Hegaldiak Coruña  
Diotenez, Espainiako probintzia hau Atlantikora begira dagoen balkoia da… eta arrazoi dute. Galiziako itsasbazter zoragarria ozeanoak bainatzen du, eta hiri ireki eta kosmopolita bihurtu du Coruña. Bizi itzazu hemengo kaleak, senti ezazu hemengo historia, eta, batez ere, goza ezazu hemengo itsas pasealekua, arrain eta itsaski postuak, hondartza eder eta amaiezinak… Azken batean, egizu nahi duzun guztia, nahien duzunean. Eta ez ahaztu Santiago de Compostela bisitatzea! Bizitasunez eta historiaz beteriko hiria delako, Vuelingek hara eramaten zaitu. CoruñaAireportua Coruña
Coruñako aireportua garrantzitsua da Galiziako erkidegoan, Espainiako eta Portugalgo hegaldiak egiten dituelako. Coruñako erdigunetik 7 kilometrora dago. Taxiek eta autobusek etengabe komunikatzen dute hirigunearekin. Autobusa: Ibiltartea 25 minutukoa da, eta hainbat geraleku ditu hirian. Informazio gehiago eskuratzeko:
Jatetxeak CoruñaItsaskiaren zaleek inon ez bezala gozatuko dute Coruñako jatetxeetan. Argi ibili, zeren eta, hasten zarenean… ezingo duzu gelditu! Eta, gainera, prezio onean. Noray jatetxeaEraikin modernista batean dago jatetxe dotore hau. Karta goxo-goxo-goxoa eskaintzen du: itsaski arroza, sei bakailao aukera, arrain freskoak, Galiziako okelak eta ahotik ezin utzizko azkenburukoak. Betiere, jakina, Espainiako edo Galiziako ardorik onenak lagun dituztela. Plaza de Maria Pita, 15981 224 605 Taberna GaiosoCoruñako erdi-erdian, pintxo goxo-goxoak har ditzakezu adiskideekin, bikotearekin edo familiakoekin. Espezialitateen artean, aipatzekoak dira kuiatxo beteak eta bakailao konfitatua. Eta, batez ere, gogoan izan horiek guztiak ardo on batekin lagunduta dastatzea. Plaza de España, 5981 213 355 El 10Itsaskia eta arraina, itsaskia eta arraina, itsaskia eta arraina… Inoiz ez zara nekatuko itsaski jatetxe landatar eta abegitsu honetan zerbitzatzen dituzten plater goxo-goxoez. Gainera, duen ardandegi zabalak Espainiako ia jatorri deitura guztietako ardoen aukera eskaintzen dizu. Plaza de España, 8-10981 207 153 Mesón O BoEtxeko sukaldaritzak ere badu tokia Coruñan. Batez ere, ez alde egin jatetxe honetako patata tortilla probatu gabe, ahotik ezin utzizkoa da! Hementxe dituzu, orobat, Galiziako enpanada, pulpo á feira eta inguruko beste plater tipiko ugari. Menéndez y Pelayo, 18981 927 237 La Dolce VitaGaliziako sukaldaritza goxo-goxoa baldin bada, imajina ezazu Italiako eta Mediterraneoko sukaldaritzarekin bat eginda, sormenezko era batean. Entsaladak, patata freskoak, haragi eta arrainak… Eta guztia, oso moduzko prezioan. Miresgarria da plateren berrikuntza eta itxura. Ronda de Outeiro, 258981 270 733 Merkataritza-ordutegia CoruñaOrdutegia asko aldatzen da denda batetik bestera. Ohikoena da denda txikiak gutxi gorabehera ordutegi hau izatea: 9:00 – 14:00 eta 16:00 – 20:00, astelehenetik larunbatera. Igandeetan itxita izaten dira. Dendagune handiak 10:00etatik 22:00etara izaten dira irekita, igandeetan izan ezik, igandean itxita baitaude. Puntu interesgarriak CoruñaHercules dorreaMunduko itsasargirik antzinakoena. Eta hoberena da… oraindik funtzionatzen duela! Toki estrategikoan dagoenez, bidea erakusten zien Britainiar Uharteetarantz zihoazen itsasontziei. Inolako ezbairik gabe, Coruñaren sinboloa da, eta hura ikustatzea oso gomendagarria da bisitari guztientzat. San Carlos lorategiaHiri zaharrean dago, harresi batek inguratuta, eta barruan ehun urtetik gorako zumar ugari dituela. Lorategi barruan dago, orobat, John Moore britainiarraren hilobia. Heroi erromantikoa, frantziarren aurka hiria babesten ari zela hil zen. Atera zaitez behatokira, ikuspegi bikainak gozatzera. Galerías de la MarinaAvenida de la Marina hiribidean, bertatik bertara ikus daiteke Ciudad de Cristal (kristalezko hiria). Halaxe deitzen diote galeria multzo kristaldun horri. Efektu harrigarria eskaintzen du, egunsentitik ilunabarreraino. Monte de San Pedro igogailu panoramikoaForma esferikoko igogailu kristaldun honek San Pedro mendiko 100 metroko desnibela gainditzen du, eta itsas pasealekua eta San Pedro parkea komunikatzen. Igogailutik, ikuspegi paregabea dago, Hercules dorrerantz eta Coruñako badiarantz. Santiago de Compostela75 kilometrora dago erromesaldien helburu ezinbesteko hori. Santiago de Compostelako katedrala da kristauen 0. kilometroetako bat. Hango erlijio arkitektura benetan da ederra, eta, nahiz eta Coruñako hirian bertan ez dagoen, merezi du bisita. On-line gidak CoruñaGURE ON-LINE GIDA GUSTUKOENAHiriari buruzkoak: http://www.turismocoruna.eshttp://www.coruna-virtual.com/ Estatuari buruzkoak: http://www.geoplaneta.com/Turismo_Destino_Espana_74.html
Beste Vueling Hiriak |
