Vuelos a Gran Canaria
Kanaria Handia uharteko hiriburua da Las Palmas de Gran Canaria. Kanariar artxipelagoko uharte horren ezaugarri dira iparraldeko itsaslabar harrigarriak eta hegoaldeko hainbat kilometrotako hondartzak. Klima, jakina, uhartea bisitatzeko funtsezko faktorea da, baina ez dute interes gutxiagorik dituen beste erakargarriek, hala nola bazter guztietan arnasten den historiak. Uhartea bisitatzean, kultura aberastasun handia aurkitzen dugu. Hainbat sorburu du aberastasun horrek: jatorrizko guantxeak, aldi koloniala eta hurbilean duen Afrika. Dituen klimagatik, faunagatik eta landarediagatik, Vuelingek Kanaria Handiko eramango zaitu. Aireportua de Gran Canaria
Kanaria Handiko aireportua Gando badian dago, Ingenio eta Telde udalerrietan. Uhartean zehar mugitzeko garraiobide pribatua ez baldin baduzu, ez kezkatu, hemen dakarzkizugu beste aukera batzuk. Taxia har dezakezu uharteko edozein tokitara joateko. Ibilaldia 10 edo 15 euro kostatuko zaizu, helmugaraino egin beharreko kilometro kopuruaren arabera. Beste aukera bat da autobusa hartzea, terminal nagusiaren sarreran. Nahikoa duzu euro bat ordaintzea, eta 30 minututik behin abiatzen dira ia egun osoan. Deitu 922 411 922 telefonora, argibide gehiago nahi baduzu.
JatetxeakKanarietako sukaldaritza guztiz da originala, eta Espainiako gainerako tokietakoa ez bezalakoa. Uharteko klimari esker, bertako produktu zaporetsuak ditugu; eta, ondoan Atlantikoa duenez, goi mailako arraina ere bai. Probatu nahi? AnthuriumHorra hor Kanarietako plater tipikoak eskaintzen dituen jatetxe bat. Hasteko, papa zimurtuak; ondoren, cherne plantxan. Ikusiko duzu nola harrituko zaituen zaporeak. Gainera, giroa oso lasaia eta atsegina da. El CucharónVegueta auzoan duzu establezimendu txundigarri hori. Tradizioa eta berrikuntza batzen dituzten plater atsegingarriak direla eta da ezaguna, baina historia du alderik nabarmenena... 180 urte baino gehiagoko farmazia zaharberritua da El Cucharón! Tenderete IIKanarietako etxeko janaria ahogozatu nahi? Honatx bila zabiltzan jatetxea. Inglés hondartzara joanda, ederki dastatuko dituzu etxeko erara erretako piperrak, kanariar erara prestaturiko antxumea, edota esne errea. Eta, jakina, busti itzazu jakiak uharteko ardoekin. On egin! Merkataritza-ordutegiaPuntu interesgarriakZientziaren eta Teknologiaren Elder MuseoaZientzia ikerketak erakartzen zaitu? Bada, ez ahaztu museo hori bisitatzea. Zientziaren gaietan sakontzeko aukera ematen dizu, eta, gainera, IMAX formatuko filmak proiektatzen ditu, ikuskizunak eskaintzen ditu planetarioan, eta zientzia praktiken lantegiak antolatzen ditu. Santa Catalina parkean aurkituko duzu (Kanaria Handiko Las Palmas). Colon etxeaBost mende baino gehiagoko etxe hori ospe handikoa da uharteko kulturaren arloan. 1451tik, Casa de Colón erakundeak Kanariar uharteen historia eta Amerikarekin izan dituen harremanak ikertu eta jakinarazteko lanetan dihardu. Etxearen barruan, patio handiak, zurezko kasetoidurak eta harrizko apaingarri politak ikus ditzakezu. Vegueta auzo historikoan dago. Cueva Pintada museoa eta arkeologia parkeaCueva Pintada duela mende bat baino gehiago aurkitu zuten. Eta, orain ere, Kanaria Handiko jatorrizko kulturaren arte erakusgarri nagusia da. Urte askoan hondeatzen aritu eta gero, berriz ere ireki dute jende guztiarentzat. Hartara, uhartearen iparraldeak bere turismo balioaren zati handi bat berreskuratu du. Ezinbesteko bisitaldia, antzinako kulturek erakartzen bazaituzte. Kanaria Handiko lorategi botanikoaKlima bikainari esker, Kanarietako landaretza sarria eta ugaria da. Goza ezazu naturarik ederrena, lorategi botaniko hori bisitatuz. Hantxe aurkituko dituzu uhartean beste inon bizi ez diren landareak, eta beste aro geologiko batzuetako erlikiak. Ez galdu aukera, Las Palmastik 7 kilometrora duzu, Tafira Alta herrian. Roque NubloKanaria Handian paisaia sinestezinak aurkituko dituzu; besteak beste, Roque Nublo. Uharteko tokirik gorenetako bat da, eta herri eder-ederrak ezkutatzen ditu bere pinudien artean. Alde hartan barrena ibiliz, sumendiak eratutako haitzarte harrigarriak ikusiko ditugu, paisaiaren baitan. Bikotea baldin baduzu, toki ezin hobea duzu egun erromantikoa egiteko. Eta, bestela, gozatu paisaia! Uhartearen hegoaldeaDibertsioa, dibertsioa eta dibertsioa. Hauta ezazu uharteak eskaintzen dizkizun aukera guztien artean, egunez eta gauez primeran pasatzeko, jai nahiz aste. Eskura dituzu pubak, diskotekak, tabernak eta itsas ondoko terrazak. Kontuz ibili eguzkia ezkutatutakoan, Kanaria Handian edozer baita posible gaua etortzen denean. Ondo-ondo pasa! |
