Irtealdia
Itzulera
Bilatu datak
Bidazti-kopurua
/
Hizkuntza    

Hegaldiak Atenasera


Atenas, Greziako hiriburu, 6.000 urtetik gorako historia ezaguna duen hiria dugu. Gaur egun, hiri kosmopolita da, eta oso aktiboa, hainbat kulturen nahasketaz eratua. Hiriburua bera Grezia bisitatzeko arrazoi handia da (oso toki interesgarriak ezagutu ahalko dituzu, hala nola Partenoia edo Akropolia). Baina, astia baldin baduzu, ez galdu aukera herrialde hura osatzen duten uharte harrigarriak bisitatzeko.

Historia handiko hiria delako, Vuelingek hara eramaten zaitu.

Atenas



Hotelak Atenas

Itzuli

Aireportua de Atenas

Atenasek Estatu barruko eta nazioarteko hegaldietarako duen aireportua, Eleftherios Venizelos, Spata herrian dago, Atenasko erdigunetik 27 kilometro ipar-ekialdera. 2001eko martxoan lanean hasi zenetik, Europako modernoena dela jotzen da. Urteko Europako Aireportua izendatu ere egin zuten, 2004an. Handik hirira taxiz joan zaitezke, gutxi gorabehera 25 eta 30 euro bitarte ordainduta. Garraiobide merkeagoa nahiago baduzu, zoaz autobusez (Express X94, X95 eta X96 lineak): 3,20 euro besterik ez dizute kobratuko. Beste aukera bat trenez joatea duzu; Atenasko metroari lotuta dago.

Atenasko aireportua
Autobusa Taxia Trena Aparkalekua
Prezioak 10 € 40 - 50 € 8€

1 egun: 20 €


Itzuli

Jatetxeak Atenas

Greziako sukaldaritzak Mediterraneoko zapore tipikoak eskaintzen ditu, Ekialde Hurbileko espezia pikanteekin nahasita. Jarraian, herrialde hartako gastronomia gozatzeko jatetxeen aukeratxo bat dakarkizugu.

Spondi

Atenasko jatetxerik onenetakoa. Nabarmenena: ganga formako harrizko upelategia eta dekorazio minimalista. Fusio sukaldaritza egiten du, belar lurrintsuak eta espeziak ezaugarri dituela.
Pyrronos 5, Pangrati, Atenas
Tel.: 210 752 06 58
http://www.spondi.gr

Pil Poul

Jatetxe hori, mediterranear sukaldaritza zaporetsuagatik da ezaguna. Baina, gainera, hango terrazak ikuspegi zoragarriak ditu, Akropoli aldera, Likabeto aldera eta behatoki aldera.
Apostolou Pavlov 51, Thissio, Atenas
Tel.: 210 342 36 65
http://www.pilpoul.gr

O Platanos

1932az geroztik, ezaguna da, oso, taberna hartako greziar janari atsegingarria. Jatetxe hartan dituzu askotariko erregosiak, hango azkenburuko ezagunena —baklava— eta upeleko retsina, hango etxeko ardo tipikoena.
Diogenous 4, Pláka, Atenas
Tel.: 210 322 06 66

ThanasisSouvlaki kalamaki (haragi pintxoa) probatu nahi baduzu, pitta ogiarekin eta patata frijituekin, huraxe duzu jatetxe klasikoetako bat. Lokal dibertigarri eta tradizionala, greziar janaria gozatzeko.
Mitropoleos 69, Monastiráki, Atenas
Tel.: 210 324 47 05

Itzuli

Merkataritza-ordutegia Atenas

Atenasko denden ordutegia hau izan ohi da: 9:00 – 14:30 astelehen eta asteazkenetan, eta 9:00 – 13:00 eta 17:30 – 20:30 astearte, ostegun eta ostiraletan. Larunbatetan, 9:00 – 15:00. Denda txikiak 22:00 inguruan ixten dituzte, eta denetik saltzen dute, direla janariak, dela egunkaria.
Itzuli

Puntu interesgarriak Aireportua

Atenasek ugari ditu toki interesgarriak. Arkeologiazaleek ondo baino hobeto pasatuko dute, baina hiriak badu beste hainbat erakargarri ere.

Bisitatu beharrekoa dute Akropolia, Atenasa lehendabizikoz doazenek. Sarrera bakarreko arkeologia esparrua da. Hantxe dituzu Partenoia, Erekteion, Dionisioren antzokia, eta abar.

Greziako Arkeologia Museoa eraikin neoklasikoa da, eta Grezia osoko arkeologia aurkikuntza handiak ditu. Barruan duen guztia ikustera sartzeko gomendatzen dizugu.

Beste museo interesgarri eta garrantzitsu batzuk: Bizantziar Museoa, Zikladeetako Artearen Museoa, Greziako Pinakoteka…

Akropoliaren magalean daude Plaka eta Monastiraki auzoak. Egunez, denda asko dituzu han; eta gauez, tabernak non nahi. Ez itzazu utzi bisitatu gabe.

Diseinatzailerik ezagunenek —hala nola Versacek edo Eleftheriades berriak— dendak jarri dituzte Kolonáki aldean. Oso toki komertziala da, eta hantxe dago Tsakalof kalea, munduko garestienetako bat.

Itzuli
Itzuli