nabigagarria da, eta itsasontzian ibil zaitezke: oso esperientzia polita, Ljubljanako txoko zoragarriak ikusteko aukera ematen duena. Ibaia zeharkatzen duten zubi ospetsuak pasako dituzu.

Hiru zubiak edo zubi hirukoitza

Plecnik arkitektoak diseinatu zuen leku zoragarri hori, eta benetako ukitu berritzailea eman zion Ljubljana hiriari. Hiru zubiak zubi nagusi oso dotore batek eta hori alde banatan gehitutako beste bi adarrek osatzen dute. Ibaia zeharkatzeko gehien erabiltzen den zubia da.

Alde zaharra

Bereziki gomendagarria da hiriaren eremu horretan barrena paseatzea. Ibilbidean, alde zaharreko hiru plaza ospetsuenak ikusteko aukera izango duzu: Mestni trg, Stari trg eta Gornji trg. Hirurak dira luzexkak, eta oinezkoentzako kaleek lotzen dituzte. Gainera, horietan dauden terraza xarmangarrietan atsedentxo bat hartzeko aukera izango duzu.

Prešeren plaza

Hirigunea da, eta berehala jabetuko zara zein den; gune ireki zabala da. Plazaren erdian, plazari izena eman zion olerkariaren estatua dago: Frances Preseren estatua, hain zuzen ere. Kafetegiek oso leku atsegin bihurtzen dute, eta kokapena oso garrantzitsua da hiriarentzat; ibaiaren bidegurutzearen ondoan.

On-line gidak Ljubljana

Hiriari buruzkoak:

Estatuari buruzkoak:

Beste Vueling Hiriak