Hegaldiak Alacant
Alacant, Valentziako Autonomia Erkidegoko bigarren hiri handiena, bere burua berriz asmatzen jakin izan duen hirietako bat dugu. Lehen, portu ahaztua zen; gaur egun, berriz, zinezko mediterranear hiri erakargarria da: gaueko bizitza dibertigarria, paella zoragarriak, eta benetan harrituko zaituzten kultura eta denda eskaintza zabala.
Zeure bidaia hobeto aprobetxa dezazun, gogoan hartu aholku hauek: AlacantHotelak AlacantAlecanteko hotel eskaintza zabala eta askotarikoa da. Hoberenak hautatu ditugu zuretzat.
Itzuli
Aireportua Alacant
El Altet izena du, eta Alacantetik 12 kilometrora dago. Hiriaren erdialdera heltzeko, taxia har dezakezu iritsiera terminalean; 14 eta 18 euro bitarte kostatuko zaizu hiriaren erdialderaino joatea. Autobusa duzu beste aukera bat: ordu oro irteten da, iritsiera terminalaren aurrealdeko geltokitik, eta txartelak 1,20 euro balio du. Argibide gehiago nahi baduzu: Jatetxeak AlacantEsaten dute valentziarrek paellarik onena Valentziakoa dela; baina Alacanteko paellaz galdetzen badiezu, ahoa ur bihurtzen zaie. Hemen duzu halako paellak non aurkitu, bai eta beste zenbait iradokizun ere. PiripiBisitatzeko tokirik hoberena, nahi badituzu tapa originalak, arroz bikainak eta itsasoko janaria. Osagai guztiak eskualdeko baratze txikietatik dakartzatenez, produkturik freskoenak dastatuko dituzu, dudarik gabe. Entzute handikoa da hor egiten duten Xixonako turroiaren moussea.Avenida Oscar Esplá, 30 03003 Alacant Tel.: (+34) 965 227 940 Nou ManolínFerran Adria gastronomiaren guruak Alacant bisitatzen duenean, ez du alde egiten «Nou Manolin jatetxeko barran jan gabe». Esaten duenez, «toki gutxi dira hain mediterranearrak eta modernoak». Nou Manolin ezinbestean bisitatu beharreko jatetxetzat katalogatuta dago, Levante aldeko gastronomian. Sarrera ikusgarria du, eta barra ederki osatuarekin egiten die harrera bezeroei. Barra horrek ez du parekorik, munduko onenetarikotzat jotzen da. Zer besterik esan genezake?c/ Villegas, 3, Tel.: (+34) 965 200 368 DársenaKirol portuan dago, eta arrozaren erresuma dugu erabat: kartan, ehun plater baino gehiago ditu, arrozarenak, haragienak, barazkienak, arrainenak... Plater izarrak bi dira: arroza abakandoarekin, eta abanda arroza ganbekin. Gozozalea baldin bazara, ez utzi probatu gabe esne frijitua turroi izozkiarekin.Puerto, Marina de Deportiva. Muelle de Levante, 6 Tel.: (+34) 965 207 589 El JumillanoBenetako klasikoa da. Espezialitate hauek ditu: zezen buztanaren erregosia eta Jumillako gazpatxoa. Banderillak ere espezialitate ditu: fuetarekin, arrautza gogorrarekin, pipermorroekin, atunarekin eta alkatxofarekin. Laguntzeko, hango upeltegiko ardoak har ditzakegu. Igande gauetan itxita izaten da.c/ César Elguezábal, 62 Tel.: (+34) 965 212 964 GAUEZ IRTETEN BAZARA... Zure asmoa patxada ederrean atseden hartzea baldin bada, prest izan gaueko tentaldian ez erortzeko. Alacanteko gaueko bizitza harrigarriro dibertigarria eta askotarikoa da. Hasteko, bi toki gomendatuko dizkizugu: Desdén Café Bar Bere izaeragatik harritzen zaituzten leku horietakoa da Celestial Copas. Musika ona eta kitsch erlijio estiloko dekorazio berezia dira