Hegaldiak Jerez
Jerez de la Fronteran, flamenkoa eta askoz gehiago arnasten da. Cadizko hiri hura, orobat, oso ezaguna da ardogintzako tradizioagatik eta bertako gastronomiagatik. Feria del Caballo (Zaldiaren Feria, nazioarteko turismo interesekotzat izendatua) eta Aste Santua dira jai nagusiak, Cadiz probintziako hiri hartan. Jerez
Aireportua Jerez
La Parra aireportua Jereztik 8 kilometrora dago, ipar ekialderantz, Jerez de la Frontera udalerriaren barruan. Aireportutik Jerez hirira heltzeko biderik egokiena, N IV autobia egin berria duzu. Jereza jotzeko autobus lineak bi dira: M 050 eta M 051. Ibiltarteak gutxi gorabehera 30 minutu irauten du, eta txartelaren prezioa 0,90 euro da. Jerezko erdiguneraino taxiz joatea, berriz, 12 euro inguru kostatuko zaizu. Eta Cadiza joan nahi baduzu, taximetroak 45 euro markatuko ditu, gutxi gorabehera. Argibide gehiago, hemen: Jatetxeak JerezJerezen, ederki gozatuko dituzu bai jakiak eta bai inguruko ardo tipikoak. Hona hemen Cadizko sukaldaritzako errezetarik zaporetsuenak probatzeko aukera ematen dizuten zenbait jatetxe. Bar JuanitoBenetakoa dena gustatzen bazaizu, Bar Juanito da zure taberna. Hara heltzeko, nahikoa duzu hiriko alde zaharrean barrena paseatzea. Aurkitzen duzunean, presta zaitez hango tapa eta cazuelita ezagunak ahogozatzeko. Papas aliñás eta pescaíto frito dira gehien eskatzen diren errezetak. Ez utzi probatu gabe!Calle Pescadería Vieja, 8-10. 11403 Jerez de la Frontera Tel. (+34) 956 334 838 Mesón La CuevaEstablezimendu horren barruan dira Jerezko sukaldaritzako sekreturik hoberenak. Sekretu horiek ezagut ditzazun, platerik nabarmenenak argituko dizkizugu: chacinas de ibérico (txerri iberikoaren zezinak), gazpatxoa, berza jerezana (Jerezko aza) eta Guadalquivir ibaiko angulak. Gainera, barran dituzu tapa rik gogokoenak; eta, gutxi balitz ere, pauso batera izango duzu Melgarejo gaztelua, Espainiako turismo interesekotzat izendatua. Otordu on on ona egin eta gero ibilalditxoa egiteko ezin hobea.Carretera Arcos, Km. 10. 11406 Jerez de la Frontera Tel. (+34) 956 189 120 GaitánEstablezimendu hartako espezialitateak, Cadizko sukaldaritzarekiko erlazioa ez ezik, badituzte euskal sukaldaritzaren eraginak ere. Plateren artean, hortxe dituzu eztiarekin eta Jerezko brandyarekin konfitaturiko arkumea, edota Sanlucarko otarrainxkak, gatzatan; eta, gainera, Espainiako jatorri deiturarik onenak dakartzan ardo karta. Zer ardo dastatu nahi zenuke gaur?Calle Gaitán, 3-5. 11403 Jerez de la Frontera Tel. (+34) 956345859
Merkataritza-ordutegia JerezIa denda guztiak zabalik daude astelehenetik larunbatera, goizean 9:30etik 13:30era, eta arratsaldean 17:00etatik 20:00etara. Hala ere, gehientsuenak itxita izaten dira larunbat arratsaldeetan eta igandeetan. Puntu interesgarriak JerezAlkazarraArabiarren eraginak argi nabari dira alkazarrean, Jerezko eraikin zaharrenean. Gotorleku hori XII. mendean egin zuten islamdarrek. Ikusi beharreko tokien artean, aipatzekoak ditugu meskita, hiriko atea, arma plaza eta Villavicencio jauregia. Eta, oroz gain, goza itzazu aire zabalean hango lorategiak, Puerta de Campo eta arabiar bainuak.KatedralaXVII. mendean hasi ziren Jerezko katedral barrokoa altxatzen. Eraikuntza lanak hainbeste urtez luzatu ziren, hainbat estilo nahastu ziren. Izan ere, hainbat arkitektok hartu zuen parte, hala nola Diego Moreno Melendezek, Juan de Pinak edo Pedro Angel de Albizuk.La Atalaya ko museoakSegundoak inon baino bizkorrago igarotzen dira Denboraren Jauregia deitzen dioten Erlojuen Museo horretan. Han, hainbat estilo eta garaitako 300 erloju dituzu ikusgai, XII. mendetik hasi eta XIX.eraino. Giro bakarra eta magikoa, tamaina naturaleko hologramez, musika sakonaz eta hondoko erlojuen tiki takaz eratua. La Atalayan dago museoa, eta han ondoan den beste museoak, Misterio de Jerez museoak, Jerezko ardoaren kulturan barrena eramango zaitu.Jerez de la Fronterako CartujaHori da Cadizko probintzian arte baliorik handiena duten eraikinetako bat. XV. mendean hasi ziren eraikitzen. Deigarrienak hauek dira: arkupe grekoerromatarra, Santa Maria de la Defension kapera, estilo gotikoko klaustroa, eta Arrayanes patioa. Jereza zoazenean, zoaz eta begira iezaiezu eliza barruan, aldare nagusian diren Roelas margolariaren koadroei.Real Escuela Andaluza del Arte Ecuestre (Zaldizko Artearen Andaluziako Errege Eskola)Zaldia, aspaldiko urteetan, elementu enblematikoa da Jerezko kulturan. Izan ere, XV. mendean egin zuten Cartujako fraideek zaldien hautespen zorrotza. Halaxe sortu zituzten cartujano zaldi ospetsuenak.Egun, zaldizko ikuskizunak dituzu eskola horretan. Eta, aukeran, inoiz baino hobeto pasatuko duzu Zaldiaren Ferian zaldi zoragarri horiei begira; turismo erakargarri ezaguna da, oso, nazioartean. Tío Pepe upeltegiakHiriaren erdi erdian, bisitatu beharrekoak dituzu upeltegi enblematiko horiek. Ardogintzako tradizioaren bi mende ordezkatzen dituzte. Upeltegiotan hainbat aukera dituzu gozagai: hango aberastasun osoa dastatzeko bisitaldi gidatu tipikotik hasi, eta bisitaldi bereziagoetara (hala nola, zaldizko ikuskizuna edo Jerezko eltzagor tradizionala). Hori bai, betiere Tío Pepe ardoz beteriko kopa bat lagun.On-line gidak JerezGURE ON-LINE GIDA GUSTUKOENAhttp://www.turismojerez.com/ Beste Vueling Hiriak |
