Hegaldiak Casablanca
Casablanca hiria da Marokoko handiena, eta handik Rabat hiribururaino 80 kilometro besterik ez dago. Ikuspegi harrigarri bezain zirraragarriak ditu itsaso aldera, Ozeano Atlantikoaren ertzean baitago. Gaur egun, Marokoko ekonomia hiriburutzat hartzen da. Marokoko hiri modernoena da, eta turismo intereseko jarduera ugari eskaintzen du. Hementxe bisita ditzakezu meskita handiak, merkatu jendetsuetan erosi, kale zirraragarrietan barrena ibili… Humprey Bogarten eta Ingrid Bergmanen filmean xarmatu gintuelako, Vuelingek Casablancara eramango zaitu. Aireportua Casablanca
Casablancako nazioarteko aireportuaren izen ofiziala Mohammed V da. Marokoko garrantzitsuena da, eta hiritik 30 kilometro hegoaldera dago. Loturak ditu Europako eta munduko beste aldeetako hiri askorekin. Hirigunearekin komunikatuta dago trenez, autobusez eta taxiz. Edo, nahiago baduzu, autoa aloka dezakezu aireportuan bertan. Trena: Orduro irteten da tren bat Casablancako erdigunerantz. Mohammédia, Rabat, Salé eta Kenitra hirietaraino ere badoa.
Informazio gehiago eskuratzeko: Jatetxeak CasablancaMarokon jatea esperientzia bikaina izan daiteke. Ezagut itzazu haragizko eta arrainezko plater tipikoak; askotan, nola ez, era guztietako espeziekin onduta. Ausartzen ez bazara, nazioarteko sukaldaritzako jatetxeak ere aurkituko dituzu. Goza ezazu! Le Port de PecheArrain plater goxo-goxoa jan nahi? Portuan dagoen jatetxe honetan, inguruko plater on-onak eta askotarikoak dastatu ahalko dituzu. Giro abegitsua, eta marinel dekorazio atsegina. Le Port de Pêche, centre de la ciutat La BavaroiseMarokon bertan Frantziako sukaldaritzaren onena ahogoza dezakezu. Eska ezazu arrain gratinatua, eta presta zaitez hoberena dastatzeko. Ahotik ezin utzizko haragiak ere badituzte. La Petite PerleGoizean gosari ederra nahi baduzu, hauxe duzu jatetxe egokian. Krepeak, pastak eta pizzak eskaintzen ditu, bai eta bestelako janariak ere. Seguru Casablancan egingo duzun egun zoragarri baten hastapena dela. Mystic GardenAsiako eta Frantziako kulturek bat egiten dute jatetxe moderno honetan. Eguerdian, giroko musika gozatu ahalko duzu; eta, gauean, bolumenak gora egiten du, diskoteka jostagarri bihurtzeko. Al-MouniaMarokoko sukaldaritza, jatetxe dotore batean. Hasteko, ederki osatutako entsalada eska dezakezu; eta, ondoren, beste plater begetariano batzuk. Kartan badituzu beste plater berezi batzuk ere, hala nola oilaskoa eta usoa. Merkataritza-ordutegia CasablancaDenden ohiko ordutegia hauxe da, astelehenetik larunbatera: 9:00 – 12:30 goizez, eta 15:00 – 19:00 arratsaldez. Casablancako dendagune handiak irekita izaten dira egun guztietan. Saltoki herrikoiak (merkatutxoak eta auzoko dendak) asteburuetan ere zabalik izaten dira, eguzkia ezkutatu arte. Ramadan hilean baizik ez da mugatzen ordutegi hori; hil horretan, jardunaldi trinkoa egiten dute, 9-15 ordukoa. Puntu interesgarriak CasablancaHassan II.aren meskitaOngi etorri munduko tenplurik garaienera; munduko bigarren handiena ere bada, Mekakoaren ondoren. Meskitara sartzea onartzen zaie musulmanak ez diren turistei ere, eta teknologia ikusgarria du: sabai automatikoa, zoruko berokuntza eta ate elektrikoak. Askoz datu bitxi gehiago ezagutuko dituzu, bisitatzen duzunean. Jesusen Bihotzeko katedrala1930an eraiki zuten eraikin handi hau, Casablancako katedrala izenez ere ezaguna. Antzina, Marokoko katedral katoliko bat izan zen. Marokok independentzia lortzea, ordea, erabilera hori galdu zuen, eta kulturagunea da gaur egun.Mohammed V.aren plazaCasablancako hirian barrena ibiltzen zarenean, egunez edo gauez, plaza bitxi hau bisitatzea gomendatzen dizugu. Marokoko eta Frantziako arkitekturen nahasketa polita ageri da, eta andalustar eta toskanar inspirazioko eraikinez inguratuta dago. La Corniche eta hango hondartzak (Aïn Diab)La Corniche aldeko hondartzak ere aukera ona dira, zure oporraldirako. Ezagut ezazu itsas pasealekua eta El Hank itsasargia, harrituko zaituzte. Gainera, ugari dira hotelak, jatetxeak eta martxarako tabernak. Derb Ghallef merkatutxoaMerkatuak toki ederra dira kalez kale ibili eta oroigarriak erosteko. Merkatu honetan, zehazki, arropa, oinetakoak, betaurrekoak, liburuak eta imitazioko era guztietako salgaiak aurkituko dituzu, merke-merke.On-line gidak CasablancaGURE ON-LINE GIDA GUSTUKOENAHiriari buruzkoak: http://www.africainfomarket.org/aim/AIM/published/DEFAULT/casablanca_info.htmlhttp://www.lonelyplanet.com/morocco/the-atlantic-coast/casablanca Estatuari buruzkoak: http://www.geoplaneta.com/Turismo_Destino_Marruecos_14.html http://www.visitarmarruecos.com/
Beste Vueling Hiriak |