haren arrakastaren arrazoi nagusiak. Calle San Pascual, 1. El Barrio Merkataritza-ordutegia AlacantIa denda guztiak zabalik daude astelehenetik larunbatera, goizean 9:30etik 13:30era, eta arratsaldean 17:00etatik 20:00etara. Hala ere, gehientsuenak itxita izaten dira larunbat arratsaldeetan eta igandeetan. Oso toki turistikoetan, goi denboraldian, denda asko irekita aurkituko duzu beranduago ere, eta asteko egun guztietan. Puntu interesgarriak AlacantMARQ (Probintziako Arkeologia Museoa)MARQ museoa 2004ko Europako Museo izateko proposatu zuten, eta irabazi egin zuen, «erakusketa sistema originala eta burutsua» duelako. Horrenbestez, Bilboko Guggenheim Museoarekin batera, nazioarteko sari hori duen Espainiako museo bakarra da. Iberiar artearen eta zeramikaren bilduma bikaina du, erabat ikusizko eran aurkeztua, eta teknologiak funtsezko rola du erakusketetan.Plaza Doctor Gómez Ulla, s/n. La Goteta Tel.: (+34) 965 149 006 www.marqalicante.com/ Explanada de EspañaLan nekeza litzateke Explanada de España pasealekua eratzen duten laukitxo txikietako bakoitza zenbatzen saiatzea. Joan den mendean egin zuten, eta Malecon (Kubako Habana hiriburuak bezalaxe) eta Martires de la Libertad izenak izan zituen. Gero, 1957an, zoladura berritu zioten, marmolezko sei milioi eta erdi laukitxo erabilita. Zoladura hori berriro berritu zuten XX. mendearen bukaeran. La Explanada toki ezin hobea da hiriari antzematen hasteko. Aldamenetan ditu palmondoak, kafetegiak, izozkitegia, jatetxeak eta bat bateko artistaren bat edo beste.Santa Barbara gazteluaItsasoa da alacantarren bizitzako oinarrizko erreferentzia; eta, harekin batera, garrantzi handiko gunea dugu Santa Barbara gaztelua ere. Hara iristeko, igogailua har dezakezu Postiguet hondartzan, edo autoz joan zaitezke. Goitik, hiriaren ikuspegirik onena izango duzu. Baina, arrokako 166 metro horiek igo baino lehenago, ez utzi ikusi gabe "cara del moro" (mairuaren aurpegia) izena duen aldea: benetan ere, giza aurpegia dirudi.Elx (Elche)Alacantetik kilometro gutxira, irudituko zaizu Saharako oasi batean zaudela, palmondo baso baten erdian. Baina Elx hirian zaude (Elche, gaztelaniaz; Elx, valentzieraz). Hango palmondo saila gizadiaren ondare izendatu zuen UNESCOk. Paisaia horrek, 200.000 palmondo baino gehiagorekin, ez du parekorik Europan. Elxeko Dama ere -iberiar artearen maisulana-, Erdi Aroko erlijiozko antzertiaren azken lekuko bizia dugun Misteri d'Elx delakoarekin batera (urtero egiten da, abuztuaren eta azaroaren artean), badira nahikoa arrazoi bisitatu gabe ez uzteko.Tabarca uharteaUharte txiki hori Alacant hiriburutik 17 kilometrora dago. Toki aparta da, hortaz, egun bateko ihesalditxoa egin eta hango ur gardenetan murgiltzeko. Ur subtropikalak direnez, beti eragiten dute bainatzeko gogoa. Urpean igeri egitea atsegin baduzu, ikuspegi aparta duzu, arrain sail ugariekin, itsas izarrekin eta alga aniztasun handiarekin, kolore gama sinesgaitza eratzen dutela. Antzina, pirata berbereen base izan zen, eta gaur egun ere hango Erdi Aroko gotorlekuan barrena pasea zaitezke oraindik.On-line gidak AlacantGURE ON-LINE GIDA GUSTUKOENAGaztelaniaz:
Beste Vueling Hiriak |
